Nani: ‘ಪುಷ್ಪ’ ಸಿನಿಮಾ ಕಾಪಿ ಮಾಡಿದ್ರಾ ನಾನಿ? ಟ್ರೇಲರ್ ರಿಲೀಸ್ ಆದ ಬಳಿಕ ಎದುರಾಯ್ತು ಅನುಮಾನ
Natural Star Nani | Dasara Movie: ‘ದಸರಾ’ ಸಿನಿಮಾದಲ್ಲಿ ನಾನಿ ನಿಭಾಯಿಸಿರುವ ಪಾತ್ರದ ಲುಕ್ ರಗಡ್ ಆಗಿದೆ. ಅದನ್ನು ನೋಡಿದ ಎಲ್ಲರಿಗೂ ಪುಷ್ಪ ಸಿನಿಮಾದ ಹೀರೋ ಪಾತ್ರವೇ ಕಣ್ಮುಂದೆ ಬಂದಂತೆ ಆಗಿದೆ.
Updated on:Mar 15, 2023 | 10:44 AM
‘ನ್ಯಾಚುರಲ್ ಸ್ಟಾರ್’ ನಾನಿ (Nani) ಅವರು ಮಾಸ್ ಲುಕ್ನಲ್ಲಿ ಅಭಿಮಾನಿಗಳ ಎದುರು ಬರಲು ಸಜ್ಜಾಗಿದ್ದಾರೆ. ಅವರ ನಟನೆಯ ‘ದಸರಾ’ ಸಿನಿಮಾದ ಬಿಡುಗಡೆಗೆ ಇನ್ನು ಕೆಲವೇ ದಿನಗಳು ಮಾತ್ರ ಬಾಕಿ ಇದೆ. ಮಾರ್ಚ್ 30ರಂದು ಈ ಚಿತ್ರ ಅದ್ದೂರಿಯಾಗಿ ತೆರೆ ಕಾಣಲಿದೆ. ಮಂಗಳವಾರ (ಮಾ.14) ‘ದಸರಾ’ ಸಿನಿಮಾದ ಟ್ರೇಲರ್ (Dasara Movie Trailer) ಬಿಡುಗಡೆ ಆಗಿದೆ. ಇದನ್ನು ನೋಡಿದ ಎಲ್ಲರಿಗೂ ‘ಪುಷ್ಪ’ ಸಿನಿಮಾ (Pushpa Movie) ನೆನಪಾಗಿದೆ. ಅದಕ್ಕೆ ಕಾರಣ ನಾನಿ ಅವರ ಲುಕ್. ಸಖತ್ ಮಾಸ್ ಆಗಿ ಅವರು ಈ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಹಾಗಾಗಿ ಪುಷ್ಪರಾಜ್ ಪಾತ್ರಕ್ಕೆ ಹೋಲಿಕೆ ಮಾಡಲಾಗುತ್ತಿದೆ. ಆ ಬಗ್ಗೆ ಬಾಲಿವುಡ್ ಮೀಡಿಯಾಗಳು ಪ್ರಶ್ನೆ ಎತ್ತಿವೆ. ಅದಕ್ಕೆ ನಾನಿ ಅವರು ಪ್ರತಿಕ್ರಿಯೆ ನೀಡಿದ್ದಾರೆ.
‘ದಸರಾ’ ಸಿನಿಮಾದಲ್ಲಿ ನಾನಿ ಅವರು ನಿಭಾಯಿಸಿರುವ ಪಾತ್ರದ ಲುಕ್ ರಗಡ್ ಆಗಿದೆ. ಕಪ್ಪು ಮೈಬಣ್ಣ, ಗಡ್ಡ, ಲುಂಗಿ, ಬನಿಯನ್ ನೋಡಿದ ಎಲ್ಲರಿಗೂ ಪುಷ್ಪ ಸಿನಿಮಾದ ಹೀರೋ ಪಾತ್ರವೇ ಕಣ್ಮುಂದೆ ಬಂದಂತೆ ಆಗಿದೆ. ಆದರೆ ಈ ‘ಪುಷ್ಪ’ ಚಿತ್ರಕ್ಕೂ ‘ದಸರಾ’ ಸಿನಿಮಾಗೂ ಯಾವುದೇ ಸಂಬಂಧ ಇಲ್ಲ ಎಂದು ನಾನಿ ಹೇಳಿದ್ದಾರೆ.
ಇದನ್ನೂ ಓದಿ: Dasara Movie: ‘ದಸರಾ’ ಟ್ರೇಲರ್ನಲ್ಲಿ ರಕ್ತಸಿಕ್ತ ಕಹಾನಿಯ ಝಲಕ್; ಮಾಸ್ ಆಗಿ ಅಬ್ಬರಿಸಿದ ನಾನಿ
‘ಹೇರ್ ಸ್ಟೈಲ್, ಲುಂಗಿ, ಬನಿಯನ್ ಹೊರತುಪಡಿಸಿ ಬೇರೆ ಯಾವುದೇ ಅಂಶಗಳೂ ಪುಷ್ಪ ಚಿತ್ರಕ್ಕೆ ಹೋಲಿಕೆ ಆಗುವುದಿಲ್ಲ. ದಸರಾ ರಿಲೀಸ್ ಆದ ಬಳಿಕ ಯಾರಾದರೂ ಇಂಥ ಹೇರ್ ಸ್ಟೈಲ್ ಮಾಡಿಕೊಂಡು ಲುಂಗಿ, ಬನಿಯನ್ ಧರಿಸಿ ಕಾಣಿಸಿಕೊಂಡರೆ ನೀವು ಅದನ್ನು ದಸರಾ ಗೆಟಪ್ ಎನ್ನುತ್ತೀರಿ’ ಎಂದು ನಾನಿ ಹೇಳಿದ್ದಾರೆ. ಈ ಸಿನಿಮಾ ಮೇಲೆ ಅವರಿಗೆ ಸಖತ್ ಭರವಸೆ ಇದೆ.
ಇದನ್ನೂ ಓದಿ: ರಾಜಮೌಳಿ ಮೆಚ್ಚಿದ ‘ದಸರಾ’ ಟೀಸರ್; ನಾನಿ ರಗಡ್ ಅವತಾರಕ್ಕೆ ಅಭಿಮಾನಿಗಳ ಚಪ್ಪಾಳೆ
‘ದಸರಾ’ ಸಿನಿಮಾದಲ್ಲಿ ದೊಡ್ಡ ತಾರಾಗಣ ಇದೆ. ಕನ್ನಡದ ‘ದಿಯಾ’ ಖ್ಯಾತಿಯ ದೀಕ್ಷಿತ್ ಶೆಟ್ಟಿ, ಸಮುದ್ರಕನಿ, ಸಾಯಿಕುಮಾರ್, ಜರೀನಾ ವಹಾಬ್ ಮುಂತಾದ ಕಲಾವಿದರು ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ಸಂತೋಷ್ ನಾರಾಯಣನ್ ಸಂಗೀತ ನಿರ್ದೇಶನ, ಸತ್ಯನ್ ಸೂರ್ಯನ್ ಛಾಯಾಗ್ರಹಣ, ನವೀನ್ ನೂಲಿ ಸಂಕಲನ, ಅನ್ಬರಿವ್ ಸಾಹಸ ನಿರ್ದೇಶನ ಮಾಡಿದ್ದಾರೆ. ವಿಜಯ್ ಚಗಂಟಿ ಕಾರ್ಯಕಾರಿ ನಿರ್ಮಾಪಕರಾಗಿ ಕಾರ್ಯ ನಿರ್ವಹಿಸಿದ್ದಾರೆ.
ಇದು ಪ್ಯಾನ್ ಇಂಡಿಯಾ ಸಿನಿಮಾ. ತೆಲುಗು, ತಮಿಳು, ಕನ್ನಡ ಮುಂತಾದ ಭಾಷೆಯಲ್ಲಿ ‘ದಸರಾ’ ರಿಲೀಸ್ ಆಗಲಿದೆ. ಎಲ್ಲ ಭಾಷೆಯಲ್ಲಿಯೂ ಟ್ರೇಲರ್ಗೆ ಭರ್ಜರಿ ರೆಸ್ಪಾನ್ಸ್ ಸಿಗುತ್ತಿದೆ. ತೆಲಂಗಾಣದಲ್ಲಿನ ಕಲ್ಲಿದ್ದಲು ಗಣಿಗೆ ಸಂಬಂಧಿಸಿದ ಕಥೆ ‘ದಸರಾ’ ಸಿನಿಮಾದಲ್ಲಿ ಇದೆ. ಕಲಿದ್ದಲು ಸಾಗಿಸುತ್ತಿರುವ ರೈಲಿನ ಮೇಲೆ ನಾನಿ ಹೊಡೆದಾಡುತ್ತಿರುವ ದೃಶ್ಯ ಈ ಟ್ರೇಲರ್ನಲ್ಲಿ ಹೈಲೈಟ್ ಆಗಿದೆ. ಆ್ಯಕ್ಷನ್ ದೃಶ್ಯಗಳ ಝಲಕ್ ನೋಡಿ ನಾನಿ ಫ್ಯಾನ್ಸ್ ಫಿದಾ ಆಗಿದ್ದಾರೆ. ಈ ಚಿತ್ರಕ್ಕೆ ಕೀರ್ತಿ ಸುರೇಶ್ ನಾಯಕಿ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
Published On - 10:44 am, Wed, 15 March 23
