ನೈತಿಕತೆ ಬಿಟ್ಟು ಮಹಿಳಾ ಸ್ಪರ್ಧಿಗೆ ಲಿಪ್​ ಕಿಸ್​ ಮಾಡಿದ ಗಾಯಕಿ; ಎತ್ತ ಸಾಗುತ್ತಿದೆ ಬಿಗ್​ ಬಾಸ್​?

ಖ್ಯಾತ ನಿರ್ಮಾಪಕ, ನಿರ್ದೇಶಕ ಕರಣ್​ ಜೋಹರ್​ ನಡೆಸಿಕೊಡುತ್ತಿರುವ ಬಿಗ್​ ಬಾಸ್​ ಓಟಿಟಿ (Bigg Boss OTT) ಶೋ ಸಾಕಷ್ಟು ಹೈಪ್​ ಪಡೆದುಕೊಳ್ಳುತ್ತಿದೆ. ಇದು ನೇರವಾಗಿ ಓಟಿಟಿಯಲ್ಲಿ ಪ್ರಸಾರ ಆಗುತ್ತಿರುವುದರಿಂದ ಸೆನ್ಸಾರ್​ನ ಹಂಗಿಲ್ಲದೇ ಸಾಗುತ್ತಿದೆ. ಸಾಕಷ್ಟು ಬೋಲ್ಡ್​ ಆದಂತಹ ವಿಚಾರಗಳಿಂದ ಈ ಕಾರ್ಯಕ್ರಮ ಸದ್ದು ಮಾಡುತ್ತಿದ್ದೆ. ಬಿಗ್​ ಬಾಸ್​ ಓಟಿಟಿ ಸಿಕ್ಕಾಪಟ್ಟೆ ಹಾಟ್​ ಆಗಿರಲಿದೆ ಎಂದು ಈ ಮೊದಲು ಬಿಡುಗಡೆಯಾದ ಪ್ರೋಮೋದಲ್ಲಿಯೇ ಸ್ಪಷ್ಟಪಡಿಸಲಾಗಿತ್ತು. ಅದು ಇತ್ತೀಚಿನ ಎಪಿಸೋಡ್​ನಲ್ಲಿ ಪ್ರೇಕ್ಷಕರ ಗಮನಕ್ಕೂ ಬಂದಿದೆ. ಒಂದೇ ಒಂದು ಸಣ್ಣ ಟಾಸ್ಕ್​ ಗೆಲ್ಲುವ ಸಲುವಾಗಿ ಸಿಂಗರ್​ ನೇಹಾ ಭಾಸೀನ್​ (, Neha Bhasin) ಅವರು ನಟಿ ರಿಧಿಮಾ ಪಂಡಿತ್​ (Ridhima Pandit) ತುಟಿಗೆ ಮುತ್ತಿಟ್ಟಿದ್ದಾರೆ!

ಬಿಗ್​ ಬಾಸ್​ ಓಟಿಟಿ ಸ್ಪರ್ಧಿಗಳನ್ನು ಎರಡು ಟೀಮ್​ಗಳನ್ನಾಗಿ ವಿಭಾಗಿಸಲಾಗಿದೆ. ಒಂದು ಟೀಮ್​ನವರು ಸ್ಟಾಚ್ಯೂ (statue) ರೀತಿ ನಿಂತುಕೊಳ್ಳಬೇಕು. ಅವರನ್ನು ಕದಡಿಸಲು ಇನ್ನೊಂದು ಟೀಮ್​ನವರು ಪ್ರಯತ್ನಿಸಬೇಕು. ಈ ವೇಳೆ ಸ್ಪರ್ಧಿಗಳು ಅನೇಕ ಕಸರತ್ತುಗಳನ್ನು ಮಾಡಿದ್ದಾರೆ. ನಟಿ ರಿಧಿಮಾ ಪಂಡಿತ್​ ಅವರ ಏಕಾಗ್ರತೆಯನ್ನು ಕೆಡಿಸಲು ನೇಹಾ ಭಾಸೀನ್​ ಪ್ರಯತ್ನ ಪಟ್ಟರು. ಅದಕ್ಕಾಗಿ ಅವರು ನೈತಿಕತೆಯನ್ನೂ ಬದಿಗಿಟ್ಟರು ಎಂಬ ವಿಚಾರ ಈಗ ಚರ್ಚೆ ಆಗುತ್ತಿದೆ.

ಎಷ್ಟೇ ಪ್ರಯತ್ನಿಸಿದರೂ ರಿಧಿಮಾ ಪಂಡಿತ್​ ಕದಲಾಡಲಿಲ್ಲ. ಆಗ ನೇಹಾ ಆಯ್ಕೆ ಮಾಡಿಕೊಂಡಿದ್ದರು ಕಿಸ್​ ಮಾಡುವ ತಂತ್ರವನ್ನು! Statue ಆಗಿ ನಿಂತಿದ್ದ ರಿಧಿಮಾ ತುಟಿಗೆ ತುಟಿ ಸೇರಿಸಿ ನೇಹಾ ಮುತ್ತಿಟ್ಟರು. ಒಬ್ಬರ ಸಮ್ಮತಿ ಇಲ್ಲದೆ ಈ ರೀತಿ ಕಿಸ್​ ಮಾಡಿದ್ದು ಎಷ್ಟು ಸರಿ ಎಂಬ ಪ್ರಶ್ನೆ ಬಿಗ್​ ಬಾಸ್​ ಓಟಿಟಿ ವೀಕ್ಷಕರ ವಲಯದಲ್ಲಿ ಕೇಳಿಬರುತ್ತಿದೆ. ನೇಹಾ ಹೀಗೆ ನೈತಿಕತೆಯ ಗಡಿ ಮೀರಿ ಕಿಸ್​ ಮಾಡಿದರೂ ಕೂಡ ರಿಧಿಮಾ ಅವರನ್ನು ಸೋಲಿಸಲು ಅವರಿಗೆ ಸಾಧ್ಯವಾಗಲಿಲ್ಲ ಎಂಬುದು ಬೇರೆ ಮಾತು.

ಕೇವಲ ಆರು ವಾರಗಳ ಕಾಲ ನಡೆಯಲಿರುವ ‘ಬಿಗ್​ ಬಾಸ್​ ಓಟಿಟಿ’ ಶೋ ವೂಟ್​ನಲ್ಲಿ ಮಾತ್ರ ಪ್ರಸಾರ ಆಗುತ್ತಿದೆ. ಈ ಕಾರ್ಯಕ್ರಮ ತುಂಬ ವಿವಾದಾತ್ಮಕವಾಗಿದ್ದು, ಹಲವು ಸೆಲೆಬ್ರಿಟಿಗಳು ಭಾಗವಹಿಸುತ್ತಿದ್ದಾರೆ. ಬಳಿಕ ಸಲ್ಮಾನ್​ ಖಾನ್​ ನಡೆಸಿಕೊಡುವ ‘ಬಿಗ್​ ಬಾಸ್ ಹಿಂದಿ ಸೀಸನ್​ 15’ ಆರಂಭ ಆಗಲಿದೆ. ಅಲ್ಲಿಯವರೆಗೂ ಕರಣ್​ ಜೋಹರ್​ ಅವರು ಈ ಕಾರ್ಯಕ್ರಮದ ನಿರೂಪಣೆ ಮಾಡುತ್ತಾರೆ.

ಇದನ್ನೂ ಓದಿ:

‘ಒಮ್ಮೆ ಅವನು ನನ್ನ ಜತೆ ಲಿಮಿಟ್​ ಕ್ರಾಸ್​ ಮಾಡಿದ್ದ’; ರಹಸ್ಯ ತೆರೆದಿಟ್ಟ ರಾಜ್​ ಕುಂದ್ರಾ ನಾದಿನಿ ಶಮಿತಾ ಶೆಟ್ಟಿ

ಕೈಯಲ್ಲಿ ಸಿನಿಮಾಗಳೇ ಇಲ್ಲದಿದ್ರೂ ರಾಜ್​ ಕುಂದ್ರಾ ನಾದಿನಿ ಶಮಿತಾ ಶೆಟ್ಟಿ 35 ಕೋಟಿ ಆಸ್ತಿಯ ಒಡತಿ; ಹೇಗೆ ಗೊತ್ತಾ?

(Bigg Boss OTT singer Neha Bhasin kisses actress Ridhima Pandit in a task)