ವೇಶ್ಯೆಯ ಸಾವಿನ ಸುತ್ತ ಸಾಗುವ ‘ಕೇರಳ ಕ್ರೈಮ್ ಫೈಲ್ಸ್’; ಸೂಪರ್ ಹಿಟ್ ಆದ ಈ ವೆಬ್ ಸೀರಿಸ್ನಲ್ಲಿ ಏನೆಲ್ಲ ಇದೆ?
ಲಾಡ್ಜ್ ಒಂದರಲ್ಲಿ ವೇಶ್ಯೆ ಒಬ್ಬಳ ಕೊಲೆ ಆಗುತ್ತದೆ. ಬಾತ್ರೂಂನಲ್ಲಿ ಆಕೆಯ ಹೆಣ ಸಿಗುತ್ತದೆ. ಅಲ್ಲಿಂದ ಕಥೆ ತೆರೆದುಕೊಳ್ಳುತ್ತದೆ. ಈ ಕೊಲೆಯ ಹಿಂದಿನ ಕಾರಣ ಏನು? ಎಂಬುದನ್ನು ವೆಬ್ ಸೀರಿಸ್ನಲ್ಲಿ ನೋಡಬೇಕು.
Updated on: Jun 28, 2023 | 6:30 AM
‘ದಿ ಕೇರಳ ಸ್ಟೋರಿ’ ಹೆಸರಿನ ಸಿನಿಮಾ ಇತ್ತೀಚೆಗೆ ತೆರೆಗೆ ಬಂದು ಸೂಪರ್ ಹಿಟ್ ಆಯಿತು. ಇದಾದ ಬೆನ್ನಲ್ಲೇ ‘ಕೇರಳ ಕ್ರೈಮ್ ಫೈಲ್ಸ್’ (Kerala Crime Files) ಹೆಸರಿನ ವೆಬ್ ಸೀರಿಸ್ ತೆರೆಗೆ ಬಂದಿದೆ. ಇದು ಮೂಲ ಮಲಯಾಳಂ ಭಾಷೆಯ ವೆಬ್ ಸೀರಿಸ್ ಆಗಿದ್ದು, ಕನ್ನಡ, ತೆಲುಗು ಮೊದಲಾದ ಭಾಷೆಗಳಲ್ಲೂ ಲಭ್ಯವಿದೆ. ಈ ಸೀರಿಸ್ ಜೂನ್ 23ರಂದು ರಿಲೀಸ್ ಆಗಿ ಸೂಪರ್ ಹಿಟ್ ಆಗಿದೆ. ಉಳಿದ ಭಾಷೆಗಳಿಗೆ ಹೋಲಿಕೆ ಮಾಡಿದರೆ ಮಲಯಾಳಂನಲ್ಲಿ (Malayalam Cinema Indystry) ವೆಬ್ ಸೀರಿಸ್ಗಳು ಕಡಿಮೆಯೇ. ಈ ಕಾರಣದಿಂದಲೂ ಅಪರೂಪದ ಪ್ರಯತ್ನ ಮಾಡಿ ಗಮನ ಸೆಳೆದಿದೆ ತಂಡ.
ಲಾಡ್ಜ್ ಒಂದರಲ್ಲಿ ವೇಶ್ಯೆ ಒಬ್ಬಳ ಕೊಲೆ ಆಗುತ್ತದೆ. ಬಾತ್ರೂಂನಲ್ಲಿ ಆಕೆಯ ಹೆಣ ಸಿಗುತ್ತದೆ. ಇದನ್ನು ನೋಡಿದ ಲಾಡ್ಜ್ ರಿಸೆಪ್ಶನಿಸ್ಟ್ ಪೊಲೀಸರಿಗೆ ಮಾಹಿತಿ ನೀಡುತ್ತಾನೆ. ಅಲ್ಲಿಂದ ಕಥೆ ತೆರೆದುಕೊಳ್ಳುತ್ತದೆ. ಈ ಕೊಲೆಯ ಹಿಂದಿನ ಕಾರಣ ಏನು? ಆತ ಹೇಗೆ ತಪ್ಪಿಸಿಕೊಳ್ಳುತ್ತಾನೆ? ಪೊಲೀಸರು ಹೇಗೆಲ್ಲ ಕಷ್ಟಪಡುತ್ತಾರೆ ಅನ್ನೋದು ಈ ಸೀರಿಸ್ನಲ್ಲಿದೆ. ಈ ಸಸ್ಪೆನ್ಸ್ ಥ್ರಿಲ್ಲರ್ ವೆಬ್ ಸೀರಿಸ್ ಎಲ್ಲರ ಗಮನ ಸೆಳೆಯುತ್ತಿದೆ.
‘ಕೇರಳ ಕ್ರೈಮ್ ಫೈಲ್ಸ್’ ಸೀರಿಸ್ನಲ್ಲಿ ಅಜು ವರ್ಗೀಸ್ ಅವರು ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರು ಮಾಡಿರುವ ಪೊಲೀಸ್ ಪಾತ್ರ ಎಲ್ಲರ ಗಮನ ಸೆಳೆದಿದೆ. ಇದರ ಜೊತೆ ಲಾಲ್, ಶ್ರೀಜಿತ್ ಮಹದೇವನ್ ಸೇರಿ ಎಲ್ಲಾ ಕಲಾವಿದರು ಗಮನ ಸೆಳೆದಿದ್ದಾರೆ. ಈ ಸೀರಿಸ್ ಎಲ್ಲರಿಗೂ ಇಷ್ಟ ಆಗುತ್ತಿದೆ.
ಸಾಮಾನ್ಯವಾಗಿ ವೆಬ್ ಸೀರಿಸ್ ಎಂದಾಗ ಹತ್ತಾರು ಎಪಿಸೋಡ್ ಇರುತ್ತವೆ. ಪ್ರತಿ ಎಪಿಸೋಡ್ ಅವಧಿ ಮುಕ್ಕಾಲು ಗಂಟೆ ಅಥವಾ ಒಂದು ಗಂಟೆಯನ್ನೂ ಮೀರಿರುತ್ತದೆ. ಆದರೆ, ‘ಕೇರಳ ಫೈಲ್ಸ್’ ವಿಚಾರದಲ್ಲಿ ಹಾಗಿಲ್ಲ. ಇಲ್ಲಿ ಇರೋದು ಕೇವಲ ಆರು ಎಪಿಸೋಡ್ಗಳು. ಪ್ರತೀ ಎಪಿಸೋಡ್ನ ಅವಧಿ 30 ನಿಮಿಷ ಮೀರಿಲ್ಲ. ಸಸ್ಪೆನ್ಸ್ ಜೊತೆ ಭಾವನಾತ್ಮಕ ವಿಚಾರಗಳನ್ನು ಕೂಡ ಸೇರಿಸಲಾಗಿದೆ.
ಇದನ್ನೂ ಓದಿ: ‘ಪತ್ನಿಗೆ ಅನೈತಿಕ ಸಂಬಂಧ ಇದೆ, ಡ್ರಗ್ಸ್ ತೆಗೆದುಕೊಳ್ಳುತ್ತಾಳೆ’; ಕನ್ನಡ ನಟ, ನಿರ್ಮಾಪಕನ ದೂರು
ಡಿಸ್ನಿ ಪ್ಲಸ್ ಹಾಟ್ ಸ್ಟಾರ್ ಮೂಲಕ ಈ ವೆಬ್ ಸರಣಿ ಪ್ರಸಾರ ಕಂಡಿದೆ. ಹೇಷಮ್ ಅಬ್ದುಲ್ ವಹಾಬ್ ಅವರು ಈ ಸೀರಿಸ್ಗೆ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಹಿನ್ನೆಲೆ ಸಂಗೀತದ ಮೂಲಕ ಅವರು ಹೆಚ್ಚು ಅಂಕ ಗಿಟ್ಟಿಸಿಕೊಳ್ಳುತ್ತಾರೆ. ಅಹ್ಮದ್ ಕಬೀರ್ ಅವರು ಇದನ್ನು ನಿರ್ದೇಶನ ಮಾಡಿದ್ದಾರೆ. ಯಾವುದೇ ಹೆಚ್ಚಿನ ಡ್ರಾಮಾಗೆ ಜಾಗ ನೀಡದೇ ಸೀರಿಸ್ ರಚಿಸಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
