ಮಹಿಳೆಯರ ಮಧ್ಯೆಯೇ ರೊಮ್ಯಾನ್ಸ್; ‘ಹೀರಾಮಂಡಿ’ ದೃಶ್ಯದ ಬಗ್ಗೆ ಸೋನಾಕ್ಷಿ ಮಾತು

ಸಂಜಯ್ ಲೀಲಾ ಬನ್ಸಾಲಿ (Sanjay Leela Bansali) ನಿರ್ದೇಶನದ ‘ಹೀರಾಮಂಡಿ: ದಿ ಡೈಮಂಡ್ ಬಜಾರ್’ ವಿಮರ್ಶಕರಿಂದ ಮಿಶ್ರ ಪ್ರತಿಕ್ರಿಯೆ ಪಡೆದಿದೆ. ಈ ಮಧ್ಯೆ ಈ ಸರಣಿಯಲ್ಲಿ ನಟಿಸಿದ ಕಲಾವಿದರ ಬಗ್ಗೆ ಮೆಚ್ಚುಗೆ ವ್ಯಕ್ತವಾಗಿದೆ. ಸೋನಾಕ್ಷಿ ಸಿನ್ಹಾ ನಟನೆಯಲ್ಲಿ ಹೆಚ್ಚು ಅಂಕ ಪಡೆದಿದ್ದಾರೆ. ಸ್ವತಂತ್ರ ಪೂರ್ವ ಕಥೆಯನ್ನು ಈ ಸಿನಿಮಾ ಹೊಂದಿದೆ. ಈ ಸಿನಿಮಾದಲ್ಲಿ ಇಬ್ಬರು ಮಹಿಳೆಯರು ರೊಮ್ಯಾನ್ಸ್ ಮಾಡೋ ದೃಶ್ಯ ಇದೆ. ಅದನ್ನು ಹೇಗೆ ನಿರ್ವಹಿಸಿದಿರಿ ಎನ್ನುವ ಪ್ರಶ್ನೆಗೆ ಸೋನಾಕ್ಷಿ ಉತ್ತರಿಸಿದ್ದಾರೆ.

ನ್ಯೂಸ್18 ಇಂಗ್ಲಿಷ್​ಗೆ ನೀಡಿದ ಸಂದರ್ಶನದಲ್ಲಿ ಸೋನಾಕ್ಷಿ ಸಿನ್ಹಾ ಮಾತನಾಡಿದ್ದಾರೆ. ‘ಆರಂಭದಲ್ಲಿ ಬನ್ಸಾಲಿ ಅವರು ನನಗೆ ಪಾತ್ರದ ಬಗ್ಗೆ ವಿವರಿಸಿದ್ದರು. ಹೀರಾಮಂಡಿಯಲ್ಲಿ ಆ ವಿಚಾರದಲ್ಲಿ ಓಪನ್ ಆಗಿರುತ್ತಿದ್ದರು. ನಮ್ಮ ಸೀರಿಸ್​ನಲ್ಲಿ ಉಸ್ತಾದ್​ಜಿ ಅವರು ಗೇ ಎಂದು ಓಪನ್ ಆಗಿ ಹೇಳಿಕೊಳ್ಳುತ್ತಿದ್ದರು’ ಎಂದು ಸಿನಿಮಾ ಬಗ್ಗೆ ಮಾತನಾಡಿದ್ದಾರೆ ಸೋನಾಕ್ಷಿ ಸಿನ್ಹಾ.

ಫರೀದಾನ್ ಹಾಗೂ ಅವರ ಮನೆಯ ಕೆಲಸದಾಕೆ ಮಧ್ಯೆ ರೊಮ್ಯಾನ್ಸ್ ನಡೆಯುತ್ತದೆ. ಈ ದೃಶ್ಯದ ಬಗ್ಗೆ ಸೋನಾಕ್ಷಿ ಮಾತನಾಡಿದ್ದಾರೆ. ‘ನಾನು ಮಾಡಿದ ಫರೀದಾನ್ ಪಾತ್ರ​ ಭಿನ್ನವಾಗಿದೆ. ಆಕೆ 9 ವರ್ಷ ಇದ್ದಾಗಲೇ ಮಾರಾಟಕ್ಕೆ ಒಳಗಾಗುತ್ತಾಳೆ. ಈ ಕಾರಣಕ್ಕೆ ಆಕೆಗೆ ಪುರುಷರು ಅಂದರೆ ದ್ವೇಷ ಇರಬಹುದು. ಇಲ್ಲಿ ಎಲ್ಲವನ್ನೂ ಓಪನ್ ಆಗಿ ತೋರಿಸಲಾಗಿದೆ. ಬನ್ಸಾಲಿ ಅವರು ಹಲವು ರೀತಿಯ ವಿಚಾರಗಳನ್ನು ತೋರಿಸುವ ಪ್ರಯತ್ನ ಮಾಡಿದ್ದಾರೆ’ ಎಂದಿದ್ದಾರೆ ಸೋನಾಕ್ಷಿ. ಈ ಸಿನಿಮಾದಲ್ಲಿ ಪ್ರತಿ ಪಾತ್ರಧಾರಿಗಳಿಗೂ ವಿಶೇಷ ರೀತಿಯ ಉಡುಗೆ ನೀಡಲಾಗಿತ್ತು. ಇದು ಸೋನಾಕ್ಷಿಗೆ ಇಷ್ಟ ಆಗಿದೆ. ಅವರ ಪಾತ್ರಕ್ಕೆ ಮೆಚ್ಚುಗೆ ಸಿಕ್ಕಿದ್ದು, ಅವರ ಖುಷಿ ಹೆಚ್ಚಿಸಿದೆ.

ಇದನ್ನೂ ಓದಿ: ‘ಹೀರಾಮಂಡಿ’ ಸೀರಿಸ್​ಗೆ ನಿರ್ದೇಶಕ ಬನ್ಸಾಲಿ ಹಾಗೂ ಸ್ಟಾರ್ ಕಲಾವಿದರು ಪಡೆದ ಸಂಭಾವನೆ ಎಷ್ಟು?

ಸ್ವಾತಂತ್ರ್ಯಪೂರ್ವ ಕಾಲದ ಕಹಾನಿಯನ್ನು ಈ ಸೀರಿಸ್​ನಲ್ಲಿ ಹೇಳಲಾಗಿದೆ. ಲಾಹೋರ್​​ನ ರೆಡ್​ಲೈಟ್ ಏರಿಯಾ ಹೀರಾಮಂಡಿಯ ಕಥೆಯನ್ನು ಈ ಸಿನಿಮಾ ಹೊಂದಿದೆ. ಬ್ರಿಟಿಷರ ಆಳ್ವಿಕೆ ವೇಳೆ ಇವರ ಪರಿಸ್ಥಿತಿ ಯಾವ ರೀತಿಯಲ್ಲಿ ಇತ್ತು ಎಂಬುದನ್ನು ಈ ಸೀರಿಸ್​ನಲ್ಲಿ ತೋರಿಸಲಾಗಿದೆ. ಮನಿಶಾ ಕೊಯಿರಾಲಾ, ಸೋನಾಕ್ಷಿ ಸಿನ್ಹಾ, ಅದಿತಿ ರಾವ್​ ಹೈದರಿ, ರಿಚಾ ಚಡ್ಡಾ, ಶರ್ಮಿನ್​ ಸೇಗಲ್​, ಸಂಜೀದಾ ಶೇಖ್​ ಮುಂತಾದವರು ‘ಹೀರಾಮಂಡಿ’ ವೆಬ್​ ಸಿರೀಸ್​ನಲ್ಲಿ ನಟಿಸಿದ್ದಾರೆ. ಇವರೆಲ್ಲರಿಗೂ ದೊಡ್ಡ ಮಟ್ಟದ ಸಂಭಾವನೆ ಸಿಕ್ಕಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.