ಜಪಾನ್ನಲ್ಲಿ ಭೂಕಂಪಕ್ಕೆ ಬೆಚ್ಚಿದ ರಾಜಮೌಳಿ, ಕಾರ್ತಿಕೇಯ: ನಂತರ ಏನಾಯ್ತು?
‘ನಮಗೆ ಜಪಾನ್ನಲ್ಲಿ ಈಗತಾನೆ ಭಯಂಕರ ಭೂಕಂಪದ ಅನುಭವ ಆಯಿತು. ನಾವು 28ನೇ ಫ್ಲೋರ್ನಲ್ಲಿ ಇದ್ದೆವು. ನಿಧಾನವಾಗಿ ನೆಲ ಅಲುಗಾಡಲು ಆರಂಭಿಸಿತು’ ಎಂಬ ಆ ಅನುಭವವನ್ನು ರಾಜಮೌಳಿ ಪುತ್ರ ಎಸ್.ಎಸ್. ಕಾರ್ತಿಕೇಯ ವಿವರಿಸಿದ್ದಾರೆ. ಸದ್ಯ ಅವರು ಸೇಫ್ ಆಗಿದ್ದಾರೆ ಎಂಬುದು ತಿಳಿದು ಅಭಿಮಾನಿಗಳು ನಿಟ್ಟುಸಿರು ಬಿಟ್ಟಿದ್ದಾರೆ.
Updated on: Mar 21, 2024 | 3:51 PM
2022ರ ಮಾರ್ಚ್ ತಿಂಗಳಲ್ಲಿ ಬಿಡುಗಡೆಯಾದ ‘ಆರ್ಆರ್ಆರ್’ (RRR) ಸಿನಿಮಾ ಜಾಗತಿಕ ಮಟ್ಟದಲ್ಲಿ ಅಬ್ಬರಿಸಿತು. ರಿಲೀಸ್ ಆಗಿ ಎರಡು ವರ್ಷ ಕಳೆದರೂ ಈ ಸಿನಿಮಾದ ಹವಾ ಕಡಿಮೆ ಆಗಿಲ್ಲ. ಜಪಾನ್ನಲ್ಲಿ ಈಗಲೂ ಈ ಚಿತ್ರ ಪ್ರದರ್ಶನ ಕಾಣುತ್ತಿದೆ. ಅಲ್ಲಿನ ಪ್ರೇಕ್ಷಕರಿಗೆ ‘ಆರ್ಆರ್ಆರ್’ ಸಿನಿಮಾ ತುಂಬ ಇಷ್ಟ ಆಗಿದೆ. ಇತ್ತೀಚೆಗೆ ನಿರ್ದೇಶಕ ರಾಜಮೌಳಿ (Rajamouli), ಅವರ ಪುತ್ರ ಕಾರ್ತಿಕೇಯ ಮುಂತಾದವರು ಜಪಾನ್ಗೆ ಭೇಟಿ ನೀಡಿದ್ದಾರೆ. ಅಲ್ಲಿ ಅವರಿಗೆ ಭೂಕಂಪದ ಅನುಭವ ಆಗಿದೆ. ಆ ಬಗ್ಗೆ ಅವರು ಸೋಶಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ. ಅಚ್ಚರಿ ಏನೆಂದರೆ ಭೂಕಂಪ (Earthquake) ಆದಾಗ ಅವರು 28ನೇ ಮಹಡಿಯಲ್ಲಿ ಇದ್ದರು!
‘ಜಪಾನ್ನಲ್ಲಿ ಈಗಷ್ಟೇ ಭಯಂಕರ ಭೂಕಂಪದ ಅನುಭವ ಆಯಿತು. ನಾವು 28ನೇ ಫ್ಲೋರ್ನಲ್ಲಿ ಇದ್ದೆವು. ನಿಧಾನವಾಗಿ ನೆಲ ಅಲುಗಾಡಲು ಆರಂಭಿಸಿತು. ಅದು ಭೂಕಂಪ ಅಂತ ತಿಳಿಯಲು ನಮಗೆ ಕೆಲವು ನಿಮಿಷ ಬೇಕಾಯಿತು. ನಾನು ಭಯಗೊಳ್ಳುವವನಿದ್ದೆ. ಆದರೆ ಸುತ್ತಮುತ್ತ ಇದ್ದ ಜಪಾನ್ ಮಂದಿ ಕಿಂಚಿತ್ತೂ ಅಲ್ಲಾಡಲಿಲ್ಲ. ಇನ್ನೇನು ಮಳೆ ಬರುತ್ತಿದೆ ಎಂಬಷ್ಟು ಸಹಜವಾಗಿ ಅವರಿದ್ದರು’ ಎಂದು ರಾಜಮೌಳಿ ಅವರ ಪುತ್ರ ಎಸ್ಎಸ್ ಕಾರ್ತಿಕೇಯ ಅವರು ಎಕ್ಸ್ (ಟ್ವಿಟರ್) ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ.
Felt a freaking earthquake in Japan just now!!! Was on the 28th floor and slowly the ground started to move and took us a while to realise it was an earthquake. I was just about to panic but all the Japanese around did not budge as if it just started to rain!! 😅😅😅😅😅… pic.twitter.com/7rXhrWSx3D
— S S Karthikeya (@ssk1122) March 21, 2024
ಕಾರ್ತಿಕೇಯ ಅವರ ಸ್ಮಾರ್ಟ್ ವಾಚ್ನಲ್ಲಿ ಭೂಕಂಪದ ಮುನ್ಸೂಚನೆ ಬಗ್ಗೆ ಮೆಸೇಜ್ ಕಾಣಿಸಿಕೊಂಡಿದೆ. ಅದರ ಫೋಟೋವನ್ನು ಅವರು ಹಂಚಿಕೊಂಡಿದ್ದಾರೆ. ‘ಭೂಕಂಪದ ಮುನ್ಸೂಚನೆಯ ಎಚ್ಚರಿಕೆ: ಶೀಘ್ರದಲ್ಲೇ ದೊಡ್ಡ ಕಂಪನ ಆಗುವ ಸಾಧ್ಯತೆ ಇದೆ. ಶಾಂತವಾಗಿರಿ ಮತ್ತು ಹತ್ತಿರದಲ್ಲಿ ಆಶ್ರಯ ಪಡೆಯಿರಿ’ ಎಂದು ಜಪಾನ್ನ ಹವಾಮಾನ ಇಲಾಖೆಯವರು ಕಾರ್ತಿಕೇಯ ಅವರಿಗೆ ಸಂದೇಶ ಕಳಿಸಿದ್ದು ಈ ಫೋಟೋದಲ್ಲಿದೆ.
ಇದನ್ನೂ ಓದಿ: RRR ಶೂಟಿಂಗ್ ಲೊಕೇಷನ್ ನೋಡಲು ಜಪಾನ್ನಿಂದ ಬಂದ ಫ್ಯಾನ್ಸ್
ರಾಜಮೌಳಿ ಮತ್ತು ಅವರ ತಂಡಕ್ಕೆ ಜಪಾನ್ನಲ್ಲಿ ಸಾಕಷ್ಟು ಪ್ರೀತಿ ಸಿಕ್ಕಿದೆ. ರಾಜಮೌಳಿಗೆ ಇನ್ನಷ್ಟು ಯಶಸ್ಸು ಮತ್ತು ಆರೋಗ್ಯ ಸಿಗಲಿ ಎಂದು ಹಾರೈಸಿ 83 ವರ್ಷ ವಯಸ್ಸಿನ ಮಹಿಳೆಯೊಬ್ಬರು ವಿಶೇಷ ಉಡುಗೊರೆ ನೀಡಿದ್ದಾರೆ. ಆ ಸಂದರ್ಭದ ಫೋಟೋವನ್ನು ರಾಜಮೌಳಿ ಅವರು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
In Japan, they make origami cranes &gift them to their loved ones for good luck& health. This 83yr old woman made 1000 of them to bless us because RRR made her happy. She just sent the gift and was waiting outside in the cold.🥹
Some gestures can never be repaid. Just grateful🙏🏽 pic.twitter.com/UTGks2djDw
— rajamouli ss (@ssrajamouli) March 18, 2024
ಜಪಾನ್ನಲ್ಲಿ ‘ಆರ್ಆರ್ಆರ್’ ಸಿನಿಮಾ ಹೌಸ್ಫುಲ್ ಪ್ರದರ್ಶನ ಕಾಣುತ್ತಿರುವ ಬಗ್ಗೆ ಇತ್ತೀಚೆಗೆ ಚಿತ್ರತಂಡದವರು ಮಾಹಿತಿ ನೀಡಿದ್ದರು. ಜಪಾನ್ನಿಂದ ಕೆಲವು ಅಭಿಮಾನಿಗಳು ಭಾರತಕ್ಕೆ ಬಂದು ‘ಆರ್ಆರ್ಆರ್’ ಶೂಟಿಂಗ್ ಸ್ಥಳಕ್ಕೆ ಭೇಟಿ ನೀಡಿದ್ದು ಕೂಡ ಇತ್ತೀಚೆಗೆ ಸುದ್ದಿ ಆಗಿತ್ತು.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
