ಮೈಸೂರು to ಕೇರಳ: ದೋಸ್ತಿಗಳೊಟ್ಟಿಗೆ ಬೈಕ್ ರೈಡ್ ಹೊರಟ ‘ಜಗ್ಗು ದಾದ’ನ ನೋಡಲು ಮುಗಿಬಿದ್ದ ಫ್ಯಾನ್ಸ್!
ನಿನ್ನೆ ಬೆಂಗಳೂರಿನಿಂದ ತಮ್ಮ ಸ್ನೇಹಿತರೊಂದಿಗೆ ಬೈಕ್ ಟ್ರಿಪ್ ಹೊರಟ ನಟ ದರ್ಶನ್ ಜಿಲ್ಲೆಯಲ್ಲಿರುವ ತಮ್ಮ ಫಾರ್ಮ್ಹೌಸ್ ಬಂದು ತಲುಪಿದ್ದರು. ಇಂದು ಮತ್ತೆ ತಮ್ಮ ಪ್ರಯಾಣ ಮುಂದುವರಿಸಿದ ಜಗ್ಗು ದಾದಾ ಇಂದು ಬೈಕ್ನಲ್ಲಿ ಕೇರಳದತ್ತ ಟ್ರಿಪ್ ಹೊರಟರು.
Updated on: Dec 19, 2020 | 12:38 PM
ಮೈಸೂರು: ನಿನ್ನೆ ಬೆಂಗಳೂರಿನಿಂದ ತಮ್ಮ ಸ್ನೇಹಿತರೊಂದಿಗೆ ಬೈಕ್ ಟ್ರಿಪ್ ಹೊರಟ ನಟ ದರ್ಶನ್ ಜಿಲ್ಲೆಯಲ್ಲಿರುವ ತಮ್ಮ ಫಾರ್ಮ್ಹೌಸ್ ಬಂದು ತಲುಪಿದ್ದರು. ಇಂದು ಮತ್ತೆ ತಮ್ಮ ಪ್ರಯಾಣ ಮುಂದುವರಿಸಿದ ಜಗ್ಗು ದಾದಾ ಬೈಕ್ನಲ್ಲಿ ಕೇರಳದತ್ತ ಟ್ರಿಪ್ ಹೊರಟರು.
ಜಿಲ್ಲೆಯ ಟಿ.ನರಸೀಪುರ ರಸ್ತೆಯಲ್ಲಿರೋ ತೂಗುದೀಪ ಫಾರ್ಮ್ನಿಂದ ಬೈಕ್ನಲ್ಲಿ ಹೊರಟ ದಚ್ಚುಗೆ ನಟ ಪ್ರಜ್ವಲ್ ದೇವರಾಜ್, ಚಿಕ್ಕಣ್ಣ ಮತ್ತು ಹಲವಾರು ಕಲಾವಿದರು ಮತ್ತು ಗೆಳೆಯರು ಸಾಥ್ಕೊಟ್ಟರು. ಈ ವೇಳೆ, ತಮ್ಮ ನೆಚ್ಚಿನ ನಟನ ಕಾಣಲು ದರ್ಶನ್ ಅಭಿಮಾನಿಗಳು ಅವರ ಫಾರ್ಮ್ಹೌಸ್ ಬಳಿ ಕಿಕ್ಕಿರಿದು ನಿಂತರು. ಕೊನೆಗೂ ತಮ್ಮ ಫ್ಯಾನ್ಸ್ನ ಸಂತೈಸಲು ದರ್ಶನ್ ಗೇಟ್ ಬಳಿ ಬಂದು ಎಲ್ಲರಿಗೆ ಕೈಬೀಸಿದರು.
ದರ್ಶನ್ ತಮ್ಮ ಗೆಳೆಯರ ಜೊತೆ 20ಕ್ಕೂ ಹೆಚ್ಚು ಬೈಕ್ಗಳಲ್ಲಿ ಕೇರಳ ಪ್ರವಾಸ ಹೊರಟಿದ್ದಾರೆ. ಸದ್ಯ, ಫಿಲಂ ಶೂಟಿಂಗ್ನಿಂದ ಬ್ರೇಕ್ ಪಡೆದ ಎಲ್ಲರೂ ರಿಲ್ಯಾಕ್ಸ್ ಮೂಡ್ನಲ್ಲಿದ್ದಾರೆ.
ಬೈಕ್ ಹತ್ತಿ ಕೇರಳದತ್ತ ಹೊರಟ ‘ಸಾರಥಿ’: ‘ಯಜಮಾನ’ನಿಗೆ ಚಿಕ್ಕಣ್ಣ, ಪ್ರಜ್ವಲ್ ಸಾಥ್
