ಮತ್ತೊಮ್ಮೆ ಮದುವೆಯಾದ ನಟ ಪ್ರಕಾಶ್​ ರಾಜ್​ !-ಎಲ್ಲವೂ ಮಗನಿಗಾಗಿಯಂತೆ

ಬಹುಭಾಷಾ ನಟ ಪ್ರಕಾಶ್​ ರಾಜ್ (Prakash Raj)​ ಇದೀಗ ಮತ್ತೊಮ್ಮೆ ಮದುವೆಯಾಗಿದ್ದಾರೆ..ಅದೂ ಮಗನಿಗಾಗಿಯಂತೆ !-ಅರೆ ಪ್ರಕಾಶ್​ ರಾಜ್​ ಮತ್ತೆ ಮದುವೆಯಾದ್ರಾ ಅಂತ ಮುಂದುವರಿದು ಆಲೋಚನೆ ಮಾಡಬೇಡಿ. ಅವರು ಇದೀಗ ತಮ್ಮ ಪತ್ನಿಯೊಂದಿಗೇ ಮತ್ತೆ ಮದುವೆಯಾಗಿದ್ದಾರೆ. ಮಗ ವೇದಾಂತ್​ ಆಸೆಯಂತೆ ಇವರಿಬ್ಬರ ವಿವಾಹ ನಡೆದಿದೆ. ಪ್ರಕಾಶ್​ ರಾಜ್​ ಮತ್ತು ಪೋನಿ ವರ್ಮಾ (Pony Verma) ದಂಪತಿ ನಿನ್ನೆ (ಆಗಸ್ಟ್ 24) ತಮ್ಮ 11ನೇ ವಿವಾಹ ಮಹೋತ್ಸವ ಆಚರಿಸಿಕೊಂಡಿದ್ದಾರೆ. ಇವರ ಪುತ್ರ ವೇದಾಂತ್​ಗೆ ತನ್ನ ತಂದೆ-ತಾಯಿ ಮದುವೆಯನ್ನು ನೋಡುವ ಬಯಕೆ ಉಂಟಾಗಿತ್ತಂತೆ. ಅದನ್ನು ಅಪ್ಪ-ಅಮ್ಮನ ಬಳಿ ಹೇಳಿಕೊಂಡಿದ್ದ. ಅದನ್ನು ಪ್ರಕಾಶ್​ ರಾಜ್​ ದಂಪತಿ ತಮ್ಮ ವೆಡ್ಡಿಂಗ್ ಆ್ಯನಿವರ್ಸರಿ ದಿನ ಈಡೇರಿಸಿದ್ದಾರೆ.

ನಟ ಪ್ರಕಾಶ್​ ರಾಜ್​ ಟ್ವೀಟ್ ಮಾಡಿಕೊಂಡು ಫೋಟೋವನ್ನು ಶೇರ್​ ಮಾಡಿಕೊಂಡಿದ್ದಾರೆ. ನಾವಿಂದು ಇನ್ನೊಮ್ಮೆ ಮದುವೆ ಮಾಡಿಕೊಂಡಿದ್ದೇವೆ. ಯಾಕೆಂದರೆ ನಮ್ಮ ಮದುವೆ ನೋಡಲು ಮಗ ವೇದಾಂತ್​ ತುಂಬ ಆಸೆ ವ್ಯಕ್ತಪಡಿಸಿದ್ದ. ಕುಟುಂಬದೊಂದಿಗೆ ತುಂಬ ಉತ್ತಮ ಸಮಯ ಕಳೆದೆ ಎಂದು ಕ್ಯಾಪ್ಷನ್​ ಬರೆದಿದ್ದಾರೆ. ನಿನ್ನೆ ನಡೆದ ಪ್ರಕಾಶ್​ ರಾಜ್​ ಮತ್ತು ಪೋನಿ ವರ್ಮಾ ಮದುವೆ ಸಂಭ್ರಮದಲ್ಲಿ ಪ್ರಕಾಶ್​ ರಾಜ್​ ಪುತ್ರಿಯರಾದ ಮೇಘನಾ ಮತ್ತು ಪೂಜಾ ಕೂಡ ಇದ್ದರು. ಇವರು ಪ್ರಕಾಶ್​ ರಾಜ್​ ಮೊದಲನೇ ಪತ್ನಿಯ ಮಕ್ಕಳು. ಒಟ್ಟಾರೆ ನಿನ್ನೆ ಪ್ರಕಾಶ್​ ರಾಜ್​ ತನ್ನ ಮೂವರ ಮಕ್ಕಳ ಎದುರು, ಪೋನಿ ವರ್ಮಾರನ್ನು ಮತ್ತೊಮ್ಮೆ ವಿವಾಹವಾಗಿದ್ದಾರೆ.

ನಟ ಪ್ರಕಾಶ್​ ರಾಜ್​ ಸದ್ಯ ಮಣಿರತ್ನಂ ಅವರ ಪೊನ್ನಿಯಿನ್​ ಸೆಲ್ವನ್​ ಚಿತ್ರದ ಶೂಟಿಂಗ್​​ನಲ್ಲಿ ತೊಡಗಿಕೊಂಡಿದ್ದಾರೆ. ಇತ್ತೀಚೆಗೆ ಇನ್ಯಾವುದೋ ಚಿತ್ರದ ಶೂಟಿಂಗ್​​ ವೇಳೆ ಗಂಭೀರವಾಗಿ ಗಾಯಗೊಂಡು, ಸರ್ಜರಿಗೂ ಒಳಗಾಗಿದ್ದಾರೆ. ಇದೆಲ್ಲದರ ಮಧ್ಯೆ ನಿನ್ನೆ ಕುಟುಂಬದೊಟ್ಟಿಗೆ ಉತ್ತಮ ಸಮಯ ಕಳೆದಿದ್ದಾರೆ. ಪ್ರಕಾಶ್​ ತಮ್ಮ ಮೊದಲ ಪತ್ನಿ ಲಲಿತಾ ಕುಮಾರಿಗೆ 2009ರಲ್ಲಿ ವಿಚ್ಛೇದನ ನೀಡಿದ್ದಾರೆ. ನಂತರ 2010ರಲ್ಲಿ ಪೋನಿ ವರ್ಮಾರನ್ನು ವಿವಾಹವಾಗಿದ್ದಾರೆ.

ಇದನ್ನೂ ಓದಿ: ಸುಖಾ ಸುಮ್ಮನೆ ಟೋಯಿಂಗ್ ಸಿಬ್ಬಂದಿ ಮೇಲೆ ಹಲ್ಲೆ ಮಾಡಿದ್ರೆ ಹುಷಾರ್! ಸಂಚಾರಿ ಪೊಲೀಸರಿಂದ ಖಡಕ್ ರೂಲ್ಸ್ ಜಾರಿ

ನಮಗೆ 2 ಬಾರಿ ಮೇಯರ್​ ಸ್ಥಾನ ತಪ್ಪಿಹೋಗಿದೆ, ಜೆಡಿಎಸ್ ಜೊತೆ ಮಾತನಾಡಿದ್ದೇವೆ – ಸಚಿವ ಎಸ್.ಟಿ. ಸೋಮಶೇಖರ್