Bhajarangi 2 Release: ರಾಜ್ಯಾದ್ಯಂತ ಯಶಸ್ವಿ ಪ್ರದರ್ಶನ ಕಾಣುತ್ತಿರುವ ಭಜರಂಗಿ 2; ಬಿಡುಗಡೆಯ ಸಂಪೂರ್ಣ ವಿವರ ಇಲ್ಲಿದೆ

ಕೊಪ್ಪಳ: ಶಿವಣ್ಣ ಕಟೌಟ್​ಗೆ ಅಭಿಮಾನಿಗಳಿಂದ ಕ್ಷೀರಾಭಿಷೇಕ

ಕೊಪ್ಪಳದ ಲಕ್ಷ್ಮಿ ಚಿತ್ರಮಂದಿರದಲ್ಲಿಯೂ ಶಿವಣ್ಣ ಅಭಿಮಾನಿಗಳಿಂದ ಚಿತ್ರಕ್ಕೆ ಭರ್ಜರಿ ಬೆಂಬಲ ವ್ಯಕ್ತವಾಗಿದ್ದು, ಅಭಿಮಾನಿಗಳಿಂದ ಕಟೌಟ್​ಗೆ ಹಾಲಿನ ಅಭಿಷೇಕ ನಡೆಸಲಾಗಿದೆ. ಟಿಕೇಟ್ ಪಡೆಯಲು ನೂಕು ನುಗ್ಗಲು ಉಂಟಾಗಿದ್ದು, ಅಭಿಮಾನಿಗಳು 11 ಗಂಟೆಯ ಶೋ ವೀಕ್ಷಿಸುತ್ತಿದ್ದಾರೆ.

ಹಾವೇರಿ: ಚಿತ್ರಮಂದಿರವನ್ನು ಬಲೂನ್​ನಿಂದ ಅಲಂಕರಿಸಿದ ಫ್ಯಾನ್ಸ್

ಹಾವೇರಿ ನಗರದ ಮಾಗಾವಿ ಚಿತ್ರಮಂದಿರದಲ್ಲಿ ಭಜರಂಗಿ 2 ಉತ್ತಮ ಆರಂಭ ಕಂಡಿದೆ. ಇವತ್ತು ಚಿತ್ರ ಬಿಡುಗಡೆ ಹಿನ್ನೆಲೆಯಲ್ಲಿ ಬಲೂನ್​ಗಳನ್ನ ಕಟ್ಟಿ ಚಿತ್ರಮಂದಿರಕ್ಕೆ ಅಲಂಕಾರ ಮಾಡಲಾಗಿತ್ತು. ಬೃಹತ್ ಆಕಾರದ ಶಿವರಾಜಕುಮಾರ್ ಕಟೌಟ್ ನಿಲ್ಲಿಸಿ, ಅಭಿಮಾನಿಗಳು ಮಾಲಾರ್ಪಣೆ ಮಾಡಿದ್ದಾರೆ. ಸರದಿಸಾಲಿನಲ್ಲಿ ನಿಂತು ಟಿಕೆಟ್ ಪಡೆದು ಅಭಿಮಾನಿಗಳು ಚಿತ್ರ ವೀಕ್ಷಣೆಗೆ ತೆರಳಿದ್ದಾರೆ.

ಯಾದಗಿರಿ: ಒಂದೂವರೆ ವರ್ಷದ ನಂತರ ತೆರೆ ಮೇಲೆ ಶಿವಣ್ಣ; ಮುಗಿಬಿದ್ದು ಟಿಕೇಟ್ ಕೊಂಡ ಫ್ಯಾನ್ಸ್

ಯಾದಗಿರಿ ಜಿಲ್ಲೆಯ ಶಹಾಪುರ‌ ‌ನಗರದ ಭವಾನಿ ಚಿತ್ರ ಮಂದಿರದಲ್ಲಿ ಸಿನಿಮಾದ ಟಿಕೆಟ್ ಪಡೆಯಲು ಜನ ಮುಗಿಬಿದ್ದಿದ್ದಾರೆ. ಒಂದೂವರೆ ವರ್ಷದ ಬಳಿಕ ಶಿವರಾಜ್ ಕುಮಾರ್ ಚಿತ್ರ ಬಿಡುಗಡೆಯಾಗುತ್ತಿದ್ದು, ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದರು.

ಶಿವಮೊಗ್ಗ: ಪರದೆಯ ಮುಂದೆ ಕುಣಿದು ಕುಪ್ಪಳಿಸಿದ ಅಭಿಮಾನಿಗಳು

ಶಿವಮೊಗ್ಗದ ಲಕ್ಷ್ಮಿ ಚಿತ್ರಮಂದಿರದಲ್ಲಿ ಭಜರಂಗಿ 2 ಚಿತ್ರವನ್ನು ಅಭಿಮಾನಿಗಳು ಪೋಸ್ಟರ್​ಗೆ ಹಾಲಿನ ಅಭಿಷೇಕ ಹಾಗೂ ಪಟಾಕಿ ಸಿಡಿಸಿ ಸ್ವಾಗತಿಸಿದ್ದಾರೆ. ಮೊದಲ ಶೋಗೆ ಶಿವಮೊಗ್ಗದಲ್ಲಿ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ದೊಡ್ಡ ಪರದೆ ಮುಂದೆ ಅಭಿಮಾನಿಗಳು ಕುಣಿದು ಕುಪ್ಪಳಿಸಿದ್ದಾರೆ.

ಹುಬ್ಬಳ್ಳಿ: ಅಭಿಮಾನಿಗಳಿಂದ ಉಚಿತವಾಗಿ ಪುಸ್ತಕ ವಿತರಣೆ; ಅರ್ಥಪೂರ್ಣವಾಗಿ ಚಿತ್ರದ ಸಂಭ್ರಮಾಚರಣೆ

ಹುಬ್ಬಳ್ಳಿ: ಬಹುನಿರೀಕ್ಷಿತ ಭಜರಂಗಿ 2 ಚಲನಚಿತ್ರ ಬಿಡುಗಡೆ ಹಿನ್ನೆಲೆಯಲ್ಲಿ ಹುಬ್ಬಳ್ಳಿಯಲ್ಲಿ ಶಿವರಾಜಕುಮಾರ್ ಅಭಿಮಾನಿಗಳಿಂದ ವಿಭಿನ್ನವಾಗಿ ಚಲನಚಿತ್ರಕ್ಕೆ ಸ್ವಾಗತ ಕೋರಲಾಗಿದೆ. ಜೈರಾಜವಂಶ ಅಭಿಮಾನಿಗಳಿಂದ ವಿದ್ಯಾರ್ಥಿಗಳಿಗಾಗಿ ಉಚಿತವಾಗಿ ಸಾವಿರಾರು ರೂಪಾಯಿ ಮೌಲ್ಯದ ಪುಸ್ತಕ ವಿತರಣೆ ಮಾಡಲಾಗಿದೆ. ಕನಸು ಎಂಬ ಗ್ರಂಥಾಲಯ ಹಾಗೂ ಸ್ಪರ್ಧಾತ್ಮಕ ಪರೀಕ್ಷಾ ಅಧ್ಯಯನ ಕೇಂದ್ರಕ್ಕೆ ಪುಸ್ತಕಗಳನ್ನು ವಿತರಿಸಲಾಗಿದ್ದು, ಬಡ ವಿದ್ಯಾರ್ಥಿಗಳ ವಿದ್ಯಾಭ್ಯಾಸಕ್ಕೆ ಅನುಕೂಲವಾಗುವ ದೃಷ್ಠಿಯಿಂದ ವಿಭಿನ್ನ ಪ್ರಯತ್ನ ನಡೆಸಲಾಗಿದೆ. ಇದೀಗ ಈ ಪ್ರಯತ್ನ ಮೆಚ್ಚುಗೆಗೆ ಪಾತ್ರವಾಗಿದೆ.

ಚಿಕ್ಕಬಳ್ಳಾಪುರ: ಫ್ಯಾನ್ಸ್ ಸಂಭ್ರಮದ ನಡುವೆ ಕೊರೊನಾ ಮುನ್ನೆಚ್ಚರಿಕೆ ಮಾಯ!

ಚಿಕ್ಕಬಳ್ಳಾಪುರ: ವಾಣಿ ಚಿತ್ರಮಂದಿರದಲ್ಲಿ  ‘ಭಜರಂಗಿ 2’ ಚಿತ್ರ ವೀಕ್ಷಣೆಯ ವೇಳೆ ವೀಕ್ಷಕರು ಮಾಸ್ಕ್ ಧರಿಸದೆ, ದೈಹಿಕ ಅಂತರ ಕಾಪಾಡದೆ ಚಿತ್ರ ವೀಕ್ಷಣೆಗೆ ಆಗಮಿಸಿದ್ದಾರೆ. ಕೊರೊನಾ ನಿಯಮ ಪಾಲಿಸದ ಪ್ರೇಕ್ಷಕರ ನಡೆ ಆತಂಕಕ್ಕೆ ಕಾರಣವಾಗಿದೆ.

ಭಜರಂಗಿ ವೇಷ ತೊಟ್ಟ ಮಕ್ಕಳ ಜೊತೆ ಶಿವಣ್ಣ ಸಖತ್ ಪೋಸ್

ಕೊಪ್ಪಳದಲ್ಲಿ ಚಿತ್ರಕ್ಕೆ ನೂಕುನುಗ್ಗಲು

ಚಿತ್ರ ಸಖತ್ ರೋಮಾಂಚನಕಾರಿಯಾಗಿದೆ ಎಂದ ಮಹಿಳಾ ಅಭಿಮಾನಿಗಳು

ಶಿವರಾಜ್ ಕುಮಾರ್, ಲೋಕಿ ಅವರ ಪಾತ್ರಗಳಂತೂ ಅದ್ಭುತವಾಗಿದೆ. ಚಿತ್ರ ಅದ್ಭುತವಾಗಿದೆ. ಹರ್ಷ ಅವರಿಗೆ ಹ್ಯಾಟ್ಸ್​ ಆಫ್ ಎಂದು ಮಹಿಳಾ ಅಭಿಮಾನಿಗಳು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಟಿಕೆಟ್ ನೀಡದ್ದಕ್ಕೆ ಅಭಿಮಾನಿಗಳ ಆಕ್ರೋಶ

ರಾತ್ರಿಯೂ ಟಿಕೆಟ್ ನೀಡಿಲ್ಲ. ಬೆಳಗ್ಗೆ ಆರು ಗಂಟೆಯಿಂದ ಬಂದು ಕಾಯುತ್ತಿದ್ದೇವೆ. ಆದರೆ ಇದ್ದಕ್ಕಿದ್ದಂತೆ ಟಿಕೆಟ್ ಕಾಲಿ ಅಂದರೆ ಹೇಗೆ? ನಾವು ಒಂದು ದಿನ ದುಡಿದರೂ 400 ರೂ ಸಿಗೋದಿಲ್ಲ. ಅಂಥದ್ದರಲ್ಲಿ ಬ್ಲಾಕ್​ನಲ್ಲಿ 400ಕ್ಕೆ ಟಿಕೇಟ್ ಇಟ್ಟು ಮಾರುತ್ತಿದ್ದಾರೆ ಎಂದು ಅಭಿಮಾನಿಗಳು ಆಕ್ರೋಶ ವ್ಯಕ್ತಪಡಿಸಿದ್ಧಾರೆ.

ಕ್ರಿಸ್​ಮಸ್​ಗೆ ಜೇಮ್ಸ್ ಟೀಸರ್ ಪಕ್ಕಾ: ಬಹದ್ದೂರ್ ಚೇತನ್

‘ಭಜರಂಗಿ 2’ ಸಿನಿಮಾದ ಬಗ್ಗೆ ಸ್ಯಾಂಡಲ್​ವುಡ್ ನಿರ್ದೇಶಕ ಬಹದ್ದೂರ್ ಚೇತನ್ ತಮ್ಮ ಅನಿಸಿಕೆಯನ್ನು ಹಂಚಿಕೊಂಡಿದ್ದಾರೆ. ಇದೇ ವೇಳೆ ಅವರು ಸಾಕಷ್ಟು ಚರ್ಚೆಯಾಗುತ್ತಿರುವ ‘ಜೇಮ್ಸ್’ ಚಿತ್ರದ ಟೀಸರ್ ಕುರಿತು ಮಾಹಿತಿ ಹೊರಹಾಕಿದ್ದಾರೆ. ಕ್ರಿಸ್​ಮಸ್​ನಲ್ಲಿ ಖಂಡಿತವಾಗಿ ಟೀಸರ್ ಬಿಡುಗಡೆ ಆಗಲಿದೆ ಎಂದು ಅವರು ಹೇಳಿದ್ದಾರೆ.

ಚಿತ್ರ ಬಿಡುಗಡೆಗೂ ಮುನ್ನ ಅಪ್ಪಾಜಿಯ ದರ್ಶನ ಪಡೆದ ಶಿವರಾಜ್ ಕುಮಾರ್

ಪ್ರತಿ ಚಿತ್ರ ಬಿಡುಗಡೆಗೂ ಮುನ್ನ ತಂದೆಯವರ ದರ್ಶನವನ್ನು ಪಡೆದು ಬರುತ್ತೇನೆ. ಅದರಂತೆ ಇಂದೂ ದರ್ಶನ ಪಡೆದಿದ್ದೇನೆ ಎಂದು ಶಿವರಾಜ್ ಕುಮಾರ್ ಹೇಳಿದ್ದಾರೆ.

ಚಿತ್ರ ನೋಡಿ ತಾಯಿಯ ನೆನಪಾಯ್ತು ಎಂದ ಶಿವಣ್ಣ

‘ಭಜರಂಗಿ 2’ ಚಿತ್ರ ನೋಡಿ ತಾಯಿಯ ನೆನಪಾಯ್ತು ಎಂದು ಶಿವರಾಜ್ ಕುಮಾರ್ ನುಡಿದಿದ್ದಾರೆ. ಜೋಗಿಯ ಸೀಕ್ವೆನ್ಸ್ ಬಂದಿದ್ದು, ಬಹಳ ಕನೆಕ್ಟದ ಆಯ್ತು ಎಂದು ಅವರು ಹೇಳಿದ್ದಾರೆ.

ಮೈಸೂರು: ವುಡ್​ಲ್ಯಾಂಡ್ ಚಿತ್ರಮಂದಿರದಲ್ಲಿ ಅಭಿಮಾನಿಗಳ ಸಂಭ್ರಮ

ಮೈಸೂರು:ಇಂದು ರಾಜ್ಯಾದ್ಯಂತ ಭಜರಂಗಿ2 ಚಿತ್ರ ರಿಲೀಸ್ ಹಿನ್ನೆಲೆಯಲ್ಲಿ ಮೈಸೂರಿನ ವುಡ್ ಲ್ಯಾಂಡ್ ಚಿತ್ರಮಂದಿರದಲ್ಲಿ ಅಭಿಮಾನಿಗಳು ಸಂಭ್ರಮಾಚರಣೆ ನಡೆಸಿದ್ದಾರೆ. ಡೊಳ್ಳಿನ ಸದ್ದಿಗೆ ಕುಣಿದು ಕುಪ್ಪಳಿಸಿದ ಅಭಿಮಾನಿಗಳು, ಹ್ಯಾಟ್ರಿಕ್ ಹೀರೊ ಶಿವರಾಜ್ ಕುಮಾರ್ ಕಟೌಟ್ ನಿರ್ಮಿಸಿ ಹೂವಿನ ಹಾಕಿದ್ದಾರೆ. ಪಟಾಕಿ‌‌ ಸಿಡಿಸಿ, ಕಟೌಟ್ ಗೆ ಹಾಲಿನ ಅಭಿಷೇಕ ಹಾಗೂ ಈಡುಗಾಯಿ ಒಡೆದು ಹಬ್ಬದ ರೀತಿಯಲ್ಲಿ ಬಿಡುಗಡೆಯನ್ನು ಸಂಭ್ರಮಿಸುತ್ತಿದ್ದಾರೆ.

‘ಭಜರಂಗಿ 2’ ಶತದಿನೋತ್ಸವ ಆಚರಿಸಲು ಅಭಿಮಾನಿಗಳಿಂದ ವಿಶೇಷ ಪೂಜೆ; ಸಾಥ್ ನೀಡಿದ ಶಿವಣ್ಣ

ಬೆಂಗಳೂರು: ಡಾ.ಶಿವರಾಜ್ ಕುಮಾರ್ ಅಭಿಮಾನಿಗಳ ಸಂಘದಿಂದ ‘ಭಜರಂಗಿ 2’ ಶತದಿನೋತ್ಸವ ಆಚರಿಸಲೆಂದು ಮಾಗಡಿ ರಸ್ತೆಯ ಎಂಸಿ ಬಡವಾಣೆಯ ಮುತ್ತಾಂಜನೇಯಸ್ವಾಮಿ ದೇವಾಲಯದಲ್ಲಿ ವಿಶೇಷ ಪೂಜೆ ಸಲ್ಲಿಸಲಾಗುತ್ತಿದೆ. ದೇವಸ್ಥಾನಕ್ಕೆ ಶಿವಣ್ಣ ಆಗಮಿಸಿದ್ದು, ತಮಟೆ ಮುಖಾಂತರ ಗ್ರ್ಯಾಂಡ್ ವೆಲ್ ಕಂ ಮಾಡಲಾಗಿದೆ.

ಬೆಂಗಳೂರು: ಬ್ಲಾಕ್​ನಲ್ಲಿ ಟಿಕೇಟ್ ಮಾರಾಟ ಆಗುತ್ತಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದ ಫ್ಯಾನ್ಸ್

ಅನುಪಮಾ ಥಿಯೇಟರ್ ಮುಂದೆ ಭಜರಂಗಿ 2 ಸಂಭ್ರಮ ಮನೆಮಾಡಿದ್ದು, ಸಂಭ್ರಮದಿಂದ ಚಿತ್ರವನ್ನು ಸ್ವಾಗತಿಸಲು ಅಭಿಮಾನಿಗಳು ತಯಾರಿ ನಡೆಸಿದ್ದಾರೆ. ಈಗಾಗಲೇ ಎರಡು ಷೋ ಹೌಸ್ ಫುಲ್ ಬೋರ್ಡ್ ಹಾಕಲಾಗಿದೆ. ಶಿವರಾಜ್​ ಕುಮಾರ್ ಕಟೌಟ್ ಗೆ ದೊಡ್ಡದಾದ ಹೂವಿನ ಹಾರ ಹಾಕಿ ಫ್ಯಾನ್ಸ್ ಸಂಭ್ರಮಿಸಿದ್ಧಾರೆ. ಆದರೆ ಚಿತ್ರಕ್ಕೆ ಟಿಕೇಟ್ ಕೊಡ್ತಿಲ್ಲ ಎಂದು ಅಭಿಮಾನಿಗಳು ಆಕ್ರೋಶ ವ್ಯಕ್ತಪಡಿಸಿದ್ದು, ಬ್ಲಾಕ್ ಟಿಕೇಟ್ ಮೂಲಕ ಮಾರಾಟ ಮಾಡಲಾಗುತ್ತಿದೆ ಎಂದು ಆರೋಪಿಸಿದ್ದಾರೆ. 400 ರೂ‌‌ ಹೊರಗಡೆ ಟಿಕೇಟ್ ಮಾರಾಟ ಆಗುತ್ತಿದೆ. ಆದರೆ ಚಿತ್ರಮಂದಿರದ ಎದುರು ಹೌಸ್​ಫುಲ್ ಬೋರ್ಡ್ ಇದೆ ಎಂದು ಅಭಿಮಾನಿಗಳು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ಮಂಡ್ಯ, ತುಮಕೂರುನಿಂದ ಅಭಿಮಾನಿಗಳು ಆಗಮಿಸಿದ್ದು, ಮುಂಜಾನೆ 6 ಗಂಟೆಯಿಂದ ಟಿಕೇಟ್​ಗಾಗಿ ಕಾಯುತ್ತಿದ್ದಾರೆ.

ಚಿಕ್ಕಬಳ್ಳಾಪುರ: ‘ಭಜರಂಗಿ 2’ಗೆ ಕಾತರದಿಂದ ಕಾಯುತ್ತಿರುವ ಅಭಿಮಾನಿಗಳು

ಚಿಕ್ಕಬಳ್ಳಾಪುರ: ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ನಟನೆಯ ಬಹುನಿರೀಕ್ಷಿತ ಭಜರಂಗಿ2 ಚಲನಚಿತ್ರ ಇಂದು ರಾಜ್ಯದ್ಯಂತ ತೆರೆಕಾಣಲಿದ್ದು ಚಿಕ್ಕಬಳ್ಳಾಪುರ ನಗರದ ವಾಣಿ ಚಿತ್ರ ಮಂದಿರಲ್ಲಿ ಬೆಳಿಗ್ಗೆ 10 ಗಂಟೆಗೆ ಪ್ರದರ್ಶನ ಆರಂಭವಾಗಲಿದೆ. ಇದರಿಂದ ಸಂತಸಗೊಂಡಿರುವ ಶಿವರಾಜ್ ಕುಮಾರ್ ಅಭಿಮಾನಿಗಳು, ತಮ್ಮ ಮೆಚ್ಚಿನ ನಟನ ದೊಡ್ಡ ದೊಡ್ಟ ಕಟೌಟು ನಿರ್ಮಿಸಿ ದೊಡ್ಡ ದೊಡ್ಡ ಸುಗಂಧರಾಜ ಹೂವಿನ ಹಾರ ತುರಾಯಿ ಹಾಕಿ ಚಲನಚಿತ್ರ ಮಂದಿರಕ್ಕೆ ಅಲಂಕರಿಸಿ ಚಿತ್ರ ವೀಕ್ಷಿಸಲು ಕಾದು ಕುಳಿತಿದ್ದಾರೆ.

ಚಿಕ್ಕಬಳ್ಳಾಪುರದ ವಾಣಿ ಚಿತ್ರ ಮಂದಿರ, ಶಿಡ್ಲಘಟ್ಟದ ಮಯೂರ ಚಿತ್ರಮಂದಿರ, ಚಿಂತಾಮಣಿಯ ಅಂಜನಿ ಚಿತ್ರಮಂದಿರ, ಗೌರಿಬಿದನೂರಿನ ಅಭಿಲಾಷ್ ಚಿತ್ರಮಂದಿರದಲ್ಲಿ ‘ಭಜರಂಗಿ 2’ ಪ್ರದರ್ಶನ ಕಾಣಲಿದೆ.

ಅಭಿಮಾನಿಗಳ ಪ್ರೀತಿಗೆ ಎಮೋಷನಲ್ ಆಗ್ತಿದೆ ಎಂದ ಶಿವಣ್ಣ

35 ವರ್ಷಗಳ ನಂತರವೂ ಅಭಿಮಾನಿಗಳ ಪ್ರೀತಿ ಕಡಿಮೆಯಾಗಿಲ್ಲ. ನಾನು ಅಭಿಮಾನಿಗಳನ್ನು ಕುಟುಂಬದವರಂತೆ, ಸ್ನೇಹಿತರಂತೆ ನೋಡುತ್ತೇನೆ. ಇಂತಹ ಅಭಿಮಾನಿಗಳನ್ನು ಪಡೆಯಲು ನಾನು ತುಂಬಾ ಅದೃಷ್ಟವಂತ. ಬಹಳ ಎಮೋಷನಲ್ ಆಗುತ್ತಿದೆ ಎಂದು ಶಿವರಾಜ್ ಕುಮಾರ್ ನುಡಿದಿದ್ದಾರೆ.

ಭಜರಂಗಿ 2 ಬಾಕ್ಸಾಫೀಸ್ ಲೂಟಿ ಮಾಡಲಿದೆ: ವಸಿಷ್ಠ ಸಿಂಹ

ಸ್ಯಾಂಡಲ್​ವುಡ್ ನಟ ವಸಿಷ್ಠ ಸಿಂಹ ಅಭಿಮಾನಿಗಳೊಂದಿಗೆ ಫ್ಯಾನ್ಸ್ ಶೋನಲ್ಲಿ ಚಿತ್ರ ವೀಕ್ಷಿಸಿದ್ದಾರೆ. ಈ ಸಂದರ್ಭದಲ್ಲಿ ಅವರು ಟಿವಿ9ನೊಂದಿಗೆ ಮಾತನಾಡಿ, ಚಿತ್ರವು ಬಾಕ್ಸಾಫೀಸ್ ಲೂಟಿ ಮಾಡೋದು ಪಕ್ಕಾ ಎಂದು ನುಡಿದಿದ್ದಾರೆ.

ಚಾಮರಾಜನಗರ: ಫ್ಯಾನ್ಸ್ ಶೋ ನೋಡಿ ಹೊರಬಂದವರಿಗೆ ತಿಂಡಿ ವಿತರಣೆ

ಚಾಮರಾಜನಗರದ ಸಿಂಹ ಮೂವೀ ಪ್ಯಾರಡೈಸ್ ನಲ್ಲಿ ಭಜರಂಗಿ ಚಿತ್ರ ಬಿಡುಗಡೆಗೊಂಡಿದ್ದು, ಮೊದಲ ಶೋ ವೀಕ್ಷಿಸಿ ಹೊರಬಂದ ಅಭಿಮಾನಿಗಳು ಸಂತಸ ವ್ಯಕ್ತಪಡಿಸಿದ್ಧಾರೆ.  ಸಿನಿಮಾ ನೋಡಿ ಹೊರ ಬಂದವರಿಗೆ ತಿಂಡಿ ವಿತರಣೆ ಕಾರ್ಯಕ್ರಮವನ್ನೂ ಆಯೋಜಿಸಲಾಗಿದೆ.

ಕೊಪ್ಪಳ: ಟಿಕೇಟ್ ಪಡೆಯಲು ನೂಕುನುಗ್ಗಲು

ಕೊಪ್ಪಳ ಜಿಲ್ಲೆ ಗಂಗಾವತಿಯ ಶಿವ ಚಿತ್ರಮಂದಿರದಲ್ಲಿ  ಚಿತ್ರದ ಟಿಕೆಟ್ ಪಡೆಯಲು ನೂಕು ನುಗ್ಗಲು ಉಂಟಾಗಿದೆ. ಮುಗಿಬಿದ್ದು ಟಿಕೇಟ್ ಖರೀದಿಸಿದ ಅಭಿಮಾನಿಗಳು ಮೊದಲ ಶೋಗೆ ತೆರಳಿದ್ದಾರೆ.

ಚಿತ್ರ ಹಾಲಿವುಡ್ ರೇಂಜ್​ಗಿದೆ ಎಂದ ಫ್ಯಾನ್ಸ್

ಚಿತ್ರದಲ್ಲಿ ವಿಲನ್ ಪಾತ್ರ ಮಾಡಿದ ಚೆಲುವ ರಾಜು ಹಾಗೂ ಶೃತಿಯವರ ಪಾತ್ರ ಅದ್ಭುತವಾಗಿದೆ. ಚಿತ್ರ ಹಾಲಿವುಡ್ ರೇಂಜ್​ಗಿದೆ ಎಂದು ಅಭಿಮಾನಿಗಳು ಸಂತಸ ವ್ಯಕ್ತಪಡಿಸಿದ್ದಾರೆ.

ಫ್ಯಾನ್ಸ್ ಮೊದಲ ರಿಯಾಕ್ಷನ್ ಹೇಗಿದೆ?

ಫ್ಯಾನ್ಸ್ ಶೋ ಮುಗಿಸಿ ಅಭಿಮಾನಿಗಳು ಹೊರಬಂದಿದ್ದು, ಮೊದಲ ಪ್ರತಿಕ್ರಿಯೆ ನೀಡಿದ್ದಾರೆ. ಚಿತ್ರದ ವಿಎಫ್​ಎಕ್ಸ್ ಹಾಗೂ ಕತೆಯನ್ನು ಬಹಳ ಮೆಚ್ಚಿಕೊಂಡಿದ್ದಾರೆ. ನೂರು ದಿನಗಳ ಪಕ್ಕಾ ಎಂದು ಅಭಿಮಾನಿಗಳು ಉದ್ಗರಿಸಿದ್ಧಾರೆ.

ಹಬ್ಬದ ಸಂತಸದಲ್ಲಿ ಸಿಂಗಾರಗೊಂಡ ಗಾಂಧಿನಗರ; 80 ಅಡಿ ಕಟೌಟ್​ನಲ್ಲಿ ಮಿಂಚುತ್ತಿರುವ ಶಿವಣ್ಣ

ಗಾಂಧೀನಗರ ಭಜರಂಗಿ 2 ಚಿತ್ರದ ಬಿಡುಗಡೆಗೆ ಹಬ್ಬದ ರೀತಿಯಲ್ಲಿ ಸಿಂಗಾರಗೊಂಡಿದೆ. ಅನುಪಮಾ ಚಿತ್ರಮಂದಿರದಲ್ಲಿ ಚಿತ್ರತಣಡ ಭರ್ಜರಿಯಾಗಿ ಸಿದ್ದತೆ ‌ಮಾಡಿಕೊಳ್ಳುತ್ತಿದೆ. ಬ್ಯಾನರ್ ಬಂಟ್ಟಿಂಗ್ಸ್ ಕಟ್ಟಿ ಚಿತ್ರಮಂದಿರವನ್ನು ಸಿಂಗಾರ ಮಾಡಲಾಗುತ್ತಿದೆ. 80 ಅಡಿ ಕಟೌಟ್ ನಲ್ಲಿ ಡಾ. ಶಿವರಾಜ್ ಕುಮಾರ್ ಮಿಂಚುತ್ತಿದ್ದಾರೆ. ಚಿತ್ರ ನೋಡಲು ಥಿಯೇಟರ್ ಬಳಿ ಅಭಿಮಾನಿಗಳು ಕಾಯುತ್ತಿದ್ದು, ಬೆಳಿಗ್ಗೆ 10.15 ಕ್ಕೆ ಮೊದಲ ಷೋ ಆರಂಭವಾಗಲಿದೆ. ಮೊದಲು ಮತ್ತು ಎರಡನೇ ಷೋಗೆ ಈಗಾಗಲೇ ಟಿಕೆಟ್ ಸೋಲ್ಡ್ ಔಟ್ ಆಗಿದ್ದು, ಇಂದು ನಾಲ್ಕು ಪ್ರದರ್ಶನವಿದೆ.

ಮಂಡ್ಯ: ಸಂಜಯ ಚಿತ್ರಮಂದಿರದಲ್ಲಿ ಮೊದಲ ಶೋ ಆರಂಭ; ಹೌಸ್ ಫುಲ್ ಆದ ಚಿತ್ರಮಂದಿರ

ಮಂಡ್ಯ: ಮಂಡ್ಯದ ಸಂಜಯ ಚಿತ್ರಮಂದಿರದಲ್ಲಿ ಚಿತ್ರದ ಮೊದಲ ಶೋ ಬೆಳಗ್ಗೆ 7.30 ಕ್ಕೆ ಆರಂಭವಾಗಿದೆ. ಮೊದಲ ಶೋ ಹೌಸ್ ಫುಲ್ ಆಗಿದ್ದು, ಅಭಿಮಾನಿಗಳು ತಮ್ಮ‌‌ನೆಚ್ಚಿನ ನಟನ ಚಿತ್ರವನ್ನು ವೀಕ್ಷಿಸುತ್ತಿದ್ದಾರೆ.

ಶಿವಣ್ಣನ ಚಿತ್ರಕ್ಕೆ ಮಹಿಳಾ ಫ್ಯಾನ್ಸ್ ಕ್ರೇಜ್ ಹೇಗಿದೆ ಗೊತ್ತಾ?

ಚಿತ್ರಮಂದಿರಗಳಿಗೆ ಖುದ್ದು ಶಿವಣ್ಣ ಭೇಟಿ

ನಟ ಶಿವರಾಜ್‌ಕುಮಾರ್ ಭಜರಂಗಿ 2 ಚಿತ್ರ ರಿಲೀಸ್ ಹಿನ್ನೆಲೆಯಲ್ಲಿ ಚಿತ್ರಮಂದಿರಗಳಿಗೆ ನಟ ಶಿವರಾಜ್‌ಕುಮಾರ್ ಭೇಟಿ ನೀಡುತ್ತಿದ್ದಾರೆ. ಸಿದ್ದೇಶ್ವರ, ಶ್ರೀನಿವಾಸ ಚಿತ್ರಮಂದಿರಕ್ಕೆ ಶಿವಣ್ಣ ಭೇಟಿ ನೀಡಿದ್ದು, ಅಭಿಮಾನಿಗಳು ಭರ್ಜರಿಯಾಗಿ ಸ್ವಾಗತ ಕೋರಿದ್ದಾರೆ.

ಚಿತ್ರದುರ್ಗ: ಕೋಟೆನಾಡಿನಲ್ಲಿ ಭಜರಂಗಿ2 ಚಿತ್ರ ವೀಕ್ಷಣೆಗೆ ಅಭಿಮಾನಿಗಳು ಕಾತರ

ಕೋಟೆನಾಡಿನಲ್ಲಿ ಭಜರಂಗಿ2 ಚಿತ್ರ ವೀಕ್ಷಣೆಗೆ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಚಿತ್ರದುರ್ಗದ ಪ್ರಸನ್ನ ಥೇಟರ್ ಬಳಿ ಅಭಿಮಾನಿಗಳ ಜಮಾಯಿಸಿದ್ದು, ಟಿಕೆಟ್ ಪಡೆಯಲು ಕಾದು ನಿಂತಿದ್ದಾರೆ. ಶಿವಣ್ಣ ಕಟೌಟ್​ಗೆ ಹಾಲಿನ ಅಭಿಷೇಕ, ಪುಷ್ಪವೃಷ್ಠಿ ನಡೆಸಿ, ಪಟಾಕಿ ಸಿಡಿಸಿ ಅಭಿಮಾನಿಗಳು ಸಂಭ್ರಮ ಆಚರಿಸಿದ್ದಾರೆ.

ಸಿದ್ಧೆಶ್ವರ ಚಿತ್ರಕ್ಕೆ ಶಿವರಾಜ್ ಕುಮಾರ್ ಆಗಮನ

ಬೆಳಗ್ಗೆ 5 ಗಂಟೆಯಿಂದ ಸಿದ್ಧೇಶ್ವರ ಚಿತ್ರಮಂದಿರದಲ್ಲಿ ಪ್ರದರ್ಶನ ನಡೆಯುತ್ತಿದೆ. ಇದೀಗ ಚಿತ್ರಮಂದಿರಕ್ಕೆ ಶಿವರಾಜ್ ಕುಮಾರ್ ಆಗಮಿಸಿದ್ದಾರೆ. ಇದರೊಂದಿಗೆ ಅವರು ಅಭಿಮಾನಿಗಳೊಂದಿಗೆ ಸಂಭ್ರಮದಲ್ಲಿ ಭಾಗಿಯಾಗಲಿದ್ದಾರೆ.

ಭಜರಂಗಿ 2 ಲೈವ್ ಸಂಭ್ರಮವನ್ನು ವೀಕ್ಷಿಸಲು ಇಲ್ಲಿ ಕ್ಲಿಕ್ ಮಾಡಿ

ಬೆಂಗಳೂರು: ಚಿತ್ರ ನೋಡಲು ಚಿತ್ರದುರ್ಗ, ಕನಕಪುರದಿಂದ ಅಭಿಮಾನಿಗಳ ಆಗಮನ

ಜೆ.ಪಿ.ನಗರದ ಸಿದ್ದೇಶ್ವರ ಚಿತ್ರಮಂದಿರಲ್ಲಿ 5 ಗಂಟೆಗೆ ಫ್ಯಾನ್ಸ್ ಶೋ ಶುರುವಾಗಿದ್ದು, ಸಿನಿಮಾ ನೋಡಲು ಚಿತ್ರದುರ್ಗ, ಕನಕಪುರದಿಂದ ಅಭಿಮಾನಿಗಳು ಆಗಮಿಸಿದ್ದಾರೆ. ಪಟಾಕಿ ಸಿಡಿಸಿ , ಕುಂಬಳಕಾಯಿ ಹೊಡೆದು ಹಾಲಿನ ಅಭಿಷೇಕ ಮಾಡಿ ಫ್ಯಾನ್ಸ್ ಸಂಭ್ರಮಾಚರಣೆ ನಡೆಸಿದ್ದಾರೆ. ಬಿಗ್ ಸ್ಕ್ರಿನ್ ಮೇಲೆ ಒಂದೂವರೆ ವರ್ಷದ ಬಳಿಕ ಶಿವಣ್ಣನ ದರ್ಶನ ಕಂಡು ಫ್ಯಾನ್ಸ್ ಪುಳಕಗೊಂಡಿದ್ದು, ನಮಗೆ ಇವತ್ತೇ ದೀಪಾವಳಿ ಎಂದು ಸಂಭ್ರಮಾಚರಣೆ ನಡೆಸಿದ್ದಾರೆ.

ದಾವಣಗೆರೆ: ಚಿತ್ರ ನೋಡಲು ಗುಂಪುಗುಂಪಾಗಿ ಆಗಮಿಸಿದ ಅಭಿಮಾನಿಗಳು

ದಾವಣಗೆರೆ ನಗರದ ವಸಂತಾ ಚಿತ್ರಮಂದಿರಲ್ಲಿ ಬೆಳಗ್ಗೆ 6ರಿಂದಲೇ ಭಜರಂಗಿ 2 ಪ್ರದರ್ಶನ ಆರಂಭವಾಗಿದೆ. ಚಿತ್ರ ನೋಡಲು ಅಭಿಮಾನಿಗಳು ಗುಂಪು ಗುಂಪಾಗಿ ಆಗಮಿಸಿದ್ದಾರೆ.

ಫ್ಯಾನ್ಸ್ ಜೊತೆ ಚಿತ್ರ ನೋಡುವ ಸಂಭ್ರಮದಲ್ಲಿ ಭಾಗಿಯಾಗಲಿರೋ ಚಿತ್ರತಂಡ

ಬೆಳಿಗ್ಗೆ ಫ್ಯಾನ್ಸ್ ಶೋಗೆ ಶಿವರಾಜ್ ಕುಮಾರ್, ವಸಿಷ್ಠ ಸಿಂಹ ಆಗಮಿಸೋ ಸಾಧ್ಯತೆ ಇದೆ. ಅಭಿಮಾನಿಗಳ ಜೊತೆ ಸಿನಿಮಾ ನೋಡಿ ಚಿತ್ರತಂಡ ಸಂಭ್ರಮಿಸಲಿದೆ. ಗಾಂಧಿನಗರದ ಅನುಪಮ ಚಿತ್ರಂಮದಿರದಲ್ಲಿ 10 ಘಂಟೆಗೆ ಶೋ ಆರಂಭ ಆಗಲಿದೆ.

ಸೂರ್ಯೋದಯಕ್ಕೂ ಮುನ್ನವೇ ‘ಭಜರಂಗಿ 2’ ಎಂಟ್ರಿ; ಅಭಿಮಾನಿಗಳ ಸಂಭ್ರಮ

ಹಲವು ಚಿತ್ರಮಂದಿರಗಳಲ್ಲಿ ನಟ ಶಿವರಾಜ್‌ಕುಮಾರ್ ಅಭಿನಯದ ‘ಭಜರಂಗಿ 2’ ಸಿನಿಮಾದ ಫ್ಯಾನ್ಸ್ ಶೋ ಮುಂಜಾನೆ 5 ಗಂಟೆಯಿಂದಲೇ ಆರಂಭವಾಗಿದೆ. ಥಿಯೇಟರ್‌ಗಳ ಮುಂದೆ ಇಂದೇ ದೀಪಾವಳಿ ಎನ್ನುವಂತೆ ಅಭಿಮಾನಿಗಳು ಪಟಾಕಿ ಸಿಡಿಸಿ ಸಂಭ್ರಮಾಚರಣೆ ನಡೆಸಿದ್ದಾರೆ. 300ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ‘ಭಜರಂಗಿ 2’ ರಿಲೀಸ್ ಆಗಿದೆ.