ಕನ್ನಡಿಗರ ಪ್ರೀತಿಯ ನಟ ಪುನೀತ್ ರಾಜಕುಮಾರ್ಗೆ ಇಂದು ಹೊನ್ನಾಳಿಯಲ್ಲಿ ಸಂಗೀತ ನಮನ, ನೇತ್ರದಾನ ವಾಗ್ದಾನ

Puneeth Rajkumar: ‘ಕರುನಾಡ ಯುವರತ್ನ, ಮರೆಯದ ಮಾಣಿಕ್ಯ ಪುನೀತ್ ರಾಜಕುಮಾರ್ ಅವರಿಗೆ ಭಾವಪೂರ್ಣ ಶ್ರದ್ಧಾಂಜಲಿ, ಸಂಗೀತ ನಮನ ಹಾಗೂ ನೇತ್ರದಾನ ಅಭಿಯಾನ ಕಾರ್ಯಕ್ರಮವನ್ನು ಹೊನ್ನಾಳಿ ನಗರದ KSRTC ಬಸ್ ನಿಲ್ದಾಣದ ಆವರದಲ್ಲಿ ಸೋಮವಾರ ಸಂಜೆ 5. 00 ಗಂಟೆಗೆ ಆಯೋಜಿಸಲಾಗಿದೆ‘ ಎಂದು ಶಾಸಕ ಎಂಪಿ ರೇಣುಕಾಚಾರ್ಯ ತಿಳಿಸಿದ್ದಾರೆ.

TV9 Web | Edited By: ಸಾಧು ಶ್ರೀನಾಥ್|
Updated on:Nov 08, 2021 | 10:45 AM

ದಾವಣಗೆರೆ: ಕನ್ನಡಿಗರ ಪ್ರೀತಿಯ ನಟ ಪುನೀತ್ ರಾಜಕುಮಾರ್ ಅವರ 11ನೇ ದಿನದ ಪುಣ್ಯತಿಥಿ ಇಂದು. ಇಡೀ ನಾಡು ಶೋಕ ಸಾಗರದಲ್ಲಿದೆ. ಇಂದು ರಾಜ್ಯದ ಅನೇಕ ಭಾಗಗಳಲ್ಲಿ ಪುನೀತ್ ಅಭಿಮಾನಿಗಳು ತಮ್ಮ ನೆಚ್ಚಿನ ನಟನಿಗೆ ಶ್ರದ್ಧಾಂಜಲಿ ಅರ್ಪಿಸುತ್ತಿದ್ದಾರೆ. ಇತ್ತ ಪುನೀತ್ ಸಮಾಧಿ ಬಳಿ ಅವರು ಕುಟುಂಬಸ್ಥರು ಇದೀಗ ತಿಥಿ ಕಾರ್ಯ ನೆರವೇರಿಸಿದ್ದಾರೆ. ಇನ್ನು ಕೆಲವೇ ಕ್ಷಣಗಳಲ್ಲಿ ರಾಜ್ಯದ ನಾನಾ ಭಾಗಗಳಿಂದ ಬಂದಿರುವ ಅಭಿಮಾನಿಗಳಿಗೆ ಪುನೀತ್ ಸಮಾಧಿ ದರ್ಶನಕ್ಕೆ ಅವಕಾಶ ಕಲ್ಪಿಸಲಿದ್ದಾರೆ.

ಈ ಮಧ್ಯೆ, ಹೊನ್ನಾಳಿಯಲ್ಲಿ ಇಂದು ಸಂಜೆ ಪವರ್ ಸ್ಟಾರ್ ಪುನೀತ್ ಪುಣ್ಯಸ್ಮರಣೆ ಕಾರ್ಯಕ್ರಮ ಏರ್ಪಡಿಸಲಾಗಿದೆ. ಸ್ಥಳೀಯ ಶಾಸಕ ರೇಣುಕಾಚಾರ್ಯ ಸೇರಿ ನೂರಾರು ಜನರಿಂದ ನೇತ್ರದಾನ ವಾಗ್ದಾನ ನೆರವೇರಲಿದೆ. ದಾವಣಗೆರೆ ಜಿಲ್ಲೆಯ ಹೊನ್ನಾಳಿ ಪಟ್ಟಣದಲ್ಲಿ ಪುನೀತ್ ಪುಣ್ಯ ಸ್ಮರಣೆ ಹಿನ್ನೆಲೆ ಗೀತ ನಮನ ಕಾರ್ಯಕ್ರಮ ಏರ್ಪಡಿಸಲಾಗಿದೆ. ಖ್ಯಾತ ಗಾಯಕ ರಾಜೇಶ್ ಕೃಷ್ಣನ್, ಕಲಾವಿದ ಹೊನ್ನಳ್ಳಿ ಕೃಷ್ಣ ಸೇರಿ 20ಕ್ಕೂ ಹೆಚ್ಚು ಕಲಾವಿದರು ಭಾಗಿಯಾಗಲಿದ್ದಾರೆ.

‘ಕರುನಾಡ ಯುವರತ್ನ, ಮರೆಯದ ಮಾಣಿಕ್ಯ ಪುನೀತ್ ರಾಜಕುಮಾರ್ ಅವರಿಗೆ ಭಾವಪೂರ್ಣ ಶ್ರದ್ಧಾಂಜಲಿ, ಸಂಗೀತ ನಮನ ಹಾಗೂ ನೇತ್ರದಾನ ಅಭಿಯಾನ ಕಾರ್ಯಕ್ರಮವನ್ನು ಹೊನ್ನಾಳಿ ನಗರದ KSRTC ಬಸ್ ನಿಲ್ದಾಣದ ಆವರದಲ್ಲಿ ಸೋಮವಾರ ಸಂಜೆ 5. 00 ಗಂಟೆಗೆ ಆಯೋಜಿಸಲಾಗಿದೆ‘ ಎಂದು ಶಾಸಕ ಎಂಪಿ ರೇಣುಕಾಚಾರ್ಯ ತಿಳಿಸಿದ್ದಾರೆ.

ಸಂಗೀತ ನಮನ ಕಾರ್ಯಕ್ರಮ: ನಟರಾಜ್ ಎಂಟರ್ಟೈನರ್ಸ್ ಸಾರಥ್ಯದಲ್ಲಿ ಖ್ಯಾತ ಹಿನ್ನೆಲೆ ಗಾಯಕ ರಾಜೇಶ್ ಕೃಷ್ಣನ್ ಹಾಗೂ ತಂಡ, ಖ್ಯಾತ ಕಲಾವಿದರಾದ ಹೊನ್ನವಳ್ಳಿ ಕೃಷ್ಣ, ಟೆನ್ನಿಸ್ ಕೃಷ್ಣ ಭಾಗವಹಿಸಲಿದ್ದಾರೆ. ದಿನಾಂಕ 08/11/2021 ಸೋಮವಾರ, ಸಮಯ ಸಂಜೆ 5:00 ಗಂಟೆಗೆ. ಸ್ಥಳ: KSRTC ಬಸ್ ನಿಲ್ದಾಣ, ಹೊನ್ನಾಳಿ

Puneeth : ಅಪ್ಪುಗೆ ಪದ್ಮಶ್ರೀ ಪ್ರಶಸ್ತಿ ಬಗ್ಗೆ ಶಿವಣ್ಣ ಹೇಳಿದ್ದೇನು |Tv9kannada