10 ಗಂಟೆಗಳಲ್ಲಿ 93 ಲಕ್ಷ ವೀಕ್ಷಣೆ ಕಂಡ ‘ತೂಫಾನ್’ ಸಾಂಗ್; ಟ್ರೆಂಡಿಂಗ್ನಲ್ಲಿ 1ನೇ ಸ್ಥಾನ
Toofan Lyrical song: ‘ಕೆಜಿಎಫ್ 2’ ಚಿತ್ರದ ಬಗ್ಗೆ ಇರುವ ಕ್ರೇಜ್ ತುಂಬಾನೇ ದೊಡ್ಡ ಮಟ್ಟದ್ದು ಅನ್ನೋದು ಪದೇಪದೇ ಸಾಬೀತಾಗುತ್ತಲೇ ಇದೆ. ದೇಶ ಮಟ್ಟದಲ್ಲಿ ಕನ್ನಡದ ಸಿನಿಮಾ ಸದ್ದು ಮಾಡುತ್ತಿರುವುದು ನಿಜಕ್ಕೂ ಖುಷಿಯ ವಿಚಾರ.
Updated on:Mar 22, 2022 | 12:37 PM
‘ಕೆಜಿಎಫ್ 2’ ಚಿತ್ರದ (KGF 2) ‘ತೂಫಾನ್..’ ಹಾಡು ನಿಜಕ್ಕೂ ಬಿರುಗಾಳಿಯನ್ನೇ ಎಬ್ಬಿಸಿದೆ. ಯಶ್ (Yash) ಚಿತ್ರದ ಲಿರಿಕಲ್ ವಿಡಿಯೋವನ್ನು ಅಭಿಮಾನಿಗಳು ಮುಗಿಬಿದ್ದು ವೀಕ್ಷಣೆ ಮಾಡುತ್ತಿದ್ದಾರೆ. ಹೀಗಾಗಿ, 10 ಗಂಟೆಯಲ್ಲಿ ‘ತೂಫಾನ್..’ ಹಾಡಿನ (Toofan Lyrical song) ವೀಕ್ಷಣೆ ಕೋಟಿ ಸಮೀಪಿಸಿದೆ. ಇದು ‘ಕೆಜಿಎಫ್ 2’ ಚಿತ್ರದ ಮೇಲಿರುವ ಕ್ರೇಜ್ ಎಷ್ಟು ಎಂಬುದಕ್ಕೆ ಹಿಡಿದ ಕನ್ನಡಿ ಆಗಿದೆ. ಕೇವಲ ಕನ್ನಡ ಮಾತ್ರವಲ್ಲದೆ, ಹಿಂದಿ, ತೆಲುಗಿನಲ್ಲೂ ಈ ಹಾಡು ಸದ್ದು ಮಾಡುತ್ತಿದೆ. ಸದ್ಯ, ಚಿತ್ರದ ಟ್ರೇಲರ್ಗಾಗಿ ಫ್ಯಾನ್ಸ್ ಕಾದು ಕೂತಿದ್ದಾರೆ.
‘ಕೆಜಿಎಫ್ 2’ ಚಿತ್ರದ ಬಗ್ಗೆ ಇರುವ ಕ್ರೇಜ್ ತುಂಬಾನೇ ದೊಡ್ಡ ಮಟ್ಟದ್ದು ಅನ್ನೋದು ಪದೇಪದೇ ಸಾಬೀತಾಗುತ್ತಲೇ ಇದೆ. ದೇಶ ಮಟ್ಟದಲ್ಲಿ ಕನ್ನಡದ ಸಿನಿಮಾ ಸದ್ದು ಮಾಡುತ್ತಿರುವುದು ನಿಜಕ್ಕೂ ಖುಷಿಯ ವಿಚಾರ. ಇಂದು (ಮಾರ್ಚ್ 21) ರಿಲೀಸ್ ಆದ ಚಿತ್ರದ ‘ತೂಫಾನ್..’ ಹಾಡು ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತಿದೆ. ಈ ಹಾಡು ರಿಲೀಸ್ ಆದ 10 ಗಂಟೆಯಲ್ಲಿ ಐದು ಭಾಷೆಗಳಿಂದ ಬರೋಬ್ಬರಿ 9.3 ಮಿಲಿಯನ್ ಅಂದರೆ 93 ಲಕ್ಷ ಬಾರಿ ವೀಕ್ಷಣೆ ಕಂಡಿದೆ. ಈ ಹಾಡನ್ನು ಕೇಳಿ ಅಭಿಮಾನಿಗಳು ಥ್ರಿಲ್ ಆಗಿದ್ದಾರೆ. ರವಿ ಬಸ್ರೂರ್ ಸಂಗೀತಕ್ಕೆ ತಲೆ ಆಡಿಸಿದ್ದಾರೆ. ತೆಲುಗು, ತಮಿಳಿನಲ್ಲೂ ಸಿನಿಮಾದ ಹಾಡು ಸದ್ದು ಮಾಡುತ್ತಿದೆ. ತೆಲುಗಿನಲ್ಲಿ 21 ಲಕ್ಷ, ತಮಿಳಿನಲ್ಲಿ 7 ಲಕ್ಷ, ಮಲಯಾಳಂನಲ್ಲಿ 3 ಲಕ್ಷ ಹಾಗೂ ಹಿಂದಿಯಲ್ಲಿ 30 ಲಕ್ಷ ಬಾರಿ ಈ ಹಾಡು ವೀಕ್ಷಣೆ ಕಂಡಿದೆ. ಈ ಮೂಲಕ ಈ ಹಾಡು ಐದು ಭಾಷೆಗಳಿಂದ 93 ಲಕ್ಷ ಬಾರಿ ವೀಕ್ಷಣೆ ಕಂಡಂತಾಗಿದೆ.
‘ಕೆಜಿಎಫ್: ಚಾಪ್ಟರ್ 1’ ಸಿನಿಮಾ ಗೆಲ್ಲಲು ಹಾಡುಗಳು ಕೂಡ ಪ್ರಮುಖ ಕಾರಣ ಆಗಿದ್ದವು. ಸಖತ್ ಮಾಸ್ ಆದಂತಹ ಹಾಡುಗಳನ್ನು ರವಿ ಬಸ್ರೂರು ನೀಡಿದ್ದರು. ಈಗ ‘ಕೆಜಿಎಫ್: ಚಾಪ್ಟರ್ 2’ ಚಿತ್ರದ ಸಾಂಗ್ಸ್ ಮೇಲೆ ಅದೇ ಮಟ್ಟದ ನಿರೀಕ್ಷೆ ಇದೆ. ಸದ್ಯ ಮೊದಲ ಹಾಡು ಬಿಡುಗಡೆ ಆಗಿದ್ದು, ಅದಕ್ಕೆ ರವಿ ಬಸ್ರೂರು ಅವರೇ ಸಾಹಿತ್ಯ ಬರೆದಿದ್ದಾರೆ. ಇನ್ನುಳಿದ ಹಾಡುಗಳಿಗಾಗಿ ಫ್ಯಾನ್ಸ್ ಕಾಯುವಂತಾಗಿದೆ. ಸದ್ಯ ರಿಲೀಸ್ ಆಗಿರಯವ ‘ತೂಫಾನ್’ ಹಾಡಿನಲ್ಲಿ ಕೆಲವು ಡೈಲಾಗ್ಗಳು ಕೂಡ ಹೈಲೈಟ್ ಆಗಿವೆ. ಅವುಗಳನ್ನು ಕೇಳಿ ಸಿನಿಪ್ರಿಯರು ಎಂಜಾಯ್ ಮಾಡುತ್ತಿದ್ದಾರೆ.
‘ಕೆಜಿಎಫ್’ ಸಿನಿಮಾ ದೊಡ್ಡ ಮಟ್ಟದಲ್ಲಿ ರಿಲೀಸ್ ಆಗಿತ್ತು. ಬಾಲಿವುಡ್ ಮಂದಿ ಕೂಡ ಈ ಚಿತ್ರವನ್ನು ಒಪ್ಪಿಕೊಂಡರು. ಹೀಗಾಗಿ, ಹಿಂದಿಯಲ್ಲಿ ಸಿನಿಮಾ 44 ಕೋಟಿ ರೂಪಾಯಿ ಗಳಿಕೆ ಮಾಡಿತು. ಕನ್ನಡದ ಸಿನಿಮಾ ಹಿಂದಿಯಲ್ಲಿ ಇಷ್ಟು ದೊಡ್ಡ ಮಟ್ಟದ ಗಳಿಕೆ ಮಾಡಿದ್ದು ಅದೇ ಮೊದಲು. ಈ ಕಾರಣಕ್ಕೆ ‘ಕೆಜಿಎಫ್ 2’ ಚಿತ್ರದ ಮೇಲೆ ನಿರೀಕ್ಷೆ ಹೆಚ್ಚಿದೆ. ಇನ್ನು, ‘ಕೆಜಿಎಫ್ 2’ನಲ್ಲಿ ಬಾಲಿವುಡ್ನ ದಿಗ್ಗಜರಿದ್ದಾರೆ. ಖ್ಯಾತ ನಟ ಸಂಜಯ್ ದತ್ ಅವರು ಈ ಸಿನಿಮಾದಲ್ಲಿ ವಿಲನ್ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ರವೀನಾ ಟಂಡನ್ ರಾಜಕಾರಣಿಯ ಪಾತ್ರ ಮಾಡುತ್ತಿದ್ದಾರೆ. ಹೀಗಾಗಿ, ‘ಕೆಜಿಎಫ್ 2’ಗೆ ಹಿಂದಿ ಚಿತ್ರರಂಗದಲ್ಲಿ ದೊಡ್ಡ ಮಟ್ಟದ ಬೇಡಿಕೆ ಸೃಷ್ಟಿ ಆಗುತ್ತಿದೆ.
ಇದನ್ನೂ ಓದಿ: Toofan Lyrical Video: ಬಂದೇ ಬಿಡ್ತು ತೂಫಾನ್; ‘ಕೆಜಿಎಫ್ ಚಾಪ್ಟರ್ 2’ ಚಿತ್ರದ ಮೊದಲ ಲಿರಿಕಲ್ ವಿಡಿಯೋ ರಿಲೀಸ್
‘ತೂಫಾನ್’ ಅವತಾರದಲ್ಲಿ ಬಂದ ಯಶ್; ‘ಕೆಜಿಎಫ್ 2’ ಮೇಲಿನ ಕಾತರಕ್ಕೆ ಕಿಚ್ಚು ಹೊತ್ತಿಸಿವೆ ಈ ಲುಕ್ಗಳು
Published On - 9:22 pm, Mon, 21 March 22
