ಮೇಘನಾ ರಾಜ್ ಚಿರಂಜೀವಿ ಸರ್ಜಾ ಪುತ್ರ ಜ್ಯೂ. ಚಿರು ಜೊತೆ ಅರ್ಜುನ್ ಸರ್ಜಾ ಫೋಟೋ ವೈರಲ್
Meghana Raj | Jr Chiru: ಮೇಘನಾ ರಾಜ್ ಆಯ್ಕೆ ಮಾಡಿಕೊಂಡು ಫೋಟೋ ತುಂಬ ಕ್ಯೂಟ್ ಆಗಿತ್ತು. ಒಂದೇ ಫ್ರೇಮ್ನಲ್ಲಿ ಅರ್ಜುನ್ ಸರ್ಜಾ ಮತ್ತು ಜ್ಯೂ. ಚಿರು ಕಾಣಿಸಿಕೊಂಡಿದ್ದನ್ನು ನೋಡಿ ಫ್ಯಾನ್ಸ್ ಖುಷಿಪಟ್ಟರು.
ಸೆಲೆಬ್ರಿಟಿಗಳು ಮಾತ್ರವಲ್ಲದೆ, ಸ್ಟಾರ್ ಕಿಡ್ಗಳು ಕೂಡ ಸೋಶಿಯಲ್ ಮೀಡಿಯಾದಲ್ಲಿ ಫೇಮಸ್ ಆಗುತ್ತಾರೆ. ಈ ಮಾತಿಗೆ ಸ್ಯಾಂಡಲ್ವುಡ್ ನಟಿ ಮೇಘನಾ ರಾಜ್ (Meghana Raj) ಪುತ್ರ ಜ್ಯೂ. ಚಿರು (Jr Chiru) ಬೆಸ್ಟ್ ಉದಾಹರಣೆ. ಆತನ ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿದ್ದಂತೆಯೇ ಸಖತ್ ವೈರಲ್ ಆಗುತ್ತವೆ. ಅಭಿಮಾನಿಗಳು ಜ್ಯೂ. ಚಿರು ಫೋಟೋ ಮತ್ತು ವಿಡಿಯೋಗಳಿಗೆ ಹೆಚ್ಚು ಲೈಕ್ಸ್ ನೀಡುತ್ತಾರೆ. ಸೂಕ್ತ ಸಂದರ್ಭಗಳಲ್ಲೆಲ್ಲ ಮಗನ ಕುರಿತು ಮೇಘನಾ ರಾಜ್ ಅಪ್ಡೇಟ್ ನೀಡುತ್ತಿದ್ದಾರೆ. ಅದೇ ರೀತಿ ಇತ್ತೀಚೆಗೆ ಅವರು ಹಂಚಿಕೊಂಡು ಒಂದು ಫೋಟೋ ಕೂಡ ಎಲ್ಲರ ಗಮನ ಸೆಳೆಯುತ್ತಿದೆ. ಈ ಅಪರೂಪದ ಫೋಟೋದಲ್ಲಿ ಅರ್ಜುನ್ ಸರ್ಜಾ (Arjun Sarja) ಮತ್ತು ಜ್ಯೂ. ಚಿರು ಪೋಸ್ ನೀಡಿದ್ದಾರೆ.
ಚಿರಂಜೀವಿ ಸರ್ಜಾ ಮತ್ತು ಧ್ರುವ ಸರ್ಜಾ ಪಾಲಿಗೆ ಅರ್ಜುನ್ ಸರ್ಜಾ ಗಾಡ್ ಫಾದರ್ ಇದ್ದಂತೆ. ಈಗಲೂ ಧ್ರುವ ಅದನ್ನು ಹೇಳುತ್ತಲೇ ಇರುತ್ತಾರೆ. ಇತ್ತೀಚೆಗೆ ಅರ್ಜುನ್ ಸರ್ಜಾ ಬರ್ತ್ಡೇ ಆಚರಿಸಿಕೊಂಡರು. ಆ.15ರಂದು ಅವರ ಜನ್ಮದಿನವಿತ್ತು. ಆ ಪ್ರಯುಕ್ತ ಮೇಘನಾ ರಾಜ್ ಕೂಡ ವಿಶ್ ಮಾಡಿದ್ದರು. ಅದಕ್ಕಾಗಿ ಅವರು ಆಯ್ಕೆ ಮಾಡಿಕೊಂಡು ಫೋಟೋ ತುಂಬ ಕ್ಯೂಟ್ ಆಗಿತ್ತು. ಒಂದೇ ಫ್ರೇಮ್ನಲ್ಲಿ ಅರ್ಜುನ್ ಸರ್ಜಾ ಮತ್ತು ಜ್ಯೂ. ಚಿರು ಕಾಣಿಸಿಕೊಂಡಿದ್ದನ್ನು ನೋಡಿ ಫ್ಯಾನ್ಸ್ ಖುಷಿಪಟ್ಟರು.
ಆ್ಯಕ್ಷನ್ ಸಿನಿಮಾಗಳ ಮೂಲಕ ಅರ್ಜುನ್ ಸರ್ಜಾ ಹೆಸರಾದವರು. ಈಗ ಅವರು ಜ್ಯೂ. ಚಿರುಗೂ ಫೈಟಿಂಗ್ ಹೇಳಿಕೊಡುತ್ತಿದ್ದಾರಾ? ಇಂಥ ಪ್ರಶ್ನೆ ಮೂಡುವ ರೀತಿಯಲ್ಲೇ ಅವರಿಬ್ಬರ ಫೋಟೋ ಇದೆ. ಅರ್ಜುನ್ ಸರ್ಜಾ ಅವರನ್ನು ಬಹಳ ಕುತೂಹಲದಿಂದ ನೋಡುತ್ತಿರುವ ಜ್ಯೂ. ಚಿರು ಎಲ್ಲರ ಗಮನ ಸೆಳೆದುಕೊಂಡಿದ್ದಾನೆ. ಮೇಘನಾ ರಾಜ್, ಧ್ರುವ ಸರ್ಜಾ, ಚಿರಂಜೀವಿ ಸರ್ಜಾ ಮತ್ತು ಅರ್ಜುನ್ ಸರ್ಜಾ ಅಭಿಮಾನಿಗಳ ವಲಯದಲ್ಲಿ ಸದ್ಯ ಈ ಫೋಟೋ ವೈರಲ್ ಆಗಿದೆ.
ಚಿರಂಜೀವಿ ಸರ್ಜಾ ಅವರನ್ನು ಮೇಘನಾ ರಾಜ್ ಪ್ರತಿ ಕ್ಷಣವೂ ಮಿಸ್ ಮಾಡಿಕೊಳ್ಳುತ್ತಿದ್ದಾರೆ. ಎಲ್ಲ ವಿಶೇಷ ಸಂದರ್ಭಗಳಲ್ಲೂ ನೆನಪಿನ ಪುಟಗಳನ್ನು ಅವರು ತೆರೆದಿಡುತ್ತಲೇ ಇರುತ್ತಾರೆ. ಫ್ರೆಂಡ್ಶಿಪ್ ಡೇ ಸಂದರ್ಭದಲ್ಲೂ ಅವರು ಚಿರು ಫೋಟೋ ಹಂಚಿಕೊಂಡಿದ್ದರು. ಚಿರು ಇಹಲೋಕ ತ್ಯಜಿಸಿ ಒಂದು ವರ್ಷ ಕಳೆದಿದೆ. ಜ್ಯೂ. ಚಿರುಗೆ 9 ತಿಂಗಳು ತುಂಬಿದ ಬಳಿಕ ಮೇಘನಾ ಅವರು ಮತ್ತೆ ನಟನೆಯತ್ತ ಗಮನ ಹರಿಸಿದರು. ಅವರು ಹೊಸ ಪ್ರಾಜೆಕ್ಟ್ಗಳ ಬಗ್ಗೆ ತಿಳಿದುಕೊಳ್ಳಲು ಅಭಿಮಾನಿಗಳು ಕಾಯುತ್ತಿದ್ದಾರೆ.
ಚಿರು ನಿಧನರಾಗುವುದಕ್ಕೂ ಮುನ್ನ ಮೇಘನಾ ರಾಜ್ ಅವರು ‘ಸೆಲ್ಫಿ ಮಮ್ಮಿ ಗೂಗಲ್ ಡ್ಯಾಡಿ’, ‘ಬುದ್ಧಿವಂತ 2’ ಮುಂತಾದ ಸಿನಿಮಾಗಳಲ್ಲಿ ಬ್ಯುಸಿ ಆಗಿದ್ದರು. ಕಾರಣಾಂತರಗಳಿಂದ ಆ ಚಿತ್ರಗಳ ಕೆಲಸಗಳು ವಿಳಂಬ ಆಗಿವೆ. ಆದಷ್ಟು ಬೇಗ ಮೇಘನಾ ಅವರು ಮತ್ತೆ ಬೆಳ್ಳಿಪರದೆ ಮೇಲೆ ಕಾಣಿಸಿಕೊಳ್ಳಲಿ ಎಂದು ಫ್ಯಾನ್ಸ್ ಆಶಿಸುತ್ತಿದ್ದಾರೆ.
ಇದನ್ನೂ ಓದಿ:
Meghana Raj: ‘ನೀನು ಯಾವಾಗಲೂ ನನ್ನ ಬೆಸ್ಟ್ ಫ್ರೆಂಡ್’; ಫ್ರೆಂಡ್ಶಿಪ್ ಡೇ ದಿನ ಚಿರು ನೆನೆದ ಮೇಘನಾ ರಾಜ್
ಚೆನ್ನೈನಲ್ಲಿ ಅರ್ಜುನ್ ಸರ್ಜಾ ನಿರ್ಮಿಸಿದ ಆಂಜನೇಯ ಸ್ವಾಮಿ ದೇವಾಲಯದ ದರ್ಶನ ಪಡೆದ ಜ್ಯೂ. ಚಿರು
Published On - 2:34 pm, Thu, 19 August 21