ಸ್ಯಾಂಡಲ್ವುಡ್ ಬೌಲಿಂಗ್ ಲೀಗ್ 2ನೇ ಸೀಸನ್ಗೆ ಸೆಲೆಬ್ರಿಟಿಗಳ ಉತ್ಸಾಹ; ನಡೆಯುತ್ತಿದೆ ತಯಾರಿ
Sandalwood Bowling League: ಚಂದನವನದಲ್ಲಿ ನಿರ್ಮಾಪಕ ಕಮರ್ ಅವರು ಬೌಲಿಂಗ್ ಲೀಗ್ ಪರಿಚಯಿಸಿದರು. ಮೊದಲ ಸೀಸನ್ಗೆ ಎಲ್ಲರಿಂದ ಸಿಕ್ಕ ಪ್ರತಿಕ್ರಿಯೆ ಕಂಡು ಅವರು ಖುಷಿ ಆಗಿದ್ದಾರೆ. ಹಾಗಾಗಿ ಮತ್ತೊಮ್ಮೆ ಅಷ್ಟೇ ಉತ್ಸಾಹದಿಂದ 2ನೇ ಸೀಸನ್ನ ಬೌಲಿಂಗ್ ಲೀಗ್ ನಡೆಸಲು ಅವರು ಸಜ್ಜಾಗಿದ್ದಾರೆ. ಸುದ್ದಿಗೋಷ್ಠಿಯಲ್ಲಿ ಅವರು ಈ ಕುರಿತು ಒಂದಷ್ಟು ಮಾಹಿತಿ ಹಂಚಿಕೊಂಡಿದ್ದಾರೆ.
ಸ್ಯಾಂಡಲ್ವುಡ್ (Sandalwood) ಮಂದಿಗೆ ಕ್ರೀಡೆಯಲ್ಲಿ ಸಖತ್ ಆಸಕ್ತಿ. ಸಿನಿಮಾ ಕೆಲಸಗಳ ನಡುನಡುವೆ ಕ್ರಿಕೆಟ್, ಟೆನಿಸ್ ಮುಂತಾದ ಪಂದ್ಯಗಳಲ್ಲಿ ಚಂದನವನದ ತಾರೆಯರು ಭಾಗಿ ಆಗುತ್ತಾರೆ. ಕ್ರಿಕೆಟ್, ಬ್ಯಾಡ್ಮಿಂಟನ್, ಕಬ್ಬಡಿ ಲೀಗ್ ಸೇರಿದಂತೆ ಹಲವು ಲೀಗ್‌ಗಳ ಜೊತೆಗೆ ಇದೀಗ ಬೌಲಿಂಗ್ ಲೀಗ್ (Bowling League) ಸಹ ಸೆಲೆಬ್ರಿಟಿಗಳ ವಲಯದಲ್ಲಿ ಕ್ರೇಜ್ ಹುಟ್ಟುಹಾಕಿದೆ. ಕನ್ನಡ ಚಿತ್ರರಂಗದ ತಾರೆಯರು ಈ ಬಗ್ಗೆ ಆಸಕ್ತಿ ತೋರಿಸಿದ್ದಾರೆ. ಬೌಲಿಂಗ್ ಲೀಗ್ 2ನೇ ಸೀಸನ್ಗೆ ಸಕಲ ಸಿದ್ಧತೆ ಶುರುವಾಗಿದೆ. ನಿರ್ಮಾಪಕ ಕಮರ್ (Kamar) ಅವರು ಇದರ ಆಯೋಜನೆಯ ಉಸ್ತುವಾರಿ ವಹಿಸಿಕೊಂಡಿದ್ದಾರೆ. ಆ ಮೂಲಕ ಕನ್ನಡ ಚಿತ್ರರಂಗದ ಅನೇಕ ಸೆಲೆಬ್ರಿಟಿಗಳನ್ನು ಅವರು ಒಂದೆಡೆ ಸೇರಿಸುತ್ತಿದ್ದಾರೆ.
ಕಳೆದ ಬಾರಿ ಸ್ಯಾಂಡಲ್‌ವುಡ್‌ನಲ್ಲಿ ಮೊದಲ ಸೀಸನ್ನ ಬೌಲಿಂಗ್ ಲೀಗ್ ಯಶಸ್ವಿಯಾಗಿತ್ತು. ಅದರಲ್ಲಿ ಅನೇಕ ಸೆಲೆಬ್ರಿಟಿಗಳು ಭಾಗಿ ಆಗಿದ್ದರು. ಆ ಯಶಸ್ಸಿನ ಬೆನ್ನಲ್ಲೇ ಇದೀಗ 2ನೇ ಸೀಸನ್ನ ಬೌಲಿಂಗ್ ಲೀಗ್ ಆಯೋಜನೆಗೊಳ್ಳುತ್ತಿದೆ. ಅದರಲ್ಲಿ ಪಾಲ್ಗೊಳ್ಳಲು ಕನ್ನಡ ಚಿತ್ರರಂಗದ ಸೆಲೆಬ್ರಿಟಿಗಳು ಉತ್ಸಾಹ ತೋರಿಸಿದ್ದಾರೆ. ಈ ಬಾರಿಯ ಬೌಲಿಂಗ್ ಲೀಗ್ ಆರಂಭಕ್ಕೂ ಮುನ್ನ ಸುದ್ದಿಗೋಷ್ಠಿ ನಡೆಸಲಾಗಿದೆ. ಶನಿವಾರ (ನವೆಂಬರ್ 4) ಬೆಂಗಳೂರಿನಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಸೆಲೆಬ್ರಿಟಿಗಳು ತಮ್ಮ ಎಗ್ಸೈಟ್ಮೆಂಟ್ ಬಗ್ಗೆ ಮಾತನಾಡಿದ್ದಾರೆ.
ಇದನ್ನೂ ಓದಿ: ‘ಟಗರು ಪಲ್ಯ’ ಚಿತ್ರಕ್ಕೆ ಜನಮೆಚ್ಚುಗೆ; ನಿರ್ಮಾಪಕನಾಗಿ ಡಾಲಿ ಧನಂಜಯ್ಗೆ ಹ್ಯಾಟ್ರಿಕ್ ಗೆಲುವು
ಚಂದನವನದಲ್ಲಿ ನಿರ್ಮಾಪಕ ಕಮರ್ ಅವರು ಬೌಲಿಂಗ್ ಲೀಗ್ ಪರಿಚಯಿಸಿದರು. ಮೊದಲ ಸೀಸನ್ಗೆ ಎಲ್ಲರಿಂದ ಸಿಕ್ಕ ಪ್ರತಿಕ್ರಿಯೆ ಕಂಡು ಅವರು ಖುಷಿ ಆಗಿದ್ದಾರೆ. ಹಾಗಾಗಿ ಮತ್ತೊಮ್ಮೆ ಅಷ್ಟೇ ಉತ್ಸಾಹದಿಂದ 2ನೇ ಸೀಸನ್ನ ಬೌಲಿಂಗ್ ಲೀಗ್ ನಡೆಸಲು ಅವರು ಸಜ್ಜಾಗಿದ್ದಾರೆ. ಸುದ್ದಿಗೋಷ್ಠಿಯಲ್ಲಿ ಅವರು ಈ ಕುರಿತು ಒಂದಷ್ಟು ಮಾಹಿತಿ ಹಂಚಿಕೊಂಡಿದ್ದಾರೆ. ಈ ಸುದ್ದಿಗೋಷ್ಠಿಯಲ್ಲಿ ಕಾರುಣ್ಯ ರಾಮ್, ರಚನಾ ಇಂದರ್, ಧನ್ಯಾ ರಾಮ್ಕುಮಾರ್, ಬೃಂದಾ ಆಚಾರ್ಯಾ, ಸಾಕ್ಷಿ, ರಕ್ಷಿತಾ ಶೆಟ್ಟಿ, ಕೆಂಪೇಗೌಡ, ತರುಣ್ ಚಂದ್ರ, ಭರತ್ ಮುಂತಾದವರು ಭಾಗಿ ಆಗಿದ್ದರು.
ಇದನ್ನೂ ಓದಿ: ದೆವ್ವದ ಸಿನಿಮಾ ಶೂಟಿಂಗ್ ವೇಳೆ ಆದ ಅನುಭವಗಳ ಬಗ್ಗೆ ಪ್ರಿಯಾಂಕಾ ಉಪೇಂದ್ರ ಮಾತು
ಮೊದಲ ಸೀಸನ್ನ ಬೌಲಿಂಗ್ ಲೀಗ್ನಲ್ಲಿ ಶ್ರೀನಗರ ಕಿಟ್ಟಿ ನೇತೃತ್ವದ ತಂಡ ಗೆಲುವು ಸಾಧಿಸಿತ್ತು. ಹಾಗಾದರೆ, ಬಾರಿಯ ಬೌಲಿಂಗ್ ಲೀಗ್ ಟ್ರೋಫಿ ಯಾರ ಪಾಲಾಗಲಿದೆ ಎಂಬುದನ್ನು ತಿಳಿಯುವ ಕೌತುಕ ಮೂಡಿದೆ. ಡಿಸೆಂಬರ್‌ ತಿಂಗಳಲ್ಲಿ ಲೀಗ್ ಆರಂಭ ಆಗಲಿದೆ. 2 ದಿನಗಳ ಕಾಲ ಲೀಗ್ ನಡೆಯಲಿದೆ. ಇದರಲ್ಲಿ ಅನೇಕ ಸೆಲೆಬ್ರಿಟಿಗಳು ಪಾಲ್ಗೊಳ್ಳಲಿದ್ದಾರೆ. ಈ ಬಾರಿಯ ಬೌಲಿಂಗ್ ಲೀಗ್ನಲ್ಲಿ ಯಾವೆಲ್ಲ ವಿಶೇಷತೆಗಳು ಇರಲಿವೆ? ಭಾಗವಹಿಸುವ ಸೆಲೆಬ್ರಿಟಿಗಳು ಯಾರು ಎಂಬಿತ್ಯಾದಿ ವಿವರಗಳನ್ನು ‘ಕಮರ್ ಫಿಲ್ಮ್ ಫ್ಯಾಕ್ಟರ್’ ಸದ್ಯದಲ್ಲೇ ನೀಡಲಿದೆ. ಈ ಬಾರಿ ಲೀಗ್ನಲ್ಲಿ 6 ತಂಡಗಳು ಇರಲಿದ್ದು, ಸೆಲೆಬ್ರಿಟಿಗಳ ಜೊತೆ ಪತ್ರಕರ್ತರು ಕೂಡ ಭಾಗವಹಿಸಲಿದ್ದಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.