ಹೇಗಿದೆ ನೋಡಿ ‘ಸು ಫ್ರಮ್ ಸೋ’ ಸಿನಿಮಾ ಶೂಟ್ ಮಾಡಿದ ಲೊಕೇಶನ್; ಎಲ್ಲವೂ ನಿಜವಾದ ಮನೆಗಳು

ಸಾಮಾನ್ಯವಾಗಿ ಸಿನಿಮಾ ಶೂಟ್ ಮಾಡುವಾಗ ಸೆಟ್​ಗಳ ನಿರ್ಮಾಣ ಮಾಡುತ್ತಾರೆ. ಸೆಟ್​ನಲ್ಲಿಯೇ ಸಿನಿಮಾ ಶೂಟ್ ಮಾಡುತ್ತಾರೆ. ಶೂಟಿಂಗ್ ವೇಳೆ ಜನರು ಕಿಕ್ಕಿರಿದು ನೆರೆಯುತ್ತಾರೆ. ಈ ಕಾರಣಕ್ಕೆ ಬಹುತೇಕರು ಸೆಟ್​ನ ಆಯ್ಕೆ ಮಾಡಿಕೊಳ್ಳುತ್ತಾರೆ. ಆದರೆ, ರಾಜ್ ಬಿ ಶೆಟ್ಟಿ (Raj B Shetty) ಅವರು ನಿಜವಾದ ಮನೆಯನ್ನೇ ಆಯ್ಕೆ ಮಾಡಿಕೊಂಡು ಶೂಟಿಂಗ್ ಮಾಡಿದ್ದಾರೆ. ‘ದುರ್ಗ ಕಾಕ್ಯಾಪಡವು’ ಹೆಸರಿನ ಯೂಟ್ಯೂಬ್ ಚಾನೆಲ್​ನವರು ‘ಸು ಫ್ರಮ್ ಸೋ’ ಚಿತ್ರದ ಚಿತ್ರೀಕರಣದ ರಿಯಲ್ ಲೊಕೇಶನ್ ತೋರಿಸಿದ್ದಾರೆ.

‘ಸು ಫ್ರಮ್ ಸೋ’ ಸಿನಿಮಾ ಪಕ್ಕಾ ಹಳ್ಳಿ ಸೊಗಡಿನ ಕಥೆ. ಈ ಚಿತ್ರದ ಕಥೆ ಸಂಪೂರ್ಣವಾಗಿ ಹಳ್ಳಿಯಲ್ಲೇ ಸಾಗುತ್ತದೆ. ಈ ಕಾರಣಕ್ಕೆ ಅಂಥದ್ದೇ ಮನೆಗಾಗಿ ರಾಜ್ ಬಿ. ಶೆಟ್ಟಿ ಅವರು ಹುಡುಕಾಟ ನಡೆಸಿದ್ದರು. ಈ ರೀತಿ ಹುಡುಕಾಟದಲ್ಲಿರುವ ರಾಜ್ ಬಿ. ಶೆಟ್ಟಿಗೆ ಅಂಥದ್ದೊಂದು ಮನೆ ಸಿಕ್ಕಿತ್ತು. ಆ ಮನೆ ಹೇಗಿದೆ ಎಂಬುದನ್ನು ದುರ್ಗಪ್ರಸಾದ್ ಅವರು ತೋರಿಸಿದ್ದಾರೆ. ಈ ವಿಡಿಯೋ ವೈರಲ್ ಆಗಿದೆ.

‘ಸು ಫ್ರಮ್ ಸೋ’ದ ಬಹುತೇಕ ಕಥೆ ಅಶೋಕನ ಮನೆಯಲ್ಲಿ ಸಾಗುತ್ತದೆ. ಇದಕ್ಕಾಗಿ ಒಂದು ತಿಂಗಳು ಮನೆಯೊಂದನ್ನು ತೆಗೆದುಕೊಳ್ಳಲಾಗಿತ್ತು. ಮನೆಯ ಮಾಲೀಕರು ಸಹ ಖುಷಿಯಿಂದ ಮನೆಯನ್ನು ಶೂಟಿಂಗ್​ಗೆ ನೀಡಿದ್ದರು. ಸಂಪೂರ್ಣ ಮನೆಯನ್ನು ತಮಗೆ ಬೇಕಾದ ರೀತಿಯಲ್ಲಿ ಬದಲಾಯಿಸಿಕೊಳ್ಳಲಾಗಿತ್ತು. ಸಿನಿಮಾದಲ್ಲಿ ನೋಡಿದ ಮನೆಗೂ ಆ ಲೊಕೇಶ್​ನಗೂ ಈಗ ಸಾಕಷ್ಟು ವ್ಯತ್ಯಾಸ ಇದೆ.

ಸು ಫ್ರಮ್ ಸೋ ಲೋಕೇಶ್ ವಿಡಿಯೋ

‘ಒಂದು ತಿಂಗಳು ಮನೆಯಲ್ಲಿ ಶೂಟ್ ಮಾಡಿದರು. ಶೂಟಿಂಗ್ ನಮಗೆ ಹೊಸದಾಗಿತ್ತು. ಲೈಟ್ ಸೆಟಿಂಗ್ ಕೂಡ ದೊಡ್ಡದಾಗಿತ್ತು. ರಾಜ್ ಬಿ ಶೆಟ್ಟಿ ಅವರು ದೊಡ್ಡ ಸ್ಟಾರ್​. ಅವರು ನಮ್ಮ ಜೊತೆ ಸಾಮಾನ್ಯರಂತೆ ಬೆರೆತು ಹೋಗಿದ್ದರು. ಜೆಪಿ ತುಮಿನಾಡ್ ಸರಳ ವ್ಯಕ್ತಿ’ ಎಂದು ಮನೆಯ ಮಾಲೀಕರು ಹೊಗಳಿದ್ದಾರೆ.

ಇದನ್ನೂ ಓದಿ: ಬಾವ ಬಂದರು ಹಾಡಿಗೆ ರಾಜ್ ಬಿ ಶೆಟ್ಟಿ ಗ್ಯಾಂಗ್​ನಿಂದ ಭರ್ಜರಿ ಸ್ಟೆಪ್

ಮೆಹಂದಿ ಕಾರ್ಯಕ್ರಮ, ಡ್ಯಾಂಕ್ಸ್ ಆ್ಯಂಥಮ್ ಹಾಡಿನ ಶೂಟ್, ಬಾವನ ಎಂಟ್ರಿ ಶೂಟ್ ನಡೆದ ಸ್ಥಳವನ್ನು ದುರ್ಗಪ್ರಸಾದ್ ಅವರು ತೋರಿಸಿದ್ದಾರೆ. ಮದುವೆ ದೃಶ್ಯ, ರವಿ ಅಣ್ಣನ ಬೈಕ ಬೀಳೋದು, ರವಿ ಅಣ್ಣ ಚಪ್ಪೆ ಸೋಡ ಕುಡಿಯೋದು ಮೊದಲಾದ ಲೊಕೇಶನ್​ಗಳನ್ನು ರಿಯಲ್ ಆಗಿಯೇ ತೆಗೆದುಕೊಳ್ಳಲಾಗಿತ್ತು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.