ಎಡಗೈ ಬಳಸುವವರಿಗಾಗಿ ಲಾಂಚ್ ಆಗಲಿದೆ ವಿಶೇಷ ಹೆಲ್ಮೆಟ್; ಇದು ‘ಎಡಗೈಯೇ ಅಪಘಾತಕ್ಕೆ ಕಾರಣ’ ಚಿತ್ರದ ಇಂಪ್ಯಾಕ್ಟ್
ಆ.13ರಂದು ‘ವಿಶ್ವ ಎಡಗೈ ದಿನ’ ಆಚರಿಸಲಾಗುತ್ತದೆ. ಅಂದು ಹೊಸ ಬಗೆಯ ಹೆಲ್ಮೆಟ್ ಲಾಂಚ್ ಆಗಲಿದೆ. ಎಗಡೈ ಬಳಸುವವರಿಗೆ ಅನುಕೂಲ ಆಗುವ ರೀತಿಯಲ್ಲಿ ಈ ಹೆಲ್ಮೆಟ್ಗಳು ವಿನ್ಯಾಗೊಂಡಿವೆ. ಬಿಡುಗಡೆಗೂ ಮುನ್ನವೇ ಕನ್ನಡ ಸಿನಿಮಾದ ಕಥಾಹಂದರವು ಇಂಥ ಒಂದು ಬದಲಾವಣೆಗೆ ಕಾರಣ ಆಗಿರುವುದು ಗಮನಾರ್ಹ.
ನಟ ದಿಗಂತ್ ಮಂಚಾಲೆ (Diganth Manchale) ಅವರು ವಿಶೇಷ ಕಥಾಹಂದರದ ಸಿನಿಮಾಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಾರೆ. ಈಗ ಅವರು ನಟಿಸಿರುವ ‘ಎಡಗೈಯೇ ಅಪಘಾತಕ್ಕೆ ಕಾರಣ’ ಸಿನಿಮಾದಲ್ಲೂ ಒಂದು ಭಿನ್ನವಾದ ಕಾನ್ಸೆಪ್ಟ್ ಇದೆ. ಜಗತ್ತಿನಲ್ಲಿ ಬಲಗೈ ಬಳಸುವವರ (Left Handers) ಸಂಖ್ಯೆ ಜಾಸ್ತಿ. ಆದ್ದರಿಂದ ವಿಶ್ವದ ಬಹುತೇಕ ಎಲ್ಲ ಸಾಧನಗಳು ಬಲಗೈ ಬಳಸುವವರಿಗೆ ಅನುಕೂಲ ಆಗುವ ರೀತಿಯಲ್ಲಿ ವಿನ್ಯಾಸಗೊಂಡಿದೆ. ಅದರಿಂದ ಎಡಗೈ ಬಳಸುವವರಿಗೆ ಸಾಕಷ್ಟು ತೊಂದರೆ ಆಗುತ್ತದೆ. ಇಂಥ ಕಾನ್ಸೆಪ್ಟ್ ಇಟ್ಟುಕೊಂಡು ‘ಎಡಗೈಯೇ ಅಪಘಾತಕ್ಕೆ ಕಾರಣ’ (Edagaiye Apaghatakke Karana) ಸಿನಿಮಾ ಮೂಡಿಬರುತ್ತಿದೆ. ಈ ಕಾನ್ಸೆಪ್ಟ್ ಅರ್ಥ ಮಾಡಿಕೊಂಡಿರುವ ವೇಗಾ ಹೆಲ್ಮೆಟ್ ಕಂಪನಿಯು ಎಡಗೈ ಬಳಸುವವರಿಗಾಗಿಯೇ ವಿಶೇಷವಾಗಿ ವಿನ್ಯಾಸಗೊಂಡು ಹೆಲ್ಮೆಟ್ಗಳನ್ನು ಲಾಂಚ್ ಮಾಡುತ್ತಿದೆ. ಆ ಬಗ್ಗೆ ಚಿತ್ರದ ನಿರ್ಮಾಪಕ ಗುರುದತ್ ಗಾಣಿಗ ಅವರು ಮಾಹಿತಿ ಹಂಚಿಕೊಂಡಿದ್ದಾರೆ.
ಆಗಸ್ಟ್ 13ರಂದು ‘ವಿಶ್ವ ಎಡಗೈ ದಿನ’ ಆಚರಿಸಲಾಗುತ್ತದೆ. ಅಂದು ಹೊಸ ಬಗೆಯ ಹೆಲ್ಮೆಟ್ ಲಾಂಚ್ ಆಗಲಿದೆ. ಎಗಡೈ ಬಳಸುವವರಿಗೆ ಅನುಕೂಲ ಆಗುವ ರೀತಿಯಲ್ಲಿ ಈ ಹೆಲ್ಮೆಟ್ಗಳು ವಿನ್ಯಾಗೊಂಡಿವೆ. ಬಿಡುಗಡೆಗೂ ಮುನ್ನವೇ ಕನ್ನಡ ಸಿನಿಮಾದ ಕಥಾಹಂದರವು ಇಂಥ ಒಂದು ಬದಲಾವಣೆಗೆ ಕಾರಣ ಆಗಿರುವುದು ಗಮನಾರ್ಹ ವಿಚಾರ. ದೊಡ್ಡ ದೊಡ್ಡ ಕಂಪನಿಗಳು ಕೂಡ ಕನ್ನಡ ಚಿತ್ರರಂಗದ ಈ ರೀತಿಯ ವಿಶೇಷ ಕಾನ್ಸೆಪ್ಟ್ಗಳನ್ನು ಗಮನಿಸುತ್ತಿವೆ. ‘ಹೆಲ್ಮೆಟ್ ವಿಚಾರದಲ್ಲಿ ಇಂಥ ಪ್ರಯತ್ನ ಆಗಿರುವುದು ಇದೇ ಮೊದಲು’ ಎಂದಿದ್ದಾರೆ ಗುರುದತ್ ಗಾಣಿಗ.
‘ಎಡಗೈ ಅಪಘಾತಕ್ಕೆ ಕಾರಣ’ ಚಿತ್ರಕ್ಕೆ ಸಮರ್ಥ್ ಬಿ. ಕಡಕೊಳ್ ಅವರು ನಿರ್ದೇಶನ ಮಾಡುತ್ತಿದ್ದಾರೆ. ಇದು ಅವರ ಮೊದಲ ನಿರ್ದೇಶನದ ಪ್ರಯತ್ನ. ಮೊದಲ ಸಿನಿಮಾದಲ್ಲೇ ಅವರು ಇಂಥ ಒಂದು ಡಿಫರೆಂಟ್ ಕಾನ್ಸೆಪ್ಟ್ ಆಯ್ಕೆ ಮಾಡಿಕೊಂಡಿದ್ದಾರೆ. ಮರ್ಡರ್ ಮಿಸ್ಟರಿ, ಸಸ್ಪೆನ್ಸ್ ಥ್ರಿಲ್ಲರ್, ಡಾರ್ಕ್ ಕಾಮಿಡಿ ಶೈಲಿಯಲ್ಲಿ ಈ ಸಿನಿಮಾ ಮೂಡಿಬರುತ್ತಿದೆ. ಶೀರ್ಷಿಕೆಯೇ ಹೇಳುವಂತೆ ಎಡಗೈ ಬಳಸುವವರ ಸಮಸ್ಯೆಗಳ ಕುರಿತು ಕಥೆಯನ್ನು ಈ ಸಿನಿಮಾ ಒಳಗೊಂಡಿದೆ. ಅಭಿಮನ್ಯು ಸದಾನಂದ್ ಅವರು ಛಾಯಾಗ್ರಹಣ ಮಾಡುತ್ತಿದ್ದಾರೆ. ರಾಹುಲ್ ವಿ. ಪಾರ್ವತಿಕರ್ ಹಾಗೂ ಶ್ರೀಪಾದ್ ಜೋಶಿ ಅವರ ಸಂಭಾಷಣೆ ಈ ಚಿತ್ರಕ್ಕಿದೆ.
Diganth: ನಟ ದಿಗಂತ್ ಮಂಚಾಲೆ ಹುಟ್ಟುಹಬ್ಬ: ‘ಎಡಗೈಯೇ ಅಪಘಾತಕ್ಕೆ ಕಾರಣ’ ಚಿತ್ರದ ಪೋಸ್ಟರ್ ರಿಲೀಸ್
‘ಹೈಫನ್ ಪಿಕ್ಚರ್ಸ್ ಬ್ಯಾನರ್’ ಮೂಲಕ ಗುರುದತ್ ಗಾಣಿಗ ಮತ್ತು ನಿರ್ದೇಶಕ ಸಮರ್ಥ್ ಬಿ. ಕಡಕೊಳ್ ಅವರು ಜೊತೆಯಾಗಿ ‘ಎಡಗೈ ಅಪಘಾತಕ್ಕೆ ಕಾರಣ’ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದ್ದಾರೆ. ಈ ಸಿನಿಮಾದಲ್ಲಿ ದಿಗಂತ್ ಮಂಚಾಲೆ ಅವರಿಗೆ ಜೋಡಿಯಾಗಿ ಹೊಸ ನಟಿ ಧನು ಹರ್ಷ ಅಭಿನಯಿಸಿದ್ದಾರೆ. ಕನ್ನಡದ ಖ್ಯಾತ ನಟಿಯರಾದ ರಾಧಿಕಾ ನಾರಾಯಣ್ ಮತ್ತು ನಿಧಿ ಸುಬ್ಬಯ್ಯ ಕೂಡ ಈ ಸಿನಿಮಾದಲ್ಲಿ ಪ್ರಮುಖ ಪಾತ್ರಗಳನ್ನು ನಿಭಾಯಿಸಿದ್ದಾರೆ. ಭಜರಂಗಿ ಲೋಕಿ, ಕೃಷ್ಣ ಹೆಬ್ಬಾಳೆ ಸಹ ಪಾತ್ರವರ್ಗದಲ್ಲಿ ಇದ್ದಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.