‘ಕೆಜಿಎಫ್ 2’ ಎಡಿಟರ್ ವಯಸ್ಸು ಕೇವಲ 20 ವರ್ಷ; ಫ್ಯಾನ್ ಮೇಡ್ ವಿಡಿಯೋ ಮಾಡಿದ್ದಕ್ಕೆ ಸಿಕ್ತು ಚಾನ್ಸ್
ಕೆಲಸದ ಒತ್ತಡವನ್ನು ಸಹಿಸಿಕೊಳ್ಳುವ ಸಾಮರ್ಥ್ಯ ಬೇಕು. ಈ ಸಾಮರ್ಥ್ಯವನ್ನು ಪ್ರಶಾಂತ್ ನೀಲ್ ಅವರು ಉಜ್ವಲ್ ಬಳಿ ಕಂಡರು. ಈ ಕಾರಣಕ್ಕೆ ಅವರಿಗೆ ಅವಕಾಶ ನೀಡಿದರು.
ಯೂಟ್ಯೂಬ್ನಲ್ಲಿ (YouTube) ಫ್ಯಾನ್ ಮೇಡ್ ವಿಡಿಯೋಗಳು ಸಾಕಷ್ಟು ವೈರಲ್ ಆಗುತ್ತವೆ. ಟ್ರೇಲರ್ ರಿಲೀಸ್ ಸಂದರ್ಭದಲ್ಲಿ ಅಭಿಮಾನಿಗಳೇ ಕ್ರಿಯೇಟ್ ಮಾಡಿದ ಹಲವು ವಿಡಿಯೋಗಳು ಕಾಣಿಸಿಕೊಳ್ಳುತ್ತವೆ. ಕೆಲ ವಿಡಿಯೋಗಳು ಟ್ರೇಲರ್ಗಿಂತಲೂ ಅದ್ಭುತವಾಗಿ ಮೂಡಿ ಬಂದಿರುತ್ತದೆ. ಈ ರೀತಿಯ ವಿಡಿಯೋಗಳನ್ನು ಮಾಡಿ ದೊಡ್ಡದೊಡ್ಡ ಅವಕಾಶ ಸಿಕ್ಕ ಉದಾಹರಣೆ ಕೂಡ ಇದೆ. ಉದಕ್ಕೆ ಉತ್ತಮ ಉದಾಹರಣೆ ಉಜ್ವಲ್ ಕುಲ್ಕರ್ಣಿ(Ujwal Kulkarni) . ‘ಕೆಜಿಎಫ್ 2’ ಸಿನಿಮಾದಲ್ಲಿ (KGF Chapter 2) ವಿಡಿಯೋ ಎಡಿಟರ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಅವರು ಈ ಟೀಂ ಸೇರಿಕೊಳ್ಳುವಾಗ ಅವರಿಗೆ ವಯಸ್ಸು ಕೇವಲ 17 ವರ್ಷ! ಇಷ್ಟು ಚಿಕ್ಕ ವಯಸ್ಸಿಗೆ ‘ಕೆಜಿಎಫ್ ಚಾಪ್ಟರ್ 2’ ತಾಂತ್ರಿಕ ವರ್ಗ ಸೇರಿಕೊಳ್ಳೋದು ಅಷ್ಟು ಸುಲಭದ ಮಾತಲ್ಲ. ಉಜ್ವಲ್ ಈ ರೀತಿಯ ಸಾಧನೆಯನ್ನು ಮಾಡಿ ತೋರಿಸಿದ್ದಾರೆ.
ಕಲೆ ಒಂದಿದ್ದರೆ ಸಾಕು ಜೀವನದಲ್ಲಿ ಏನು ಬೇಕಾದರೂ ಸಾಧಿಸಬಹುದು. ಇರುವ ಅವಕಾಶದಲ್ಲೇ ದೊಡ್ಡ ಸಾಧನೆ ಮಾಡಬಹುದು. ಉಜ್ವಲ್ ಕೂಡ ಇದೇ ಸಾಲಿಗೆ ಸೇರುತ್ತಾರೆ. ಅವರು ಮಾಡಿದ ವಿಡಿಯೋ ‘ಕೆಜಿಎಫ್’ ನಿರ್ದೇಶಕ ಪ್ರಶಾಂತ್ ನೀಲ್ ಅವರಿಗೆ ಇಷ್ಟವಾಗಿದೆ. ಈ ಕಾರಣಕ್ಕೆ ಉಜ್ವಲ್ಗೆ ವಿಡಿಯೋ ಎಡಿಟಿಂಗ್ ಮಾಡೋಕೆ ಅವಕಾಶ ನೀಡಿದ್ದಾರೆ.
ಉಜ್ವಲ್ ಅವರು ‘ಕೆಜಿಎಫ್’ ಟ್ರೇಲರ್ಅನ್ನು ಎಡಿಟ್ ಮಾಡಿ ಫ್ಯಾನ್ಮೇಡ್ ವಿಡಿಯೋ ರೀತಿಯಲ್ಲಿ ಬಿಟ್ಟಿದ್ದರು. ಈ ವಿಡಿಯೋ ಸಖತ್ ವೀಕ್ಷಣೆ ಪಡೆದುಕೊಂಡಿತ್ತು. ಇದು ಪ್ರಶಾಂತ್ ನೀಲ್ ಅವರ ಕಣ್ಣಿಗೂ ಬಿದ್ದಿದೆ. ಈ ಯುವಕನ ಕೆಲಸವನ್ನು ಇಷ್ಟಪಟ್ಟು ಕರೆದಿದರು. ಸಂದರ್ಶನದ ನಂತರಲ್ಲಿ ಉಜ್ವಲ್ಗೆ ಅವಕಾಶ ನೀಡಿದರು.
‘ಕೆಜಿಎಫ್ 2’ ಅನ್ನೋದು ತುಂಬಾನೇ ದೊಡ್ಡ ಸಿನಿಮಾ. ಈ ಸಿನಿಮಾಗೆ ವಿಶ್ವಮಟ್ಟದಲ್ಲಿ ಬೇಡಿಕೆ ಸೃಷ್ಟಿ ಆಗಿದೆ. ಈ ಸಿನಿಮಾದ ತಾಂತ್ರಿಕ ವರ್ಗದಲ್ಲಿ ಕೆಲಸ ಮಾಡಬೇಕು ಎಂದರೆ ತುಂಬಾನೇ ಅನುಭವ ಬೇಕು. ಎಲ್ಲಕ್ಕಿಂತ ಹೆಚ್ಚಾಗಿ ಆ ಕೆಲಸದ ಒತ್ತಡವನ್ನು ಸಹಿಸಿಕೊಳ್ಳುವ ಸಾಮರ್ಥ್ಯ ಬೇಕು. ಈ ಸಾಮರ್ಥ್ಯವನ್ನು ಪ್ರಶಾಂತ್ ನೀಲ್ ಅವರು ಉಜ್ವಲ್ ಬಳಿ ಕಂಡರು. ಈ ಕಾರಣಕ್ಕೆ ಅವರಿಗೆ ಅವಕಾಶ ನೀಡಿದರು.
‘ಕೆಜಿಎಫ್ 2’ ಸಿನಿಮಾ ಏಪ್ರಿಲ್ 14ರಂದು ತೆರೆಗೆ ಬರುತ್ತಿದೆ. ಕೆಲವು ಕಡೆಗಳಲ್ಲಿ ಏಪ್ರಿಲ್ 13ರ ಮಧ್ಯರಾತ್ರಿಯಿಂದಲೇ ಸಿನಿಮಾ ಪ್ರದರ್ಶನ ಕಾಣುತ್ತಿವೆ. ಬೆಂಗಳೂರು ಒಂದರಲ್ಲೇ ನೂರಾರು ಶೋಗಳನ್ನು ಇಡಲಾಗಿದೆ. ಮೊದಲ ದಿನ ಈ ಸಿನಿಮಾ ದೊಡ್ಡ ಮಟ್ಟದಲ್ಲಿ ಕಲೆಕ್ಷನ್ ಮಾಡುವ ನಿರೀಕ್ಷೆ ಇದೆ.
ಇದನ್ನೂ ಓದಿ: ಕರ್ನಾಟಕದ ಯಾವ ನಗರದಲ್ಲಿ ಎಷ್ಟಿದೆ ‘ಕೆಜಿಎಫ್ 2’ ಟಿಕೆಟ್ ದರ? ಇಲ್ಲಿದೆ ವಿವರ
‘ಕೆಜಿಎಫ್ 2’ ಜತೆ ಅಟ್ಯಾಚ್ ಆಗಿ ಬರಲಿದೆ ಎರಡು ಕನ್ನಡ ಚಿತ್ರಗಳ ಟೀಸರ್; ಗುಡ್ ನ್ಯೂಸ್ ಕೊಟ್ಟ ಹೊಂಬಾಳೆ ಫಿಲ್ಮ್ಸ್