Sunny Leone: ಸನ್ನಿ ಲಿಯೋನ್​ಗೆ ಬಟ್ಟೆ ತೊಡಿಸಲು ಕಷ್ಟಪಟ್ಟ ಆರ್ಮಿ; ವಿಡಿಯೋ ವೈರಲ್​

ಒಂದಲ್ಲ ಒಂದು ಕಾರಣಕ್ಕೆ ನಟಿ ಸನ್ನಿ ಲಿಯೋನ್​ ಸುದ್ದಿ ಆಗುತ್ತಲೇ ಇರುತ್ತಾರೆ. ಸೋಶಿಯಲ್​ ಮೀಡಿಯಾದಲ್ಲಿ ಸಖತ್​ ಆ್ಯಕ್ಟೀವ್​ ಆಗಿರುವ ಅವರು ಅಭಿಮಾನಿಗಳ ಜೊತೆ ಸದಾ ಸಂಪರ್ಕದಲ್ಲಿ ಇರುತ್ತಾರೆ. ತಮ್ಮ ಜೀವನದ ಹಲವು ವಿಚಾರಗಳನ್ನು ಅವರು ಆಗಾಗ ಹಂಚಿಕೊಳ್ಳುತ್ತ ಇರುತ್ತಾರೆ. ಈಗ ಅವರಿಗೆ ಸಂಬಂಧಿಸಿದ ಒಂದು ವಿಡಿಯೋ ಸಿಕ್ಕಾಪಟ್ಟೆ ವೈರಲ್​ ಆಗಿದೆ. ಈ ಮಾದಕ ತಾರೆಗೆ ಬಟ್ಟೆ ತೊಡಿಸಲು ಒಂದು ಗಂಪು ಕಷ್ಟಪಡುತ್ತಿರುವ ದೃಶ್ಯ ಅದರಲ್ಲಿದೆ. ಅದರ ಅಸಲಿಯತ್ತು ಏನು? ಅದನ್ನು ಸ್ವತಃ ಸನ್ನಿ ಲಿಯೋನ್​ ವಿವರಿಸಿದ್ದಾರೆ.

ಒಂದು ಕಾಲದಲ್ಲಿ ನೀಲಿ ಚಿತ್ರಗಳ ನಟಿಯಾಗಿದ್ದ ಸನ್ನಿ ಲಿಯೋನ್​ ನಂತರ ಬಾಲಿವುಡ್​ಗೆ ಕಾಲಿಟ್ಟರು. ಹಲವು ಟಿವಿ ರಿಯಾಲಿಟಿ ಶೋಗಳಲ್ಲೂ ಅವರು ಕಾಣಿಸಿಕೊಂಡರು. ಎಂಟಿವಿಯ ಜನಪ್ರಿಯ Splitsvilla ಶೋಗೆ ಅವರು ನಿರೂಪಕಿಯಾಗಿಯೂ ಕೆಲಸ ಮಾಡಿದ್ದಾರೆ. ಈ ಕಾರ್ಯಕ್ರಮಕ್ಕಾಗಿ ತಯಾರಾಗುತ್ತಿರುವಾಗ ಕಾಸ್ಟ್ಯೂಮ್​ ಧರಿಸುವ ಕಷ್ಟ ಹೇಗಿತ್ತು ಎಂಬುದನ್ನು ವಿವರಿಸಲು ಸನ್ನಿ ಲಿಯೋನ್​ ಈ ವಿಡಿಯೋ ಶೇರ್ ಮಾಡಿಕೊಂಡಿದ್ದಾರೆ.

ಯಾವುದೇ ಸೆಲೆಬ್ರಿಟಿ ಸಾರ್ವಜನಿಕವಾಗಿ ಸುಂದರವಾಗಿ ಕಾಣಲು ಅವರ ಹಿಂದೆ ಒಂದು ತಂಡ ಕೆಲಸ ಮಾಡುತ್ತದೆ. ಅವರ ಮೇಕಪ್​, ಕಾಸ್ಟ್ಯೂಮ್​, ಹೇರ್​ಸ್ಟೈಲ್​ ಎಲ್ಲವನ್ನೂ ಆ ತಂಡವೇ ನೋಡಿಕೊಳ್ಳುತ್ತದೆ. ಸನ್ನಿ ಜೊತೆಗೂ ಅಂತಹ ಒಂದು ಟೀಮ್​ ಇದೆ. Splitsvilla ಕಾರ್ಯಕ್ರಮಕ್ಕಾಗಿ ಸನ್ನಿ ಗೌನ್​ ಧರಿಸುತ್ತಿರುವಾಗ ಬೆನ್ನಿನ ಭಾಗದಲ್ಲಿರುವ ಜಿಪ್​ ಹಾಕುವುದು ಕಷ್ಟವಾಗಿತ್ತು. ಜಿಪ್​ ಮೇಲೇರಿಸಲು ಅವರ ಟೀಮ್​ ಹರಸಾಹಸಪಟ್ಟಿದೆ. ಹೀಗೆ ಸರ್ಕಸ್ ಮಾಡುತ್ತಿರುವ ತಮ್ಮ ತಂಡವನ್ನು ‘ಆರ್ಮಿ’ ಎಂದು ಸನ್ನಿ ಲಿಯೋನ್ ಕರೆದಿದ್ದಾರೆ​.

‘ಗೌನ್​ ಸರಿಯಾಗಿ ಕಾಣುವಂತೆ ಮಾಡಲು ಒಂದು ಆರ್ಮಿಯೇ ಬೇಕಾಗುತ್ತದೆ’ ಎಂದು ಈ ವಿಡಿಯೋಗೆ ಸನ್ನಿ ಲಿಯೋನ್​ ಕ್ಯಾಪ್ಷನ್​ ನೀಡಿದ್ದಾರೆ. ನಾಲ್ಕು ಜನರು ಸೇರಿಕೊಂಡು ಗೌನ್​ ಜಿಪ್​ ಹಾಕಲು ಪ್ರಯತ್ನಿಸಿದ್ದಾರೆ. ಕಡೆಗೂ ಅವರು ಯಶಸ್ವಿ ಆದರೋ ಇಲ್ಲವೋ ಅಂತ ಹೇಳಿ ಎಂದು ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ. ಸನ್ನಿ ಅಭಿಮಾನಿಗಳು ಈ ವಿಡಿಯೋವನ್ನು ಶೇರ್ ಮಾಡಿಕೊಳ್ಳುತ್ತಿದ್ದಾರೆ.

ಸನ್ನಿಗೆ ವಿಶ್ವಾದ್ಯಂತ ಅಭಿಮಾನಿಗಳಿದ್ದಾರೆ. ಇತ್ತೀಚೆಗೆ ಅವರು ಬರ್ತ್​ಡೇ (ಮೇ 13) ಆಚರಿಸಿಕೊಂಡರು. ಮಂಡ್ಯದ ಹಳ್ಳಿಯೊಂದರಲ್ಲಿ ಈ ಮಾದಕ ತಾರೆಯ ಹುಟ್ಟುಹಬ್ಬಕ್ಕೆ ದೊಡ್ಡ ಬ್ಯಾನರ್​ ಮೂಲಕ ಶುಭಕೋರಲಾಗಿತ್ತು. ಆ ಫೋಟೋ ಸಖತ್​ ವೈರಲ್​ ಆಗಿತ್ತು.

ಇದನ್ನೂ ಓದಿ:

ಕರ್ನಾಟಕದ ಹಳ್ಳಿಗರ ಅಭಿಮಾನಕ್ಕೆ ಸನ್ನಿ ಲಿಯೋನ್​ ಫಿದಾ; ಅನಾಥ ಮಕ್ಕಳ ತಾಯಿ ಎಂದ ಫ್ಯಾನ್ಸ್​

ದೆಹಲಿಯ 10,000 ವಲಸೆ ಕಾರ್ಮಿಕರಿಗೆ ಆಹಾರ ನೀಡಲು ಸನ್ನಿ ಲಿಯೋನ್ ಮುಂದೆಜ್ಜೆ!