Exclusive: ಈ ಬಾರಿ ಕನ್ನಡ ಬಿಗ್ ಬಾಸ್ ಒಟಿಟಿ ಸೀಸನ್ ಇರುತ್ತಾ, ಇರಲ್ವಾ? ಇಲ್ಲಿದೆ ಪಕ್ಕಾ ಮಾಹಿತಿ
ಕಳೆದ ವರ್ಷ ಬಿಗ್ ಬಾಸ್ ಒಟಿಟಿ ಆರಂಭ ಆಗಿತ್ತು. ಟಿವಿ ಸೀಸನ್ ಆರಂಭ ಆಗುವುದಕ್ಕೂ ಮೊದಲು ಈ ಸೀಸನ್ ಪ್ರದರ್ಶನ ಕಂಡಿತ್ತು. ಕೇವಲ ವೂಟ್ ಆ್ಯಪ್ನಲ್ಲಿ ಮಾತ್ರ ಇದನ್ನು ನೋಡಲು ಅವಕಾಶ ಇತ್ತು. ಒಟಿಟಿ ಸೀಸನ್ ಪೂರ್ಣಗೊಂಡ ಒಂದು ವಾರ ಗ್ಯಾಪ್ ಬಳಿಕ ಟಿವಿ ಸೀಸನ್ ಆರಂಭಗೊಂಡಿತು.
Updated on: Aug 23, 2023 | 10:45 AM
‘ಬಿಗ್ ಬಾಸ್’ (Bigg Boss) ರಿಯಾಲಿಟಿ ಶೋಗೆ ದೊಡ್ಡ ವೀಕ್ಷಕರ ವರ್ಗ ಇದೆ. ಭಾರತದಲ್ಲಿ ವಿವಿಧ ಭಾಷೆಗಳಲ್ಲಿ ಈ ರಿಯಾಲಿಟಿ ಶೋ ನಡೆಸಲಾಗುತ್ತಿದೆ. ಕನ್ನಡದಲ್ಲಿ ಯಶಸ್ವಿಯಾಗಿ 9 ಸೀಸನ್ ಪೂರ್ಣಗೊಂಡಿದೆ. 10ನೇ ಸೀಸನ್ಗೆ ಸಿದ್ಧತೆ ನಡೆದಿದೆ. ಕಳೆದ ವರ್ಷ ಒಟಿಟಿ ಸೀಸನ್ (Bigg Boss OTT Season) ಇತ್ತು. 45 ದಿನಗಳ ಕಾಲ ಈ ಸೀಸನ್ ಪ್ರಸಾರ ಕಂಡಿತ್ತು. ಈ ಬಾರಿ ಒಟಿಟಿ ಸೀಸನ್ ಇರುತ್ತದೆಯೋ ಅಥವಾ ಇಲ್ಲವೋ ಎನ್ನುವ ಪ್ರಶ್ನೆ ಮೂಡಿತ್ತು. ಇದಕ್ಕೆ ಉತ್ತರ ಸಿಕ್ಕಿದೆ. ಆ ಬಗ್ಗೆ ಪಕ್ಕಾ ಮಾಹಿತಿ ಇಲ್ಲಿದೆ.
ಕಳೆದ ವರ್ಷ ಬಿಗ್ ಬಾಸ್ ಒಟಿಟಿ ಆರಂಭ ಆಗಿತ್ತು. ಟಿವಿ ಸೀಸನ್ ಆರಂಭ ಆಗುವುದಕ್ಕೂ ಮೊದಲು ಈ ಸೀಸನ್ ಪ್ರದರ್ಶನ ಕಂಡಿತ್ತು. ಕೇವಲ ವೂಟ್ ಆ್ಯಪ್ನಲ್ಲಿ ಮಾತ್ರ ಇದನ್ನು ನೋಡಲು ಅವಕಾಶ ಇತ್ತು. ಒಟಿಟಿ ಸೀಸನ್ ಪೂರ್ಣಗೊಂಡ ಒಂದು ವಾರ ಗ್ಯಾಪ್ ಬಳಿಕ ಟಿವಿ ಸೀಸನ್ ಆರಂಭಗೊಂಡಿತು. ಆದರೆ, ಈ ಬಾರಿ ಒಟಿಟಿ ಸೀಸನ್ ಇರುವುದಿಲ್ಲ! ಈ ವಿಚಾರವನ್ನು ಮೂಲಗಳು ಖಚಿತಪಡಿಸಿವೆ.
10ನೇ ಸೀಸನ್ ಎಂದಾಗ ಒಂದು ವಿಶೇಷ ಭಾವನೆ ಇರುತ್ತದೆ. ಈ ಕಾರಣದಿಂದಲೇ ‘ಬಿಗ್ ಬಾಸ್ ಕನ್ನಡ ಸೀಸನ್ 10’ ಸಖತ್ ವಿಶೇಷ ಎನಿಸಿಕೊಂಡಿದೆ. ಹೀಗಾಗಿ ಸಖತ್ ಅದ್ದೂರಿಯಾಗಿ ‘ಬಿಗ್ ಬಾಸ್ ಕನ್ನಡ ಸೀಸನ್ 10’ ಬರಲಿದೆ. ಅಕ್ಟೋಬರ್ ತಿಂಗಳಲ್ಲಿ ಬಿಗ್ ಬಾಸ್ ಆರಂಭ ಆಗಲಿದೆ ಎಂದು ತಿಳಿದು ಬಂದಿದೆ.
ಇದನ್ನೂ ಓದಿ: ‘ಬಿಗ್ ಬಾಸ್’ ಹೊಸ ಸೀಸನ್ನಲ್ಲಿ ಇರಲಿದೆ ಹಲವು ಸರ್ಪ್ರೈಸ್; ಉಲ್ಟಾ-ಪಲ್ಟಾ ಆಗಿದೆ ಪ್ರೋಮೋ
ಬಿಗ್ ಬಾಸ್ ಎಂದಾಕ್ಷಣ ನೆನಪಾಗೋದು ಕಿಚ್ಚ ಸುದೀಪ್. ಅವರ ಉಡುಗೆ, ಅವರ ಸ್ಟೈಲ್, ಸ್ಪರ್ಧಿಗಳಿಗೆ ಕ್ಲಾಸ್ ತೆಗೆದುಕೊಳ್ಳೋ ರೀತಿ, ಅವರನ್ನು ನಗಿಸುವ ವಿಧಾನ, ಸ್ಪರ್ಧಿಗಳನ್ನು ಮನೆಯವರೆಂದು ಟ್ರೀಟ್ ಮಾಡುವ ರೀತಿ, ಅವರಿಗೋಸ್ಕರ ಅಡುಗೆ ಮಾಡಿ ಕೊಡೋದೂ.. ಹೀಗೆ ಎಲ್ಲವೂ ಇಷ್ಟವಾಗುತ್ತದೆ. ಕಳೆದ ಒಂಭತ್ತು ಸೀಸನ್ಗಳನ್ನು ಅವರು ಮುನ್ನಡೆಸಿಕೊಟ್ಟಿದ್ದಾರೆ. 10ನೇ ಸೀಸನ್ ಕೂಡ ಅವರ ಸಾರಥ್ಯದಲ್ಲೇ ಸಾಗಲಿದೆ. ಸುದೀಪ್ಗೋಸ್ಕರ ಈ ರಿಯಾಲಿಟಿ ಶೋ ವೀಕ್ಷಿಸುವ ಅನೇಕರಿದ್ದಾರೆ. ಈ ವಿಚಾರ ಕೇಳಿ ಕಿಚ್ಚನ ಅಭಿಮಾನಿಗಳು ಖುಷಿಪಟ್ಟಿದ್ದಾರೆ. ಶೀಘ್ರದಲ್ಲೇ ಇದರ ಪ್ರೋಮೋ ಶೂಟ್ ನಡೆಯೋ ಸಾಧ್ಯತೆ ಇದೆ.
ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
