ರಿತ್ವಿಕ್ ಹಾಕಿದ ಉಡುಗೆಯಲ್ಲಿ ಅಂಥದ್ದೇನಿತ್ತು ವಿಶೇಷ? ಹಾಡಿ ಹೊಗಳಿದ ಹುಡುಗಿಯರು
ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ ‘ಗಿಣಿರಾಮ’ ಧಾರಾವಾಹಿ ಮೂಲಕ ಖ್ಯಾತಿ ಹೆಚ್ಚಿಸಿಕೊಂಡವರು ರಿತ್ವಿಕ್ ಮಠದ್. ಧಾರಾವಾಹಿಯಲ್ಲಿ ಅವರ ಪಾತ್ರ ಸ್ವಲ್ಪ ರಫ್ ಆ್ಯಂಡ್ ಟಫ್.
Updated on: Aug 19, 2021 | 3:16 PM
ಕಿರುತೆರೆ ಮೂಲಕ ಹೆಸರು ಮಾಡಿದ ನಟ ರಿತ್ವಿಕ್ ಅವರು ಬಿಗ್ ಬಾಸ್ ಮನೆಯಲ್ಲಿ ಮಿಂಚುತ್ತಿದ್ದಾರೆ. ಬಿಗ್ ಬಾಸ್ ಮಿನಿ ಸೀಸನ್ನಲ್ಲಿ ತಮ್ಮ ಭಿನ್ನ ಮ್ಯಾನರಿಸಮ್ ಮೂಲಕ ಎಲ್ಲರಿಗೂ ಇಷ್ಟವಾಗುತ್ತಿದ್ದಾರೆ. ಈಗ ರಿತ್ವಿಕ್ ಅವರು ಮನೆಯಲ್ಲಿ ಒಂದು ಬಟ್ಟೆ ಧರಿಸಿದ್ದರು. ಅದು ಅನೇಕರಿಗೆ ಇಷ್ಟವಾಗಿದೆ. ಅಲ್ಲದೆ, ಈ ಬಗ್ಗೆ ಮನೆ ಮಂದಿ ಹಾಡಿ ಹೊಗಳಿದ್ದಾರೆ.
ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ ‘ಗಿಣಿರಾಮ’ ಧಾರಾವಾಹಿ ಮೂಲಕ ಖ್ಯಾತಿ ಹೆಚ್ಚಿಸಿಕೊಂಡವರು ರಿತ್ವಿಕ್ ಮಠದ್. ಧಾರಾವಾಹಿಯಲ್ಲಿ ಅವರ ಪಾತ್ರ ಸ್ವಲ್ಪ ರಫ್ ಆ್ಯಂಡ್ ಟಫ್. ಹಾಗಂತ ಅವರ ಮನಸ್ಸು ಕಲ್ಲಲ್ಲ. ಧಾರಾವಾಹಿಯಲ್ಲಿ ಅವರು ನಿರ್ವಹಿಸುತ್ತಿರುವ ಪಾತ್ರಕ್ಕೆ ಒಂದು ಮುಗ್ದತೆ ಕೂಡ ಇದೆ. ಅಚ್ಚರಿ ಎಂದರೆ ಅವರಲ್ಲೂ ಅದೇ ಗುಣ ಇದೆ. ಬಿಗ್ ಬಾಸ್ ಮನೆಯಲ್ಲಿ ಇದು ಸ್ಪಷ್ಟವಾಗಿದೆ.
ಯಶಸ್ವಿನಿ ಮತ್ತು ವೈಷ್ಣವಿ ಬಿಗ್ ಬಾಸ್ ಮನೆಯ ಗಾರ್ಡನ್ ಏರಿಯಾದಲ್ಲಿ ಕೂತಿದ್ದರು. ಈ ವೇಳೆ ಅಲ್ಲಿಗೆ ರಿತ್ವಿಕ್ ಆಗಮಿಸಿದ್ದಾರೆ. ಈ ವೇಳೆ ಅವರು ನೈಟ್ ಡ್ರೆಸ್ ತೊಟ್ಟಿದ್ದರು. ಯಶಸ್ವಿನಿ ಮತ್ತು ವೈಷ್ಣವಿ ಇಬ್ಬರಿಗೂ ನೈಟ್ ಡ್ರೆಸ್ ಇಷ್ಟವಾಗಿದೆ. ಅಲ್ಲದೆ, ಡ್ರೆಸ್ ಎಲ್ಲಿ ತೆಗೆದುಕೊಂಡಿರಿ? ಅದು ತುಂಬಾನೇ ಸಖತ್ ಆಗಿದೆ. ಎಲ್ಲಕ್ಕಿಂತ ಹೆಚ್ಚಾಗಿ ನಿಮಗೆ ಸೂಟ್ ಆಗುತ್ತದೆ ಎಂಬಿತ್ಯಾದಿ ವಿಚಾರಗಳನ್ನು ಹೇಳಿದ್ದಾರೆ. ಆಗ ಮಾತನಾಡಿದ ರಿತ್ವಿಕ್, ‘ಇದು ನೈಟ್ ಡ್ರೆಸ್. ಇದರಲ್ಲಿ ಅಂಥ ವಿಶೇಷತೆ ಏನಿದೆ’ ಎಂದು ಪ್ರಶ್ನೆ ಮಾಡಿದರು. ನಂತರ ಅಲ್ಲಿಂದ ನಡೆದರು.
ಈ ವೇಳೆ ರಿತ್ವಿಕ್ ಬಗ್ಗೆ ಯಶಸ್ವಿನಿ ಮತ್ತು ವೈಷ್ಣವಿ ಮಾತುಕತೆ ನಡೆಸಿದರು. ‘ರಿತ್ವಿಕ್ ತುಂಬಾನೇ ಸೈಲೆಂಟ್. ತುಂಬಾನೇ ಹಂಬಲ್. ಸೈಲೆಂಟ್ ಇದ್ರೆ ಆ್ಯಟಿಟ್ಯೂಡ್ ಅನಿಸುತ್ತದೆ. ಆದರೆ, ಇವರನ್ನು ನೋಡಿದರೆ ಆತರ ಫೀಲ್ ಆಗಲ್ಲ’ ಎಂದು ಮೆಚ್ಚುಗೆಯ ಮಾತುಗಳನ್ನು ಆಡಿದರು.
View this post on Instagram
ಬಿಗ್ ಬಾಸ್ ಮಿನಿ ಸೀಸನ್ ಆರು ದಿನಗಳ ಕಾಲ ನಡೆಯಲಿದೆ. ಸಾಕಷ್ಟು ಸೆಲೆಬ್ರಿಟಿಗಳು ಬಿಗ್ ಬಾಸ್ ಮನೆ ಪ್ರವೇಶ ಮಾಡಿದ್ದಾರೆ. ಇಷ್ಟು ದಿನ ಕೇವಲ ಹೊರಗಿನಿಂದ ಬಿಗ್ ಬಾಸ್ ಮನೆ ನೋಡುತ್ತಿದ್ದ ಸೀರಿಯಲ್ ಕಲಾವಿದರಿಗೆ ಬಿಗ್ ಬಾಸ್ ಮನೆ ಒಳಗೆ ಕಾಲಿಡುವ ಅವಕಾಶ ಸಿಕ್ಕಿದೆ.
ಇದನ್ನೂ ಓದಿ: ಬಿಗ್ ಬಾಸ್ ನಿರೂಪಣೆ ಬಗ್ಗೆ ಸುದೀಪ್ ಫ್ಯಾನ್ಸ್ಗೆ ಇದ್ದ ಅನುಮಾನಕ್ಕೆ ಪರಮ್ ಫುಲ್ ಸ್ಟಾಪ್
‘ಗಿಣಿರಾಮ’ ಸೀರಿಯಲ್ ನಟ ರಿತ್ವಿಕ್ಗೆ ಜಿಮ್ನಲ್ಲಿ ಎದುರಾಗಿತ್ತು ವಿಚಿತ್ರ ಪ್ರಶ್ನೆ
