ಆಸ್ಪತ್ರೆ ಸೇರಿದ ಉರ್ಫಿ ಜಾವೇದ್; ಅಭಿಮಾನಿಗಳಲ್ಲಿ ಆತಂಕ ಮೂಡಿಸಿದ ನಟಿಯ ಪೋಸ್ಟ್

ಸಾಮಾಜಿಕ ಜಾಲತಾಣದ ಖ್ಯಾತ ನಟಿ ಉರ್ಫಿ ಜಾವೇದ್ ದಿಢೀರ್ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ತಾವು ಆಸ್ಪತ್ರೆಯ ಮಂಚದ ಮೇಲೆ ಮಲಗಿರುವ ಫೋಟೋಗಳನ್ನು ಅವರು ಹಂಚಿಕೊಂಡಿದ್ದಾರೆ. ಪ್ರತಿ ವರ್ಷವೂ ತಮಗೆ ಆಸ್ಪತ್ರೆ ವಾಸ ತಪ್ಪಿದ್ದಲ್ಲ ಎಂದು ಅವರು ಬರೆದುಕೊಂಡಿದ್ದಾರೆ. ಅವರ ಈ ಪೋಸ್ಟ್ ನೋಡಿ ಅಭಿಮಾನಿಗಳು ತೀವ್ರ ಆತಂಕ ವ್ಯಕ್ತಪಡಿಸಿದ್ದಾರೆ. ನಟಿ ಬೇಗ ಚೇತರಿಸಿಕೊಳ್ಳಲಿ ಎಂದು ಹಾರೈಸುತ್ತಿದ್ದಾರೆ.

ಉರ್ಫಿ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಸರಣಿ ಫೋಟೋಗಳನ್ನು ಪೋಸ್ಟ್ ಮಾಡಿದ್ದಾರೆ. ಹಿನ್ನೆಲೆಯಲ್ಲಿ ‘ಇತ್ನಿ ಶಕ್ತಿ ಹಮೇ ದೇ ನಾ ದಾತಾ’ ಹಾಡು ಪ್ಲೇ ಆಗುತ್ತಿದೆ. ಕೈಗೆ ಐವಿ ಕ್ಯಾನುಲಾ ಹಾಕಿಕೊಂಡಿರುವ ಫೋಟೋವನ್ನು ಅವರು ಹಂಚಿಕೊಂಡಿದ್ದಾರೆ. ಈ ಹಂತವೇ ಅತ್ಯಂತ ಕೆಟ್ಟದ್ದು ಎಂದು ಅವರು ಬರೆದಿದ್ದಾರೆ. ಅನೆಸ್ಥೇಷಿಯಾ ತಗೊಂಡಾಗ ಸಿಗುವ ಮಜಾವೇ ಬೇರೆ ಎಂದು ನಟಿ ಹೇಳಿದ್ದಾರೆ.

ಆಸ್ಪತ್ರೆಗೆ ದಾಖಲಾಗಲು ನಿಖರ ಕಾರಣ ಏನೆಂದು ಉರ್ಫಿ ತಿಳಿಸಿಲ್ಲ. ಅವರ ತಂಡ ಕೂಡ ಈ ಬಗ್ಗೆ ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲ. ಉರ್ಫಿ ಆಗಾಗ್ಗೆ ಅನಾರೋಗ್ಯಕ್ಕೆ ಒಳಗಾಗಿ ಆಸ್ಪತ್ರೆಗೆ ದಾಖಲಾಗುತ್ತಿರುತ್ತಾರೆ. ತಮ್ಮ ಆರೋಗ್ಯದ ಸಮಸ್ಯೆಗಳ ಬಗ್ಗೆ ಅವರು ಈ ಹಿಂದೆಯೂ ಮುಕ್ತವಾಗಿ ಮಾತನಾಡಿದ್ದರು.

2026ರ ಜನವರಿಯಲ್ಲಿ ತಾವು ತೀವ್ರ ಖಿನ್ನತೆ ಮತ್ತು ಅನಾರೋಗ್ಯದಿಂದ ಬಳಲಿದ್ದಾಗಿ ಹೇಳಿದ್ದರು. ‘ಆ ಸಮಯದಲ್ಲಿ ದೇಹದ ತೂಕ 38 ಕೆಜಿಗೆ ಕುಸಿದಿತ್ತು. ಆಗ ದಿನಕ್ಕೆ ಒಮ್ಮೆ ಮಾತ್ರ ಊಟ ಮಾಡುತ್ತಿದ್ದೆ. ಕಾರ್ಬೋಹೈಡ್ರೇಟ್ಸ್ ಸಂಪೂರ್ಣವಾಗಿ ತ್ಯಜಿಸಿದ್ದರಿಂದ ಕೋಪ ಮತ್ತು ಕಿರಿಕಿರಿ ಹೆಚ್ಚಾಗಿತ್ತು. ನಂತರ ವೇಟ್ ಟ್ರೈನಿಂಗ್ ಮೂಲಕ ಚೇತರಿಸಿಕೊಂಡಿದ್ದಾಗಿ’ ಹೇಳಿದ್ದರು.

ಇದನ್ನೂ ಓದಿ: ಬಿಯರ್ ಕ್ಯಾನಿನಲ್ಲಿ ಮಾಡಿದ ಉಡುಪು ಧರಿಸಿದ ನಟಿ ಉರ್ಫಿ ಜಾವೇದ್: ವಿಡಿಯೋ

ಜೂನ್‌ನಲ್ಲಿ ಉರ್ಫಿ ಮುಖ ಊದಿತ್ತು. ಈ ಬಗ್ಗೆ ಸ್ಪಷ್ಟನೆ ನೀಡಿದ್ದರು. ಫಿಲ್ಲರ್ಸ್ ಕಾರಣಕ್ಕೆ ಮುಖ ಊದಿಕೊಂಡಿದೆ ಎಂಬ ವದಂತಿಯನ್ನು ಅವರು ನಿರಾಕರಿಸಿದ್ದರು. ಅ ಅಲರ್ಜಿ ಮತ್ತು ಮಾನಸಿಕ ಒತ್ತಡವೇ ಇದಕ್ಕೆ ಮುಖ್ಯ ಕಾರಣವಾಗಿತ್ತು. ಮೂರು ಬೆಕ್ಕುಗಳಿದ್ದು ತಮಗೆ ಬೆಕ್ಕುಗಳ ಅಲರ್ಜಿ ಇದೆ ಎಂದು ಅವರು ಹೇಳಿಕೊಂಡಿದ್ದರು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.