‘ಜನ ನಾಯಗನ್’ ಸಿನಿಮಾದಲ್ಲಿ ವಿಜಯ್ ರಾಜಕೀಯ ಪ್ರಚಾರದ ಸರಕು

ರಜನೀಕಾಂತ್ (Rajinikanth) ಬಳಿಕ ಅತಿ ಹೆಚ್ಚು ಅಭಿಮಾನಿಗಳನ್ನು ಹೊಂದಿರುವ ತಮಿಳು ನಟ ವಿಜಯ್. ಅಭಿಮಾನಿಗಳಿಂದ ಪ್ರೀತಿಯಿಂದ ದಳಪತಿ ವಿಜಯ್ ಎಂದೇ ಕರೆಸಿಕೊಳ್ಳುವ ವಿಜಯ್, ಸಿನಿಮಾಗಳಿಗೆ ವಿದಾಯ ಹೇಳಿದ್ದಾರೆ. ಸಕ್ರಿಯ ರಾಜಕೀಯಕ್ಕೆ ಪ್ರವೇಶ ಮಾಡಿರುವ ವಿಜಯ್, ತಾವು ಇನ್ನು ಮುಂದೆ ಸಿನಿಮಾಗಳಲ್ಲಿ ನಟಿಸುವುದಿಲ್ಲ ಎಂದಿದ್ದಾರೆ. ಇದೀಗ ಅವರ ಕೊನೆಯ ಸಿನಿಮಾ ‘ಜನ ನಾಯಗನ್’ನಲ್ಲಿ ನಟಿಸುತ್ತಿದ್ದಾರೆ. ಅಂದಹಾಗೆ ‘ಜನ ನಾಯಗನ್’ ಕೇವಲ ಸಿನಿಮಾ ಮಾತ್ರವಲ್ಲ, ಈ ಸಿನಿಮಾ ಒಂದು ರೀತಿ ವಿಜಯ್​ರ ರಾಜಕೀಯ ಪಕ್ಷದ ಪರ ಪ್ರಚಾರದಂತೆಯೇ ಇರಲಿದೆಯಂತೆ.

ಸಿನಿಮಾದ ಹೆಸರು, ಸಿನಿಮಾದಲ್ಲಿ ವಿಜಯ್ ಹೆಸರು, ಸಿನಿಮಾದ ವಿಲನ್​ಗಳು, ಕತೆ ಎಲ್ಲವೂ ವಿಜಯ್ ರಾಜಕೀಯ ಕರಿಯರ್​ಗೆ ಸಹಾಯವಾಗಲೆಂದೇ ಈ ಸಿನಿಮಾ ನಿರ್ಮಾಣ ಮಾಡಲಾಗುತ್ತಿದೆ. ಅದಕ್ಕೆ ಒಂದು ಉದಾಹರಣೆ ಇಲ್ಲಿದೆ. ಸಿನಿಮಾದಲ್ಲಿ ವಿಜಯ್ ಪಾತ್ರದ ಹೆಸರು ದಳಪತಿ ವೆಟ್ರಿ ಕೊಂಡನ್. ಅದನ್ನು ಶಾರ್ಟ್ ಮಾಡಿ ಟಿವಿಕೆ ಎಂದು ಎಲ್ಲರೂ ವಿಜಯ್ ಅನ್ನು ಕರೆಯುತ್ತಾರಂತೆ. ಟಿವಿಕೆ ಎಂದು ವಿಜಯ್ ಹಚ್ಚೆ ಸಹ ಹಾಕಿಸಿಕೊಂಡಿರಿರುತ್ತಾರಂತೆ ಸಿನಿಮಾನಲ್ಲಿ. ಅಂದಹಾಗೆ ವಿಜಯ್ ಸ್ಥಾಪಿಸಿರುವ ರಾಜಕೀಯ ಪಕ್ಷದ ಹೆಸರು ತಮಿಳಗ ವೆಟ್ರಿ ಕಳಗಂ. ಪಕ್ಷವನ್ನು ಟಿವಿಕೆ ಎಂದೇ ಕರೆಯಲಾಗುತ್ತದೆ.

ಇದು ಮಾತ್ರವೇ ಅಲ್ಲದೆ ಟಿವಿಕೆ ಪಕ್ಷದ ಬಾವುಟದ ಬಳಕೆ ಬಾವುಟದ ಬಣ್ಣದ ಬಳಕೆಗಳನ್ನು ಸಾಕಷ್ಟು ಕಡೆ ಸಿನಿಮಾನಲ್ಲಿ ಮಾಡಲಾಗುತ್ತಿದೆಯಂತೆ. ಸಿನಿಮಾದ ಕತೆಯಲ್ಲಿ ವಿಜಯ್, ಕೆಟ್ಟ ರಾಜಕಾರಣಿಗಳ ವಿರುದ್ಧ ಹೋರಾಡುವ ವ್ಯಕ್ತಿಯಾಗಿ ಕಾಣಿಸಿಕೊಳ್ಳಲಿದ್ದಾರಂತೆ. ಪ್ರಸ್ತುತ ರಾಜಕಾರಣಿಗಳನ್ನು, ಸರ್ಕಾರದ ಪಾಲಿಸಿಗಳನ್ನು ಪ್ರಶ್ನೆ ಮಾಡುವ ಸಾಕಷ್ಟು ಡೈಲಾಗ್​ಗಳು ಈ ಸಿನಿಮಾನಲ್ಲಿ ಇರಲಿವೆ.

ಇದನ್ನೂ ಓದಿ:ದಳಪತಿ ವಿಜಯ್ ಕೊನೆಯ ಚಿತ್ರಕ್ಕೆ ‘ಜನ ನಾಯಗನ್’ ಶೀರ್ಷಿಕೆ; ರಾಜಕೀಯದ ಕಥೆ  

ಈ ಹಿಂದೆ ವಿಜಯ್ ನಟನೆಯ ‘ಮರ್ಸೆಲ್’ ಸಿನಿಮಾನಲ್ಲಿ ಕೇಂದ್ರ ಸರ್ಕಾರದ ಕೆಲ ನೀತಿಗಳನ್ನು ವಿಜಯ್ ಟೀಕೆ ಮಾಡಿದ್ದರು. ಇದರ ಬಗ್ಗೆ ಭಾರಿ ಆಕ್ರೋಶವನ್ನು ಬಿಜೆಪಿ ಹೊರಹಾಕಿತ್ತು. ಈಗ ‘ಜನ ನಾಯಗನ್’ ಸಿನಿಮಾನಲ್ಲಿ ತುಸು ಹೆಚ್ಚಾಗಿಯೇ ಅವರು ಬಿಜೆಪಿ ಮತ್ತು ತಮಿಳುನಾಡಿನ ಕೆಲ ರಾಜಕೀಯ ಪಕ್ಷಗಳನ್ನು ಟೀಕೆ ಮಾಡಲಿದ್ದಾರೆ.

‘ಜನ ನಾಯಗನ್’ ಸಿನಿಮಾವನ್ನು ಎಚ್ ವಿನೋದ್ ನಿರ್ದೇಶನ ಮಾಡುತ್ತಿದ್ದು, ಸಿನಿಮಾದ ಚಿತ್ರೀಕರಣ ಕೊಡೆಕ್ಕೆನೈಲ್ ನಲ್ಲಿ ನಡೆಯುತ್ತಿದೆ. ಸಿನಿಮಾ ಅನ್ನು ಕೆವಿಎನ್ ಪ್ರೊಡಕ್ಷನ್​ ನಿರ್ಮಾಣ ಮಾಡುತ್ತಿದೆ. ಇದು ವಿಜಯ್ ಅವರ ಕೊನೆಯ ಸಿನಿಮಾ ಅಂತೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ