Heart Blockage: ಹೃದಯದ ತೊಂದರೆಗೆ ಆಯುರ್ವೇದ ಚಿಕಿತ್ಸೆಯಲ್ಲಿದೆ ಪರಿಹಾರ
ಹೃದಯಕ್ಕೆ ಸಂಬಂಧಿಸಿದ ಸಮಸ್ಯೆಗೆ ನಾನಾ ರೀತಿಯ ಚಿಕಿತ್ಸೆಗಳಿವೆ. ಆದರೆ, ಅವುಗಳಿಂದ ಅಡ್ಡ ಪರಿಣಾಮವೂ ಉಂಟಾಗಬಹುದು. ಆದರೆ, 4 ತಿಂಗಳ ಕಾಲ ಆಯುರ್ವೇದ ಚಿಕಿತ್ಸೆ ಪಡೆದ 50 ವರ್ಷದ ವ್ಯಕ್ತಿಯೊಬ್ಬರು ಹೃದ್ರೋಗದಿಂದ ಸಂಪೂರ್ಣ ಗುಣಮುಖರಾಗಿದ್ದಾರೆ. ಈ ಮೂಲಕ ಹೃದಯದ ಸಮಸ್ಯೆಗೆ ಆಯುರ್ವೇದವೂ ಪರಿಹಾರ ನೀಡಲಿದೆ ಎಂಬುದು ಸಾಬೀತಾದಂತಾಗಿದೆ.
Updated on: Feb 16, 2024 | 3:22 PM
ಆಲ್ ಇಂಡಿಯಾ ಇನ್ಸ್ಟಿಟ್ಯೂಟ್ ಆಫ್ ಆಯುರ್ವೇದ (AIIA)ದ ಪ್ರಕಾರ 50 ವರ್ಷದ ವ್ಯಕ್ತಿಯೊಬ್ಬರು 4 ತಿಂಗಳ ಕಾಲ ಆಯುರ್ವೇದ (Ayurveda) ಚಿಕಿತ್ಸೆಯ ಮೂಲಕ ಹೃದಯಾಘಾತದಿಂದ ಸಂಪೂರ್ಣವಾಗಿ ಗುಣಮುಖರಾಗಿದ್ದಾರೆ. 50 ವರ್ಷದ ಆಟೋ ಚಾಲಕನಿಗೆ ನವೆಂಬರ್ 2022ರಲ್ಲಿ ಹೃದಯಾಘಾತವಾದ (Heart Attack) ನಂತರ ಅವರ LADಯಲ್ಲಿ ಶೇ. 95ರಷ್ಟು ಹೃದಯದ ಅಡಚಣೆ ಶುರುವಾಗಿತ್ತು.
“ಹೃದಯಾಘಾತಕ್ಕೆ ಒಳಗಾಗಿದ್ದ ನನ್ನನ್ನು ಸಫ್ದರ್ಜಂಗ್ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಅಲ್ಲಿ ನನ್ನನ್ನು 7 ದಿನಗಳವರೆಗೆ ದಾಖಲಿಸಲಾಯಿತು. ಕೆಲವು ತಿಂಗಳ ಚಿಕಿತ್ಸೆಯ ನಂತರ, ವೈದ್ಯರು ಆಂಜಿಯೋಗ್ರಫಿ ಮಾಡಿದರು. ಇದರಲ್ಲಿ ಎಲ್ಎಡಿಯಲ್ಲಿ ಶೇ. 95ರಷ್ಟು ತಡೆ ಮತ್ತು ಬಲ ಪರಿಧಮನಿಯ ಮಧ್ಯದಲ್ಲಿ ಶೇ. 70ರಷ್ಟು ಅಡಚಣೆ ಕಂಡುಬಂದಿದೆ” ಎಂದು ಆಟೋ ಚಾಲಕ ಅವಧೇಶ್ ಕುಮಾರ್ ತಿಳಿಸಿದ್ದಾರೆ.
ಸ್ಟೆಂಟಿಂಗ್ ಚಿಕಿತ್ಸೆ ಮಾಡಿಸಿಕೊಳ್ಳುವಂತೆ ವೈದ್ಯರು ಅವರಿಗೆ ಸಲಹೆ ನೀಡಿದ್ದರು. ಆದರೆ, ಹಣದ ಕೊರತೆಯಿಂದಾಗಿ ಅವರು ಶಸ್ತ್ರಚಿಕಿತ್ಸೆಗೆ ಒಳಗಾಗದೆ ಆಯುರ್ವೇದ ಚಿಕಿತ್ಸೆಯನ್ನು ಆಯ್ಕೆ ಮಾಡಿಕೊಂಡರು. ಆಂಜಿಯೋಗ್ರಫಿ ಪ್ರಕ್ರಿಯೆಯ ನಂತರ, ಅವಧೇಶ್ ಅವರ LAD 6ರಲ್ಲಿ ಕ್ಯಾಲ್ಸಿಫೈಡ್ ಅಲ್ಲದ ಪ್ಲೇಕ್ ಅನ್ನು ತೋರಿಸಲಾಯಿತು. ಇದು ಶೇ. 85-90ರಷ್ಟು ಮುಚ್ಚುವಿಕೆಗೆ ಕಾರಣವಾಯಿತು. RCA ಸೆಗ್ಮೆಂಟ್ 1ರಲ್ಲಿ ಕ್ಯಾಲ್ಸಿಫೈಡ್ ಪ್ಲೇಕ್ ಅನ್ನು ತೋರಿಸಲಾಯಿತು ಮತ್ತು ಇದು ಶೇ. 5-10ರಷ್ಟು ಮುಚ್ಚುವಿಕೆಗೆ ಕಾರಣವಾಗಲಿದೆ ಎಂದರು. ಸೆಗ್ಮೆಂಟ್ 2ರಲ್ಲಿ ಮತ್ತೊಂದು ಕ್ಯಾಲ್ಸಿಫೈಡ್ ಅಲ್ಲದ ಪ್ಲೇಕ್ ಕೂಡ ಇತ್ತು.
ಇದನ್ನೂ ಓದಿ: Heart Attack: ಅತಿಯಾಗಿ ವರ್ಕ್ಔಟ್ ಮಾಡಿದರೂ ಹೃದಯಾಘಾತ ಆಗುತ್ತಾ?; ವೈದ್ಯರ ಸಲಹೆ ಇಲ್ಲಿದೆ
ಆಲ್ ಇಂಡಿಯಾ ಇನ್ಸ್ಟಿಟ್ಯೂಟ್ ಆಫ್ ಆಯುರ್ವೇದದಲ್ಲಿ ಅವಧೇಶ್ಗೆ ಪಂಚಕರ್ಮ ಥೆರಪಿಯನ್ನು ಸೂಚಿಸಲಾಯಿತು. ಇದು ಅಮಾ ಎಂಬ ವಿಷವನ್ನು ಹೊರಹಾಕಲು ದೇಹವನ್ನು ಒಳಗಿನಿಂದ ಶುದ್ಧೀಕರಿಸುತ್ತದೆ. ಅಲ್ಲಿನ ವೈದ್ಯರು ಅವರನ್ನು 3 ತಿಂಗಳ ಕೋರ್ಸ್ಗೆ ಸೇರಿಸಿದರು. ನಂತರ 2 ವಾರಗಳ ಕಾಲ ಆಸ್ಪತ್ರೆಗೆ ದಾಖಲಾಗಿದ್ದರು. ಅವರು ಈಗ ಸಂಪೂರ್ಣವಾಗಿ ಗುಣಮುಖರಾಗಿದ್ದಾರೆ. ಎಐಐಎ ವೈದ್ಯರು ಚಿಕಿತ್ಸೆಗಾಗಿ ಬಂದಾಗ ಎದೆನೋವು ಮತ್ತು ಉಸಿರಾಟದ ತೊಂದರೆಯಿಂದಾಗಿ ಅವಧೇಶ್ ಅವರಿಗೆ ಸರಿಯಾಗಿ ನಡೆಯಲು ಸಾಧ್ಯವಾಗಿರಲಿಲ್ಲ.
LAD ನಿರ್ಬಂಧದಲ್ಲಿ ಏನಾಗುತ್ತದೆ?:
ತಜ್ಞರ ಪ್ರಕಾರ, ಕೊಬ್ಬಿನ ಪ್ಲೇಕ್ನ ನಿಕ್ಷೇಪಗಳು ಅಪಧಮನಿಕಾಠಿಣ್ಯ ಅಥವಾ ಅಪಧಮನಿಗಳ ಗಟ್ಟಿಯಾಗುವಿಕೆಗೆ ಕಾರಣವಾಗುತ್ತದೆ. ಕೆಲವು ಸಂದರ್ಭಗಳಲ್ಲಿ, ಪ್ಲೇಕ್ ಪ್ರಮಾಣವು ಅಪಧಮನಿಯನ್ನು ಸಂಪೂರ್ಣವಾಗಿ ನಿರ್ಬಂಧಿಸುತ್ತದೆ, ಆಮ್ಲಜನಕಯುಕ್ತ ರಕ್ತದ ಹರಿವನ್ನು ನಿಲ್ಲಿಸುತ್ತದೆ. ಇದು ಹೃದಯಾಘಾತಕ್ಕೆ ಕೂಡ ಕಾರಣವಾಗಬಹುದು. ಹೀಗಾಗಿ, ಎದೆಯಲ್ಲಿ ನೋವಿನ ತೀವ್ರ ಒತ್ತಡ, ಬೆವರುವಿಕೆ ಅಥವಾ ಒದ್ದೆಯಾದ ಭಾವನೆ, ತಲೆತಿರುಗುವಿಕೆ, ಆಯಾಸ ಮತ್ತು ದೌರ್ಬಲ್ಯ, ವಾಕರಿಕೆ, ಉಸಿರಾಟದ ತೊಂದರೆ, ಭುಜ ಅಥವಾ ತೋಳಿನ ನೋವು ಕಂಡುಬಂದರೆ ನಿರ್ಲಕ್ಷ್ಯ ಮಾಡಬೇಡಿ.
ಇದನ್ನೂ ಓದಿ: Heart Attack: ಹೃದಯಾಘಾತದ ಲಕ್ಷಣಗಳು ಮಹಿಳೆ- ಪುರುಷರಲ್ಲಿ ಬದಲಾಗುವುದೇಕೆ?
ನಿಮ್ಮ ಹೃದಯರಕ್ತನಾಳದ ವ್ಯವಸ್ಥೆಯನ್ನು ಆರೋಗ್ಯಕರವಾಗಿಡಲು ಮಾರ್ಗಗಳು ನೀವು ಈ ಕ್ರಮಗಳನ್ನು ತೆಗೆದುಕೊಳ್ಳಬಹುದು.
– ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡುವ ಹೃದಯಕ್ಕೆ ಆರೋಗ್ಯಕರ ಆಹಾರವನ್ನು ಸೇವಿಸಿ.
– ಆಲ್ಕೋಹಾಲ್ ಸೇವನೆಯನ್ನು ಕಡಿಮೆ ಮಾಡಿ.
– ಆರೋಗ್ಯಕರ ತೂಕವನ್ನು ಕಾಪಾಡಿಕೊಳ್ಳಲು ನಿಯಮಿತವಾಗಿ ವ್ಯಾಯಾಮ ಮಾಡಿ.
– ಅನಾರೋಗ್ಯಕರ ಆಹಾರ ಸೇವನೆಯಿಂದ ದೂರವಿರಿ.
– ಸಕ್ಕರೆ ಮತ್ತು ಸೋಡಿಯಂ ಸೇವನೆಯನ್ನು ಕಡಿಮೆ ಮಾಡುವ ಮೂಲಕ ಮಧುಮೇಹ ಮತ್ತು ರಕ್ತದೊತ್ತಡದ ಮಟ್ಟವನ್ನು ನಿರ್ವಹಿಸಲು ಕ್ರಮಗಳನ್ನು ತೆಗೆದುಕೊಳ್ಳಿ.
ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
