Beauty Tips: ಕತ್ತೆ ಹಾಲಿನಿಂದ ಮುಖದ ಸೌಂದರ್ಯ ಹೆಚ್ಚಾಗುತ್ತಾ?; ಅಚ್ಚರಿಯ ಸಂಗತಿ ಇಲ್ಲಿದೆ

Donkey Milk Benefits | ಕತ್ತೆ ಹಾಲನ್ನು ಕಾಸ್ಮೆಟಿಕ್ಸ್ ಗಳನ್ನು ತಯಾರಿಸಲು ಕೂಡ ಬಳಸಲಾಗುತ್ತದೆ. ಸನ್ ಸ್ಕ್ರೀನ್ ಲೋಷನ್, ಬ್ಯೂಟಿ ಕ್ರೀಮ್ ಹಾಗೂ ಇನ್ನಿತರ ಕಾಸ್ಮೆಟಿಕ್ಸ್ ಗಳನ್ನು ತಯಾರಿಸಲು ಕತ್ತೆ ಹಾಲನ್ನು ಬಳಸುತ್ತಾರೆ.

Beauty Tips: ಕತ್ತೆ ಹಾಲಿನಿಂದ ಮುಖದ ಸೌಂದರ್ಯ ಹೆಚ್ಚಾಗುತ್ತಾ?; ಅಚ್ಚರಿಯ ಸಂಗತಿ ಇಲ್ಲಿದೆ
ತ್ವಚೆಯ ಸೌಂದರ್ಯ
TV9kannada Web Team

| Edited By: Sushma Chakre

Sep 27, 2021 | 5:24 PM

ಜಗತ್ತಿನ ಅತ್ಯಂತ ಸುಂದರಿಯರಲ್ಲಿ ಒಬ್ಬಳಾದ ಕ್ಲಿಯೋಪಾತ್ರ ಸೌಂದರ್ಯದ ಬಗ್ಗೆ ಇಂದಿಗೂ ಚರ್ಚೆಗಳು ನಡೆಯುತ್ತಲೇ ಇರುತ್ತವೆ. ಆಕೆಯ ಚಿರಯೌವನದ ಗುಟ್ಟೇನು? ಎಂಬುದರ ಬಗ್ಗೆ ಸಾಕಷ್ಟು ಕತೆಗಳು ಹೆಣೆದುಕೊಂಡಿವೆ. ಅಪ್ರತಿಮ ಸುಂದರಿಯಾಗಿದ್ದ ರಾಣಿ ಕ್ಲಿಯೋಪಾತ್ರ ತನ್ನ ಚರ್ಮದ ಸೌಂದರ್ಯವನ್ನು ಕಾಪಾಡಿಕೊಳ್ಳಲು ಕತ್ತೆಯ ಹಾಲನ್ನು ಬಳಸುತ್ತಿದ್ದಳಂತೆ. ದಿನವೂ ಕತ್ತೆ ಹಾಲಿನಲ್ಲೇ ಆಕೆ ಸ್ನಾನ ಮಾಡುತ್ತಿದ್ದಳಂತೆ. ಹಾಗಾದರೆ ಕತ್ತೆಯ ಹಾಲಿನಲ್ಲಿ ಅಂತಹ ಶಕ್ತಿ ಏನಿದೆ? ಕತ್ತೆ ಹಾಲನ್ನು ಬಳಸಿದರೆ ನಿಜಕ್ಕೂ ಸೌಂದರ್ಯ ಹೆಚ್ಚಾಗುತ್ತದಾ? ಚರ್ಮ ಫಳಫಳನೆ ಹೊಳೆಯುತ್ತದಾ? ಇಲ್ಲಿದೆ ಮಾಹಿತಿ.

ಕತ್ತೆಯ ಹಾಲು ಮನುಷ್ಯನ ಚರ್ಮವನ್ನು ಸುಕ್ಕುಗಟ್ಟುವುದನ್ನು ಕಡಿಮೆ ಮಾಡುತ್ತದೆ. ದಿನವೂ ಕತ್ತೆ ಹಾಲನ್ನು ಸೇವನೆ ಮಾಡುವುದರಿಂದ ಆರೋಗ್ಯಕ್ಕೂ ಸಾಕಷ್ಟು ಅನುಕೂಲಗಳಿವೆ. ಈ ಕತ್ತೆ ಹಾಲನ್ನು ಕಾಸ್ಮೆಟಿಕ್ಸ್ ಗಳನ್ನು ತಯಾರಿಸಲು ಕೂಡ ಬಳಸಲಾಗುತ್ತದೆ. ಸನ್ ಸ್ಕ್ರೀನ್ ಲೋಷನ್, ಬ್ಯೂಟಿ ಕ್ರೀಮ್ ಹಾಗೂ ಇನ್ನಿತರ ಕಾಸ್ಮೆಟಿಕ್ಸ್ ಗಳನ್ನು ತಯಾರಿಸಲು ಕತ್ತೆ ಹಾಲನ್ನು ಬಳಸುತ್ತಾರೆ.

ಕತ್ತೆ ಹಾಲಿನಿಂದ ಮುಖವನ್ನು ತೊಳೆದರೆ ಮುಖ ಸುಕ್ಕುಗಟ್ಟುವುದಿಲ್ಲ. ಕತ್ತೆ ಹಾಲಿನಲ್ಲಿರುವ ಫ್ಯಾಟಿ ಆ್ಯಸಿಡ್ ಮುಖಕ್ಕೆ ಮಾಯಿಶ್ಚರೈಸರ್ ನೀಡುತ್ತದೆ. ಇದರಿಂದ ಮುಖ ಸುಕ್ಕುಗಟ್ಟುವುದು ಕಡಿಮೆಯಾಗುತ್ತದೆ. ಚರ್ಮ ಒಣಗುವಿಕೆಯನ್ನು ಕಡಿಮೆ ಮಾಡಿ, ಹೊಳೆಯುವಂತೆ ಮಾಡುತ್ತದೆ. ಅಲ್ಲದೆ, ಬಿಸಿಲಿಗೆ ಚರ್ಮ ಕಳೆಗುಂದದಂತೆ ತಡೆಯುತ್ತದೆ.

ನಾವು ದಿನವೂ ಕುಡಿಯುವ ಹಸುವಿನ ಹಾಲಿನಲ್ಲಿರುವ ಕೊಬ್ಬಿನ ಅಂಶಗಳಿಗಿಂತ ಕಡಿಮೆ ಪ್ರಮಾಣದಲ್ಲಿ ಕತ್ತೆ ಹಾಲಿನಲ್ಲಿ ಕೊಬ್ಬಿನಾಂಶ ಇರುತ್ತದೆ. ತಾಯಿಯ ಎದೆ ಹಾಲಿನಲ್ಲಿ ಇರುವಷ್ಟು ಪ್ರಮಾಣದಲ್ಲಿ ವಿಟಮಿನ್ ಮತ್ತು ಫ್ಯಾಟಿ ಆಸಿಡ್ ಅಂಶಗಳು ಈ ಕತ್ತೆ ಹಾಲಿನಲ್ಲಿದೆ. ಕತ್ತೆಯ ಹಾಲು ಹಸುವಿನ ಹಾಲಿಗಿಂತ ಬಹಳ ಬೇಗ ಜೀರ್ಣವಾಗುತ್ತದೆ. ಈ ಕತ್ತೆಯ ಹಾಲಿನಲ್ಲಿ ಹಸುವಿನ ಹಾಲಿನಂತೆ ವಿಟಮಿನ್ ಸಿ, ವಿಟಮಿನ್ ಎ, ವಿಟಮಿನ್ ಬಿ, ವಿಟಮಿನ್ ಬಿ2, ವಿಟಮಿನ್ ಬಿ6, ವಿಟಮಿನ್ ಡಿ ಮತ್ತು ವಿಟಮಿನ್ ಇ ಅಂಶಗಳು ಹೆಚ್ಚಾಗಿವೆ.

ಇದನ್ನೂ ಓದಿ: Diet Tips: ಡಯಟ್ ಮಾಡೋರು ಪನೀರ್​, ತುಪ್ಪ, ಮೊಸರು ತಿನ್ನಬಾರದಾ?

Health Tips: ಆಫೀಸು, ಮನೆ ಈ ಎಲ್ಲವುಗಳ ಒತ್ತಡದಿಂದ ಬಳಲುತ್ತಿದ್ದೀರಾ?; ಹೊರಬರಲು ಇಲ್ಲಿವೆ ಸುಲಭ ವಿಧಾನಗಳು

(Beauty Tips: Is donkey milk good for your skin Donkey Milk Benefits)

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada