Better Sleep: ನಿಮ್ಮ ನಿದ್ರೆಯು ನಿಮ್ಮ ಆರೋಗ್ಯದ ಗುಟ್ಟು ಹೇಳುತ್ತೆ?

ನಿದ್ರಾದೇವತೆ ಅಷ್ಟು ಸುಲಭವಾಗಿ ಎಲ್ಲರಿಗೂ ಒಲಿಯುವುದಿಲ್ಲ, ನಿದ್ರೆಯ ಕೊರತೆಯು ಕೆಲವೊಮ್ಮೆ ನಿಮ್ಮನ್ನು ಕೋಪಿಷ್ಟರನ್ನಾಗಿ ಮಾಡುತ್ತದೆ. ಮಾನಸಿಕವಾಗಿ ಆರೋಗ್ಯವಾಗಿರಲು ಉತ್ತಮ ನಿದ್ರೆ ಬಹಳ ಮುಖ್ಯ. ಒಳ್ಳೆಯ ನಿದ್ದೆ ಮಾಡುವುದರಿಂದ ನೀವು ಚೈತನ್ಯದಿಂದ ಇರುತ್ತೀರಿ. ಎಲ್ಲರೊಂದಿಗೆ ಖುಷಿ ಖುಷಿಯಾಗಿರಲು ಸಾಧ್ಯ, ನಿದ್ರಾಹೀನತೆ ಸಮಸ್ಯೆಯು ಹಲವು ರೋಗಗಳಿಗೆ ಎಡೆ ಮಾಡಿಕೊಡುತ್ತದೆ.

ನಿತ್ಯವು ಒಂದೇ ಸಮಯದಲ್ಲಿ ನಿದ್ರಿಸಿ ನೀವು ಮಲುಗಲು ದಿನ ಒಂದೇ ಸಮಯವನ್ನು ಇಟ್ಟುಕೊಳ್ಳಿ, ದಿನವೂ ಅದೇ ಸಮಯಕ್ಕೆ ನಿದ್ರಿಸುವುದರಿಂದ ಸುಲಭವಾಗಿ ನಿಮ್ಮನ್ನು ನಿದ್ರೆ ಆವರಿಸುತ್ತದೆ. ನೀವು ಅನಿಶ್ಚಿತ ಸಮಯದಲ್ಲಿ ನಿದ್ರಿಸಿದರೆ, ನಿಮ್ಮ ದೇಹವು ನಿಮಗೆ ಯಾವಾಗ ಮಲಗಬೇಕೆಂದು ಸೂಚಿಸಲು ಕಷ್ಟವಾಗುತ್ತದೆ.

ಮಲಗುವ ಮುನ್ನ ಪುಸ್ತಕ ಓದಿ ಮಲಗುವ ಮುನ್ನ ಪುಸ್ತಕವನ್ನು ಓದುವ ಅಥವಾ ಶಾಂತವಾದ ಸಂಗೀತವನ್ನು ಕೇಳುವುದು ನಿದ್ರೆಗೆ ತುಂಬಾ ಸಹಾಯಕವಾಗಬಹುದು. ಮಲಗುವ ಮೊದಲು, ಪುಸ್ತಕವನ್ನು ಓದಲು ಅಥವಾ ಏನನ್ನಾದರೂ ಬರೆಯಲು ಸ್ವಲ್ಪ ಸಮಯ ತೆಗೆದುಕೊಳ್ಳಿ. ಇದು ಶಾಂತ ಮನಸ್ಸಿನ ಚೌಕಟ್ಟಿಗೆ ಬರಲು ನಿಮಗೆ ಸಹಾಯ ಮಾಡುತ್ತದೆ. ಧ್ಯಾನ, ಸ್ಟ್ರೆಚಿಂಗ್, ಬಿಸಿ ಎಣ್ಣೆಯಿಂದ ನಿಮ್ಮ ನೆತ್ತಿಯ ಮಸಾಜ್ ಅಥವಾ ಬೆಚ್ಚಗಿನ ನೀರಿನಲ್ಲಿ ಸ್ನಾನವು ರಾತ್ರಿಯ ನಿದ್ರೆಯನ್ನು ಪಡೆಯಲು ನಿಮಗೆ ಸಹಾಯ ಮಾಡುತ್ತದೆ. ನಿಮ್ಮ ಮಲಗುವ ಸಮಯದಲ್ಲಿ ನೀವು ಈ ವಿಧಾನಗಳಲ್ಲಿ ಯಾವುದನ್ನಾದರೂ ನಿಯಮಿತವಾಗಿ ಅಭ್ಯಾಸ ಮಾಡುತ್ತಿದ್ದರೆ. ಆದ್ದರಿಂದ ಇದು ನಿಮಗೆ ತುಂಬಾ ಪ್ರಯೋಜನಕಾರಿಯಾಗಬಹುದು.

ಆರೋಗ್ಯಕರ ಪಾನೀಯಗಳ ಸೇವನೆ ಆರೋಗ್ಯಕರ ಪಾನೀಯಗಳ ಸೇವನೆಯು ಉತ್ತಮ ನಿದ್ರೆಯನ್ನು ಪಡೆಯಲು ಸಹಾಯ ಮಾಡುತ್ತದೆ. ದಿನವಿಡೀ ಹೈಡ್ರೇಟೆಡ್ ಆಗಿರುವುದು ನಿಮಗೆ ಉತ್ತಮ ನಿದ್ರೆಯನ್ನು ಪಡೆಯಲು ಸಹಾಯ ಮಾಡುತ್ತದೆ. ನಿಮ್ಮ ದೇಹದಲ್ಲಿ ನೀರಿನಾಂಶದ ಕೊರತೆಯು ರಾತ್ರಿಯ ಸಮಯದಲ್ಲಿ ನೀವು ನಿರ್ಜಲೀಕರಣವನ್ನು ಅನುಭವಿಸುವಂತೆ ಮಾಡುತ್ತದೆ.

ನೀವು ನಿದ್ದೆ ಮಾಡುವಾಗ ನಿಮ್ಮ ಜಲಸಂಚಯನ ಮಟ್ಟವನ್ನು ಕಾಪಾಡಿಕೊಳ್ಳಬೇಕು. ನೀವು ನಿರ್ಜಲೀಕರಣಗೊಂಡಿದ್ದರೆ, ಮಧ್ಯರಾತ್ರಿಯಲ್ಲಿ ಎದ್ದ ನಂತರ ಒಂದೆರಡು ಗುಟುಕು ನೀರನ್ನು ಸೇವಿಸಬೇಕಾಗುತ್ತದೆ, ಬಳಿಕ ನಿದ್ರೆ ಬಾರದೆಯೂ ಇರಬಹುದು ಹೀಗಾಗಿ ದಿನದಲ್ಲೇ ಹೆಚ್ಚು ನೀರನ್ನು ಕುಡಿಯಬೇಕು.

ಮೊಬೈಲ್​ನಿಂದ ದೂರವಿರಿ ನೀವು ಮಲಗುವ ಸಮಯದಲ್ಲಿ ನಿಮ್ಮ ಫೋನ್ ಅನ್ನು ನಿಮ್ಮೊಂದಿಗೆ ಇಟ್ಟುಕೊಳ್ಳುವುದು ನಿಮ್ಮ ಜೀವನದ ದೊಡ್ಡ ತಪ್ಪು. ಈ ಎಲೆಕ್ಟ್ರಾನಿಕ್ ಸಾಧನಗಳು ಉತ್ತಮ ನಿದ್ರೆಗೆ ಅಡ್ಡಿಯಾಗಬಹುದು. ಮಲಗುವ ಮುನ್ನ ಕನಿಷ್ಠ ಒಂದು ಗಂಟೆ ನಿಮ್ಮ ಫೋನ್‌ನಿಂದ ದೂರವಿರಿ.

Published On - 2:26 pm, Sun, 26 June 22