Covid 19 XXB Variant : ದೀಪಾವಳಿ ಬಳಿಕ ದೇಶದಲ್ಲಿ ಹೆಚ್ಚಲಿದೆ ಕೋವಿಡ್ ರೂಪಾಂತರಿ XXB ಹಾವಳಿ: ತಜ್ಞರು ಹೇಳುವುದೇನು?

ದೀಪಾವಳಿ ಆಚರಣೆಯ ಹೊಸ್ತಿಲಿನಲ್ಲಿರುವ ದೇಶದ ಜನತೆಗೆ ಮತ್ತೆ ಕೋವಿಡ್ ಎನ್ನುವ ಕಾರ್ಮೋಡದ ಭೀತಿ ಎದುರಾಗಿದೆ. ಮಹಾರಾಷ್ಟ್ರದಲ್ಲಿ ಕೋವಿಡ್ 19 ರೂಪಾಂತರಿ ಹಾವಳಿ ಹೆಚ್ಚಾಗುತ್ತಿದ್ದು, ಜನರಲ್ಲಿ ಆತಂಕ ಮೂಡಿದೆ. ದೀಪಾವಳಿಯನ್ನು ಸಂಭ್ರಮದಿಂದ ಆಚರಿಸ ಹೊರಟವರು ಭಯ ಪಡುವಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ.

ಮುಂಬೈ, ಥಾಣೆ ಮತ್ತು ಮಹಾರಾಷ್ಟ್ರದ ರಾಯಗಢದಲ್ಲಿ ಸೋಂಕಿನ ಹೆಚ್ಚಳ ಕಂಡುಬಂದಿದೆ. ಅಕ್ಟೋಬರ್ ಮೊದಲ ಹದಿನೈದು ದಿನಗಳಲ್ಲಿ ಮಹಾರಾಷ್ಟ್ರದಲ್ಲಿ ಕೋವಿಡ್-19 ನ XBB ​​ರೂಪಾಂತರದ 18 ಪ್ರಕರಣಗಳು ಪತ್ತೆಯಾಗಿವೆ ಎಂದು ರಾಜ್ಯ ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.

XXB ರೂಪಾಂತರಿ ಎಂದರೇನು? ಈ ಹೊಸ ರೂಪಾಂತರವು ವೈರಸ್‌ನ ಸ್ಪೈಕ್ ಮೇಲ್ಮೈ ಪ್ರೋಟೀನ್‌ನಲ್ಲಿನ ಬದಲಾವಣೆಗಳ ಶೇಖರಣೆಯ ಪರಿಣಾಮವಾಗಿದೆ ಎಂದು ಹೇಳಿದ್ದಾರೆ. ಕೋವಿಡ್ 19 ರೂಪಾಂತರಿ XXB ಅನ್ನು ಆಗಸ್ಟ್ ತಿಂಗಳಲ್ಲಿ ಸಿಂಗಾಪುರದಲ್ಲಿ ಮೊದಲ ಬಾರಿಗೆ ಪತ್ತೆ ಹಚ್ಚಲಾಯಿತು. ಇದು ಓಮಿಕ್ರಾನ್‌ನ BA.2.75 ಮತ್ತು BJ.1 ಉಪ-ರೂಪಾಂತರಗಳ ಹೈಬ್ರಿಡ್ ಆಗಿದೆ.

ಇದು ಈಗ ಜಗತ್ತಿನಾದ್ಯಂತ 17 ದೇಶಗಳಲ್ಲಿ ಕಾಣಿಸಿಕೊಂಡಿದೆ. XBB ರೂಪಾಂತರವು BA.2.75 ಗಿಂತ ಅಪಾಯಕಾರಿಯಾಗಿದೆ ಎನ್ನುವುದು ತಜ್ಞರ ಅಭಿಪ್ರಾಯವಾಗಿದೆ. ಸಿಂಗಾಪುರದಲ್ಲಿ, XXB ಪ್ರಬಲವಾಗಿದೆ ಮತ್ತು ದ್ವೀಪ ದೇಶದಲ್ಲಿ ಹೊಸ ಕೋವಿಡ್ ಪ್ರಕರಣಗಳ ಇತ್ತೀಚಿನ ಸ್ಪೈಕ್ ಇದಕ್ಕೆ ಕಾರಣವೆಂದು ಹೇಳಬಹುದು.

XXB ಅಪಾಯಕಾರಿಯೇ? ರೂಪಾಂತರವು ದೇಹವನ್ನು ಆಕ್ರಮಿಸಲು ಮತ್ತು ತೀವ್ರವಾದ ಸೋಂಕನ್ನು ಉಂಟುಮಾಡಲು ಪ್ರತಿರಕ್ಷಣಾ ವ್ಯವಸ್ಥೆಯನ್ನು ತಪ್ಪಿಸುತ್ತದೆ.ಇದು ಸೋಂಕನ್ನು ಉಂಟುಮಾಡಲು ನಮ್ಮ ದೇಹದ ಜೀವಕೋಶಗಳನ್ನು ಸುಲಭವಾಗಿ ಪ್ರವೇಶಿಸಬಹುದಾಗಿದೆ. ಕೆಲವು ತಜ್ಞರು XXB ಕೋವಿಡ್‌ನ ಅತ್ಯಂತ ಸಾಂಕ್ರಾಮಿಕ ರೂಪಾಂತರವಾಗಿದೆ ಎಂದು ಹೇಳಲಾಗಿದೆ.

XXB ಮರು ಸೋಂಕುಗಳ ಹೆಚ್ಚಳಕ್ಕೆ ಕಾರಣವಾಗಬಹುದು ಎಂದು ಹೇಳಲಾಗಿದೆ. ಕೋವಿಡ್ ಲಸಿಕೆಗಳು ಈ ರೂಪಾಂತರದಿಂದ ಜನರನ್ನು ರಕ್ಷಿಸಲು ಸಾಧ್ಯವಾಗುವುದಿಲ್ಲ ಎಂದು ಕೆಲವು ಸಂಶೋಧಕರು ವಾದಿಸುತ್ತಾರೆ.

ಭಾರತದಲ್ಲಿರುವ XXB ಪ್ರಕರಣಗಳು ಮುಂಬೈ, ಥಾಣೆ ಮತ್ತು ರಾಯಗಢದಂತಹ ಜನನಿಬಿಡ ಪ್ರದೇಶಗಳಲ್ಲಿ ಇತ್ತೀಚಿನ ಪ್ರಕರಣಗಳ ಬಗ್ಗೆ ಗಮನ ಹರಿಸಲಾಗಿದ್ದು, ಸರ್ಕಾರವು ಹೆಚ್ಚಿನ ಮುಂಜಾಗ್ರತಾ ಕ್ರಮ ಕೈಗೊಳ್ಳಲು ಮುಂದಾಗಿದೆ.

ಮಹಾರಾಷ್ಟ್ರವು ಕೋವಿಡ್ -19 ನ XXB ರೂಪಾಂತರದ 18 ಪ್ರಕರಣಗಳು ಪತ್ತೆಯಾಗಿವೆ. ದೀಪಾವಳಿ ಮುಗಿದ ಬಳಿಕ ನವೆಂಬರ್ ಮಧ್ಯದಲ್ಲಿ XXB ರೂಪಾಂತರವು ಹೆಚ್ಚಾಗಲಿದೆ ಎಂದು ಮಹಾರಾಷ್ಟ್ರ ಆರೋಗ್ಯ ಇಲಾಖೆ ಎಚ್ಚರಿಸಿದೆ.

ಆರೋಗ್ಯಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ