ಮಳೆಗಾಲದಲ್ಲಿ ಮಧುಮೇಹ ರೋಗಿಗಳು ಈ ಸಲಹೆಯನ್ನು ಪಾಲಿಸಲೇಬೇಕು

ಮೇಲ್ಛಾವಣಿ ಮೇಲೆ ನೀರಿನ ಹನಿಗಳನು ಬೀಳುವ ಸದ್ದು ಕೇಳಿಸಿದರೆ ಆನಂದವಾಗುತ್ತದೆ. ಮನೆ ಪಕ್ಕದ ತೊರೆಯಲ್ಲಿ ಹರಿಯುವ ನೀರಿನಲ್ಲಿ ಕಾಗದದ ದೋಣಿ ಬಿಡುವಾಗ ಖುಷಿಯಾಗುತ್ತದೆ. ಸಂಜೆ ಹೊತ್ತು ಕಿಟಕಿಯಲ್ಲಿ ಹೊರಗೆ ನೋಡಿಕೊಂಡು ಬಿಸಿ ಬಿಸಿ ಕಾಫಿ ಅಥವಾ ಕುಡಿಯುವಾಗ ಸಂತೋಷವಾಗುತ್ತದೆ. ಇವೆಲ್ಲವೂ ಮಳೆಗಾಲ ತಂದುಕೊಡುವ ಸಂತೋಷಗಳು, ನೆನಪುಗಳು. ಆದರೆ ಈ ಮಳೆಗಾಲ ಮಧುಮೇಹವನ್ನು (Diabetic patients) ಹೊಂದಿರುವ ವ್ಯಕ್ತಿಗಳಿಗೆ ಮಾತ್ರ ಹಲವಾರು ಸವಾಲುಗಳನ್ನು ತಂದೊಡ್ಡುತ್ತದೆ. ಈ ಸಮಯದಲ್ಲಿ ಅವರು ಬಹು ಎಚ್ಚರಿಕೆಯಿಂದ ಇರಬೇಕಾಗುತ್ತದೆ. ವೈರಲ್ ಸೋಂಕುಗಳು ಉಂಟಾಗುವ ಅಪಾಯ ಹೆಚ್ಚಿರುತ್ತದೆ. ಅಲ್ಲದೇ ಮಳೆಯ ಹವಾಮಾನದಲ್ಲಿ ದೈನಂದಿನ ಚಟುವಟಿಕೆಗಳಿಗೆ ಅಡಚಣೆ ಉಂಟಾಗಬಹುದಾಗಿದೆ. ಬೆಳಿಗ್ಗೆಯ ವಾಕಿಂಗ್ ತಪ್ಪಬಹುದು, ಕೆಲಸಕ್ಕೆ ಹೊಗುವ ಪ್ರಯಾಣಕ್ಕೆ ತಡೆ ಉಂಟಾಗಬಹುದು ಅಥವಾ ಆಹಾರ ಸೇವನೆಯಲ್ಲಿ ವ್ಯತ್ಯಾಸ ಉಂಟಾಗಬಹುದು. ಹೀಗಾಗಿ ಮಳೆಗಾಲ ಬಂದಾಗ ರೇನ್‌ಕೋಟ್‌ಗಳು ಮತ್ತು ಛತ್ರಿಗಳನ್ನು ಹೊರಗೆ ತೆಗೆಯುವಂತೆ ಮಧುಮೇಹಿಗಳು ಕೂಡ ಈ ಕಾಲದಲ್ಲಿ ಆರೋಗ್ಯ ಮತ್ತು ಸುರಕ್ಷತೆ ಕಾಪಾಡಿಕೊಳ್ಳಲು ಮೊದಲೇ ಒಳ್ಳೆಯ ದಿನಚರಿಯನ್ನು ರೂಪಿಸುವ ಅಗತ್ಯವಿದೆ.

ಮಧುಮೇಹ ನಿರ್ವಹಣೆಗೆ ಒಂದು ಸಮಗ್ರ ವಿಧಾನವು ಬೇಕಾಗುತ್ತದೆ. ಅದರಲ್ಲಿ ಒಳಾಂಗಣದಲ್ಲಿ ಸಕ್ರಿಯವಾಗಿರುವುದು, ಜಾಗೃತೆಯಿಂದ ಆಹಾರ ಸೇವನೆ ಮಾಡುವುದು ಮತ್ತು ಗ್ಲೂಕೋಸ್ ರೀಡಿಂಗ್‌ ಅನ್ನು ನೋಡುವುದು ಇತ್ಯಾದಿಗಳು ಸೇರಿವೆ. ಈ ರೀತಿ ಆರೋಗ್ಯ ಕಾಪಾಡಿಕೊಳ್ಳುವುದಕ್ಕೆ ತಂತ್ರಜ್ಞಾನ ಕೂಡ ನೆರವಾಗುತ್ತದೆ. ಕಂಟಿನ್ಯೂಯಸ್ ಗ್ಲೂಕೋಸ್ ಮಾನಿಟರಿಂಗ್ (ಸಿಜಿಎಂ) ಸಾಧನಗಳು ಯಾವುದೇ ರೀತಿಯ ಹಮಾವಾನದಲ್ಲಿಯೂ ಗ್ಲೂಕೋಸ್ ಮಟ್ಟದ ಮೇಲೆ ನಿಗಾ ಇಡಲು ನೆರವಾಗುತ್ತವೆ ಮತ್ತು ಇಲ್ಲಿ ಕೈಗೆ ಸೂಜಿಯಲ್ಲಿ ಚುಚ್ಚುವ ಅಗತ್ಯ ಇರುವುದಿಲ್ಲ.

ಈ ಕುರಿತು ಮಾಹಿತಿ ನೀಡುವ ಬೆಂಗಳೂರಿನ ಅಪೋಲೋ ಕ್ಲಿನಿಕ್‌ ನ ಎಂಡೋಕ್ರೈನಾಲಜಿಸ್ಟ್ ಡಾ. ವರುಣ್ ಸೂರ್ಯದೇವರ ಅವರು, “ಮಳೆಗಾಲದ ಸಂದರ್ಭದಲ್ಲಿ ಫ್ಲೂ ಮತ್ತು ನೀರಿನಿಂದ ಹರಡುವ ರೋಗಗಳು ತೊಂದರೆ ಉಂಟು ಮಾಡುವ ಸಾಧ್ಯತೆ ಇರುತ್ತದೆ. ಈ ಸೋಂಕುಗಳು ಮಧುಮೇಹಿಗಳಿಗೆ ಗಂಭೀರ ತೊಡಕುಗಳನ್ನು ಉಂಟುಮಾಡಬಹುದು. ಹಾಗಾಗಿ ವಯಸ್ಕರು ಶಿಫಾರಸು ಮಾಡಲಾದ ಲಸಿಕೆಗಳನ್ನು ತೆಗೆದುಕೊಳ್ಳುವುದರಿಂದ ಈ ಸೋಂಕು ಉಂಟಾಗುವ ಅಪಾಯವನ್ನು ಕಡಿಮೆ ಮಾಡಿಕೊಳ್ಳಬಹುದು. ರೋಗನಿರೋಧಕ ಶಕ್ತಿ ದುರ್ಬಲವಾಗಿದ್ದರೆ ರೋಗ ತಡೆಗಟ್ಟುವ ಕ್ರಮಗಳನ್ನು ತೆಗೆದುಕೊಳ್ಳುವುದು ಮತ್ತು ಮಧುಮೇಹವನ್ನು ಉತ್ತಮವಾಗಿ ನಿರ್ವಹಿಸುವ ಕಡೆಗೆ ಗಮನ ಹರಿಸುವುದು ಹೆಚ್ಚು ಸಂಕೀರ್ಣವಾಗುತ್ತದೆ. ಸದಾ ಸಕ್ರಿಯರಾಗಿರುವುದು, ಪೌಷ್ಟಿಕತೆಯ ಅಗತ್ಯಗಳ ಬಗ್ಗೆ ತಿಳಿದಿರುವುದು ಮತ್ತು ಗ್ಲೂಕೋಸ್‌ ಅನ್ನು ನಿರಂತರವಾಗಿ ಮೇಲ್ವಿಚಾರಣೆ ಮಾಡುವುದು ಇತ್ಯಾದಿಗಳ ಮೂಲಕ ನಿಮ್ಮ ಸಕ್ಕರೆ ಮಟ್ಟವನ್ನು ನಿಯಂತ್ರಣದಲ್ಲಿಡಬಹುದು. ಸಿಜಿಎಂಗಳಂತಹ ತಂತ್ರಜ್ಞಾನಗಳು ಹವಾಮಾನದಿಂದ ಕ್ಲಿನಿಕ್‌ ಗೆ ಭೇಟಿ ನೀಡಲು ಸಾಧ್ಯವಾಗದಿದೇ ಇದ್ದಾಗ ನೆರವಿಗೆ ಬರುತ್ತವೆ ಎಂಬುದು ಗಮನಾರ್ಹ” ಎಂದು ಹೇಳಿದರು.

ಇದನ್ನೂ ಓದಿ: ಯಾವುದೇ ಕಾರಣಕ್ಕೂ ಮೂಗಿನ ಕೂದಲು ತೆಗೆಯಬೇಡಿ, ಇದು ದೇಹಕ್ಕೆ ರಕ್ಷಣಾ ಕವಚ

ಮಳೆಗಾಲವನ್ನು ಆನಂದಿಸುತ್ತಲೇ ಮಧುಮೇಹವನ್ನು ನಿರ್ವಹಿಸಲು ಕೆಲವು ಸಲಹೆಗಳು:

• ಉತ್ತಮ ಆಹಾರಗಳನ್ನು ಸೇವನೆ ಮಾಡಿ ರೋಗನಿರೋಧಕ ಶಕ್ತಿಗೆ ಆದ್ಯತೆ ನೀಡಿ: ಮಳೆಯ ಸಮಯದಲ್ಲಿ ಬೀದಿ ಬದಿಯಲ್ಲಿ ಸಿಗುವ ಆಹಾರವು ಕೂಡ ಆಕರ್ಷಕವಾಗಿ ಕಾಣಿಸಬಹುದು. ಆದರೆ ಮಳೆಗಾಲದಲ್ಲಿ ಬೀದಿ ಬದಿ ಆಹಾರ ಹೆಚ್ಚು ಕಲುಷಿತಗೊಂಡಿರುವ ಅಪಾಯವಿದೆ. ಅದರಲ್ಲೂ ಮಧುಮೇಹಿಗಳಿಗೆ ಸೋಂಕುಗಳನ್ನು ಎದುರಿಸುವುದು ಇನ್ನಷ್ಟು ಕಷ್ಟ. ಹಾಗಾಗಿ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಮತ್ತು ಆಂಟಿಆಕ್ಸೆಡೆಂಟ್ ಸಮೃದ್ಧವಾದ ವಸ್ತುಗಳುಳ್ಳ, ಸ್ವಚ್ಛವಾದ, ಮನೆಯಲ್ಲಿ ಬೇಯಿಸಿದ ಆಹಾರವನ್ನು ಸೇವಿಸಬೇಕು. ತರಕಾರಿಗಳನ್ನು ಸಂಪೂರ್ಣವಾಗಿ ತೊಳೆಯಬೇಕು ಮತ್ತು ಕಚ್ಛಾ ಅಥವಾ ಕಡಿಮೆ ಬೇಯಿಸಿದ ಆಹಾರವನ್ನು ತಪ್ಪಿಸಬೇಕು.
• ನಿಮ್ಮ ಪಾದಗಳ ಕುರಿತು ಹೆಚ್ಚಿನ ಕಾಳಜಿ ವಹಿಸಿ: ಮಧುಮೇಹಿಗಳು ಈ ಋತುವಿನಲ್ಲಿ ತಮ್ಮ ಪಾದಗಳ ಕುರಿತು ವಿಶೇಷ ಕಾಳಜಿ ವಹಿಸಬೇಕು. ಒದ್ದೆಯಾಗಿದ್ದಾಗ ಫಂಗಲ್ ಸೋಂಕುಗಳು ಉಂಟಾಗಬಹುದು ಅಥವಾ ಪಾದದಲ್ಲಿ ಗಾಯಗಳಿಗೆ ಕಾರಣವಾಗಬಹುದು. ಮಳೆಯಿಂದ ಬಂದ ನಂತರ ಯಾವಾಗಲೂ ನಿಮ್ಮ ಪಾದಗಳನ್ನು ಒಣಗಿಸಿ ಮತ್ತು ಒಂದು ಜೋಡಿ ಕಾಲ್ಚೀಲಗಳನ್ನು ಜೊತೆಯಲ್ಲಿಟ್ಟುಕೊಳ್ಳಿ. ಬರಿಗಾಲಿನಲ್ಲಿ ನಡೆಯುವುದು ಅಥವಾ ಗುಂಡಿಗಳಲ್ಲಿ ನಡೆಯುವುದನ್ನು ತಪ್ಪಿಸಿ. ಪಾದಗಳನ್ನು ಒಣಗಿರುವಂತೆ ನೋಡಿಕೊಳ್ಳಿ ಮತ್ತು ಸ್ವಚ್ಛವಾಗಿಡಲು ಸೂಕ್ತ ರಕ್ಷಣೆ ನೀಡುವ ಮುಚ್ಚಿದ, ಆರಾಮದಾಯಕ ಪಾದರಕ್ಷೆಗಳನ್ನು ಆಯ್ಕೆ ಮಾಡಿ. ಫಂಗಲ್ ಸೋಂಕಿನಿಂದ ದೂರವಿರಿ.
• ರಕ್ತದ ಸಕ್ಕರೆ ಮಟ್ಟವನ್ನು ನಿಯಮಿತವಾಗಿ ಮೇಲ್ವಿಚಾರಣೆ ಮಾಡಿ: ಮಳೆಗಾಲದಲ್ಲಿ ದಿನಚರಿಯ ಬದಲಾವಣೆಗಳಿಂದ ಆಹಾರ, ವ್ಯಾಯಾಮ ಅಥವಾ ಒತ್ತಡದ ಮಟ್ಟದಲ್ಲಿ ಏರುಪೇರು ಉಂಟಾಗಬಹುದು. ಅದರಿಂದ ಗ್ಲೂಕೋಸ್ ನಿಯಂತ್ರಣದ ಮೇಲೆ ಪರಿಣಾಮ ಬೀರಬಹುದು. ಆರ್ದ್ರತೆ ಮತ್ತು ತಾಪಮಾನದ ಬದಲಾವಣೆಗಳು ಇನ್ಸುಲಿನ್ ಸಂವೇದನೆಯ ಮೇಲೆ ಪರಿಣಾಮ ಬೀರಬಹುದಾಗಿದ್ದು, ಇದರಿಂದ ರಕ್ತದ ಸಕ್ಕರೆ ಮಟ್ಟದಲ್ಲಿ ಅನಿರೀಕ್ಷಿತ ಏರಿಳಿತ ಉಂಟಾಗಬಹುದು. ಹೀಗಾಗಿ ಫ್ರೀಸ್ಟೈಲ್ ಲಿಬ್ರೆಯಂತಹ ಧರಿಸಬಹುದಾದ ಸಿಜಿಎಂ ಸಾಧನಗಳನ್ನು ಬಳಸುವ ಮೂಲಕ ನಿಮ್ಮ ಗ್ಲೂಕೋಸ್ ಮಟ್ಟಗಳನ್ನು ಸದಾಕಾಲ ತಿಳಿದುಕೊಳ್ಳಬಹುದು. ಈ ಮೂಲಕ ನಿಮ್ಮ ರೇಂಜ್ ನಲ್ಲಿಯೇ ಗ್ಲೂಕೋಸ್ ಮಟ್ಟ ಇರುವಂತೆ ನೋಡಿಕೊಳ್ಳಬಹುದು. ಅಲ್ಲದೇ ಇದರಿಂದ ದೀರ್ಘಕಾಲದಲ್ಲಿ ಸಮಸ್ಯೆ ಉಂಟಾಗುವ ಅಪಾಯವನ್ನು ಕಡಿಮೆಗೊಳಿಸಬಹುದು. ಸರಿಯಾದ ಸಾಧನಗಳನ್ನು ಬಳಸಿದರೆ ಮಳೆಯಾಗಲಿ ಅಥವಾ ಬಿಸಿಲಾಗಲಿ ಎಲ್ಲಾ ಸಂದರ್ಭಗಳಲ್ಲಿಯೂ ನೀವು ನಿಮ್ಮ ಮಧುಮೇಹವನ್ನು ನಿರ್ವಹಿಸಬಹುದು.
• ಒಳಾಂಗಣದಲ್ಲಿ ದೈಹಿಕವಾಗಿ ಸಕ್ರಿಯವಾಗಿರಿ: ಹವಾಮಾನವು ನಿಮ್ಮನ್ನು ಒಳಾಂಗಣದಲ್ಲಿಯೇ ಇರುವಂತೆ ಮಾಡಿದರೂ ನಿಮ್ಮ ಫಿಟ್‌ನೆಸ್ ದಿನಚರಿಯನ್ನು ಕೈಬಿಡಬೇಡಿ. ಮಳೆಯಿಂದಾಗಿ ಕೆಲವು ಹೊರಾಂಗಣ ಆಯ್ಕೆಗಳು ಲಭ್ಯವಿಲ್ಲದಿದ್ದರೂ ನೀವು ಒಳಾಂಗಣದಲ್ಲಿಯೇ ಕಡಿಮೆ ತೀವ್ರತೆಯ ವರ್ಕೌಟ್ ಅನ್ನು ಮಾಡಬಹುದು. ಉದಾಹರಣೆಗೆ, 30 ನಿಮಿಷಗಳ ಕಿರು ವರ್ಕೌಟ್ ಅಥವಾ ಒಳಾಂಗಣದಲ್ಲಿ ಬೆಳಿಗ್ಗೆಯ ವಾಕಿಂಗ್ ಮಾಡುವುದು ಇತ್ಯಾದಿಗಳು ರಕ್ತದ ಸಕ್ಕರೆ ಮಟ್ಟವನ್ನು ಕಾಪಾಡಿಕೊಳ್ಳಲು ಬಹಳಷ್ಟು ಸಹಾಯ ಮಾಡಬಹುದು.
• ಜಲಸಂಚಯದ ಬಗ್ಗೆ ಗಮನ ಇರಲಿ: ಬದಲಾಗುತ್ತಿರುವ ವಾತಾವರಣದಲ್ಲಿ ಜಲಸಂಚಯದ ಲಕ್ಷಣಗಳು ಗೊತ್ತಾಗದೇ ಇರಬಹುದು. ಇದರಿಂದ ಗ್ಲೂಕೋಸ್ ನಿಯಂತ್ರಣದ ಮೇಲೆ ಪರಿಣಾಮ ಬೀರಬಹುದು. ನಿಮಗೆ ಬಾಯಾರಿಕೆ ಆಗದೇ ಇದ್ದರೂ ಸಾಕಷ್ಟು ನೀರು ಕುಡಿಯಿರಿ. ಹರ್ಬಲ್ ಟೀ ಮತ್ತು ಇನ್ಫ್ಯೂಸ್ಡ್ ವಾಟರ್ ಸಹ ನೀರು ಸಹ ಜಲಸಂಚಯ ಆಗಿರಲು ನೆರವಾಗಬಹುದು.

ಈ ಸಲಹೆಗಳ ಜೊತೆಗೆ ಮಧುಮೇಹಿಗಳು ಹೈಪರ್‌ಗ್ಲೈಸೀಮಿಯಾ ಅಥವಾ ಹೈಪೊಗ್ಲೈಸೀಮಿಯಾದ ಕುರಿತ ಆತಂಕಕಾರಿ ಟ್ರೆಂಡ್ ಗಳ ಬಗ್ಗೆ ಜಾಗರೂಕರಾಗಿರಬೇಕು. ಆ ಕುರಿತು ಹೆಚ್ಚು ಗಮನಹರಿಸಬೇಕು. ಒಟ್ಟಾರೆಯಾಗಿ ಮಳೆಗಾಲದಲ್ಲಿ ಮಧುಮೇಹವನ್ನು ಹೊಂದಿರುವವರು ಸ್ವಲ್ಪ ಹೆಚ್ಚಿನ ಕಾಳಜಿ ತೆಗೆದುಕೊಳ್ಳುವುದು.

ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ