ಬಾಳೆಹಣ್ಣಿನ ಸಿಪ್ಪೆಯನ್ನು ಎಸೆಯದಿರಿ ಅದರಿಂದಲೂ ಸಾಕಷ್ಟು ಆರೋಗ್ಯ ಪ್ರಯೋಜನಗಳಿವೆ

ಬಾಳೆಹಣ್ಣು(Banana) ತಿನ್ನುವುದರಿಂದ ದೇಹದ ಆರೋಗ್ಯವನ್ನು ಕಾಪಾಡುವಲ್ಲಿ ಸಹಾಯ ಮಾಡುತ್ತದೆ ಎಂಬುದು ಈಗಾಗಲೇ ತಿಳಿದ ವಿಷಯ. ಆದರೆ ಬಾಳೆ ಹಣ್ಣಿನ ಸಿಪ್ಪೆಯಿಂದಲೂ ಕೂಡ ನಿಮ್ಮ ಆರೋಗ್ಯಕ್ಕೆ ಸಾಕಷ್ಟು ಪ್ರಯೋಜನಗಳಿವೆ. ಆದ್ದರಿಂದ ಪ್ರತಿ ಸಲ ಬಾಳೆ ಹಣ್ಣು ತಿಂದಾಗ ಅದರ ಸಿಪ್ಪೆಯನ್ನು ಎಸೆಯದಿರಿ. ಬಾಳೆ ಹಣ್ಣಿನ ಸಿಪ್ಪೆ ನಿಮ್ಮ ಆರೋಗ್ಯದ ಮೇಲೆ ಯಾವ ರೀತಿಯಲ್ಲಿ ಪ್ರಯೋಜನವನ್ನು ಹೊಂದಿದೆ ಎಂಬ ಕುರಿತು ಮಾಹಿತಿ ಇಲ್ಲಿದೆ.

ಬಿಳಿ ಹಲ್ಲು:

ನಿಮ್ಮ ಹಲ್ಲು ಹಳದಿ ಬಣ್ಣವನ್ನು ಹೊಂದಿದೆಯೇ? ಇದರಿಂದಾಗಿ ಇತರೊಂದಿಗೆ ನಿಮಗೆ ಮಾತನಾಡಲು ಮುಜುಗರವಾಗುತ್ತಿದ್ದರೆ, ನಿಮ್ಮ ಹಳದಿ ಹಲ್ಲುಗಳಿಗೆ ಬಾಳೆಹಣ್ಣಿನ ಸಿಪ್ಪೆ ಒಂದು ಒಳ್ಳೆಯ ಔಷಧಿಯಾಗಿದೆ. ಬಾಳೆಹಣ್ಣಿನ ಸಿಪ್ಪೆಯನ್ನು ಬಳಸಿ ನೀವು ನಿಜವಾಗಿಯೂ ಬಿಳಿ ಹಲ್ಲುಗಳನ್ನು ಪಡೆಯಬಹುದು. ಬಾಳೆಹಣ್ಣಿನ ಸಿಪ್ಪೆಯ ಒಳಭಾಗವನ್ನು ನಿಮ್ಮ ಹಲ್ಲುಗಳ ಉದ್ದಕ್ಕೂ ಉಜ್ಜಿಕೊಳ್ಳಿ, ಅವು ಸಂಪೂರ್ಣವಾಗಿ ಬಾಳೆಹಣ್ಣಿನ ಪೇಸ್ಟ್‌ನಿಂದ ಮುಚ್ಚಲ್ಪಡುತ್ತವೆ. ಸುಮಾರು ಹತ್ತು ನಿಮಿಷಗಳ ಕಾಲ ಅದನ್ನು ಬಿಡಿ. ಟೂತ್ ಬ್ರಶ್‌ನಿಂದ ನಿಮ್ಮ ಹಲ್ಲುಗಳನ್ನು ಬ್ರಷ್ ಮಾಡಿ. ಪ್ರತಿ ದಿನ ಹೀಗೆ ಮಾಡುವುದರಿಂದ ಸುಂದರವಾದ ಬಿಳಿ ಹಲ್ಲು ಪಡೆಯಬಹುದು.

ನರಹುಲಿಗಳು:

ಬಾಳೆಹಣ್ಣಿನ ಸಿಪ್ಪೆಯು ನರಹುಲಿಯನ್ನು ತೊಡೆದುಹಾಕಲು ನಿಮಗೆ ಸಹಾಯ ಮಾಡುತ್ತದೆ. ಮಲಗುವ ಮುನ್ನ ನರಹುಲಿಗಳ ಮೇಲೆ ಬಾಳೆಹಣ್ಣಿನ ಸಿಪ್ಪೆಯನ್ನು ಹಾಕಿ ಸ್ವಲ್ಪ ಬ್ಯಾಂಡೇಜ್‌ನಿಂದ ಮುಚ್ಚಿದರೆ ಸಾಕು. ಸುಮಾರು ಒಂದು ವಾರದವರೆಗೆ ಪ್ರತಿ ರಾತ್ರಿ ಈ ಟ್ರಿಕ್ ಪುನರಾವರ್ತಿಸಿ. ಹೀಗೆ ಮಾಡುವುದರಿಂದ ಉತ್ತಮ ಫಲಿತಾಂಶವನ್ನು ನೀವು ಪಡೆಯಬಹುದು.

ಸುಕ್ಕುಗಳು:

ನಿಮ್ಮ ಮುಖದಲ್ಲಿ ಅಥವಾ ವಿಶೇಷವಾಗಿ ಕಣ್ಣು, ಹಣೆಯ ಭಾಗಗಳಲ್ಲಿ ಸುಕ್ಕುಗಳು ಹೆಚ್ಚಾಗಿ ಕಂಡುಬರುವುದರಿಂದ ನಿಮ್ಮನ್ನು ಇತರರ ಮುಂದೆ ಸಾಕಷ್ಟು ಮುಜುಗರಕ್ಕೀಡು ಮಾಡುತ್ತದೆ. ಬಾಳೆಹಣ್ಣಿನ ಸಿಪ್ಪೆಯಲ್ಲಿರುವ ಉತ್ಕರ್ಷಣ ನಿರೋಧಕಗಳು ನಿಮ್ಮ ಚರ್ಮ ಆರೋಗ್ಯಕ್ಕೆ ಸಹಾಯಕವಾಗಿದೆ. ನಿಮ್ಮ ಮುಖದ ಮೇಲೆ ಬಾಳೆಹಣ್ಣಿನ ಸಿಪ್ಪೆಯನ್ನು ಉಜ್ಜಿಕೊಳ್ಳಿ ಮತ್ತು ಅರ್ಧ ಘಂಟೆಯವರೆಗೆ ಕಾಯಿರಿ. ಮುಂದೆ, ಮುಖವನ್ನು ಚೆನ್ನಾಗಿ ತೊಳೆಯಿರಿ ಮತ್ತು ಕೆಲವು ದಿನಗಳವರೆಗೆ ಈ ಟ್ರಿಕ್ ಅನ್ನು ಪುನರಾವರ್ತಿಸಿ. ಸ್ವಲ್ಪ ಸಮಯದ ನಂತರ, ನಿಮ್ಮ ಸುಕ್ಕುಗಳು ಕಡಿಮೆಯಾಗಿರುವುದನ್ನು ನೀವು ಕಾಣಬಹುದು.

ಇದನ್ನು ಓದಿ: ಮಲಗುವ ಮುನ್ನ ದಿಂಬಿನ ಕೆಳಗೆ ಬೆಳ್ಳುಳ್ಳಿ ಎಸಳುಗಳನ್ನು ಇಡುವುದರಿಂದಾಗುವ ಅದ್ಭುತ ಪ್ರಯೋಜನಗಳ ತಿಳಿಯಿರಿ

ಮೊಡವೆಗಳು:

ಬಾಳೆಹಣ್ಣಿನ ಸಿಪ್ಪೆಯು ಮೊಡವೆಗಳನ್ನು ಕಲೆ ಇಲ್ಲದೆ ಕಡಿಮೆ ಮಾಡಲು ಅತ್ಯಂತ ಸಹಾಯಕವಾಗಿದೆ. ಬಾಳೆಹಣ್ಣಿನ ಸಿಪ್ಪೆಯ ಒಳಭಾಗವನ್ನು ನಿಮ್ಮ ಮುಖದ ಮೇಲೆ ನಿಧಾನವಾಗಿ ಉಜ್ಜಿಕೊಳ್ಳಿ. ಕನಿಷ್ಠ ಎರಡು ಗಂಟೆಗಳ ಕಾಲ ಇದನ್ನು ಹಾಗೆಯೇ ಬಿಡಿ. ನಿಮ್ಮ ಮುಖವನ್ನು ಸಂಪೂರ್ಣವಾಗಿ ತೊಳೆಯುವ ಮೊದಲು ರಾತ್ರಿಯಿಡೀ ನಿಮ್ಮ ಚರ್ಮದ ಮೇಲೆ ಬಿಟ್ಟರೆ ಈ ಟ್ರಿಕ್ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ. ಇದನ್ನು ಪ್ರತಿದಿನ ಮಾಡಿ ಮತ್ತು ಕೆಲವು ದಿನಗಳ ನಂತರ ನೀವು ಉತ್ತಮ ಫಲಿತಾಂಶಗಳನ್ನು ಕಾಣಬಹುದು.

ಆರೋಗ್ಯಕ್ಕೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ: