Indian cardamom: ಮಸಾಲೆ ಪದಾರ್ಥಗಳ ರಾಣಿ -ಏಲಕ್ಕಿಯ ಮಹಿಮೆ ಬಲ್ಲಿರಾ? ಏಲಕ್ಕಿಯ ಪ್ರಯೋಜನಗಳು ಹೀಗಿವೆ

ಅಡುಗೆ ಮನೆಯಲ್ಲಿ ಮಸಾಲೆ ಪದಾರ್ಥಗಳ ರಾಣಿಯಾಗಿ ಚಹಾದಿಂದ ಹಿಡಿದು ಅನೇಕ ಅಡುಗೆಗಳಲ್ಲಿ ಬಳಕೆಯಾಗುವ ಏಲಕ್ಕಿಯ ಪರಿಮಳಕ್ಕೆ ಮಾರು ಹೋಗದವರಾರು? ಏಲಕ್ಕಿಯ ಸುಗಂಧ ಪರಿಮಳದಂತೆ ಇದರ ಔಷಧೀಯ ಗುಣಗಳು ಅನೇಕ

Indian cardamom: ಮಸಾಲೆ ಪದಾರ್ಥಗಳ ರಾಣಿ -ಏಲಕ್ಕಿಯ ಮಹಿಮೆ ಬಲ್ಲಿರಾ? ಏಲಕ್ಕಿಯ ಪ್ರಯೋಜನಗಳು ಹೀಗಿವೆ
ಮಸಾಲೆ ಪದಾರ್ಥಗಳ ರಾಣಿ ಏಲಕ್ಕಿಯ ಮಹಿಮೆ ಬಲ್ಲಿರಾ!? ಏಲಕ್ಕಿಯ ಪ್ರಯೋಜನಗಳು ಹೀಗಿವೆ
TV9kannada Web Team

| Edited By: sadhu srinath

Aug 16, 2022 | 6:06 AM

Indian cardamom: ಏಲಕ್ಕಿ , ಯಾಲಕ್ಕಿ , ಇಲಾಚಿ ಎಂದು ಕರೆಯಲ್ಪಡುವ ಏಲಕ್ಕಿ ಮಸಾಲೆ ಪದಾರ್ಥಗಳಲ್ಲಿಯೇ ಅತ್ಯಂತ ಮಧುರ ಹಾಗೂ ವಿಶಿಷ್ಟ ಪರಿಮಳದಿಂದ ಕೂಡಿದ್ದು ಏಲಕ್ಕಿ ಗೆ “ಮಸಾಲೆ ಪದಾರ್ಥಗಳ ರಾಣಿ” ಎಂದು ಕರೆಯುತ್ತಾರೆ. ಏಲಕ್ಕಿಯಲ್ಲಿ ಸಣ್ಣ ಏಲಕ್ಕಿ (ಹಸಿರು ಏಲಕ್ಕಿ) ಹಾಗೂ ದೊಡ್ಡ ಏಲಕ್ಕಿ (ಕಪ್ಪು ಏಲಕ್ಕಿ -black cardamom, hill cardamom) ಎಂಬ ಎರಡು ಪ್ರಭೇದಗಳಿವೆ. ಹಸಿರು ಏಲಕ್ಕಿ ಹೆಚ್ಚು ರುಚಿ ಹಾಗೂ ಮಧುರತೆ ಹೊಂದಿದ್ದು, ಹೆಚ್ಚು ಬಳಕೆಯಲ್ಲಿದೆ. ದೊಡ್ಡ ಏಲಕ್ಕಿಯನ್ನು ಕೂಡ ಬಿರಿಯಾನಿ, ಪಲಾವ್, ಸಿಹಿ ತಿಂಡಿಗಳಲ್ಲಿ ಹಾಗೂ ಪಾರಂಪರಿಕ ಚಿಕಿತ್ಸೆಗಳಲ್ಲಿ ಉಪಯೋಗಿಸುತ್ತಾರೆ.

ದೊಡ್ಡ (ಕಪ್ಪು) ಏಲಕ್ಕಿ ಯ ವೈಜ್ಞಾನಿಕ ವಿವರಣೆ (Botanical name -Amomum subulatum) ಹಿಂದಿ ಭಾಷೆಯಲ್ಲಿ ಬಡಿ ಇಲಾಯಿಚಿ ಎನ್ನುತ್ತಾರೆ. ದೊಡ್ಡ (ಕಪ್ಪು) ಏಲಕ್ಕಿ ನೇಪಾಳ, ಡಾರ್ಜಿಲಿಂಗ್, ಸಿಕ್ಕಿಂ, ಭೂತಾನ್, ಹಾಗೂ ಪಶ್ಚಿಮ ಬಂಗಾಳ ಪ್ರದೇಶಗಳಲ್ಲಿ ಬೆಳೆಯುತ್ತಾರೆ.

Malbar cardamom – ಹಸಿರು (ಸಣ್ಣ) ಏಲಕ್ಕಿಯ ವೈಜ್ಞಾನಿಕ ವಿವರಣೆ (Botanical name -Elettaria cardamomum-Ginger family). ಹಿಂದಿ ಭಾಷೆಯಲ್ಲಿ… ಛೋಟಿ ಇಲಾಯಿಚಿ ಎನ್ನುತ್ತಾರೆ.

ಏಲಕ್ಕಿಯ ಪ್ರಯೋಜನಗಳು:

* ಮೂಲವ್ಯಾಧಿಗೆ… ಬೆಳಿಗ್ಗೆ ಎರಡು ಬಾಳೆಹಣ್ಣು ಮಧ್ಯಕ್ಕೆ ಸೀಳಿ ಹಸಿರು ಏಲಕ್ಕಿಯ ಪುಡಿಯನ್ನು ತುಂಬಿ ಇಡಬೇಕು. ರಾತ್ರಿ ಮಲಗುವ ಮುನ್ನ ಒಂದು ಬಾಳೆ ಹಣ್ಣು, ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಒಂದು ಬಾಳೆ ಹಣ್ಣು ಸೇವಿಸುವುದು.

* ಬಾಯಿ ಹುಣ್ಣಿಗೆ… ದೊಡ್ಡ ಏಲಕ್ಕಿ ಪುಡಿ ಜೇನುತುಪ್ಪ ಸೇರಿಸಿ ಹಚ್ಚಬೇಕು.

* ದೊಡ್ಡ ಏಲಕ್ಕಿಯ ಕಷಾಯ ಮಾಡಿ ಬಾಯಿ ಮುಕ್ಕಳಿಸುವುದರಿಂದ ಹಲ್ಲು ನೋವು ವಸಡು ನೋವು ನಿವಾರಣೆಯಾಗುವುದು.

* ಅತಿಯಾದ ಬಿಕ್ಕಳಿಕೆ ಗೆ… ಎರಡು ದೊಡ್ಡ ಏಲಕ್ಕಿ ಎರಡು ಕಪ್ಪು ನೀರಿನಲ್ಲಿ ಕುದಿಸಿ ನೀರು ಕುದ್ದು ಅರ್ಧ ಆದಾಗ ಆರಿಸಿ ಕುಡಿಯಬೇಕು.

* ದೊಡ್ಡ ಏಲಕ್ಕಿ ಪುಡಿ, ಕಪ್ಪು ಉಪ್ಪು ಸೇರಿಸಿ ಸೇವಿಸಲು ಹೊಟ್ಟೆಯುಬ್ಬರ ಕಡಿಮೆಯಾಗುತ್ತದೆ.

* ದೊಡ್ಡ ಏಲಕ್ಕಿ ಕಾಳುಗಳು, ಕಲ್ಲಂಗಡಿ ಬೀಜಗಳು, ಕಲ್ಲು ಸಕ್ಕರೆ ಸೇರಿಸಿ ಪುಡಿ ಮಾಡಿ ಮೂರು ಗ್ರಾಂ ನಷ್ಟು ಚೂರ್ಣವನ್ನು ಸೇವಿಸಿದರೆ ಕಿಡ್ನಿ ಸ್ಟೋನ್ ಕರಗಿಸಲು ಸಹಕಾರಿಯಾಗಿದೆ.

* ಊಟದ ನಂತರ ಹಸಿರು ಏಲಕ್ಕಿ ಸೇವಿಸಿದರೆ ಜೀರ್ಣ ಶಕ್ತಿ ಹೆಚ್ಚುತ್ತದೆ, ಬಾಯಿಯ ದುರ್ಗಂಧ ದೂರವಾಗುತ್ತದೆ.

* ಕೆಟ್ಟ ಕೊಲೆಸ್ಟ್ರಾಲ್ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

* ಏಲಕ್ಕಿ ಸೇವನೆ ಕ್ಯಾನ್ಸರ್ ಬರದಂತೆ ತಡೆಯುತ್ತದೆ.

* ಏಲಕ್ಕಿಯಲ್ಲಿ ಲೈಂಗಿಕ ಸಾಮರ್ಥ್ಯ ಹೆಚ್ಚಿಸುವ ಗುಣ ಇದೆ.

* ಬೆಲ್ಲ, ಹಸಿರು ಏಲಕ್ಕಿ ಪುಡಿ, ಸೋಂಪು ಕಾಳಿನ ಪುಡಿ, ಗಸಗಸೆ ಸೇರಿಸಿ ಮಣ್ಣಿನ ಗಡಿಗೆಯಲ್ಲಿ ತಯಾರಿಸಿದ ಪಾನಕ ಬಹಳ ತಂಪು. ಈ ಪಾನಕ ಕುಡಿದರೆ ಉರಿ ಮೂತ್ರ ನಿವಾರಣೆಯಾಗುತ್ತದೆ. ಆಯಾಸವೂ ದೂರವಾಗುತ್ತದೆ.

* ಅಡುಗೆ ಮನೆಯಲ್ಲಿ ಮಸಾಲೆ ಪದಾರ್ಥಗಳ ರಾಣಿಯಾಗಿ ಚಹಾದಿಂದ ಹಿಡಿದು ಅನೇಕ ಅಡುಗೆಗಳಲ್ಲಿ ಬಳಕೆಯಾಗುವ ಏಲಕ್ಕಿಯ ಪರಿಮಳಕ್ಕೆ ಮಾರು ಹೋಗದವರಾರು? ಏಲಕ್ಕಿಯ ಸುಗಂಧ ಪರಿಮಳದಂತೆ ಇದರ ಔಷಧೀಯ ಗುಣಗಳು ಅನೇಕ. (ಮಾಹಿತಿ ಸಂಗ್ರಹ -ಎಸ್​ ಹೆಚ್​ ನದಾಫ್​)

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada