Clean Your Tiffin Box: ಟಿಫಿನ್ ಬಾಕ್ಸ್‌ನ ಶುಚಿತ್ವದ ಬಗ್ಗೆ ಕಡೆಗಣಿಸಬೇಡಿ, ಸೂಕ್ಷ್ಮಜೀವಿಗಳ ತಾಣವಾಗಬಹುದು

ಪ್ರತಿದಿನವೂ ಟಿಫಿನ್ ಬಾಕ್ಸ್ ಶಾಲೆ, ಕಾಲೇಜು ಅಥವಾ ಕೆಲಸಕ್ಕೆ ಊಟದೊಂದಿಗೆ ಹೋಗುತ್ತದೆ. ಆದರೆ ಈ ಬಾಕ್ಸ್ ಅನ್ನು ಸರಿಯಾಗಿ ಸ್ವಚ್ಛಗೊಳಿಸದಿದ್ದರೆ ಅದು ಕೆಟ್ಟ ವಾಸನೆ , ಗಲೀಜಾಗುವ, ತಿಂದರೆ ತೊಂದರೆ ಆಗುವಂತಹ ಸೂಕ್ಷ್ಮಜೀವಿಗಳ ತಾಣವಾಗಬಹುದು. ಆದ್ದರಿಂದ, ಟಿಫಿನ್ ಬಾಕ್ಸ್‌ನ ಶುದ್ಧತೆಯೂ ಆರೋಗ್ಯದ ರಕ್ಷಣೆಗೂ ಅವಿಭಾಜ್ಯವಾಗಿ ಸಂಬಂಧಿಸಿದೆ.

ಇಲ್ಲಿ ಕೆಲವು ಸರಳ ಮತ್ತು ಪರಿಣಾಮಕಾರಿ ಉಪಾಯಗಳಿವೆ:

ತಕ್ಷಣ ತೊಳೆಯುವುದು ಅನಿವಾರ್ಯ:

ಮನೆಗೆ ಬಂದ ಕೂಡಲೆ ಬಾಕ್ಸ್ ತೊಳೆಯಿರಿ. ಕೇವಲ ನೀರಿನಿಂದ ತೊಳೆದರೂ ಉತ್ತಮ. ನಂತರ ಒಣ ಬಟ್ಟೆಯಿಂದ ಒರೆಸಿ.

ಬಿಸಿ ನೀರು ಬಳಸಿ:

ಎಣ್ಣೆಯ ಆಹಾರ ಇದ್ದರೆ ಬಿಸಿ ನೀರು ಮತ್ತು ಕೆಲ ಹನಿ ಡಿಶ್ ಸೋಪ್ ಬಳಸಿ ನಿಧಾನವಾಗಿ ಸ್ಕ್ರಬ್ ಮಾಡಿ. ಇದು ಎಣ್ಣೆಯ ಕಲೆ ಮತ್ತು ದುರ್ಗಂಧವನ್ನು ದೂರ ಮಾಡುತ್ತದೆ.

ಸಂದು ಮೂಲೆಗಳಿಗೆ – ಟೂತ್‌ಬ್ರಷ್ ಬಳಸಿ:

ಬಾಕ್ಸ್‌ನ ಮೂಲೆಗಳಲ್ಲಿ ಆಹಾರದ ಕಣಗಳು ಇರುತ್ತವೆ. ಹಳೆಯ ಟೂತ್‌ಬ್ರಷ್‌ನಲ್ಲಿ ಡಿಶ್ ಸೋಪ್ ಹಚ್ಚಿ ಸ್ವಚ್ಛಗೊಳಿಸಿ. ಇದರಿಂದ ಬಾಕ್ಸ್‌ನ ಮೂಲೆಗಳಲ್ಲಿಯೂ ಸ್ವಚ್ಛವಾಗುತ್ತವೆ.

ಶುದ್ಧತೆಗಾಗಿ ವಿನೆಗರ್:

ಒಂದು ಚಿಕ್ಕ ಪಾತ್ರೆಯಲ್ಲಿ ಅರ್ಥದಷ್ಟು ನೀರು ಹಾಕಿ ಅದಕ್ಕೆ 2 ಸ್ಪೂನ್​​ ವಿನೆಗರ್ ಮತ್ತು ಕೆಲ ಹನಿ ಡಿಶ್ ಸೋಪ್ ಬಳಸಿ. ಇದರಲ್ಲಿ ಬಾಕ್ಸ್ ಅನ್ನು 15 ನಿಮಿಷ ನೆನೆಸಿ. ನಂತರ ಬಿಸಿ ನೀರಿನಲ್ಲಿ ತೊಳೆಯಿರಿ.

ಇದನ್ನೂ ಓದಿ : Patanjali Dhara: ಗ್ಯಾಸ್ಟ್ರಿಕ್, ತಲೆನೋವು, ಶೀತ, ಕೆಮ್ಮಿನ ಸಮಸ್ಯೆಯೇ? ಇಲ್ಲಿದೆ ಪರಿಣಾಮಕಾರಿ ಪತಂಜಲಿ ಔಷಧ

ನಿಂಬೆಹಣ್ಣಿನ ಸ್ಕ್ರಬ್:

ಅರ್ಧ ನಿಂಬೆಹಣ್ಣಿಗೆ ಡಿಶ್ ಸೋಪ್ ಹಚ್ಚಿ ಬಾಕ್ಸ್ ಮೇಲೆ ಸ್ಕ್ರಬ್ ಮಾಡಿ. ಇದು ತಾಜಾತನ ನೀಡುತ್ತದೆ ಮತ್ತು ವಾಸನೆ ದೂರ ಮಾಡುತ್ತದೆ.

ಟಿಫಿನ್ ಬಾಕ್ಸ್ ಒಣಗಿಸುವ ಪ್ರಕ್ರಿಯೆ:

ತೊಳೆಯುತ್ತಿದ್ದಂತೆ ಮುಚ್ಚಬೇಡಿ. ಸಂಪೂರ್ಣ ಗಾಳಿಯಲ್ಲಿ ಒಣಗಲು ಬಿಡಿ. ಸಾಧ್ಯವಾದರೆ ಸೂರ್ಯನ ಬೆಳಕಿನಲ್ಲಿ ಇಡಿ. ಒಂದು ಟಿಫಿನ್ ಬಾಕ್ಸ್ ಅಥವಾ ಬ್ಯಾಗ್ ಕೇವಲ ಪಾತ್ರೆಯಲ್ಲ, ಅದು ನಿತ್ಯ ಆರೋಗ್ಯದ ಕಾವಲುಗಾರ. ಅದನ್ನು ಸ್ವಚ್ಛವಾಗಿ ಇಡುವುದು ನಮ್ಮ ಆರೋಗ್ಯದ ಮೇಲೆಯೇ ಪ್ರತಿಬಿಂಬಿಸುತ್ತದೆ.

ಲೇಖನ: ಡಾ ರವಿಕಿರಣ ಪಟವರ್ಧನ ಶಿರಸಿ

ಆಯುರ್ವೇದ ವೈದ್ಯರು, ಶಿರಸಿ – 581401

ದೂರವಾಣಿ: 08384-225836

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ