Parkinson: ಕಾಫಿಗೂ ಪಾರ್ಕಿನ್ಸನ್ ರೋಗಕ್ಕೂ ಏನು ಸಂಬಂಧ? ಅಧ್ಯಯನದಲ್ಲಿ ಬಯಲಾದ ವಿಷಯವಿದು

ನೀವು ನಿಮ್ಮ ಬೆಳಗಿನ ಕಾಫಿಯನ್ನು ಆನಂದಿಸುತ್ತೀರಾ? ಇತ್ತೀಚಿನ ಅಧ್ಯಯನವು ಪಾರ್ಕಿನ್ಸನ್ (Parkinson’s)  ಕಾಯಿಲೆಯನ್ನು ಅಭಿವೃದ್ಧಿಪಡಿಸುವ ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ ಎಂದು ತಿಳಿಸಿದೆ. ಕಾಫಿ ಕುಡಿಯದವರಿಗೆ ಹೋಲಿಸಿದರೆ ಹೆಚ್ಚು ಕಾಫಿ ಸೇವಿಸುವವರಿಗೆ ಪಾರ್ಕಿನ್ಸನ್ ಬರುವ ಅಪಾಯವು ಶೇ. 37ರಷ್ಟು ಕಡಿಮೆಯಾಗಿದೆ ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ.

ಜರ್ನಲ್ ನ್ಯೂರಾಲಜಿಯಲ್ಲಿ ಪ್ರಕಟವಾದ ಇತ್ತೀಚಿನ ಅಧ್ಯಯನದ ಪ್ರಕಾರ, ಕಾಫಿ ಪಾರ್ಕಿನ್ಸನ್ ಕಾಯಿಲೆಯ ಅಪಾಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಸಂಶೋಧಕರು ಸುಮಾರು 13 ವರ್ಷಗಳ ಕಾಲ 35ರಿಂದ 70 ವರ್ಷ ವಯಸ್ಸಿನ 1,84,024 ಜನರನ್ನು ಅಧ್ಯಯನಕ್ಕೆ ಒಳಪಡಿಸಿದ್ದಾರೆ. ಕಾಫಿ ಕುಡಿಯದವರಿಗೆ ಹೋಲಿಸಿದರೆ ಹೆಚ್ಚು ಕಾಫಿ ಸೇವಿಸುವವರಿಗೆ ಪಾರ್ಕಿನ್ಸನ್ ಬರುವ ಅಪಾಯವು ಶೇ. 37ರಷ್ಟು ಕಡಿಮೆಯಾಗಿದೆ ಎಂದು ಅವರು ಕಂಡುಕೊಂಡಿದ್ದಾರೆ. ಕಾಫಿಯಲ್ಲಿರುವ ಕೆಫೀನ್ ಪಾರ್ಕಿನ್ಸನ್ ಕಾಯಿಲೆಯ ವಿರುದ್ಧ ರಕ್ಷಣೆ ನೀಡಬಹುದು ಎಂದು ಅಧ್ಯಯನವು ಸೂಚಿಸುತ್ತದೆ.

ಇದನ್ನೂ ಓದಿ: ಕ್ಯಾನ್ಸರ್ ಅಪಾಯಕ್ಕೂ ಕ್ಯಾಲ್ಸಿಯಂ, ವಿಟಮಿನ್ ಡಿ ಸಪ್ಲಿಮೆಂಟ್​ಗೂ ಏನು ಸಂಬಂಧ?

ಕೆಫೀನ್ ರಹಿತ ಕಾಫಿಯು ಈ ರೀತಿಯ ಪ್ರಯೋಜನಗಳನ್ನು ತೋರಿಸಲಿಲ್ಲ. ಹೈದರಾಬಾದ್‌ನ ಇಂದ್ರಪ್ರಸ್ಥ ಅಪೋಲೋ ಆಸ್ಪತ್ರೆಯ ನರವಿಜ್ಞಾನಿ ಡಾ. ಸುಧೀರ್ ಕುಮಾರ್, ಕೆಫೀನ್ ಹೊಂದಿರುವ ಕಾಫಿ ಸೇವನೆಯು ಪಾರ್ಕಿನ್ಸನ್ ಕಾಯಿಲೆಯ ಅಪಾಯವನ್ನು ದೀರ್ಘಕಾಲದವರೆಗೆ ಕಡಿಮೆ ಮಾಡುತ್ತದೆ ಎಂದು ಹೇಳಿದ್ದಾರೆ.

ಪಾರ್ಕಿನ್ಸನ್ ಕಾಯಿಲೆ ಎಂದರೇನು?:

ಪಾರ್ಕಿನ್ಸನ್ ಕಾಯಿಲೆಯು ಒಂದು ರೀತಿಯ ನರವೈಜ್ಞಾನಿಕ ಸಮಸ್ಯೆಯಾಗಿದ್ದು, ಅದು ಚಲನೆಯ ಮೇಲೆ ಪರಿಣಾಮ ಬೀರುತ್ತದೆ. ಮೆದುಳಿನಲ್ಲಿನ ಕೆಲವು ನರ ಕೋಶಗಳು, ವಿಶೇಷವಾಗಿ ಡೋಪಮೈನ್ ಎಂಬ ರಾಸಾಯನಿಕವನ್ನು ಉತ್ಪಾದಿಸಲು ಕಾರಣವಾದ ನರ ಕೋಶಗಳು ಹಾನಿಗೊಳಗಾದಾಗ ಅಥವಾ ಸಾಯುವಾಗ ಇದು ಸಂಭವಿಸುತ್ತದೆ. ಚಲನೆಯನ್ನು ಸಂಘಟಿಸಲು ಡೋಪಮೈನ್ ಅತ್ಯಗತ್ಯ. ಆದ್ದರಿಂದ ಡೋಪಮೈನ್ ಮಟ್ಟದಲ್ಲಿನ ಇಳಿಕೆಯು ನಡುಕ, ಬಿಗಿತ, ಚಲನೆಯ ನಿಧಾನತೆ ಮತ್ತು ಸಮತೋಲನ ಮತ್ತು ಸಮನ್ವಯದ ತೊಂದರೆಗಳಂತಹ ರೋಗಲಕ್ಷಣಗಳಿಗೆ ಕಾರಣವಾಗುತ್ತದೆ. ಪಾರ್ಕಿನ್ಸನ್ ಕಾಯಿಲೆಗೆ ಯಾವುದೇ ಚಿಕಿತ್ಸೆಯಿಲ್ಲ. ರೋಗಲಕ್ಷಣಗಳನ್ನು ನಿರ್ವಹಿಸಲು ಮತ್ತು ಜೀವನದ ಗುಣಮಟ್ಟವನ್ನು ಸುಧಾರಿಸಲು ಚಿಕಿತ್ಸೆಯ ಆಯ್ಕೆಗಳು ಲಭ್ಯವಿದೆ.

ಪಾರ್ಕಿನ್ಸನ್ಸ್ ರೋಗಲಕ್ಷಣಗಳು:

ನಡುಕ:

ವಿಪರೀತ ನಡುಕ ಸಾಮಾನ್ಯವಾಗಿ ಕೈಗಳು ಅಥವಾ ಬೆರಳುಗಳಲ್ಲಿ ಪ್ರಾರಂಭವಾಗುತ್ತದೆ. ತೊಂದರೆಗೆ ಒಳಗಾದ ಅಂಗವು ವಿಶ್ರಾಂತಿಯಲ್ಲಿರುವಾಗ ಆಗಾಗ ಇದು ಸಂಭವಿಸುತ್ತದೆ.

ಬ್ರಾಡಿಕಿನೇಶಿಯಾ:

ಚಲನೆಯ ನಿಧಾನತೆ, ನಡೆಯುವುದು, ಕುರ್ಚಿಯಿಂದ ಎದ್ದೇಳುವುದು ಅಥವಾ ಬರೆಯುವುದಕ್ಕೆ ತೊಂದರೆ ಮಾಡಬಹುದು.

ಸ್ನಾಯು ಬಿಗಿತ:

ಸ್ನಾಯುಗಳ ಬಿಗಿತ ಮತ್ತು ನಮ್ಯತೆ, ಚಲನೆಯನ್ನು ಕಷ್ಟಕರವಾಗಿಸುತ್ತದೆ. ಇದು ನೋವನ್ನು ಉಂಟುಮಾಡುತ್ತದೆ.

ಇದನ್ನೂ ಓದಿ: ಪ್ರಾಸ್ಟೇಟ್ ಕ್ಯಾನ್ಸರ್ ಲಕ್ಷಣಗಳೇನು?; ಇದನ್ನು ಆರಂಭದಲ್ಲೇ ಪತ್ತೆ ಹಚ್ಚುವುದು ಹೇಗೆ?

ಭಂಗಿಯ ಅಸ್ಥಿರತೆ:

ದುರ್ಬಲಗೊಂಡ ಸಮತೋಲನ ಮತ್ತು ಸಮನ್ವಯ, ನಡೆಯುವಾಗ ಆಗಾಗ ಬೀಳುವ ಅನುಭವವಾಗುತ್ತದೆ.

ಮಾತಿನಲ್ಲಿನ ಬದಲಾವಣೆಗಳು:

ಪಾರ್ಕಿನ್ಸನ್ ಮಾತು ಮತ್ತು ಧ್ವನಿಯ ಗುಣಮಟ್ಟದ ಮೇಲೆ ಪರಿಣಾಮ ಬೀರುತ್ತದೆ. ಇದು ಮೃದುವಾದ, ಹೆಚ್ಚು ಏಕತಾನತೆಯ ಮಾತು, ಮಾತನಾಡುವಾಗ ಹಿಂಜರಿಕೆಯನ್ನು ಉಂಟುಮಾಡುತ್ತದೆ.

ಮೈಕ್ರೊಗ್ರಾಫಿಯಾ:

ಕೈಬರಹವು ಚಿಕ್ಕದಾಗಬಹುದು ಮತ್ತು ಹೆಚ್ಚು ಇಕ್ಕಟ್ಟಾಗಬಹುದು. ಇದು ಸ್ಪಷ್ಟವಾಗಿ ಬರೆಯಲು ತೊಂದರೆ ಮಾಡುತ್ತದೆ.

ಮೋಟಾರು ಅಲ್ಲದ ಲಕ್ಷಣಗಳು:

ಪಾರ್ಕಿನ್ಸನ್ ಖಿನ್ನತೆ, ಆತಂಕ, ಅರಿವಿನ ದುರ್ಬಲತೆ, ನಿದ್ರಾ ಭಂಗ, ಮಲಬದ್ಧತೆ ಮತ್ತು ವಾಸನೆಯ ಪ್ರಜ್ಞೆಯ ಸಮಸ್ಯೆಯಂತಹ ಮೋಟಾರು ಅಲ್ಲದ ಲಕ್ಷಣಗಳನ್ನು ಸಹ ಉಂಟುಮಾಡಬಹುದು.

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ