ಹೊಟ್ಟೆಯ ಸಮಸ್ಯೆಗಳಿಗೆ ಉಪಯುಕ್ತವಾದ ಯೋಗಾಸನಗಳು: ಬಾಬಾ ರಾಮದೇವ್ ಸಲಹೆ

ಬೊಜ್ಜು, ಅಜೀರ್ಣ ಮತ್ತು ಗ್ಯಾಸ್ ಹೆಚ್ಚಳವು ಹೊಟ್ಟೆಯ ಸಮಸ್ಯೆಗಳ ಉಲ್ಬಣಕ್ಕೆ ಕಾರಣವಾಗಿದೆ. ಹೊಟ್ಟೆ ಬಿರಿಯುವಷ್ಟು ಆಹಾರ ಸೇವಿಸುವುದರಿಂದ, ಅಥವಾ ಹೊತ್ತಲ್ಲದ ಹೊತ್ತಲ್ಲಿ ಊಟ ಮಾಡುವುದರಿಂದ ಗ್ಯಾಸ್, ಕಾನ್ಸ್​ಟಿಪೇಶನ್, ಎದೆಯುರಿ, ಅಜೀರ್ಣತೆ (indigestion) ಉಂಟಾಗಬಹುದು. ಮೊದಮೊದಲು ಜನರು ಈ ಸಮಸ್ಯೆಗಳನ್ನು ಹಗುರವಾಗಿ ಪರಿಗಣಿಸಿ, ನಿರ್ಲಕ್ಷಿಸುತ್ತಾರೆ. ಆದರೆ, ಇವೇ ಸಮಸ್ಯೆಗಳು ಕ್ರಮೇಣವಾಗಿ ಗಂಭೀರ ಕಾಯಿಲೆಯಾಗಿ ಬೆಳೆಯುತ್ತವೆ.

ಹೊಟ್ಟೆಯಲ್ಲಿ ತೊಂದರೆಯಾದಾಗ ಆಯಾಸ, ಕಿರಿಕಿರಿ ಮತ್ತು ರೋಗನಿರೋಧಕ ಶಕ್ತಿ ಕಡಿಮೆ ಆಗುವುದು ಸಾಮಾನ್ಯ. ಇದಕ್ಕೆ ಔಷಧಿಗಳಿಂದ ಮಾತ್ರವೇ ಪರಿಹಾರ ಅಲ್ಲ, ಯೋಗ ಮತ್ತು ಆರೋಗ್ಯಕರ ಆಹಾರವು ದೀರ್ಘಕಾಲದವರೆಗೆ ಹೊಟ್ಟೆಯ ಆರೋಗ್ಯ ಕಾಪಾಡಲು ಸಹಾಯ ಮಾಡುತ್ತದೆ. ಬಾಬಾ ರಾಮದೇವ್ ಅವರು ಗ್ಯಾಸ್, ಮಲಬದ್ಧತೆ, ನೋವು ಅಥವಾ ಅಜೀರ್ಣದಂತಹ ಹೊಟ್ಟೆಯ ಸಮಸ್ಯೆಗಳಿಗೆ ಬಹಳ ಪ್ರಯೋಜನಕಾರಿಯಾದ ಕೆಲವು ಸರಳ ಯೋಗ ಭಂಗಿಗಳನ್ನು ಹಂಚಿಕೊಳ್ಳುತ್ತಾರೆ. ಈ ಆಸನಗಳ ನಿಯಮಿತ ಅಭ್ಯಾಸವು ಹೊಟ್ಟೆಯ ಕಾಯಿಲೆಗಳನ್ನು ಕಡಿಮೆ ಮಾಡುತ್ತದೆ ಮತ್ತು ಜೀರ್ಣಾಂಗ ವ್ಯವಸ್ಥೆಯನ್ನು ಸುಧಾರಿಸುತ್ತದೆ. ಈ ಯೋಗ ಭಂಗಿಗಳನ್ನು ಮತ್ತು ಅವುಗಳನ್ನು ಹೇಗೆ ಮಾಡಬೇಕೆಂದು ವಿವರ ಇಲ್ಲಿದೆ:

ಇದನ್ನೂ ಓದಿ: ಬುದ್ಧಿ ಹರಿತಗೊಳಿಸಲು ಬೇಕಾದ ಯೋಗ, ಪ್ರಾಣಾಯಾಮ ಮತ್ತು ಆಹಾರ; ಬಾಬಾ ರಾಮದೇವ್ ಸಲಹೆ ಕೇಳಿ

1. ಮಂಡೂಕಾಸನ

ಮಂಡೂಕ ಎಂದರೆ ಕಪ್ಪೆ. ಕಪ್ಪೆಯ ಆಕಾರದಲ್ಲಿ ಹಾಕುವ ಆಸನ ಇದು. ವಜ್ರಾಸನದ ರೀತಿಯಲ್ಲಿ ಕುಳಿತುಕೊಳ್ಳಬೇಕು. ಹೆಬ್ಬೆರಳನ್ನು ಒಳಗೆ ಮಡಿಸಿ ಮುಷ್ಟಿ ಮಾಡಿದ ಕೈಯನ್ನು ತೊಡೆಸಂಧಿಗೆ ಸೇರಿಸಿ. ನಂತರ ಉಸಿರು ಹೊರಹಾಕುತ್ತಾ ನಿಮ್ಮ ತಲೆಯನ್ನು ಮುಂದಕ್ಕೆ ತಂದು ನೆಲಕ್ಕೆ ತಾಕಿಸಿರಿ. ಇದು ಮಂಡೂಕಾಸನದ ಭಂಗಿ.

ಮಂಡೂಕಾಸನದ ಪ್ರಯೋಜನಗಳು

• ಹೊಟ್ಟೆಯ ಮೇಲೆ ಸ್ವಲ್ಪ ಒತ್ತಡ ಹಾಕುತ್ತದೆ
• ಕಿಬ್ಬೊಟ್ಟೆಯ ಅಂಗಗಳಿಗೆ ಮಸಾಜ್ ಆದಂತಾಗುತ್ತದೆ
• ಹೊಟ್ಟೆಯ ಊತವನ್ನು ಕಡಿಮೆ ಮಾಡುತ್ತದೆ
• ಅಜೀರ್ಣ ಸಮಸ್ಯೆ ದೂರವಾಗುತ್ತದೆ.
• ಆಹಾರ ಬೇಗ ಜೀರ್ಣವಾಗುತ್ತದೆ.
• ಮಲಬದ್ಧತೆಯಂತಹ ಸಮಸ್ಯೆಗಳು ದೂರವಾಗುತ್ತವೆ.

2. ಪವನಮುಕ್ತಾಸನ

ಇದು ಸರಳವಾದ ಆಸನವಾಗಿದ್ದು, ಇದರಲ್ಲಿ ನೀವು ಬೆನ್ನಿನ ಮೇಲೆ ಮಲಗಿ ಎರಡೂ ಕಾಲುಗಳನ್ನು ಒಂದೊಂದಾಗಿ ನಿಮ್ಮ ಎದೆಯ ಕಡೆಗೆ ಎಳೆಯಬೇಕು. ಸ್ವಲ್ಪ ಸಮಯದವರೆಗೆ ಈ ಸ್ಥಿತಿಯಲ್ಲಿರಬೇಕು. ಇದು ಗ್ಯಾಸ್ ಅನ್ನು ಹೊರಹಾಕಲು ಸಹಾಯ ಮಾಡುತ್ತದೆ ಮತ್ತು ಹೊಟ್ಟೆಯ ಉಬ್ಬುವಿಕೆಯನ್ನು ಕಡಿಮೆ ಮಾಡುತ್ತದೆ.

ಪವನಮುಕ್ತಾಸನದ ಪ್ರಯೋಜನಗಳು

• ಗ್ಯಾಸ್ ಮತ್ತು ನೋವಿನಿಂದ ಪರಿಹಾರ
• ಹೊಟ್ಟೆ ನೋವಿನಿಂದ ಪರಿಹಾರ
• ಗ್ಯಾಸ್ ಸಮಸ್ಯೆ ದೂರವಾಗುತ್ತದೆ
• ಹೊಟ್ಟೆಯ ಊತ ಕಡಿಮೆಯಾಗುತ್ತದೆ

ಮಕ್ಕಳು ಮತ್ತು ಹಿರಿಯರು ಯಾರು ಬೇಕಾದರೂ ಇದನ್ನು ಮಾಡಬಹುದು.

ಇದನ್ನೂ ಓದಿ: ದಿವ್ಯ ಕಾಯಕಲ್ಪ ತೈಲದ ಪ್ರಯೋಜನ, ಬಳಕೆ ವಿಧಾನ, ಮುನ್ನೆಚ್ಚರಿಕೆ ಕ್ರಮ ತಿಳಿಯಿರಿ

3. ಭುಜಂಗಾಸನ

ಈ ಆಸನವು ನಿಮ್ಮ ಹೊಟ್ಟೆಯ ಮೇಲೆ ಮಲಗಿ ಹಾವಿನಂತೆ ಏಳುವುದಾಗಿದೆ. ಇದನ್ನು ಕೋಬ್ರಾ ಪೋಸ್ ಎಂದೂ ಕರೆಯುತ್ತಾರೆ. ಹೊಟ್ಟೆಯ ಕಾಯಿಲೆಗಳು ಹೆಚ್ಚಾಗಿ ಸೊಂಟ ಮತ್ತು ಬೆನ್ನುಮೂಳೆಯಲ್ಲಿ ಒತ್ತಡವನ್ನು ಹೆಚ್ಚಿಸುತ್ತವೆ. ಈ ಆಸನವು ಈ ಒತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಭುಜಂಗಾಸನದ ಪ್ರಯೋಜನಗಳು

• ಹೊಟ್ಟೆ, ಸೊಂಟ ಮತ್ತು ಬೆನ್ನುಮೂಳೆಗೆ ಪ್ರಯೋಜನಕಾರಿ
• ಹೊಟ್ಟೆಯ ಸ್ನಾಯುಗಳು ಹಿಗ್ಗುತ್ತವೆ
• ರಕ್ತ ಪರಿಚಲನೆ ಸುಧಾರಿಸುತ್ತದೆ
• ಜೀರ್ಣಶಕ್ತಿ ಹೆಚ್ಚಾಗುತ್ತದೆ

ನಿಮಗೆ ಹೊಟ್ಟೆ ನೋವು ಅಥವಾ ಬೆನ್ನು ನೋವು ಇದ್ದರೆ ಈ ಆಸನವನ್ನು ನಿಧಾನವಾಗಿ ಮಾಡಿ.

ನಿಮ್ಮ ದಿನಚರಿಯಲ್ಲಿ ಯೋಗ ಅಳವಡಿಸಿಕೊಳ್ಳಿ

ಬಾಬಾ ರಾಮದೇವ್ ಈ ಯೋಗಾಸನಗಳನ್ನು ಪ್ರತಿದಿನ ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಅಭ್ಯಾಸ ಮಾಡಲು ಶಿಫಾರಸು ಮಾಡುತ್ತಾರೆ. ನಿಧಾನವಾಗಿ ಪ್ರಾರಂಭಿಸಿ, ನಿಮ್ಮ ದೇಹದ ಮಿತಿಗಳನ್ನು ಕಲಿಯಿರಿ ಮತ್ತು ಅತಿಯಾದ ಒತ್ತಡವನ್ನು ತಪ್ಪಿಸಿ. ಹಗುರವಾದ, ಸುಲಭವಾಗಿ ಜೀರ್ಣವಾಗುವ ಆಹಾರವನ್ನು ಸೇವಿಸಿ ಮತ್ತು ಸಾಕಷ್ಟು ನೀರು ಕುಡಿಯಿರಿ.

ಇನ್ನಷ್ಟು ಆರೋಗ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ