Patanjali: ದಿವ್ಯ ಕಾಯಕಲ್ಪ ತೈಲದ ಪ್ರಯೋಜನ, ಬಳಕೆ ವಿಧಾನ, ಮುನ್ನೆಚ್ಚರಿಕೆ ಕ್ರಮ ತಿಳಿಯಿರಿ

Patanjali Divya Kayakalp Taila benefits and usage: ನೀವು ಅಲರ್ಜಿ, ಕಲೆ, ಶುಷ್ಕತೆ, ಕಡಿತ, ಬಿಸಿಲಿನ ಬೇಗೆ, ತುರಿಕೆ ಮುಂತಾದ ಯಾವುದೇ ಸಮಸ್ಯೆಯನ್ನು ಎದುರಿಸುತ್ತಿದ್ದು, ಅಡ್ಡಪರಿಣಾಮಗಳಿಲ್ಲದ, ಆರೋಗ್ಯಕರವಾದ ಪರಿಹಾರ ಮಾರ್ಗ ಹುಡುಕುತ್ತಿದ್ದರೆ ಪತಂಜಲಿ ದಿವ್ಯ ಕಾಯಕಲ್ಪ ತೈಲ (Divya Kayakalp Taila) ಒಳ್ಳೆಯ ಆಯ್ಕೆಯಾಗಿದೆ. ಬಾಬಾ ರಾಮದೇವ್ ಮತ್ತು ಆಚಾರ್ಯ ಬಾಲಕೃಷ್ಣ ನೇತೃತ್ವದ ಪತಂಜಲಿ ಸಂಶೋಧನಾ ಸಂಸ್ಥೆಯು (Patanjali) ಚರ್ಮವನ್ನು ಸ್ವಚ್ಛ ಹಾಗೂ ಆರೋಗ್ಯಕರವಾಗಿಡಲು ಈ ತೈಲ ಸಹಾಯವಾಗುತ್ತದೆ ಎಂದು ಹೇಳುತ್ತದೆ.

ಆಯುರ್ವೇದದಲ್ಲಿ, ಗಿಡಮೂಲಿಕೆಗಳಿಂದ ತಯಾರಿಸಿದ ಔಷಧಿಗಳು ಮತ್ತು ತೈಲಗಳನ್ನು ಬಳಸಿ ಹಲವು ಆರೋಗ್ಯ ಸಮಸ್ಯೆಗಳಿಗೆ ಪರಿಹಾರ ಕೊಡಲಾಗುತ್ತದೆ. ಈ ನೈಸರ್ಗಿಕ ವಿಧಾನಗಳನ್ನು ಬಳಸಿ ದಿವ್ಯ ಕಾಯಕಲ್ಪ ತೈಲವನ್ನು ತಯಾರಿಸಲಾಗುತ್ತದೆ. ಈ ಆಯುರ್ವೇದಿಕ್ ತೈಲದ ಪ್ರಯೋಜನಗಳು, ಬಳಕೆಯ ವಿಧಾನಗಳು ಹಾಗೂ ಬಳಸುವಾಗ ತೆಗೆದುಕೊಳ್ಳಬಹುದಾದ ಮುನ್ನೆಚ್ಚರಿಕೆಗಳ ಬಗ್ಗೆ ಒಂದಷ್ಟು ಮಾಹಿತಿ ಇಲ್ಲಿದೆ.

ದಿವ್ಯ ಕಾಯಕಲ್ಪ್ ತೈಲದ ಮುಖ್ಯ ವಸ್ತುಗಳು

ಪತಂಜಲಿಯ ದಿವ್ಯ ಕಾಯಕಲ್ಪ ತೈಲದಲ್ಲಿ ಬಕುಚಿ, ಪುನರ್ನವ, ಅರಿಶಿನ, ದಾರುಹರಿದ್ರ, ಕರಂಜ, ಬೇವು, ಅಮಲಕಿ, ಮಂಜಿಷ್ಠ, ಗಿಲೋಯ್, ಚಿತ್ರಕ, ಕುಟಕಿ, ದೇವದಾರು, ಚಿರಾಯತ, ತಿಲ ಎಣ್ಣೆಯಂತಹ ಸಾಕಷ್ಟು ಆಯುರ್ವೇದ ಪದಾರ್ಥಗಳು, ಗಿಡಮೂಲಿಕೆಗಳನ್ನು ಒಳಗೊಂಡಿದೆ.

ಇದನ್ನೂ ಓದಿ: ಬುದ್ಧಿ ಹರಿತಗೊಳಿಸಲು ಬೇಕಾದ ಯೋಗ, ಪ್ರಾಣಾಯಾಮ ಮತ್ತು ಆಹಾರ; ಬಾಬಾ ರಾಮದೇವ್ ಸಲಹೆ ಕೇಳಿ

ದಿವ್ಯ ಕಾಯಕಲ್ಪ ತೈಲದ ಪ್ರಯೋಜನಗಳು

ಚರ್ಮಕ್ಕೆ ಪ್ರಯೋಜನಗಳು: ಇದು ತುರಿಕೆ, ಸೋರಿಯಾಸಿಸ್, ಎಸ್ಜಿಮಾ, ರಿಂಗ್‌ವರ್ಮ್, ಸೋರಿಯಾಸಿಸ್, ಜೇನುಗೂಡುಗಳು, ಬಿಳಿ ಚುಕ್ಕೆಗಳು ಮತ್ತು ಚರ್ಮದ ಅಲರ್ಜಿಗಳಿಗೆ ಒಳ್ಳೆಯದು. ಸನ್ ಬರ್ನ್, ನಸುಕಂದು ಮಚ್ಚೆ, ದದ್ದು, ಫಂಗಲ್ ಇನ್ಫೆಕ್ಷನ್​ಗಳಂತಹ ಸಮಸ್ಯೆಗಳನ್ನು ಕಡಿಮೆ ಮಾಡಲೂ ಸಹಾಯ ಮಾಡುತ್ತದೆ. ಸಣ್ಣ ಗಾಯಗಳು, ಗಾಯದ ಗುರುತು, ಹಿಮ್ಮಡಿ ಒಡಕು ಇತ್ಯಾದಿಯನ್ನು ಗುಣಪಡಿಸಲು ಪತಂಜಲಿ ದಿವ್ಯ ಕಾಯಕಲ್ಪ್ ತೈಲ ಉತ್ತಮ ಆಯುರ್ವೇದಿಕ್ ಆಯ್ಕೆಯಾಗಿದೆ.

ದಿವ್ಯ ಕಾಯಕಲ್ಪ ತೈಲವನ್ನು ಬಳಸುವುದು ಹೇಗೆ?

ದೇಹದಲ್ಲಿ ಬಾಧಿತ ಜಾಗದಲ್ಲಿ (ವಿಶೇಷವಾಗಿ ಮೇಲೆ ತಿಳಿಸಿದ ಸಮಸ್ಯೆಗಳು) ದಿನಕ್ಕೆ 2 ರಿಂದ 3 ಬಾರಿ ನಿಧಾನವಾಗಿ ಮಸಾಜ್ ಮಾಡಿ. ನಿಯಮಿತವಾಗಿ ಮಸಾಜ್ ಮಾಡುವುದರಿಂದ ಚರ್ಮವು ಮೃದು, ಆರೋಗ್ಯಕರ ಮತ್ತು ಸ್ವಚ್ಛವಾಗಿರುತ್ತದೆ.

ಇದನ್ನೂ ಓದಿ: ಹಾಲಿನ ಜೊತೆ ಏನು ತಿನ್ನಬಾರದು, ಮೊಸರಿನ ಜೊತೆ ಏನು ತಿನ್ನಬಾರದು? ಇಲ್ಲಿದೆ ಆಯುರ್ವೇದ ಗುಟ್ಟು

ದಿವ್ಯ ಕಾಯಕಲ್ಪ ತೈಲ ಬಳಸುವಾಗ ಈ ಮುಂಜಾಗ್ರತೆ ಇರಲಿ

• ಯಾವುದೇ ಹೊಸ ಔಷಧ ಅಥವಾ ತೈಲವನ್ನು ಬಳಸುವ ಮೊದಲು ಪ್ಯಾಚ್ ಟೆಸ್​ಟ್ ಮಾಡುವುದು ಅಗತ್ಯ. ಹೊಸ ಔಷಧಿ ಅಥವಾ ತೈಲವು ನಿಮ್ಮ ದೇಹದ ಮೇಲೆ ಅಲರ್ಜಿ ಇತ್ಯಾದಿ ಪ್ರತಿಕೂಲವಾದ ರಿಯಾಕ್ಷನ್ ಉಂಟು ಮಾಡುತ್ತದಾ ಇಲ್ಲವಾ ಎಂಬುದನ್ನು ಈ ಪ್ಯಾಚ್ ಟೆಸ್ಟ್ ಮೂಲಕ ಕಂಡುಕೊಳ್ಳಬಹುದು.
• ಗರ್ಭಿಣಿಯರು ಮತ್ತು ಗಂಭೀರ ಕಾಯಿಲೆಗಳಿಂದ ಬಳಲುತ್ತಿರುವ ಜನರು, ಈ ಔಷಧವನ್ನು ಬಳಸುವ ಮೊದಲು ವೈದ್ಯರನ್ನು ಸಂಪರ್ಕಿಸಬೇಕು.
• ಮಕ್ಕಳಲ್ಲಿ ಬಳಸುವಾಗ ಡೋಸೇಜ್ ಕಡಿಮೆ ಇರಲಿ.

ಇನ್ನಷ್ಟು ಆರೋಗ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ