ನಿದ್ರೆಯ ಕೊರತೆ ನಿಮ್ಮ ಆರೋಗ್ಯದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ?

ಮಾನಸಿಕ ಮತ್ತು ದೈಹಿಕ ಯೋಗ ಕ್ಷೇಮಕ್ಕಾಗಿ ನಿದ್ರೆ ಅವಶ್ಯಕ. ವಯಸ್ಸಿಗೆ ತಕ್ಕಂತೆ ನಿದ್ರೆಯ ಪ್ರಮಾಣ ಏರಿಳಿಯವಾಗುತ್ತದೆ. ಉದಾಹರಣೆಗೆ ಮಗುವು 18-20 ಗಂಟೆಗಳ ಕಾಲ ನಿದ್ರಿಸಬಹುದು. ಆದರೆ 80 ವರ್ಷಕ್ಕಿಂತ ಮೇಲ್ಪಟ್ಟವರು ಕೆಲವೇ ಗಂಟೆಗಳ ಕಾಲ ಮಾತ್ರ ನಿದ್ರಿಸಬಹುದು. ಕನಿಷ್ಠ 7-8 ತಾಸುಗಳ ಕಾಲ ದೀರ್ಘವಾದ ನಿದ್ರೆ ಬೇಕು. ಈ ಮಧ್ಯೆ ಸಮಸ್ಯೆ ಕಾಡುತ್ತಿದ್ದರೆ ನಿದ್ರಾಹೀನತೆ ಸಮಸ್ಯೆ ಕಾಡುತ್ತಿದೆ ಎಂದರ್ಥ.

ನಿದ್ರಾಹೀನತೆಯು ದೀರ್ಘಕಾಲದವರೆಗೆ ಮಾನಸಿಕ ಸ್ಥಿತಿಯನ್ನು ಹದಗೆಡಿಸುತ್ತದೆ. ಜತೆಗೆ ದೈಹಿಕ ಆರೋಗ್ಯವನ್ನು ಹಾಳು ಮಾಡುತ್ತದೆ. ದಿರ್ಘಕಾಲದ ನಿದ್ರಾಹೀನತೆಯು ಮಧುಮೇಹ, ಮೆಲಿಟಸ್, ಪಾರ್ಶ್ವವಾಯು ಮತ್ತು ಹೃದ್ರೋಗದಂತಹ ಸಮಸ್ಯೆಗೆ ಕಾರಣವಾಗಬಹುದು. ಜತೆಗೆ ಆರೋಗ್ಯದ ಮೇಲೆ ಗಂಭೀರ ಪರಿಣಾಮವನ್ನು ಬೀರಬಹುದು.

ಹಸಿವನ್ನು ನಿಯಂತ್ರಿಸುವ ಲೆಪ್ಟಿನ್ ಮತ್ತು ಗ್ರೆಲಿನ್ ಎಂಬ ಎರಡು ಹಾರ್ಮೋನುಗಳ ಮಟ್ಟವು ನಿದ್ರೆಯ ಮೇಲೆ ಪರಿಣಾಮ ಬೀರುತ್ತದೆ. ನಿದ್ರೆಯ ಕೊರತೆಯು ಗ್ಲೂಕೋಸ್ ದೇಹದ ಸಹನೆಯನ್ನು ಕಡಿಮೆ ಮಾಡುತ್ತದೆ. ಇದು ಮಧುಮೇಹ ಹಾಗೂ ಸ್ಥೂಲಕಾಯತೆ ಸಮಸ್ಯೆಗೆ ಕಾರಣವಾಗಬಹುದು.

ನಿದ್ರಾ ಹೀನತೆಗೆ ಕಾರಣಗಳು
*ಅತಿಯಾದ ಹಗಲಿನ ನಿದ್ರೆ
*ಆಗಾಗ ಆಕಳಿಕೆ
*ಏಕಾಗ್ರತೆ ಕೊರತೆ
*ಹಗಲಿಗೆ ಆಯಾಸ
*ದೇಹಕ್ಕೆ ಸುಸ್ತು

ನಿದ್ರೆ ಕೊರತೆ ನಿವಾರಿಸುವ ಸಲಹೆಗಳು
*ಹಗಲಿನಲ್ಲಿ ನಿದ್ರೆಯನ್ನು ತಪ್ಪಿಸಿ
*ಸಂಜೆ 4 ಗಂಟೆ ನಂತರ ಕಾಫಿ, ಚಹ ಸೇವನೆಯನ್ನು ತಪ್ಪಿಸಿ
*ಪ್ರತಿನಿತ್ಯ ಒಂದೇ ಸಮಯಕ್ಕೆ ಮಲಗುವುದು ಮತ್ತು ಏಳುವ ಅಭ್ಯಾಸ ಮಾಡಿಕೊಳ್ಳಿ
*ಮಲಗುವ ಮುನ್ನ ಮೊಬೈಲ್, ಟಿವಿಯಂತಹ ಎಲೆಕ್ಟ್ರಾನಿಕ್​ ಸಾಧನಗಳನ್ನು ನೋಡುವುದನ್ನು ಆದಷ್ಟು ತಪ್ಪಿಸಿ
*ನಿಯಮಿತವಾಗಿ ವ್ಯಾಯಾಮ ಮಾಡಿ
*ಆಲ್ಕೋಹಾಲ್ ಸೇವನೆ ಮಾಡಬೇಡಿ

ಇದನ್ನೂ ಓದಿ:

Health Tips: ಸರಿಯಾದ ನಿದ್ರೆಯಿಲ್ಲ ಎಂಬ ಚಿಂತೆಯೇ? ಈ ಕೆಲವು ವಿಷಯಗಳನ್ನು ತಿಳಿಯಲೇಬೇಕು

Health Tips: ಖಾಲಿ ಹೊಟ್ಟೆಯಲ್ಲಿ ನೆಲ್ಲಿಕಾಯಿ ಜ್ಯೂಸ್ ಕುಡಿದ್ರೆ ಸಿಗುವ ಪ್ರಯೋಜನಗಳೇನು ಗೊತ್ತಾ?

(Sleep deprivation attack to health check in kannada)