Muscle Dysmorphia: ನಿದ್ರೆಯ ಸಮಸ್ಯೆಯಿಂದ ಸ್ನಾಯು ಡಿಸ್ಮಾರ್ಫಿಯಾ ಅಪಾಯ ಎದುರಾದೀತು!
ನಿದ್ರೆ ನಮ್ಮ ದೇಹಕ್ಕೆ ಅತ್ಯಗತ್ಯವಾದ ಅಂಶ. ನಿದ್ರೆ ಸರಿಯಾಗದಿದ್ದರೆ ಅನೇಕ ಆರೋಗ್ಯ ಸಮಸ್ಯೆಗಳು ಉಂಟಾಗುತ್ತವೆ. ನಿದ್ರೆಯ ಕೊರತೆಯಿಂದ ಅಧಿಕ ರಕ್ತದೊತ್ತಡ, ಮಧುಮೇಹ, ಬೊಜ್ಜು, ಹೃದಯ ಸಂಬಂಧಿ ಸಮಸ್ಯೆಗಳು ಸೇರಿದಂತೆ ಅನೇಕ ತೊಂದರೆಗಳು ಎದುರಾಗುತ್ತವೆ. ಇದಿಷ್ಟೇ ಅಲ್ಲದೆ ಸ್ನಾಯು ಡಿಸ್ಮಾರ್ಫಿಯಾ ಸಮಸ್ಯೆ ಕೂಡ ಉಂಟಾಗುತ್ತದೆ.
Updated on: Feb 29, 2024 | 1:09 PM
ನಮ್ಮ ದೇಹವು ಮೂಲಭೂತ ಆರೋಗ್ಯ ಪ್ರಕ್ರಿಯೆಗಳನ್ನು ಕಾಪಾಡಿಕೊಳ್ಳಲು ಸಾಕಷ್ಟು ನಿದ್ರೆ (Sleep) ಪಡೆಯುವುದು ಬಹಳ ಮುಖ್ಯ. ಹದಿಹರೆಯದವರು ಮತ್ತು ಯುವ ವಯಸ್ಕರ ಬೆಳವಣಿಗೆಗೆ ನಿದ್ರೆ ಅತ್ಯಂತ ಅವಶ್ಯಕವಾಗಿದೆ. ಇತ್ತೀಚಿನ ಅಧ್ಯಯನವು ಕಳಪೆ ನಿದ್ರೆ ಮತ್ತು ಸ್ನಾಯು ಡಿಸ್ಮಾರ್ಫಿಯಾದ (muscle dysmorphia) ಸೂಚನೆಗಳ ನಡುವಿನ ಸಂಬಂಧವನ್ನು ಕಂಡುಹಿಡಿದಿದೆ. ಇದು ಯುವ ಜನರಲ್ಲಿ ಹೆಚ್ಚು ಬೆಳೆಯುತ್ತಿರುವ ಸಮಸ್ಯೆಯಾಗಿದೆ.
ಜರ್ನಲ್ ಸ್ಲೀಪ್ ಹೆಲ್ತ್ನಲ್ಲಿ ಪ್ರಕಟವಾದ ಅಧ್ಯಯನವು 900ಕ್ಕೂ ಹೆಚ್ಚು ಯುವಕರನ್ನು ಒಳಗೊಂಡಿದೆ. ಕಳೆದ 2 ವಾರಗಳಲ್ಲಿ ಹೆಚ್ಚು ಸ್ನಾಯು ಡಿಸ್ಮಾರ್ಫಿಯಾ ರೋಗಲಕ್ಷಣಗಳನ್ನು ಹೊಂದಿರುವವರು ಕಡಿಮೆ ಗಂಟೆಗಳ ನಿದ್ರೆ ಪಡೆಯುತ್ತಿದ್ದಾರೆ, ಅವರು ನಿದ್ರೆ ಮಾಡಲು ಕಷ್ಟಪಡುತ್ತಾರೆ ಎಂದು ಪತ್ತೆಯಾಗಿದೆ. ಕಳಪೆ ನಿದ್ರೆಯು ಹದಿಹರೆಯದವರಿಗೆ ಬಹಳ ಋಣಾತ್ಮಕ ಪರಿಣಾಮಗಳನ್ನು ಉಂಟುಮಾಡಬಹುದು.
ಇದನ್ನೂ ಓದಿ: Muscular Dystrophy: ಸ್ನಾಯು ಕ್ಷಯದ ಲಕ್ಷಣಗಳೇನು? ಇದಕ್ಕೆ ಚಿಕಿತ್ಸೆ ಇದೆಯೇ?
ಸ್ನಾಯು ಡಿಸ್ಮಾರ್ಫಿಯಾ ರೋಗಲಕ್ಷಣಗಳನ್ನು ಅನುಭವಿಸುವವರಲ್ಲಿ ಕಳಪೆ ನಿದ್ರೆಯು ಒಂದು ಮುಖ್ಯ ಕಾರಣವಾಗಿದೆ. ಏಕೆಂದರೆ ಕಡಿಮೆ ನಿದ್ರೆ ಮಾಡುವವರು ಸಾಮಾನ್ಯವಾಗಿ ಕ್ರಿಯಾತ್ಮಕ ಮತ್ತು ಸಾಮಾಜಿಕ ದುರ್ಬಲತೆಯನ್ನು ಉಲ್ಬಣಗೊಳಿಸಬಹುದು. ಜೊತೆಗೆ ಅವರಲ್ಲಿ ಆತ್ಮಹತ್ಯಾ ಆಲೋಚನೆಗಳು ಹೆಚ್ಚಬಹುದು. ಹಿಂದಿನ ಸಂಶೋಧನೆಯು ಈ ಸಮಸ್ಯೆಗೆ ಕಾರಣವನ್ನು ಕೂಡ ತಿಳಿಸುತ್ತದೆ. ಹದಿಹರೆಯದವರು ಪ್ರತಿ ರಾತ್ರಿ 7ರಿಂದ 10 ಗಂಟೆಗಳಿಗಿಂತ ಕಡಿಮೆ ನಿದ್ರೆ ಮಾಡುತ್ತಿದ್ದಾರೆ ಎಂದು ಹಿಂದಿನ ಅಧ್ಯಯನಗಳು ಸೂಚಿಸುತ್ತವೆ.
ಕಳಪೆ ನಿದ್ರೆಯು ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಆತಂಕ, ಖಿನ್ನತೆ ಮತ್ತು ಮನೋವಿಕಾರದ ಲಕ್ಷಣಗಳಿಗೆ ಕೂಡ ಇದು ಕಾರಣವಾಗುತ್ತದೆ. ಹೆಚ್ಚಿನ ಸ್ನಾಯು ಡಿಸ್ಮಾರ್ಫಿಯಾ ರೋಗಲಕ್ಷಣ ಮತ್ತು ಕಳಪೆ ನಿದ್ರೆಯನ್ನು ಸಂಪರ್ಕಿಸುವ ಕಾರ್ಯವಿಧಾನಗಳು ಬಹುಮುಖಿಯಾಗಿರಬಹುದು ಎಂದು ಅಧ್ಯಯನದ ಲೇಖಕರು ಹೇಳುತ್ತಾರೆ. ಕೆಲವರಿಗೆ ತಮ್ಮ ದೈಹಿಕ ಚಟುವಟಿಕೆಯಿಂದ ನಿದ್ರೆಗೆ ಸಮಸ್ಯೆ ಉಂಟಾಗಬಹುದು.
ಇದನ್ನೂ ಓದಿ: Ayurveda: ಕೀಲು, ಸ್ನಾಯು ನೋವಿಗೆ ಆಯುರ್ವೇದದಲ್ಲಿದೆ ಪರಿಹಾರ
ಸ್ನಾಯು ಡಿಸ್ಮಾರ್ಫಿಯಾದ ರೋಗಲಕ್ಷಣಗಳನ್ನು ಅನುಭವಿಸುವ ವ್ಯಕ್ತಿಗಳು ಜೀವನಕ್ರಮವನ್ನು ಸುಧಾರಿಸಲು, ಸ್ನಾಯುವಿನ ದ್ರವ್ಯರಾಶಿಯನ್ನು ಹೆಚ್ಚಿಸಲು ಮತ್ತು ಸ್ನಾಯುವಿನ ಚೇತರಿಕೆಯನ್ನು ವೇಗಗೊಳಿಸಲು ಆಹಾರದ ಸಪ್ಲಿಮೆಂಟ್ಗಳನ್ನು ಬಳಸಲು ಮತ್ತು ಸೇವಿಸುವ ಸಾಧ್ಯತೆಯಿದೆ. ಇದು ಆರೋಗ್ಯಕರವಲ್ಲ. ಈ ಉತ್ಪನ್ನಗಳು ಹೆಚ್ಚಿನ ಮಟ್ಟದ ಕೆಫೀನ್ ಅಥವಾ ಇತರ ಉತ್ತೇಜಕಗಳನ್ನು ಹೊಂದಿರುತ್ತವೆ. ಇದು ನಿದ್ರೆಯ ಮೇಲೆ ಋಣಾತ್ಮಕ ಪರಿಣಾಮ ಬೀರಬಹುದು. ಇದರ ಜೊತೆಗೆ, ಸ್ನಾಯುವಿನ ಡಿಸ್ಮಾರ್ಫಿಯಾ ಹೊಂದಿರುವ ಜನರಲ್ಲಿ ಸಾಮಾನ್ಯವಾಗಿ ಬಳಸಲಾಗುವ ಅನಾಬೊಲಿಕ್-ಆಂಡ್ರೊಜೆನಿಕ್ ಸ್ಟೀರಾಯ್ಡ್ಗಳು ನಿದ್ರೆಯ ಮೇಲೆ ನೆಗೆಟಿವ್ ಪರಿಣಾಮ ಬೀರುತ್ತವೆ ಎನ್ನಲಾಗಿದೆ.
ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
