ಮನೆಯಲ್ಲಿರುವ ಈ 6 ವಸ್ತುಗಳನ್ನು ಈಗಲೇ ಹೊರಗೆ ಹಾಕಿ, ಇದು ಆರೋಗ್ಯಕ್ಕೆ ಒಳ್ಳೆಯದಲ್ಲ

ಮನೆಯಲ್ಲಿ ಎಲ್ಲರೂ ಆರೋಗ್ಯವಾಗಿರಬೇಕು ಎಂದು ಬಯಸುವುದು ಸಹಜ, ಮನೆಯಲ್ಲಿ ಕೆಲವೊಂದು ಬಾರಿ ಅನಾರೋಗ್ಯ (Unhealthy) ಉಂಟಾಗಲು, ಮನೆಯಲ್ಲಿರುವ ವಸ್ತುಗಳು ಕಾರಣವಾಗುತ್ತದೆ. ಇದರಿಂದ ಇಡೀ ಮನೆಯ ವಾತಾವರಣ ಅನಾರೋಗ್ಯದಿಂದ ಕೂಡಿರುತ್ತದೆ. ಯಾವೆಲ್ಲಾ ವಸ್ತುಗಳು ನಮ್ಮ ಆರೋಗ್ಯದ ಮೇಲೆ ಪರಿಣಾಮವನ್ನು ಉಂಟು ಮಾಡುತ್ತದೆ ಎಂದು ಸೂತಿ ಮತ್ತು ಸ್ತ್ರೀರೋಗತಜ್ಞೆ ಡಾ. ದಿವ್ಯಾ ವೋರಾ (Gynecologist Dr. Divya Vora) ಈ ಬಗ್ಗೆ ತಮ್ಮ ಇನ್ಸ್ಟಾಗ್ರಾಮ ಖಾತೆಯಲ್ಲಿ ಹೇಳಿಕೊಂಡಿದ್ದಾರೆ. ಮನೆಯೊಳಗೆ ಬಳಸುವಂತಹ ಈ ವಸ್ತುಗಳು ಕ್ರಮೇಣ ನಮ್ಮ ಆರೋಗ್ಯಕ್ಕೆ ಹಾನಿ ಮಾಡುತ್ತದೆ. ಅದಕ್ಕಾಗಿ ಈ ತಕ್ಷಣವೇ ಅಂತಹ ವಸ್ತುಗಳನ್ನು ಹೊರಗೆ ಹಾಕುವುದು ಉತ್ತಮ ಎಂದಿದ್ದಾರೆ. ಆ ವಸ್ತುಗಳು ಯಾವುವು? ಅದರಿಂದ ಆರೋಗ್ಯದ ಮೇಲೆ ಆಗುವ ಪರಿಣಾಮಗಳೇನು? ಇಲ್ಲಿದೆ ನೋಡಿ.

ಸೊಳ್ಳೆ ನಿವಾರಕ ಬತ್ತಿ:

ಸೊಳ್ಳೆಗಳನ್ನು ದೂರವಿಡಲು ಸೊಳ್ಳೆ ಬತ್ತಿಗಳನ್ನು ಹಚ್ಚುತ್ತಾರೆ. ಇದು ಹಾನಿಕಾರಕ ಎಂದು ವೈದ್ಯರು ಹೇಳುತ್ತಾರೆ. ಈ ಸೊಳ್ಳೆ ಬತ್ತಿಗಳಿಂದ ಹೊರಸೂಸುವ ಹೊಗೆ ಉಸಿರಾಟದ ವ್ಯವಸ್ಥೆ ಮತ್ತು ಶ್ವಾಸಕೋಶಗಳಿಗೆ ವಿಶೇಷವಾಗಿ ಹಾನಿಕಾರಕವಾಗಿದೆ. ಈ ಕ್ಷಣದಿಂದ ಈ ಸೊಳ್ಳೆ ಬತ್ತಿಗಳನ್ನು ಬಳಸುವುದನ್ನು ನಿಲ್ಲಿಸಿ. ಪರ್ಯಾಯವಾಗಿ, ಸೊಳ್ಳೆಗಳಿಂದ ಮುಕ್ತಿ ಪಡೆಯಲು ನೀವು ನೈಸರ್ಗಿಕ ವಸ್ತುಗಳು ಅಥವಾ ಸೊಳ್ಳೆ ಪರದೆಗಳನ್ನು ಬಳಸಬಹುದು.

ಇದನ್ನೂ ಓದಿ

ಹಲ್ಲುಜ್ಜುವ ಬ್ರಷ್ ಬಳಸುವ ಬದಲು ಈ ಮೂರು ಗಿಡಮೂಲಿಕೆ ಕಡ್ಡಿ ಬಳಸಿ

ಮಲ್ಲಿಗೆಯ ಸುವಾಸನೆಯಲ್ಲಿದೆ ಆರೋಗ್ಯದ ಗುಟ್ಟು

ತಡವಾಗಿ ಉಪಾಹಾರ ಸೇವಿಸಿದ್ರೆ ನಿಮ್ಮ ಆಯಸ್ಸು ಕಡಿಮೆಯಾಗುತ್ತೆ

ಆರಂಭಿಕ ಹಂತದಲ್ಲಿನ ಸ್ತನ ಕ್ಯಾನ್ಸರ್ ಮರುಕಳಿಸುವಿಕೆಯನ್ನು ತಡೆಯುವುದೇಗೆ?

ವಿಡಿಯೋ ಇಲ್ಲಿದೆ ನೋಡಿ

View this post on Instagram

A post shared by Dr. Manan Vora (@dr.mananvora)

ಪ್ಲಾಸ್ಟಿಕ್ ಬಾಟಲಿ ಅಥವಾ ಕ್ಯಾನುಗಳು:

ಯಾವ ಕಾರಣಕ್ಕೂ ಪ್ಲಾಸ್ಟಿಕ್​​​ ಬಾಟಲಿ ಅಥವಾ ಕ್ಯಾನುಗಳನ್ನು ಬಳಸಬೇಡಿ. ಪ್ಲಾಸ್ಟಿಕ್‌ನ ದೀರ್ಘಕಾಲೀನ ಬಳಕೆಯು ವಿಷಕಾರಿ ರಾಸಾಯನಿಕಗಳನ್ನು ಬಿಡುಗಡೆ ಮಾಡುತ್ತದೆ. ಈ ರಾಸಾಯನಿಕಗಳು ನಮ್ಮ ಆಹಾರ ಮತ್ತು ಪಾನೀಯಗಳಲ್ಲಿ ಸೋರಿಕೆಯಾಗಿ ನಮ್ಮ ಆರೋಗ್ಯಕ್ಕೆ ಹಾನಿ ಮಾಡುತ್ತದೆ. ಆದ್ದರಿಂದ, ಆಹಾರವನ್ನು ತಿನ್ನಲು ಅಥವಾ ಸಂಗ್ರಹಿಸಲು ಸ್ಟೀಲ್ ಅಥವಾ ಗಾಜಿನ ಪಾತ್ರೆಗಳು ಮತ್ತು ಬಾಟಲಿಗಳನ್ನು ಬಳಸಿ.

ನ್ಯಾಪ್ತಲಿನ್‌ ಮಾತ್ರೆ :

ನ್ಯಾಪ್ತಲಿನ್‌ ಮಾತ್ರೆಗಳನ್ನು ಬಳಸುವುದನ್ನು ಮೊದಲು ನಿಲ್ಲಿಸಿ, ಬಟ್ಟೆಗಳಿಗೆ ಇದನ್ನು ಬಳಸಲಾಗುತ್ತದೆ. ಬಟ್ಟೆ ಅಥವಾ ಕ್ಲೋಸೆಟ್‌ಗಳಲ್ಲಿ ಇರಿಸಲಾಗಿರುವ ಈ ಬಿಳಿಯ ಚೆಂಡು ಆಕಾರದ ಮಾತ್ರೆಗಳನ್ನು ಬಳಸಬಾರದು ಎಂದು ವೈದ್ಯರು ಹೇಳುತ್ತಾರೆ. ಆಕಸ್ಮಿಕವಾಗಿ ನುಂಗಿದರೆ, ಅವು ಮಾರಕವೂ ಆಗಬಹುದು. ಆದ್ದರಿಂದ, ಮನೆಯೊಳಗೆ ಈ ಮಾತ್ರೆಗಳನ್ನು ಇಡುವುದನ್ನು ತಪ್ಪಿಸಿ.

ಲೋಹ ಅಥವಾ ಆಲ್ಯೂಮಿನಿಯಂ ಪಾತ್ರೆಗಳು:

ಅಗ್ಗದ ಲೋಹ ಅಥವಾ ಆಲ್ಯೂಮಿನಿಯಂ ಪಾತ್ರೆಗಳಲ್ಲಿ ಅಡುಗೆ ಮಾಡುವುದರಿಂದ ನಿಮ್ಮ ಆಹಾರಕ್ಕೆ ಹಾನಿಕಾರಕ ಅಂಶಗಳು ಸೋರಿಕೆಯಾಗಬಹುದು. ನಿಧಾನವಾಗಿ ಇದು ದೇಹವನ್ನು ಆರೋಗ್ಯದ ಮೇಲೆ ಪರಿಣಾಮವನ್ನು ಉಂಟು ಮಾಡುತ್ತದೆ. ಸ್ಟೇನ್‌ಲೆಸ್ ಸ್ಟೀಲ್, ಎರಕಹೊಯ್ದ ಕಬ್ಬಿಣ ಅಥವಾ ಇತರ ಉತ್ತಮ ಗುಣಮಟ್ಟದ ಪಾತ್ರೆಗಳನ್ನು ಆರಿಸಿ.

ಇದನ್ನೂ ಓದಿ: ಹಲ್ಲುಜ್ಜುವ ಬ್ರಷ್ ಬಳಸುವ ಬದಲು ಈ ಮೂರು ಗಿಡಮೂಲಿಕೆ ಕಡ್ಡಿ ಬಳಸಿ, ಹಲ್ಲಿನಲ್ಲಿ ಮ್ಯಾಜಿಕ್​​​​​ ನೋಡಿ

ಸಿಹಿತಿಂಡಿಗಳು ಮತ್ತು ಪಾನೀಯಗಳು

ಕೃತಕವಾಗಿ ಬಣ್ಣ ಬಳಿದ ಸಿಹಿತಿಂಡಿಗಳು ಮತ್ತು ಪಾನೀಯಗಳು ವಿವಿಧ ರಾಸಾಯನಿಕಗಳನ್ನು ಹೊಂದಿರುತ್ತವೆ. ಇವು ಮಕ್ಕಳು ಮತ್ತು ವಯಸ್ಕರ ಆರೋಗ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತವೆ. ನೈಸರ್ಗಿಕ, ಮನೆಯಲ್ಲಿ ಬೇಯಿಸಿದ ಆಹಾರವನ್ನು ಸೇವಿಸುವುದು ಉತ್ತಮ.

ಹಳೆಯ ಹಾಸಿಗೆ ಮತ್ತು ದಿಂಬುಗಳು

ನಿಮ್ಮ ಮನೆಯಲ್ಲಿ ಹಳೆಯ ಹಾಸಿಗೆಗಳು ಮತ್ತು ದಿಂಬುಗಳನ್ನು ಇಡಬಾರದು ಎಂಬುದನ್ನು ವೈದ್ಯರ ಸಲಹೆ, ಇದರಿಂದಲ್ಲೂ ಆರೋಗ್ಯದ ಮೇಲೆ ಪರಿಣಾಮವನ್ನು ಉಂಟು ಮಾಡಬಹುದು. ಕಾಲಾನಂತರದಲ್ಲಿ, ಅವು ಧೂಳು ಮತ್ತು ಕೀಟಗಳಿಗೆ ಮನೆಯಾಗಬಹುದು. ಇದು ಅಲರ್ಜಿಗಳು, ಉಸಿರಾಟದ ತೊಂದರೆಗಳು ಮತ್ತು ಬೆನ್ನುನೋವಿಗೆ ಕಾರಣವಾಗಬಹುದು. ಉತ್ತಮ ನಿದ್ರೆಯನ್ನು ಮತ್ತು ಉತ್ತಮ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಇವುಗಳನ್ನು ಬದಲಾಯಿಸುವುದು ಉತ್ತಮ.

ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ