ಮೆಣಸೆಂದು ನಿರ್ಲಕ್ಷ್ಯಿಸಬೇಡಿ; ಕ್ಯಾಪ್ಸಿಕಂನಲ್ಲಿದೆ ಹಲವು ಪೋಷಕಾಂಶ

ಸ್ಯಾಂಡ್​ವಿಚ್, ನೂಡಲ್ಸ್​ ಮುಂತಾದ ಆಧುನಿಕ ತಿನಿಸುಗಳಲ್ಲಿ ಕ್ಯಾಪ್ಸಿಕಂ ಅಥವಾ ದೊಣ್ಣೆ ಮೆಣಸಿನ ಕಾಯಿಯನ್ನು ಬಳಸುತ್ತಾರೆ. ಸಾಸಿವೆ, ಮಜ್ಜಿಗೆ ಹುಳಿ, ಪಲ್ಯದಂತಹ ಸಾಂಪ್ರದಾಯಿಕ ಅಡುಗೆಯಲ್ಲಿ ಕೆಲವೇ ಕೆಲವರು ಬಳಕೆ ಮಾಡುತ್ತಿದ್ದ ಈ ಕ್ಯಾಪ್ಸಿಕಂ ಈಗ ಆಧುನಿಕ ಅಡುಗೆಮನೆಗೂ ಕಾಲಿಟ್ಟಿದೆ. ಆದರೆ, ಬಹುತೇಕ ಮಕ್ಕಳಿಗೆ ಈ ಕ್ಯಾಪ್ಸಿಕಂ ಇಷ್ಟವಾಗುವುದಿಲ್ಲ. ಈ ಕ್ಯಾಪ್ಸಿಕಂನಲ್ಲಿ ನಮ್ಮ ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳು ಸಮೃದ್ಧವಾಗಿದೆ ಎಂದು ಹೈದರಾಬಾದ್‌ನ ಕಾಮಿನೇನಿ ಆಸ್ಪತ್ರೆಯ ಹಿರಿಯ ಆಹಾರ ತಜ್ಞರಾದ ಎನ್. ಲಕ್ಷ್ಮಿ ಹೇಳಿದ್ದಾರೆ.

ಕ್ಯಾಪ್ಸಿಕಂ ಮಳೆಗಾಲದಲ್ಲಿ ಆರೋಗ್ಯಕರ ಆಯ್ಕೆಯಾಗಿದೆ. ಇದು ನಿಮ್ಮ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುವ ಅಗತ್ಯವಾದ ಜೀವಸತ್ವಗಳು ಮತ್ತು ಉತ್ಕರ್ಷಣ ನಿರೋಧಕಗಳನ್ನು ಒದಗಿಸುತ್ತದೆ. ಆದರೆ, ಮಳೆಗಾಲದಲ್ಲಿ ಸರಿಯಾಗಿ ತೊಳೆಯದೆ ಕ್ಯಾಪ್ಸಿಕಂ ಅನ್ನು ಉಪಯೋಗಿಸಬೇಡಿ ಎಂದು ಅವರು ಹೇಳಿದ್ದಾರೆ.

ಕ್ಯಾಪ್ಸಿಕಂನ ಪ್ರಯೋಜನಗಳು: ಕ್ಯಾಪ್ಸಿಕಂ ಹಲವಾರು ಆರೋಗ್ಯ ಪ್ರಯೋಜನಗಳನ್ನು ನೀಡುತ್ತದೆ. ಕ್ಯಾಪ್ಸಿಕಂನಲ್ಲಿರುವ ಹೆಚ್ಚಿನ ವಿಟಮಿನ್ ಸಿ ಅಂಶವು ಉತ್ಕರ್ಷಣ ನಿರೋಧಕವಾಗಿ ಕಾರ್ಯನಿರ್ವಹಿಸುತ್ತದೆ. ದೇಹದಲ್ಲಿ ಆಕ್ಸಿಡೇಟಿವ್ ಒತ್ತಡವನ್ನು ಎದುರಿಸಲು ಇದು ಸಹಾಯ ಮಾಡುತ್ತದೆ. ಇದು ದೀರ್ಘಕಾಲದ ಕಾಯಿಲೆಗಳ ಅಪಾಯವನ್ನು ಕಡಿಮೆ ಮಾಡುತ್ತದೆ.

ಇದನ್ನೂ ಓದಿ: Success Story: ಬೀದರ್ ಇಸ್ಲಾಂಪುರದ ರೈತ ಕಲರ್ ಕಲರ್ ಕ್ಯಾಪ್ಸಿಕಂ ಬೆಳೆದು ಬದುಕನ್ನು ಸಿಹಿಯಾಗಿಸಿಕೊಂಡಿದ್ದಾರೆ!

ಕ್ಯಾಪ್ಸಿಕಂ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಇದರಲ್ಲಿರುವ ವಿಟಮಿನ್ ಸಿ ರೋಗನಿರೋಧಕ ಗುಣವನ್ನು ಹೊಂದಿದೆ. ಇದು ದೇಹವು ಸೋಂಕುಗಳ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ.

ಕ್ಯಾಪ್ಸಿಕಂ ಕಡಿಮೆ ಕ್ಯಾಲೋರಿಗಳನ್ನು ಹೊಂದಿದೆ. ಇದರಲ್ಲಿ ಫೈಬರ್ ಅಂಶ ಹೆಚ್ಚಾಗಿರುತ್ತದೆ. ಕ್ಯಾಪ್ಸಿಕಮ್‌ಗಳಲ್ಲಿ ವಿಟಮಿನ್ ಎ ಮತ್ತು ಇತರ ಕ್ಯಾರೊಟಿನಾಯ್ಡ್‌ಗಳಿವೆ. ಇದು ಕಣ್ಣಿನ ಆರೋಗ್ಯಕ್ಕೆ ಪ್ರಯೋಜನಕಾರಿಯಾಗಿದೆ.

ಇದನ್ನೂ ಓದಿ: ಕೆಂಪು ದಪ್ಪ ಮೆಣಸಿನಕಾಯಿ – ರೆಡ್ ಕ್ಯಾಪ್ಸಿಕಂ ಸೇವನೆಯಿಂದ ಎಷ್ಟೊಂದು ಆರೋಗ್ಯ ಪ್ರಯೋಜನಗಳಿವೆ ನೋಡಿ

ಗರ್ಭಿಣಿಯರಿಗೆ ಕ್ಯಾಪ್ಸಿಕಂ ಪ್ರಯೋಜನಕಾರಿಯೇ?: ಕ್ಯಾಪ್ಸಿಕಂನಲ್ಲಿರುವ ವಿಟಮಿನ್ ಸಿ ಗರ್ಭಿಣಿ ಮಹಿಳೆಯರಿಗೆ ಬಹಳ ಮುಖ್ಯವಾಗಿ ಬೇಕಾದ ಅಂಶವಾಗಿದೆ. ಇದು ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಆದರೆ, ಕೆಲವೊಂದು ಮಹಿಳೆಯರು ಇದನ್ನು ಸೇವಿಸಿದರೆ ಎದೆಯುರಿ ಅನುಭವಿಸಬಹುದು. ಹಾಗಾಗಿ, ಆಹಾರ ತಜ್ಞರ ಬಳಿ ಸಲಹೆ ಪಡೆದು ಗರ್ಭಿಣಿಯರು ಕ್ಯಾಪ್ಸಿಕಂ ಬಳಸುವುದು ಉತ್ತಮ.

ಕ್ಯಾಪ್ಸಿಕಂಗಳನ್ನು ಅತಿಯಾಗಿ ತಿನ್ನುವುದರಿಂದ ಅದರ ಫೈಬರ್ ಅಂಶದಿಂದಾಗಿ ಗ್ಯಾಸ್ ಮತ್ತು ಅಜೀರ್ಣದಂತಹ ಜೀರ್ಣಕಾರಿ ಅಸ್ವಸ್ಥತೆಗೆ ಕಾರಣವಾಗಬಹುದು. ಹೀಗಾಗಿ ಇದರ ಮಿತ ಸೇವನೆ ಮುಖ್ಯ.

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ