eBikeGo Rugged Electric Scooter: eBikeGo ರಗಡ್ ಎಲೆಕ್ಟ್ರಿಕ್ ಸ್ಕೂಟರ್ಗೆ 1 ಲಕ್ಷ ಬುಕ್ಕಿಂಗ್
eBikeGo ರಗಡ್ ಎಲೆಕ್ಟ್ರಿಕ್ ಸ್ಕೂಟರ್ಗೆ 1 ಲಕ್ಷ ಬುಕ್ಕಿಂಗ್ ಕೇವಲ ಒಂದು ತಿಂಗಳಲ್ಲಿ ಆಗಿದೆ. ಆ ಬಗ್ಗೆ ಸಂಪೂರ್ಣ ವಿವರಗಳು ಇಲ್ಲಿವೆ.
Updated on: Oct 26, 2021 | 9:33 PM
eBikeGo ಭಾರತದ ಅತಿದೊಡ್ಡ ಸ್ಮಾರ್ಟ್ ಎಲೆಕ್ಟ್ರಿಕ್ ಮೊಬಿಲಿಟಿ ಪ್ಲಾಟ್‌ಫಾರ್ಮ್ ಆಗಿದ್ದು, ಬಾಡಿಗೆಗೆ ಇ-ಬೈಕ್‌ಗಳನ್ನು ಒದಗಿಸುತ್ತದೆ. ಇದು ಪರಿಸರ ಸ್ನೇಹಿ ಸಾರಿಗೆಯನ್ನು ಒದಗಿಸುವ ಗುರಿಯನ್ನು ಹೊಂದಿರುವ ಕ್ರಾಂತಿಕಾರಿ ಪ್ರಾರಂಭವಾಗಿದೆ. ಕೆಲವೇ ವಾರಗಳ ಹಿಂದೆ, ಕಂಪೆನಿಯು ತನ್ನ ಮೊದಲ ಎಲೆಕ್ಟ್ರಿಕ್ ಸ್ಕೂಟರ್ ‘ರಗಡ್’ ಅನ್ನು ಬಿಡುಗಡೆ ಮಾಡಿತು. ಇದು ಮಾರುಕಟ್ಟೆಯಿಂದ ಅಮೋಘ ಪ್ರತಿಕ್ರಿಯೆಯನ್ನು ಪಡೆದುಕೊಂಡಿದೆ. ಕಂಪೆನಿಯ ಪ್ರಕಾರ, ಹೊಸ eBikeGo ರಗಡ್ ಎಲೆಕ್ಟ್ರಿಕ್ ಸ್ಕೂಟರ್‌ನ 1 ಲಕ್ಷಕ್ಕೂ ಹೆಚ್ಚು ಯೂನಿಟ್‌ಗಳನ್ನು ಅದರ ಅಧಿಕೃತ ಬಿಡುಗಡೆಯಾದ ಎರಡು ತಿಂಗಳೊಳಗೆ ಈಗಾಗಲೇ ಬುಕ್ ಮಾಡಲಾಗಿದೆ.
ಕಂಪೆನಿಯ ಪ್ರಕಾರ, eBikeGo ಇಲ್ಲಿಯವರೆಗೆ ರೂ. 1,000 ಕೋಟಿ ಮೌಲ್ಯದ ರಗಡ್ ಎಲೆಕ್ಟ್ರಿಕ್ ಸ್ಕೂಟರ್‌ಗಾಗಿ 1,06,650 ಪಾವತಿಸಿದ ಬುಕಿಂಗ್‌ಗಳನ್ನು ಸ್ವೀಕರಿಸಿದೆ. ಈ ಅವಧಿಯಲ್ಲಿ ಕಂಪೆನಿಯು ಭಾರತದ ಮೂರು ರಾಜ್ಯಗಳಾದ ಉತ್ತರ ಪ್ರದೇಶ, ಬಿಹಾರ ಮತ್ತು ಮಹಾರಾಷ್ಟ್ರಗಳಲ್ಲಿ ರಗಡ್ನ ಮಾಸ್ಟರ್ ಫ್ರಾಂಚೈಸಿಗಳನ್ನು ಸಹ ಮುಕ್ತಾಯಗೊಳಿಸಿದೆ. ಏಕಕಾಲದಲ್ಲಿ eBikeGo ಉತ್ತರ ಪ್ರದೇಶ, ಮುಂಬೈ ಮತ್ತು ಬಿಹಾರದ ಒಟ್ಟು 22 ಡೀಲರ್‌ಶಿಪ್ ಸ್ಟೋರ್‌ಗಳ ಜೊತೆಗೆ ಒಂದು ವೆಚ್ಚ ಮತ್ತು ಸರಕು ಸಾಗಣೆ ಏಜೆಂಟ್‌ನೊಂದಿಗೆ ಸಹಭಾಗಿತ್ವವನ್ನು ಹೊಂದಿದೆ. ಕಂಪೆನಿಯು ಗುಜರಾತ್, ದೆಹಲಿ ಮತ್ತು ರಾಜಸ್ಥಾನ ಸೇರಿದಂತೆ ಇನ್ನೂ ಹತ್ತು ರಾಜ್ಯಗಳಿಗೆ ತನ್ನ ವ್ಯಾಪ್ತಿಯನ್ನು ವಿಸ್ತರಿಸಲು ಯೋಜಿಸುತ್ತಿದೆ.
“ಪರಿಚಯದ ಎರಡು ತಿಂಗಳೊಳಗೆ ನಾವು eBikeGoನಲ್ಲಿ ಅತ್ಯಂತ ನಿರೀಕ್ಷಿತ ಬೈಕ್ RUGGEDಗೆ ಅದ್ಭುತ ಪ್ರತಿಕ್ರಿಯೆಯನ್ನು ಹೊಂದಿದ್ದೇವೆ ಮತ್ತು ರಾಷ್ಟ್ರದಾದ್ಯಂತ 22 ಡೀಲರ್‌ಶಿಪ್‌ಗಳೊಂದಿಗೆ 1 ಲಕ್ಷಕ್ಕೂ ಹೆಚ್ಚು ಬುಕಿಂಗ್‌ಗಳನ್ನು ಮುಗಿಸಿದ್ದೇವೆ. ಇದು ಯಾವುದೇ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಕಂಪೆನಿಗೆ, ವಿಶೇಷವಾಗಿ ಭಾರತದಂತಹ ಅಭಿವೃದ್ಧಿಶೀಲ ರಾಷ್ಟ್ರದಲ್ಲಿ ಗಮನಾರ್ಹ ಅಂಕಿ- ಅಂಶವಾಗಿದೆ. ಇದು ಭಾರತದ ಅತ್ಯಂತ ಪರಿಸರಸ್ನೇಹಿ, ಇಂಟೆಲಿಜೆಂಟ್ ಮತ್ತು ಬಾಳಿಕೆ ಬರುವ ಎಲೆಕ್ಟ್ರಿಕ್ ಮೋಟೋ-ಸ್ಕೂಟರ್ ಆಗಿದ್ದು, ಇದು ದೇಶದಲ್ಲಿ ಇ-ಮೊಬಿಲಿಟಿಯ ದಿಕ್ಕನ್ನು ಬದಲಾಯಿಸುತ್ತದೆ ಮತ್ತು ಎಲೆಕ್ಟ್ರಿಕ್ ಬೈಕ್ ವಿಭಾಗದಲ್ಲಿ ನಾವೀನ್ಯತೆಯ ಗಡಿಗಳನ್ನು ದಾಟುತ್ತದೆ,” ಎಂದು eBikeGo ಸ್ಥಾಪಕ ಮತ್ತು CEO ಇರ್ಫಾನ್ ಖಾನ್ ಹೇಳಿದ್ದಾರೆ.
ಅವರು ಮುಂದುವರಿದು ಮಾತನಾಡಿ, “ಹೂಡಿಕೆ ಸಮುದಾಯದಿಂದ ಇಂತಹ ಸಕಾರಾತ್ಮಕ ಪ್ರತಿಕ್ರಿಯೆಗಾಗಿ ಕೃತಜ್ಞರಾಗಿರುತ್ತೇವೆ. ನಾವು ಹಲವಾರು ವಿದೇಶಿ ಖಾಸಗಿ ಈಕ್ವಿಟಿ ಫಂಡ್‌ಗಳೊಂದಿಗೆ ಸುಧಾರಿತ ಮಾತುಕತೆ ನಡೆಸುತ್ತಿದ್ದೇವೆ. ಮುಂದಿನ ತಿಂಗಳಲ್ಲಿ ರೂ. 500 ಕೋಟಿ ಮೌಲ್ಯದ ಸುಮಾರು 50,000 ‘ರಗಡ್’ ಹೆಚ್ಚುವರಿ ಬುಕಿಂಗ್‌ಗಳನ್ನು ಅಂದಾಜು ಮಾಡುತ್ತೇವೆ,” ಎಂದಿದ್ದಾರೆ. eBikeGo ರಗಡ್ ಎಲೆಕ್ಟ್ರಿಕ್ ಸ್ಕೂಟರ್ G1 ಮತ್ತು G1+ ಎಂಬ ಎರಡು ವೇರಿಯಂಟ್ಗಳಲ್ಲಿ ಲಭ್ಯವಿದೆ. ಬೇಸ್ G1 ವೇರಿಯಂಟ್ ಒಂದೇ ಚಾರ್ಜ್‌ನಲ್ಲಿ 80 ಕಿ.ಮೀ. ಮೈಲೇಜ್ ನೀಡುತ್ತದೆ ಎಂದು ಹೇಳುತ್ತದೆ. ಇದರ ಬೆಲೆ 84,999 ರೂಪಾಯಿ ಆಗಿದೆ. ಆದರೆ G1+ ವೇರಿಯಂಟ್ 160 ಕಿ.ಮೀ. ಮೈಲೇಜ್ ನೀಡುತ್ತದೆ. ಬೆಲೆ ರೂ. 1,04,999 ಆಗುತ್ತದೆ. ಎರಡೂ ಬೆಲೆಗಳು ಎಕ್ಸ್-ಶೋ ರೂಮ್ನದ್ದಾಗಿದೆ ಮತ್ತು ಇದರಲ್ಲಿ FAME II ಸಬ್ಸಿಡಿ ಹೊರತುಪಡಿಸಿವೆ.
ಇದನ್ನೂ ಓದಿ: Ola Electric: ಓಲಾ ಎಲೆಕ್ಟ್ರಿಕ್ ಸ್ಕೂಟರ್ ಮಾರಾಟದಿಂದ ಎರಡು ದಿನದಲ್ಲಿ ರೂ. 1100 ಕೋಟಿ ಸಂಗ್ರಹ
