ಗ್ರಾಹಕರೇ ಎಚ್ಚರ ಎಂದ SBI: ಬ್ಯಾಂಕ್ ಲೋನ್ ಕೊಡುವುದಾಗಿ ವಂಚಿಸುವ ಗುಂಪಿನ ಬಗ್ಗೆ ಜಾಗ್ರತೆ

SBI Customers Alert: ಎಸ್​ಬಿಐ ಫೈನಾನ್ಸ್ ಲಿಮಿಟೆಡ್ ಸೇರಿದಂತೆ ಇತರ ಸಂಸ್ಥೆಗಳ ಹೆಸರಲ್ಲಿ ಎಸ್​ಬಿಐ ಗ್ರಾಹಕರಿಗೆ ವಂಚನೆ ಪ್ರಯತ್ನ ನಡೆಯುತ್ತಿದೆ ಎಂದು ದೇಶದ ಅತಿದೊಡ್ಡ ಬ್ಯಾಂಕ್ ಟ್ವೀಟ್ ಮೂಲಕ ಎಚ್ಚರಿಕೆ ನೀಡಿದೆ.

ಗ್ರಾಹಕರೇ ಎಚ್ಚರ ಎಂದ SBI: ಬ್ಯಾಂಕ್ ಲೋನ್ ಕೊಡುವುದಾಗಿ ವಂಚಿಸುವ ಗುಂಪಿನ ಬಗ್ಗೆ ಜಾಗ್ರತೆ
ಸ್ಟೇಟ್​ ಬ್ಯಾಂಕ್ ಆಫ್ ಇಂಡಿಯಾ (ಎಸ್‌ಬಿಐ) ಎಸ್‌ಬಿಐ ಎರಡು ಖಾತೆಗಳನ್ನು ಒದಗಿಸುತ್ತದೆ - ಪೆಹ್ಲಾಕದಮ್ ಮತ್ತು ಪೆಹ್ಲಿಉಡಾನ್. ಇವೆರಡನ್ನು ವಿಶೇಷವಾಗಿ ಮಕ್ಕಳಿಗಾಗಿಯೇ ರೂಪಿಸಲಾಗಿದೆ. ಪೆಹ್ಲಾಕದಮ್ ಉಳಿತಾಯ ಖಾತೆಯನ್ನು 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಯಾವುದೇ ಮಗು ತೆರೆಯಬಹುದು. ಈ ಉಳಿತಾಯ ಖಾತೆಯು ಪೋಷಕರು ಮತ್ತು ಮಗುವಿನ ಜಂಟಿ ಖಾತೆಯಾಗಿದ್ದು, ಅಲ್ಲಿ ಪೋಷಕರು ಸೆಕೆಂಡರಿ ಖಾತೆದಾರರಾಗಿರುತ್ತಾರೆ ಮತ್ತು ಮಗು ಪ್ರಾಥಮಿಕ ಹೋಲ್ಡರ್ ಆಗಿರುತ್ತದೆ. ಸಾಮಾನ್ಯ ಉಳಿತಾಯ ಖಾತೆಯಂತೆ, ಈ ಖಾತೆಯಲ್ಲಿ ಕನಿಷ್ಠ ಬ್ಯಾಲೆನ್ಸ್ ಮಾನದಂಡಗಳಿಲ್ಲ. ಮೊಬೈಲ್ ಬ್ಯಾಂಕಿಂಗ್ ಮತ್ತು ಚೆಕ್ ಪುಸ್ತಕಗಳ ವಿತರಣೆಯಂತಹ ವೈಶಿಷ್ಟ್ಯಗಳು ಎರಡರಲ್ಲೂ ಲಭ್ಯವಿವೆ. ಓವರ್ ಡ್ರಾಫ್ಟ್, ಎಟಿಎಂ ಸೌಲಭ್ಯ ಮತ್ತು ಇತರ ಹೂಡಿಕೆ ಆಯ್ಕೆಗಳನ್ನು ಈ ಖಾತೆಗಳೊಂದಿಗೆ ಸೇರಿಸಲಾಗಿದೆ.


ಎಸ್​ಬಿಐ ಲೋನ್ ಫೈನಾನ್ಸ್ ಲಿಮಿಟೆಡ್ ಅಥವಾ ಅಂಥ ಯಾವುದೇ ಸಂಸ್ಥೆಗಳಿಂದ ನಿಮ್ಮನ್ನು ಸಂಪರ್ಕಿಸಿ, ಸಾಲ ನೀಡುವುದಾಗಿ ಹೇಳಿದರೆ ಎಸ್​ಬಿಐ ಗ್ರಾಹಕರು ಎಚ್ಚರಿಕೆಯಿಂದ ಇರಬೇಕು. ಏಕೆಂದರೆ ಈ ಸಂಸ್ಥೆಗಳ ಜತೆ ಬ್ಯಾಂಕ್​ಗೆ ಯಾವುದೇ ಸಂಬಂಧ ಇಲ್ಲ. ಆದರೆ ನಮ್ಮ ಗ್ರಾಹಕರನ್ನು ವಂಚಿಸುವ ಉದ್ದೇಶದಿಂದ ನಕಲಿ ಸಾಲದ ಆಫರ್​ಗಳನ್ನು ನೀಡುತ್ತಿವೆ ಎಂದು ದೇಶದ ಅತಿ ದೊಡ್ಡ ಬ್ಯಾಂಕ್ ಎಸ್​ಬಿಐ ಎಚ್ಚರಿಕೆ ನೀಡಿದೆ. ಎಸ್​ಬಿಐ ಗ್ರಾಹಕರೇ ಎಚ್ಚರಿಕೆಯಿಂದ ಇರಿ! ಒಂದು ವೇಳೆ ಎಸ್​ಬಿಐ ಲೋನ್ ಫೈನಾನ್ಸ್ ಲಿಮಿಟೆಡ್ ಅಥವಾ ಅಂಥ ಯಾವುದೇ ಸಂಸ್ಥೆಗಳು ನಿಮ್ಮನ್ನು ಸಂಪರ್ಕಿಸಿದಲ್ಲಿ, ನಿಮಗೆ ಗೊತ್ತಿರಲಿ, ಇವುಗಳು ಯಾವುವೂ ಎಸ್​ಬಿಐ ಜತೆಗೆ ಸಂಬಂಧ ಪಟ್ಟಿಲ್ಲ ಎಂದು ಟ್ವೀಟ್​ನಲ್ಲಿ ಹೇಳಿದೆ.

ತನ್ನ ಅಧಿಕೃತ ಟ್ವಿಟ್ಟರ್ ಹ್ಯಾಂಡಲ್​ನಲ್ಲಿ ಅತಿ ಮುಖ್ಯವಾದ ಘೋಷಣೆ ಹಾಕಿರುವ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಎಸ್​ಬಿಐ ಲೋನ್ ಫೈನಾನ್ಸ್ ಲಿಮಿಟೆಡ್ ಅಥವಾ ಯಾವುದೇ ಅಂಥ ಸಂಸ್ಥೆಗಳ ಶೈಲಿಯಲ್ಲಿ, ಅಸ್ತಿತ್ವದಲ್ಲೇ ಇಲ್ಲದ ಕಂಪೆನಿಗಳ ಹೆಸರಲ್ಲಿ ಸಾರ್ವಜನಿಕರಿಗೆ ಸಾಲ ನೀಡುವುದಾಗಿ ಕೆಲವು ಅಪರಿಚಿತ ವ್ಯಕ್ತಿಗಳು ವಂಚಿಸಲು ಪ್ರಯತ್ನಿಸುತ್ತಿದ್ದಾರೆ ಎಂದು ಹೇಳಿದೆ. ಈ ರೀತಿಯ ಯಾವುದೇ ಸಂಸ್ಥೆ ಅಥವಾ ವ್ಯಕ್ತಿಗಳ ಜತೆಗೆ ಬ್ಯಾಂಕ್​ಗೆ ಸಂಬಂಧ ಇಲ್ಲ ಎಂದು ಗ್ರಾಹಕರಿಗೆ ಎಚ್ಚರಿಕೆ ನೀಡಿದೆ.

ಯಾರಿಗೆ ಸಾಲದ ಅಗತ್ಯ ಇದೆಯೋ ಅಂಥವರು ಹತ್ತಿರದ ಬ್ಯಾಂಕ್​ನ ಶಾಖೆಯಲ್ಲಿ ವಿಚಾರಿಸಿ. ಮಧ್ಯವರ್ತಿಗಳ ಬಳಿ ತೆರಳಬೇಡಿ ಎಂದು ತಿಳಿಸಿದೆ. ಈ ವರ್ಷದ ಜನವರಿಯಲ್ಲೂ ಎಸ್​ಬಿಐ ಇಂಥದ್ದೊಂದು ಎಚ್ಚರಿಕೆ ನೀಡಿತ್ತು. ಅನಧಿಕೃತ ಡಿಜಿಟಲ್ ಪ್ಲಾಟ್​ಫಾರ್ಮ್​ಗಳು, ಮೊಬೈಲ್ ಅಪ್ಲಿಕೇಷನ್​ಗಳು ಶೀಘ್ರವಾಗಿ- ಸರಾಗವಾಗಿ ಸಾಲ ನೀಡುವುದಾಗಿ ಭರವಸೆ ನೀಡುತ್ತಿವೆ. ವಂಚಕ ಇನ್​ಸ್ಟಂಟ್ ಲೋನ್ ಆಪ್ಸ್​ಗಳಿಂದ ಎಚ್ಚರಿಕೆ ವಹಿಸಿ! ಅನಧಿಕೃತ ಲಿಂಕ್​ಗಳನ್ನು ಕ್ಲಿಕ್ ಮಾಡಬೇಡಿ ಅಥವಾ ಎಸ್​ಬಿಐ ಹಾಗೂ ಬೇರೆ ಯಾವುದೇ ಬ್ಯಾಂಕ್ ಹೆಸರಿನಿಂದ ಕರೆ ಮಾಡುವವರಿಗೆ ನಿಮ್ಮ ವೈಯಕ್ತಿಕ ಮಾಹಿತಿ ನೀಡಬೇಡಿ ಎಂದು ಟ್ವೀಟ್ ಮಾಡಿತ್ತು.

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾವು ಭಾರತದ ಅತಿ ದೊಡ್ಡ ವಾಣಿಜ್ಯ ಬ್ಯಾಂಕ್. ಅದರ ಆಸ್ತಿ, ಠೇವಣಿ, ಶಾಖೆಗಳು, ಗ್ರಾಹಕರು ಹಾಗೂ ಸಿಬ್ಬಂದಿ ಹೀಗೆ ಎಲ್ಲದರಲ್ಲೂ ಅತಿ ದೊಡ್ಡ ಬ್ಯಾಂಕ್. ಇದರ ಜತೆಗೆ ಆಸ್ತಿ ಅಡಮಾನ ಮಾಡಿಕೊಂಡು, ಸಾಲ ನೀಡುವ ಅತಿ ದೊಡ್ಡ ಬ್ಯಾಂಕ್ ಕೂಡ ಹೌದು. ಬ್ಯಾಂಕ್​ನ ಹೋಮ್ ಲೋನ್ (ಗೃಹ ಸಾಲ) ಪೋರ್ಟ್​ಫೋಲಿಯೋ 5 ಲಕ್ಷ ಕೋಟಿ ರೂಪಾಯಿಯ ಮೈಲುಗಲ್ಲು ದಾಟಿದೆ. ಗೃಹಸಾಲ ಮಾರ್ಕೆಟ್​ನಲ್ಲಿ ಶೇ 34ರಷ್ಟು ಪಾಲನ್ನು ಹೊಂದಿದೆ.

ಇದನ್ನೂ ಓದಿ: SBI home loan: ಗೃಹ ಸಾಲ ಬಡ್ಡಿ ದರ ಹೆಚ್ಚಿಸಿದ ಎಸ್​ಬಿಐನಿಂದ ಪ್ರೊಸೆಸಿಂಗ್ ಶುಲ್ಕ ಮನ್ನಾ ಕೂಡ ಇಲ್ಲ

(SBI tweeted about fraudsters fake calls about loans and ask customers to beware of such calls)

Click on your DTH Provider to Add TV9 Kannada