ಬಾಲ್ಡ್ವಿನ್ ಶಾಲೆಯಿಂದ ಆನ್ಲೈನ್ ಕ್ಲಾಸ್ ಆರಂಭ; ಟಿವಿ9ಗೆ ಧನ್ಯವಾದ ತಿಳಿಸಿದ ಪೋಷಕರು
ಶಾಲಾ ಶುಲ್ಕ ಪಾವತಿಸದ ಹಿನ್ನೆಲೆ ಬಾಲ್ಡ್ವಿನ್ ಶಾಲೆ ಆನ್ಲೈನ್ ಕ್ಲಾಸ್ ಸ್ಥಗಿತಗೊಳಿಸಿತ್ತು. ಸುಮಾರು 40 ವಿದ್ಯಾರ್ಥಿಗಳ ಆನ್ಲೈನ್ ಕ್ಲಾಸ್ ಸ್ಥಗಿತಗೊಳಿಸಲಾಗಿತ್ತು. ಆನ್ಲೈನ್ ಕ್ಲಾಸ್ ಸ್ಥಗಿತಗೊಳಿಸಿದ್ದನ್ನು ಪ್ರಶ್ನಿಸಿ ಪೋಷಕರು ಬಿಇಒ ಮೊರೆ ಹೋಗಿದ್ದರು.
ಬೆಂಗಳೂರು: ಆನ್ಲೈನ್ ತರಗತಿಗಳನ್ನು ಸ್ಥಗಿತಗೊಳಿಸಿದ್ದ ಬೆಂಗಳೂರಿನ ರಾಜರಾಜೇಶ್ವರಿ ನಗರದಲ್ಲಿರುವ ಬಾಲ್ಡ್ವಿನ್ ಖಾಸಗಿ ಶಾಲೆ ಇದೀಗ ಮತ್ತೆ ತರಗತಿಯನ್ನು ಆರಂಭಿಸಿದೆ. ಸ್ಥಗಿತಗೊಂಡಿದ್ದ ಆನ್ಲೈನ್ ಕ್ಲಾಸ್ ಆರಂಭವಾಗಿದ್ದಕ್ಕೆ ವಿದ್ಯಾರ್ಥಿಗಳ ಪೋಷಕರು ಟಿವಿ9ಗೆ ಧನ್ಯವಾದ ತಿಳಿಸಿದ್ದಾರೆ. ಬಿಇಒ ಮಾಡದ ಕೆಲಸ ಟಿವಿ9 ಮಾಡಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ ಪೋಷಕರು ವಿಡಿಯೋ ಮಾಡಿ ಟಿವಿ9ಗೆ ಧನ್ಯವಾದ ಹೇಳಿದ್ದಾರೆ.
ಶಾಲಾ ಶುಲ್ಕ ಪಾವತಿಸದ ಹಿನ್ನೆಲೆ ಬಾಲ್ಡ್ವಿನ್ ಶಾಲೆ ಆನ್ಲೈನ್ ಕ್ಲಾಸ್ ಸ್ಥಗಿತಗೊಳಿಸಿತ್ತು. ಸುಮಾರು 40 ವಿದ್ಯಾರ್ಥಿಗಳ ಆನ್ಲೈನ್ ಕ್ಲಾಸ್ ಸ್ಥಗಿತಗೊಳಿಸಲಾಗಿತ್ತು. ಆನ್ಲೈನ್ ಕ್ಲಾಸ್ ಸ್ಥಗಿತಗೊಳಿಸಿದ್ದನ್ನು ಪ್ರಶ್ನಿಸಿ ಪೋಷಕರು ಬಿಇಒ ಮೊರೆ ಹೋಗಿದ್ದರು. ಕ್ಷೇತ್ರ ಶಿಕ್ಷಣಾಧಿಕಾರಿ ಮೊರೆ ಹೋಗಿದ್ದರೂ ಪ್ರಯೋಜವಾಗಿಲ್ಲ. ಆದರೆ ಈ ಬಗ್ಗೆ ಟಿವಿ9 ವಿಸ್ತೃತ ವರದಿ ಪ್ರಸಾರ ಮಾಡಿತ್ತು. ಅಧಿಕಾರಿಗಳು, ಶಾಲೆ ನಡೆ ಬಗ್ಗೆ ಟಿವಿ9 ಪ್ರಶ್ನೆ ಮಾಡಿತ್ತು. ವರದಿ ಪ್ರಸಾರ ಬಳಿಕ ಬಾಲ್ಡ್ವಿನ್ ಶಾಲೆ ಎಚ್ಚೆತ್ತು ಆನ್ಲೈನ್ ಕ್ಲಾಸ್ಮ ಆರಂಭಿಸಿದೆ.
ಬಾಲ್ಡ್ವಿನ್ ಶಾಲೆ ಕಳೆದ ವರ್ಷ ಶೇ.70ರಷ್ಟು ಶುಲ್ಕ ಕಟ್ಟಿದ್ದರೂ ಪೂರ್ಣ ಶುಲ್ಕ ಪಾವತಿಸುವಂತೆ ಒತ್ತಡ ಹೇರಿತ್ತು. ಪೂರ್ಣ ಶುಲ್ಕ ಕಟ್ಟದ 40ಕ್ಕೂ ಹೆಚ್ಚು ಮಕ್ಕಳ ಆನ್ಲೈನ್ ಕ್ಲಾಸ್ ಬಂದ್ ಮಾಡಿತ್ತು. ಇದನ್ನ ಖಂಡಿಸಿ ನಿನ್ನೆ (ಜೂನ್ 23) ಶಂಕರಪುರಂ ಬಳಿ ಇರುವ ಬೆಂಗಳೂರು ದಕ್ಷಿಣ 1ರ ಬಿಇಒ ಕಚೇರಿ ಮುಂದೆ ಪೋಷಕರು ಪ್ರತಿಭಟನೆಗೆ ಇಳಿದಿದ್ದರು. ಆದರೆ ಬಿಇಒ ಮಾಡದ ಕೆಲಸ ಟಿವಿ 9 ಮಾಡಿದೆ ಅಂತ ಪೋಷಕರು ಕೃತಜ್ಞತೆ ಸಲ್ಲಿಸಿದ್ದಾರೆ.
ಇದನ್ನೂ ಓದಿ
School Reopening: ಕೊವಿಡ್ ತಾಂತ್ರಿಕ ಸಮಿತಿ ವರದಿ ಬೆನ್ನಲೆ ಶಾಲೆ ಆರಂಭಕ್ಕೆ ಶಿಕ್ಷಣ ತಜ್ಞರ ಸಲಹೆ
School Fees: ಕೋರ್ಟ್ ಆದೇಶಕ್ಕೂ ಮುನ್ನವೇ ಪೂರ್ತಿ ಶುಲ್ಕ ವಸೂಲಿಗಿಳಿದ ಖಾಸಗಿ ಶಾಲೆಗಳು
(Baldwin School begun the online class and parents thanked to Tv9 Kannada)
