ಕರ್ನಾಟಕ ವಾಯು ಗುಣಮಟ್ಟ ವರದಿ: ಬೆಂಗಳೂರಿನಲ್ಲಿ ‘ಸಾಧಾರಣ’ ಗಾಳಿ; ಮೈಸೂರು, ಮಂಗಳೂರಿನಲ್ಲಿ ಶುದ್ಧ ಹವಾಮಾನ

ಬೆಂಗಳೂರು, ಅ.8: ರಾಜ್ಯದಲ್ಲಿ ಚಳಿಗಾಲದ ಆಗಮನ ಹಾಗೂ ವಾಹನ ದಟ್ಟಣೆಯ ಪರಿಣಾಮವಾಗಿ ವಾಯು ಮಾಲಿನ್ಯ ಪ್ರಮಾಣದಲ್ಲಿ ಏರಿಳಿತಗಳು ಕಂಡುಬರುತ್ತಿವೆ. ಇಂದು ಪ್ರಕಟವಾದ ಕೇಂದ್ರ ಮಾಲಿನ್ಯ ನಿಯಂತ್ರಣ ಮಂಡಳಿ (CPCB) ಹಾಗೂ ವಾಯು ಗುಣಮಟ್ಟ ಸೂಚ್ಯಂಕ (AQI) ದತ್ತಾಂಶಗಳ ಪ್ರಕಾರ, ರಾಜಧಾನಿ ಬೆಂಗಳೂರು ಸೇರಿದಂತೆ ರಾಜ್ಯದ ಪ್ರಮುಖ ನಗರಗಳಲ್ಲಿ ಗಾಳಿಯ ಗುಣಮಟ್ಟ ‘ಸಾಧಾರಣ’ (Moderate) ಮಟ್ಟದಲ್ಲಿದೆ.

ರಾಜ್ಯದ ವಿವಿಧ ಭಾಗಗಳಲ್ಲಿ ಇಂದಿನ ಸರಾಸರಿ AQI ಪ್ರಮಾಣ ಹೀಗಿದೆ:

ಬೆಂಗಳೂರು: 65 – 83 AQI (ಸಾಧಾರಣ/ಮಧ್ಯಮ – Moderate)

ಬಿಟಿಎಂ ಲೇಔಟ್ / ಸಿಟಿ ಸೆಂಟರ್: ಬಿಟಿಎಂ ಮತ್ತು ಮೆಜೆಸ್ಟಿಕ್ ಭಾಗಗಳಲ್ಲಿ ಕೈಗಾರಿಕೆ ಹಾಗೂ ವಾಹನಗಳ ಹೊಗೆಯಿಂದಾಗಿ AQI 100ರ ಸಮೀಪ ತಲುಪಿದೆ.

ಜಯನಗರ / ಲಾಲ್‌ಬಾಗ್: ಹಸಿರು ಹೊದಿಕೆ ಹೆಚ್ಚಿರುವ ಪ್ರದೇಶಗಳಲ್ಲಿ AQI 55-65 ರಷ್ಟಿದ್ದು, ಉತ್ತಮ ಮಟ್ಟದಲ್ಲಿ ಇರಲಿದೆ

ಮೈಸೂರು: 45 – 55 AQI (ಉತ್ತಮದಿಂದ ಸಾಧಾರಣ)

ಮಂಗಳೂರು / ಕರಾವಳಿ ಭಾಗ: 38 – 48 AQI (ಉತ್ತಮ)

ಹುಬ್ಬಳ್ಳಿ – ಧಾರವಾಡ: 60 – 72 AQI (ಸಾಧಾರಣ)

ಬಳ್ಳಾರಿ / ಕಲಬುರಗಿ: 75 – 95 AQI (ಸಾಧಾರಣ – ಧೂಳು ಹಾಗೂ ಉಷ್ಣಾಂಶದ ಕಾರಣ)

ಇದನ್ನೂ ಓದಿ: ಅಕ್ಟೋಬರ್ 08 ಗುರುವಾರದ ರಾಶಿ ಭವಿಷ್ಯ: ಯಾರಿಗೆ ವೆಂಕಟೇಶ್ವರ ಸ್ವಾಮಿ ಕೃಪೆ?, ಯಾರಿಗೆ ಧನಲಾಭ?

ಬೆಂಗಳೂರಿನಂತಹ ಮೆಟ್ರೋ ನಗರಗಳಲ್ಲಿ ಸೂಕ್ಷ್ಮ ಧೂಳಿನ ಕಣಗಳಾದ PM 2.5 ಮತ್ತು PM 10 ಪ್ರಮಾಣವು ಗರಿಷ್ಠ ಮಟ್ಟದಲ್ಲಿದ್ದು, ಇವು ಶ್ವಾಸಕೋಶವನ್ನು ಪ್ರವೇಶಿಸುವ ಸಾಧ್ಯತೆ ಹೆಚ್ಚಿರುತ್ತದೆ. ಸಂಚಾರ ದಟ್ಟಣೆ ಹೆಚ್ಚಿರುವ ಸಿಲ್ಕ್ ಬೋರ್ಡ್, ಕೆ.ಆರ್. ಪುರಂ ಹಾಗೂ ಹೆಬ್ಬಾಳ ಫ್ಲೈಓವರ್ ಸುತ್ತಮುತ್ತ NO2 ಪ್ರಮಾಣ ಸ್ವಲ್ಪ ಏರಿಕೆಯಾಗಿದೆ.

ಆಸ್ತಮಾ, ಸಿಒಪಿಡಿ (COPD) ಅಥವಾ ಅಲರ್ಜಿ ಸಮಸ್ಯೆ ಇರುವ ವೃದ್ಧರು ಹಾಗೂ ಮಕ್ಕಳು ಮುಂಜಾನೆ ಹಾಗೂ ಸಂಜೆ ವೇಳೆ ಅನಗತ್ಯವಾಗಿ ಹೊರಗೆ ಅಡ್ಡಾಡುವುದನ್ನು ಕಡಿಮೆ ಮಾಡುವುದು ಒಳಿತು. ಧೂಳು ಹಾಗೂ ವಾಹನಗಳ ಹೊಗೆ ಹೆಚ್ಚಿರುವ ರಸ್ತೆಗಳಲ್ಲಿ ಸಂಚರಿಸುವಾಗ N95 ಅಥವಾ ಸಾಮಾನ್ಯ ಮಾಸ್ಕ್ ಧರಿಸುವುದು ಆರೋಗ್ಯಕ್ಕೆ ಸುರಕ್ಷಿತ. ಮನೆಯೊಳಗೆ ಗಾಳಿಯನ್ನು ಶುದ್ಧೀಕರಿಸುವ ಸ್ನೇಕ್ ಪ್ಲಾಂಟ್, ಅರೆಕಾ ಪಾಮ್ ನಂತಹ ಗಿಡಗಳನ್ನು ಬೆಳೆಸುವುದು ಅನುಕೂಲಕರ.

ರಾಜ್ಯದ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ