ಬೆಂಗಳೂರು: ಕಳೆದ 24 ಗಂಟೆಗಳಲ್ಲಿ 13 ಅಪಘಾತಗಳು! ಎಲ್ಲೆಲ್ಲಿ ಎಷ್ಟು ಸಾವು? ಇಲ್ಲಿದೆ ಅಂಕಿಅಂಶ

ಬೆಂಗಳೂರು, ಆಗಸ್ಟ್ 22: ಇತ್ತೀಚೆಗೆ ಕರ್ನಾಟಕದಲ್ಲಿ ಒಂದೇ ದಿನ 38 ಮಂದಿ ಅಪಘಾತದಲ್ಲಿ (Accident) ಸಾವನ್ನಪ್ಪಿದ್ದರು. ಈ ದಿನವನ್ನು ಕರಾಳ ಶನಿವಾರ ಎಂದು ಎಡಿಜಿಪಿ ಅಲೋಕ್ ಕುಮಾರ್ ಹೇಳಿದ್ದರು. ಇದೀಗ ಕಳೆದ 24 ಗಂಟೆಗಳಲ್ಲಿ ಬೆಂಗಳೂರು (Bengaluru) ನಗರದಲ್ಲೇ ಸಂಭವಿಸಿದ 13 ಅಫಾತಗಳಲ್ಲಿ ಮೂವರು ಸಾವನ್ನಪ್ಪಿದ್ದು, 10 ಮಂದಿ ಗಾಯಗೊಂಡಿದ್ದಾರೆ.

ಕಳೆದ 24 ಗಂಟೆಗಳಲ್ಲಿ ಎಲ್ಲೆಲ್ಲಿ ಅಪಘಾತ ಸಂಭವಿಸಿದೆ?

• ಹೆಬ್ಬಾಳ – ಒಂದು ಅಪಘಾತ, ಒಂದು ಸಾವು (ಸೆಲ್ಫ್ ಆಕ್ಸಿಡೆಂಟ್)
• ರಾಜಾಜಿನಗರ – ಎರಡು ಅಪಘಾತ, ಒಂದು ಸಾವು‌ (ಸೆಲ್ಫ್ ಆಕ್ಸಿಡೆಂಟ್)
• ಹೆಣ್ಣೂರು – ಎರಡು ಅಪಘಾತ, ಒಂದು ಸಾವು (ಪಾದಚಾರಿ ಸಾವು)
• ಬಸವನಗುಡಿ – ಎರಡು ಅಪಘಾತ
• ಕೆ.ಆರ್ ಪುರಂ – ಒಂದು ಅಪಘಾತ
• ವೈಟ್ ಫೀಲ್ಡ್ – ಎರಡು ಅಪಘಾತ
• ಹುಳಿಮಾವು – ಎರಡು ಅಪಘಾತ
• ಸದಾಶಿವನಗರ – ಒಂದು ಅಪಘಾತ
• ಮೈಲೋ ಲೇ ಔಟ್ – ಒಂದು ಅಪಘಾತ

ಹೆಬ್ಬಾಳ ಠಾಣಾ ವ್ಯಾಪ್ತಿಯಲ್ಲಿ ಸೆಲ್ಪ್ ಆಕ್ಸಿಡೆಂಟ್​​ಗೆ ಪಶ್ಚಿಮ ಬಂಗಾಳ‌ ಮೂಲದ 32 ವರ್ಷದ ಯುವಕ ಬಲಿಯಾಗಿದ್ದು, ಹೆಣ್ಣೂರು ಠಾಣಾ ವ್ಯಾಪ್ತಿಯಲ್ಲಿ ಸಂಭವಿಸಿದ ಅಪಘಾತದಲ್ಲಿ ಮಹಿಳೆ ಸಾವನ್ನಪ್ಪಿದ್ದಾರೆ. ಪೂನಂದಾಸ್ (32) ಮೃತೆ. ಅತಿ ವೇಗದಿಂದ ಬಂದು ಡಿವೈಡರ್​​ಗೆ ಬೈಕ್ ಡಿಕ್ಕಿಯಾಗಿ ರಾಹುಲ್ (19) ಎಂಬಾತ ಮೃತಪಟ್ಟಿದ್ದಾನೆ. ಒಟ್ಟಾರೆಯಾಗಿ 13 ಅಪಘಾತಗಳಲ್ಲಿ 10 ಮಂದಿ ಗಾಯಗೊಂಡಿದ್ದಾರೆ.

ಇದನ್ನೂ ಓದಿ: ಬೆಂಗಳೂರು ಹೊರವಲಯದಲ್ಲಿ ತಡರಾತ್ರಿ 2 ಅಪಘಾತಗಳು, ಒಬ್ಬ ಯುವಕ ಸಾವು

ರಾಜ್ಯದಲ್ಲಿ ದಿನೇ ದಿನೇ ಅಪಘಾತ ಪ್ರಕರಣಗಳು ಹೆಚ್ಚಾಗುತ್ತಿದೆ. ಕಾಲೇಜು ಯುವಕ, ಯುವತಿಯರು, ಮಹಿಳೆಯರು, ಮಕ್ಕಳು, ಪುರುಷರು ಸೇರಿದಂತೆ ವಯೋವೃದ್ಧರು ಅಪಘಾತದಲ್ಲಿ ಸಾವನ್ನಪ್ಪುತ್ತಿದ್ದಾರೆ. ಈ ಕುರಿತು ಆತಂಕ ವ್ಯಕ್ತಪಡಿಸಿದ್ದ ರಾಜ್ಯ ಸಂಚಾರ ಮತ್ತು ರಸ್ತೆ ಸುರಕ್ಷತೆ ವಿಭಾಗದ ಎಡಿಜಿಪಿ ಅಲೋಕ್ ಕುಮಾರ್, ಶನಿವಾರ ಒಂದೇ ದಿನ ಸಂಭವಿಸಿದ ಅಪಘಾತಗಳನ್ನ ಆಧರಿಸಿ ಕರಾಳ ಶನಿವಾರ ಎಂದು ಕರೆದಿದ್ದರು.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 12:44 pm, Tue, 22 August 23