ಗುತ್ತಿಗೆ ಆಧಾರದ ಮೇಲೆ ಮೆಟ್ರೋ ಫೀಡರ್ ಬಸ್ ನೀಡಲಿದೆ BMTC- ದೂರಕ್ಕೆ ತಕ್ಕಂತೆ ದರ ನಿಗದಿ

ಬೆಂಗಳೂರು, ಜ.03: ಇನ್ಮುಂದೆ ನಮ್ಮ ಮೆಟ್ರೋ (Namma Metro) ಸ್ಟೇಷನ್​ನಿಂದ ಖಾಯಂ ಗುತ್ತಿಗೆ ಆಧಾರದಲ್ಲಿ ಬಿಎಂಟಿಸಿ ಬಸ್​ಗಳು ಓಡಾಡಲಿವೆ. ಮೊದಲ ಬಾರಿಗೆ ಮೆಟ್ರೋ ಫೀಡರ್ ಬಸ್​ಗಳನ್ನು (Metro Feeder Bus) ಕಂಪನಿಗಳಿಗೆ ಖಾಯಂ ಗುತ್ತಿಗೆ ಆಧಾರದಲ್ಲಿ ನೀಡಲು ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ(BMTC) ನಿರ್ಧರಿಸಿದೆ. ಈಗಾಗಲೇ ಬಿಎಂಟಿಸಿ ವತಿಯಿಂದ ನಮ್ಮ ಮೆಟ್ರೋ ನಿಲ್ದಾಣಗಳಿಗೆ ಫೀಡರ್ ಬಸ್ ಸೇವೆ ನೀಡಲಾಗುತ್ತಿದೆ. ಬಸ್‌ಗಳ ಸಂಖ್ಯೆಯನ್ನು ಹಂತ ಹಂತವಾಗಿ ಹೆಚ್ಚಿಸಲಾಗುತ್ತಿದೆ. ಇದೀಗ ಈ ಸೇವೆಯನ್ನು ಶಾಲಾ-ಕಾಲೇಜುಗಳಿಗೆ, ಕಾರ್ಖಾನೆಗಳಿಗೂ ವಿಸ್ತರಣೆ ಮಾಡಲು ಬಿಎಂಟಿಸಿ ಮುಂದಾಗಿದೆ.

ಖಾಯಂ ಗುತ್ತಿಗೆ ಆಧಾರದಲ್ಲಿ ಮೆಟ್ರೋ ಫೀಡರ್​ ಬಸ್​ಗಳನ್ನು ನೀಡಲು ಬಿಎಂಟಿಸಿ ಬಸ್ ವ್ಯವಸ್ಥೆ ಮಾಡಲಾಗುತ್ತಿದೆ. ರಿಯಾಯಿತಿ ದರದಲ್ಲಿ ಬಸ್ ಸೇವೆ ಒದಗಿಸಲು ಬಿಎಂಟಿಸಿ ನಿರ್ಧರಿಸಿದೆ. 4 ಸಾವಿರ ರೂಪಾಯಿಂದ 12 ಸಾವಿರದವರೆಗೆ ಪ್ರತಿ ದಿನದ ಬಾಡಿಗೆ ನಿಗದಿ ಮಾಡಲಾಗಿದೆ. ಒಪ್ಪಂದದ ಮೇರೆಗೆ ಈಗಾಗಲೇ ಶಾಲೆ, ಕಾಲೇಜು, ಕಾರ್ಖಾನೆಗಳು ಸೇರಿದಂತೆ ಇನ್ನಿತರ ಸಂಸ್ಥೆಗಳಿಗೆ ಬಿಎಂಟಿಸಿ ಬಸ್ ನೀಡಲಾಗುತ್ತಿದೆ. ಅದೇ ರೀತಿ ಮೆಟ್ರೋ ಫೀಡರ್ ಬಸ್​ಗಳನ್ನು ಖಾಯಂ ಗುತ್ತಿಗೆ ನೀಡಲಾಗುತ್ತೆ. ವೈಟ್ ಫೀಲ್ಡ್ ಪ್ರದೇಶದ ಯಾವುದೇ ಸಂಸ್ಥೆ ಕೂಡ ಮೆಟ್ರೋ ಫೀಡರ್ ಬಸ್​ಗಳನ್ನ ಗುತ್ತಿಗೆ ಆಧಾರದಲ್ಲಿ ಪಡೆಯಬಹುದು.

ಇದನ್ನೂ ಓದಿ: ಬೆಂಗಳೂರಿನ ಈ ಮಾರ್ಗದಲ್ಲಿ ಹೆಚ್ಚುವರಿ ಫೀಡರ್ ಬಸ್ ಆರಂಭಿಸಿದ ಬಿಎಂಟಿಸಿ, ಇಲ್ಲಿದೆ ವೇಳಾಪಟ್ಟಿ

ಬಸ್​ಗಳ ಬಾಡಿಗೆ ಎಷ್ಟು?

1. ಮಿಡಿ ಬಸ್: 80 ಕಿಮೀ ವರೆಗೆ 4 ಸಾವಿರ ರೂಪಾಯಿ ನಿಗದಿ, 80 ಕಿಮೀ ನಂತರ ಪ್ರತಿ ಕಿಮೀಗೆ 60 ರೂಪಾಯಿ ನಿಗದಿ ಮಾಡಲಾಗಿದೆ.
2. ಸಾಮಾನ್ಯ ಬಸ್: 80 ಕಿಮೀ ವರೆಗೆ 5 ಸಾವಿರ ರೂಪಾಯಿ ದರ ನಿಗದಿ. 80 ಕಿಮೀ ನಂತರ ಪ್ರತಿ ಕಿಮೀಗೆ 70 ರೂಪಾಯಿ ನಿಗದಿ.
3. ಬಿಎಸ್-6 ಬಸ್: 80 ಕಿಮೀ ವರೆಗೆ 6 ಸಾವಿರ ರೂಪಾಯಿ ನಿಗದಿ. 80 ಕಿಮೀ ನಂತ್ರ ಪ್ರತಿ ಕಿಮೀಗೆ 80 ರೂಪಾಯಿ ನಿಗದಿ.
4. ವೋಲ್ವೋ: 80 ಕಿಮೀ ವರೆಗೆ 8 ಸಾವಿರ ರೂಪಾಯಿ ನಿಗದಿ. 80 ಕಿಮೀ ನಂತ್ರ ಪ್ರತಿ ಕಿಮೀಗೆ ₹90 ನಿಗದಿ.
5. ಇ- ಬಸ್(9 ಮೀ) ಬಸ್: 80 ಕಿಮೀ ವರೆಗೆ 9 ಸಾವಿರ ರೂಪಾಯಿ ನಿಗದಿ. 80 ಕಿಮೀ ನಂತ್ರ ಪ್ರತಿ ಕಿಮೀಗೆ 100 ರೂಪಾಯಿ ನಿಗದಿ.
6. ಇ- ಬಸ್(12 ಮೀ): 80 ಕಿಮೀ ವರೆಗೆ 12 ಸಾವಿರ ರೂಪಾಯಿ ನಿಗದಿ. 80 ಕಿಮೀ ನಂತ್ರ ಪ್ರತಿ ಕಿಮೀಗೆ 100 ರೂಪಾಯಿ ನಿಗದಿ.

   ರಾಜ್ಯದ ಪ್ರಮುಖ ಸುದ್ದಿಗಳನ್ನು ಓದಲು ಇದರ ಮೇಲೆ ಕ್ಲಿಕ್ ಮಾಡಿ