ಹೋಟೆಲ್‌ಗಳಲ್ಲಿ ಹಾಡು ಹಾಕೋಕೆ ಬೇಕು ಕೇಂದ್ರ ಸರ್ಕಾರದ ಲೈಸೆನ್ಸ್; ಹೋಟೆಲ್ ಅಸೋಸಿಯೇಷನ್ ಆಕ್ರೋಶ

ಬೆಂಗಳೂರು, ಜೂನ್.19: ಮ್ಯೂಸಿಕ್ ಅಂದ್ರೆ ಯಾರಿಗೆ ತಾನೇ ಇಷ್ಟ ಆಗೊಲ್ಲ ಹೇಳಿ. ಪ್ರತಿಯೊಬ್ಬರು ಇಷ್ಟಪಟ್ಟು ಕೇಳುವುದರ ಜೊತೆಗೆ ಧ್ವನಿ ಗೂಡಿಸುತ್ತಾರೆ. ಅದ್ರಲ್ಲೂ ಹೋಟೆಲ್‌, ಪಬ್, ಡಿನ್ನರ್ ಹಾಲ್​ಗಳಲ್ಲಿ ಸಾಂಗ್ ಪ್ಲೇ (Songs) ಆಗುತ್ತಿದ್ರೆ ಮನಸ್ಸಿಗೆ ಏನೋ ಒಂದು ರೀತಿಯ ಆನಂದ.‌ ಎಷ್ಟೋ ಜನ ಸಂಜೆ ಮ್ಯೂಸಿಕ್ ಜೊತೆಗೆ ಕಾಫಿ ಕುಡಿಬೇಕು ಅಂತ ಹೋಟಲ್​ಗಳಿಗೆ ಬರ್ತಾರೆ. ಆದ್ರೆ ವಿಷ್ಯ ಏನು ಅಂದ್ರೆ ಈ ಸಾಂಗ್ ಗಳು ಹೋಟೆಲ್ ನಲ್ಲಿ ಪ್ಲೇ ಆಗಬೇಕು ಅಂದ್ರೆ ಲೈಸೆನ್ಸ್​ (License) ತೆಗೆದುಕೊಳ್ಳಬೇಕು.

ಹೋಟೆಲ್‌ನಲ್ಲಿ, ಪಬ್​ಗಳಲ್ಲಿ, ಲಿಫ್ಟ್ ಗಳಲ್ಲಿ ಡಿನ್ನರ್ ಹಾಲ್ ಗಳಲ್ಲಿ ಮ್ಯೂಸಿಕ್ ಪ್ಲೇ ಮಾಡಬೇಕು ಅಂದ್ರೆ ಪಿಪಿಎಲ್ ಲೈಸೆನ್ಸ್ ಅನ್ನ ತೆಗೆದುಕೊಳ್ಳಬೇಕು.‌ ಈ ಪಿಪಿಎಲ್ ಅಂದ್ರೆ ಪಬ್ಲಿಕ್ ಫರ್ಫಾಮೆನ್ಸ್ ಲೈಸೆನ್ಸ್.‌ ಈ ಲೈಸೆನ್ಸ್ ಅನ್ನ ಒಂದು ವರ್ಷಕ್ಕೊಮ್ಮೆ ರಿನಿವಲ್ ಮಾಡಿಸಿಕೊಳ್ಳುತ್ತಿರಬೇಕು. ಒಂದು ಲಕ್ಷಕ್ಕೂ ಹೆಚ್ಚು ಹಣವನ್ನ‌ ನಿಗದಿ ಮಾಡಲಾಗಿದೆ. ಅದ್ರಲ್ಲೂ ತ್ರೀ ಸ್ಟಾರ್ ಹಾಗೂ ಫೈ ಸ್ಟಾರ್ ಹೋಟೆಲ್ ಗಳಲ್ಲಿ ಹಾಡುಗಳನ್ನ ಪ್ಲೇ ಮಾಡುವುದಕ್ಕೆ ಲೈಸೆನ್ಸ್ ಕಡ್ಡಾಯವಾಗಿದೆ. ಸಧ್ಯ ಹೋಟೆಲ್​ಗಳಲ್ಲಿ ಲಿಫ್ಟ್ ಗಳಲ್ಲಿ, ಡಿನ್ನರ್ ಹಾಲ್ ಗಳಲ್ಲಿ, ಪಾರ್ಟಿ ಹಾಲ್ ಗಳಲ್ಲಿ ಬಳಕೆ ಮಾಡ್ತಾರೆ. ಆದ್ರೆ ಈ ಹಾಡುಗಳ‌ ಬಳಕೆಗೆ ಲೈಸೆನ್ಸ್ ಕಡ್ಡಾಯ ಮಾಡಿರುವ ಬಗ್ಗೆ ಹೋಟೆಲ್ ಅಸೋಸಿಯೇಷನ್ ವಿರೋಧ ವ್ಯಕ್ತಪಡಿಸುತ್ತಿದ್ದು ಕೇಂದ್ರ ಸರ್ಕಾರಕ್ಕೆ ಲೈಸೆನ್ಸ್ ಆದೇಶ ಕ್ಯಾನ್ಸಲ್ ಮಾಡುವಂತೆ ಪತ್ರ ಬರೆಯಲಾಗುತ್ತಿದೆ.

ಇದನ್ನೂ ಓದಿ: ಆರ್​ಟಿಓ ನಕಲಿ ವೆಬ್ ಸೈಟ್ ಹಾವಳಿ; HSRP ಹೆಸರಲ್ಲಿ ಜನರ ಜೇಬಿಗೆ ಕತ್ತರಿ

ಹೋಟೆಲ್​ಗಳನ್ನ ಮಾಡುವಾಗಲೇ ನಾವು ಲೈಸೆನ್ಸ್ ತೆಗೆದುಕೊಂಡಿರುತ್ತೀವಿ.‌ ಈ ಮಧ್ಯೆ ಹಾಡುಗಳನ್ನ ಕೇಳುವುದಕ್ಕೂ ಲೈಸೆನ್ಸ್ ತೆಗೆದುಕೊಳ್ಳಬೇಕು ಅಂದ್ರೆ ಕಷ್ಟ. ಲೈಸೆನ್ಸ್ ಬೆಲೆಯು ಕೂಡ 1 ಲಕ್ಷಕ್ಕೂ ಹೆಚ್ಚು ಹಣವನ್ನ ನಿಗಧಿ ಮಾಡಲಾಗಿದೆ. ಕೂಡಲೇ ಕೇಂದ್ರ ಸರ್ಕಾರ ಈ‌ ನಿಯಮವನ್ನ ತೆಗದುಹಾಕಬೇಕು. ಇದರಿಂದ ಹೋಟೆಲ್ ಉಧ್ಯಮಕ್ಕೆ ಎಫೆಕ್ಟ್ ಆಗಲಿದೆ ಅಂತ ಹೋಟಲ್ ಮಾಲೀಕರು ತಿಳಿಸಿದ್ದಾರೆ.

ಒಟ್ನಲ್ಲಿ, ಇಷ್ಟು ದಿನ ಹೋಟೆಲ್​ಗಳಲ್ಲಿ ಊಟ ತಿಂಡಿಯ ಜೊತೆಗೆ ಮ್ಯೂಸಿಕ್ ಸಹ ಗ್ರಾಹಕರನ್ನ ಆಕರ್ಷಿಸುತ್ತಿತ್ತು. ಇದೀಗ ಈ ಹಾಡುಗಳನ್ನ ಹಾಕುವುದಕ್ಕೂ ಕೂಡ ಲೈಸೆನ್ಸ್ ತೆಗೆದುಕೊಳ್ಳಬೇಕು ಅಂತ ಕೇಂದ್ರ ಸರ್ಕಾರ ಹೇಳಿರುವುದು ಹೋಟೆಲ್ ಮಾಲೀಕರಿಗೆ ನುಂಗಲಾರದ ತುತ್ತಾಗಿದೆ.

ರಾಜ್ಯದ ಪ್ರಮುಖ ಸುದ್ದಿಗಳನ್ನು ಓದಲು ಇದರ ಮೇಲೆ ಕ್ಲಿಕ್ ಮಾಡಿ