ಕರ್ನಾಟಕ ವಾಯು ಗುಣಮಟ್ಟ: ಬೆಂಗಳೂರು ಸೇರಿದಂತೆ ಇಂದು ಹಲವು ನಗರಗಳ ಎಕ್ಯೂಐ ಉತ್ತಮ

ಬೆಂಗಳೂರು, ಸೆಪ್ಟೆಂಬರ್ 27: ಬೆಂಗಳೂರು ಸೇರಿದಂತೆ ಕರ್ನಾಟಕದ ಪ್ರಮುಖ ನಗರಗಳಲ್ಲಿ ಗಾಳಿಯ ಗುಣಮಟ್ಟ ಅತ್ಯಂತ ಆಶಾದಾಯಕವಾಗಿದೆ. ಇತ್ತೀಚೆಗೆ ಬಿದ್ದ ಮಳೆ ಮತ್ತು ಅನುಕೂಲಕರ ವಾತಾವರಣದಿಂದಾಗಿ ರಾಜಧಾನಿ ಬೆಂಗಳೂರಿನ ವಾಯು ಗುಣಮಟ್ಟ ಸೂಚ್ಯಂಕ 37 ರಿಂದ 50ರ ವ್ಯಾಪ್ತಿಯಲ್ಲಿದ್ದು, ಇದು ‘ಉತ್ತಮ’ ವರ್ಗಕ್ಕೆ ಸೇರುತ್ತದೆ.ಬೆಂಗಳೂರಿನಲ್ಲಿ ಪ್ರಮುಖ ಮಾಲಿನ್ಯಕಾರಕಗಳಾದ PM2.5 ಮತ್ತು PM10 ಮಟ್ಟಗಳು ನಿಯಂತ್ರಣದಲ್ಲಿದ್ದು, ಸಾರ್ವಜನಿಕರಿಗೆ ಯಾವುದೇ ಆರೋಗ್ಯ ಭೀತಿ ಇಲ್ಲವಾಗಿದೆ.

ಬೆಂಗಳೂರು ಹಾಗೂ ಪ್ರಮುಖ ನಗರಗಳ ಎಕ್ಯೂಐ ವಿವರ

• ಬೆಂಗಳೂರು: 37 – 45 (ಉತ್ತಮ)
• ಮೈಸೂರು: 32 (ಉತ್ತಮ)
• ಮಂಗಳೂರು: 28 (ಅತ್ಯುತ್ತಮ)
• ಹುಬ್ಬಳ್ಳಿ-ಧಾರವಾಡ: 42 (ಉತ್ತಮ)
• ಬೆಳಗಾವಿ: 38 (ಉತ್ತಮ)

ಆರೋಗ್ಯದ ಮೇಲಾಗುವ ಪರಿಣಾಮಗಳು

ವಾಯು ಗುಣಮಟ್ಟವು 0 ರಿಂದ 50 ರಷ್ಟಿದ್ದರೆ ಅದನ್ನು ‘ಉತ್ತಮ’ ಎಂದು ಪರಿಗಣಿಸಲಾಗುತ್ತದೆ. ಇದರಿಂದ ಸಾರ್ವಜನಿಕರಿಗೆ, ವಿಶೇಷವಾಗಿ ಮಕ್ಕಳು, ಹಿರಿಯರು ಮತ್ತು ಉಸಿರಾಟದ ತೊಂದರೆ ಇರುವವರಿಗೂ ಯಾವುದೇ ತೊಂದರೆಯಾಗುವುದಿಲ್ಲ. ಇಂದಿನ ವಾತಾವರಣವು ಬೆಳಗಿನ ವಾಯುವಿಹಾರ ಹಾಗೂ ಹೊರಾಂಗಣ ಚಟುವಟಿಕೆಗಳಿಗೆ ಸೂಕ್ತವಾಗಿದ್ದು, ಬೆಂಗಳೂರಿಗರು ಮುಕ್ತವಾಗಿ ಶುದ್ಧ ಗಾಳಿಯನ್ನು ಉಸಿರಾಡಬಹುದಾಗಿದೆ.

ಕರ್ನಾಟಕದ ಇನ್ನಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ