ಬೆಂಗಳೂರು ಎಂಎಸ್ ಬಿಲ್ಡಿಂಗ್ ಹಿಂಭಾಗದ ಸಂಪ್ನಲ್ಲಿ ಬೆತ್ತಲೆ ಮೃತ ದೇಹ ಪತ್ತೆ: ಹಲವು ಆಯಾಮದಲ್ಲಿ ತನಿಖೆ

ಎಂಎಸ್ ಬಿಲ್ಡಿಂಗ್ ನ ಹಿಂಭಾಗದ ಆವರಣದ ಅಗ್ನಿಶಾಮಕ ಇಲಾಖೆ ಬಳಸುವ ಸಂಪ್ ಒಂದರಲ್ಲಿ ಸುಮಾರು 35 ವರ್ಷದ ವ್ಯಕ್ತಿಯ ಬೆತ್ತಲೆ ಮೃತ‌ದೇಹ‌ ಪತ್ತೆಯಾಗಿದೆ. ಇಂದು ಅಗ್ನಿಶಾಮಕ ಸಿಬ್ಬಂದಿ ಸಂಪ್ ನಲ್ಲಿ ನೀರಿನ ಪ್ರಮಾಣ ಪರೀಕ್ಷಿಸಲು ತೆರೆದಾಗ ಘಟನೆ ಬೆಳಕಿಗೆ ಬಂದಿದೆ.

ಬೆಂಗಳೂರು ಎಂಎಸ್ ಬಿಲ್ಡಿಂಗ್ ಹಿಂಭಾಗದ ಸಂಪ್ನಲ್ಲಿ ಬೆತ್ತಲೆ ಮೃತ ದೇಹ ಪತ್ತೆ: ಹಲವು ಆಯಾಮದಲ್ಲಿ ತನಿಖೆ
ಬೆಂಗಳೂರು ಎಂಎಸ್ ಬಿಲ್ಡಿಂಗ್ ಹಿಂಭಾಗದ ಸಂಪ್ನಲ್ಲಿ ಬೆತ್ತಲೆ ಮೃತ ದೇಹ ಪತ್ತೆ: ಹಲವು ಆಯಾಮದಲ್ಲಿ ತನಿಖೆ
TV9kannada Web Team

| Edited By: Ayesha Banu

Aug 18, 2022 | 7:30 PM

ಬೆಂಗಳೂರು: ರಾಜ್ಯದ ಶಕ್ತಿಕೇಂದ್ರ ವಿಧಾನಸೌಧದ(Vidhana Soudha) ಪಕ್ಕದಲ್ಲೇ ಇರುವ ಎಂಎಸ್ ಬಿಲ್ಡಿಂಗ್(MS Building) ಆವರಣದ ಸಂಪ್ನಲ್ಲಿ ಕೊಳೆತ ಶವವೊಂದು(Dead Body Found) ಪತ್ತೆಯಾಗಿದೆ. ವಿಧಾನಸೌಧ, ವಿಕಾಸ ಸೌಧ ಹಾಗೂ ಎಂಎಸ್ ಬಿಲ್ಡಿಂಗ್ ನ್ನ ಸಚಿವಾಲಯದ ಅವರಣ ಎನ್ನಲಾಗುತ್ತೆ. ವಿವಿಧ ಸಚಿವಾಲಯಗಳಿಗೆ ಸೇರಿದ ವಿವಿಧ ಕಚೇರಿಗಳು ಈ ಮೂರು ಬಿಲ್ಡಿಂಗ್ ನಲ್ಲಿ ಇವೆ. ಹೀಗಾಗಿಯೇ ಇದನ್ನ ಸಚಿವಾಲಯದ ಅವರಣ ಎನ್ನಲಾಗುತ್ತೆ. ಆದರೆ ಇಂತಹ ಜಾಗದಲ್ಲೇ ಶವವೊಂದು ಪತ್ತೆಯಾಗಿದೆ.

ಎಂಎಸ್ ಬಿಲ್ಡಿಂಗ್ ನ ಹಿಂಭಾಗದ ಆವರಣದ ಅಗ್ನಿಶಾಮಕ ಇಲಾಖೆ ಬಳಸುವ ಸಂಪ್ ಒಂದರಲ್ಲಿ ಸುಮಾರು 35 ವರ್ಷದ ವ್ಯಕ್ತಿಯ ಬೆತ್ತಲೆ ಮೃತ‌ದೇಹ‌ ಪತ್ತೆಯಾಗಿದೆ. ಇಂದು ಅಗ್ನಿಶಾಮಕ ಸಿಬ್ಬಂದಿ ಸಂಪ್ ನಲ್ಲಿ ನೀರಿನ ಪ್ರಮಾಣ ಪರೀಕ್ಷಿಸಲು ತೆರೆದಾಗ ಘಟನೆ ಬೆಳಕಿಗೆ ಬಂದಿದೆ. ಆದರೆ ಸಂಪ್ ನಲ್ಲಿ ಸಿಕ್ಕಿರುವ ಸತ್ತಿರುವ ವ್ಯಕ್ತಿ ಯಾರು ಎಂಬುದರ ಬಗ್ಗೆ ಇನ್ನೂ ಮಾಹಿತಿ ಲಭ್ಯವಾಗಿಲ್ಲ. ಆದರೆ ಸಚಿವಾಲಯದ ಅವರಣದಲ್ಲಿ ಈ ರೀತಿಯ ಘಟನೆ ಆಗಿರುವುದು ಹತ್ತು ಹಲವು ಅನುಮಾನಗಳನ್ನ ಹುಟ್ಟು ಹಾಕಿದೆ.

ಸದ್ಯ ಘಟ‌ನೆ ಸಂಬಂಧಿಸಿದಂತೆ ವಿಧಾನ ಸೌಧ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಮೃತ ದೇಹವನ್ನ ಮರಣೋತ್ತರ ಪರೀಕ್ಷೆಗೆ ವಿಕ್ಟೋರಿಯಾ ಆಸ್ಪತ್ರೆಗೆ ರವಾನಿಸಲಾಗಿದೆ. ಪೊಲೀಸರು ಹಲವು ಆಯಾಮಗಳಲ್ಲಿ ತನಿಖೆ ಚುರುಕುಗೊಳಿಸಿದ್ದು, ಮೃತ ವ್ಯಕ್ತಿಯ ಗುರುತು ಪತ್ತೆ ಹಚ್ಚಲು ಮುಂದಾಗಿದ್ದಾರೆ.

Follow us on

Related Stories

Most Read Stories

Click on your DTH Provider to Add TV9 Kannada