ರಕ್ಷಣಾ ಸನ್ನದ್ಧತೆಗೆ ಮೋದಿ ಸರ್ಕಾರದಿಂದ ಕೊಡುಗೆ: ಲಘು ಯುದ್ಧವಿಮಾನ ಅಭಿವೃದ್ಧಿಗಾಗಿ 9000 ಕೋಟಿ ಅನುದಾನ
ವಿಮಾನದ ಎಂಜಿನ್ ಸೇರಿದಂತೆ ಸ್ವದೇಶೀಕರಣವನ್ನು ಮತ್ತಷ್ಟು ಉತ್ತೇಜಿಸಲು, ಭಾರತದಲ್ಲಿ GE ಇಂಜಿನ್ ಉತ್ಪಾದನೆಗೆ ತಂತ್ರಜ್ಞಾನದ ವರ್ಗಾವಣೆಯನ್ನು ಜೂನ್ 2023 ರಲ್ಲಿ ಪ್ರಧಾನ ಮಂತ್ರಿಗಳು US ಗೆ ಭೇಟಿ ನೀಡಿದ ಸಂದರ್ಭದಲ್ಲಿ GE ಯೊಂದಿಗೆ ಮಾತುಕತೆ ನಡೆಸಲಾಗಿದೆ HAL ಎಂದು ತಿಳಿಸಿದೆ.
Updated on: Nov 25, 2023 | 3:30 PM
ಬೆಂಗಳೂರು, ನ.25: ಬೆಂಗಳೂರಿನ ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ (HAL) ಗೆ ಇಂದು(ನ.25) ಪ್ರಧಾನಿ ನರೇಂದ್ರ ಮೋದಿ (Narendra Modi) ಅವರು ಭೇಟಿ ನೀಡಿ ತೇಜಸ್ (Tejas) ಯುದ್ಧ ವಿಮಾನದಲ್ಲಿ ಯಶಸ್ವಿಯಾಗಿ ಹಾರಾಟ ನಡೆಸಿದ್ದಾರೆ. ‘ಮೋದಿ ಸರ್ಕಾರವು ನಮ್ಮ ರಕ್ಷಣಾ ಸನ್ನದ್ಧತೆಯನ್ನು ಹೆಚ್ಚಿಸಲು ಮತ್ತು ತೇಜಸ್ ವಿಮಾನಗಳನ್ನು ಒಳಗೊಂಡಿರುವ ಸ್ವದೇಶೀಕರಣಕ್ಕಾಗಿ ಹೆಚ್ಚಿನ ಕ್ರಮಗಳನ್ನು ತೆಗೆದುಕೊಂಡಿದೆ ಎಂದು ಹೆಚ್ಎಎಲ್ ತಿಳಿಸಿದೆ.
ಇನ್ನು ವಿಮಾನದ ಮೊದಲ ಆವೃತ್ತಿಯನ್ನು 2016 ರಲ್ಲಿ IAF ಗೆ ಸೇರಿಸಲಾಗಿದ್ದು, ಪ್ರಸ್ತುತ IAF ನ ಎರಡು ಸ್ಕ್ವಾಡ್ರನ್ಗಳು, 45 ಸ್ಕ್ವಾಡ್ರನ್ ಮತ್ತು 18 ಸ್ಕ್ವಾಡ್ರನ್, LCA ತೇಜಸ್ನೊಂದಿಗೆ ಸಂಪೂರ್ಣವಾಗಿ ಕಾರ್ಯನಿರ್ವಹಿಸುತ್ತಿವೆ. ಮೋದಿ ಸರ್ಕಾರದ ಅಡಿಯಲ್ಲಿ, 83 LCA Mk 1A ವಿಮಾನಗಳ ವಿತರಣೆಗಾಗಿ 36,468 ಕೋಟಿ ಮೌಲ್ಯದ ಆರ್ಡರ್ ಅನ್ನು HAL ನೊಂದಿಗೆ ಇರಿಸಲಾಗಿದೆ. ಫೆಬ್ರವರಿ 2024 ರೊಳಗೆ ವಿತರಣೆಯನ್ನು ಪ್ರಾರಂಭಿಸಲು ನಿರ್ಧರಿಸಲಾಗಿದೆ ಎಂದಿದ್ದಾರೆ.
ಇದನ್ನೂ ಓದಿ:ತೇಜಸ್ ಯುದ್ಧ ವಿಮಾನದಲ್ಲಿ ಮೋದಿ ಹಾರಾಟ: ಸ್ವಾವಲಂಬನೆಯ ಕ್ಷೇತ್ರದಲ್ಲಿ ನಾವು ಯಾರಿಗೂ ಕಡಿಮೆ ಇಲ್ಲವೆಂದ ಪ್ರಧಾನಿ
LCA ತೇಜಸ್ನ್ನು ನವೀಕರಿಸಲು ಮತ್ತು LCA Mk 2 ಅಭಿವೃದ್ಧಿಗಾಗಿ 9000 ಕೋಟಿ ರೂ.ಗಿಂತ ಹೆಚ್ಚು ಮಂಜೂರು ಮಾಡಲಾಗಿದೆ. ವಿಮಾನದ ಎಂಜಿನ್ ಸೇರಿದಂತೆ ಸ್ವದೇಶೀಕರಣವನ್ನು ಮತ್ತಷ್ಟು ಉತ್ತೇಜಿಸಲು, ಭಾರತದಲ್ಲಿ GE ಇಂಜಿನ್ ಉತ್ಪಾದನೆಗೆ ತಂತ್ರಜ್ಞಾನದ ವರ್ಗಾವಣೆಯನ್ನು ಜೂನ್ 2023 ರಲ್ಲಿ ಪ್ರಧಾನ ಮಂತ್ರಿಗಳು US ಗೆ ಭೇಟಿ ನೀಡಿದ ಸಂದರ್ಭದಲ್ಲಿ GE ಯೊಂದಿಗೆ ಮಾತುಕತೆ ನಡೆಸಲಾಗಿದೆ ಎಂದು ತಿಳಿಸಿದೆ.
ರಾಷ್ಟ್ರದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
