ಶೋಕಿಗಾಗಿ ಕಳ್ಳತನಕ್ಕೆ ಇಳಿದು ಮೂರು ಅಂಗಡಿಯಲ್ಲೂ ವಿಫಲ; ಲಾಕರ್ ಓಪನ್ ಮಾಡಲು ಹರಸಾಹಸ, ಆರೋಪಿ ಅರೆಸ್ಟ್

ಬೆಂಗಳೂರು: ಮಾಜಿ ಸಿಎಂ ಮನೆ ಪಕ್ಕದಲ್ಲೇ ಕಳ್ಳತನ ಯತ್ನ ನಡೆದಿದ್ದು ಲಾಕರ್ನಲ್ಲಿದ್ದ ಲಕ್ಷ ಲಕ್ಷ ಹಣ ಕಳ್ಳತನಕ್ಕೆ ಯತ್ನಿಸಿ ಲಾಕರ್ ಓಪನ್ ಮಾಡಲಾಗದೆ ಕಳ್ಳರು ಹರಸಾಹಸಪಟ್ಟ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ. ಮೀಸೆ ಚಿಗುರುವ ವಯಸ್ಸಿನ ಕದೀಮರು ಲಾಕರ್ ತೆರೆಯಲು ಪರದಾಡಿದ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಖದೀಮರ ಗ್ಯಾಂಗ್ವೊಂದು ಇಂದಿರಾನಗರದಿಂದ ಕದ್ದ ಬೈಕ್ನಲ್ಲಿ ಬಂದು ದೊಡ್ಡ ಏರಿಯಾದಲ್ಲಿ ದೊಡ್ಡ ಶಾಪ್ಗೆ ಎಂಟ್ರಿ ಕೊಟ್ಟು ಲಕ್ಷ ಲಕ್ಷ ಹಣ ಲೂಟಿ ಮಾಡುವ ಕನಸು ಕಂಡಿದ್ದರು. ಆದ್ರೆ ಒಂದು ಗಂಟೆಗಳ ಕಾಲ ಎಷ್ಟೇ ಹರಸಾಹಸ ಮಾಡಿದರೂ ಲಾಕರ್ ತೆರಯಲಾಗದೆ ಪರದಾಡಿದ್ದಾರೆ. ಒಂದೇ ರಾತ್ರಿ ಸರಣಿಗಳ್ಳತನ ಯತ್ನ ಮಾಡಿದ್ದಾರೆ. ಬೆಂಗಳೂರಿನ ಸಂಜಯ್ ನಗರದಲ್ಲಿ ಒಂದಲ್ಲಾ.. ಎರಡಲ್ಲಾ.. ಸತತ ಮೂರು ಅಂಗಡಿಗಳನ್ನು ದೋಚುವ ಯತ್ನ ಮಾಡಿದ ಖದೀಮರು ಕೈಗೆ ಚಿಕ್ಕ ಪುಡಿಕಾಸು, ವಸ್ತುಗಳನ್ನು ಕದ್ದಿದ್ದಾರೆ.

ಮೊದಲಿಗೆ ಸಂಜಯ್ ನಗರದ ಎರಡು ಅಂಗಡಿಯಲ್ಲಿ ನಡೆಸಿದ ಕಳ್ಳತನ ಪ್ರಯತ್ನ ವಿಫಲವಾಗಿದೆ. ಆದ್ರೆ ಆರ್ ಎಂವಿ 2ನೇ ಸ್ಟೇಜ್ನ ಅಂಗಡಿ ಓಪನ್ ಆಗಿದ್ದು ಲಾಕರ್ ಓಪನ್ ಮಾಡಲು ಆಗದೇ ಈ ಕಳ್ಳರ ಗ್ಯಾಂಗ್ ತಡಕಾಡಿದೆ. ಮಿಡ್ ನೈಟ್ ನಲ್ಲಿ ಕಳ್ಳರ ಪರದಾಟ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಹಲವು ನಿಮಿಷಗಳ ಕಾಲ ತಡಕಾಡಿ ಕೊನೆಗೆ ಚಿಲ್ಲರೆ ಇದ್ದ ಬಾಕ್ಸ್ ಹಾಗೂ ಚಾಕ್ಲೆಟ್ ಕದ್ದಿದ್ದಾರೆ. ಚಾಕ್ಲೆಟ್ ತಿನ್ನುತ ಧನಸಹಾಯದ ಚಿಕ್ಕ ಬಾಕ್ಸ್ ಕದ್ದು ಹೋಗ ಕಳ್ಳರ ಗ್ಯಾಂಗ್ನ ದೃಶ್ಯಗಳು ಸೆರೆಯಾಗಿವೆ. ಮರುದಿನ ಅಂಗಡಿ ಮಾಲೀಕ ಸದಾಶಿವನಗರ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.

ಸದ್ಯ ದೂರು ದಾಖಲಾದ ನಂತರ ತನಿಖೆ ಕೈಗೊಂಡ ಪೊಲೀಸರು ಓರ್ವನನ್ನು ಬಂಧಿಸಿದ್ದಾರೆ. ರೋಹಿತ್ ಗಿರಿ (21) ಬಂಧಿತ ಆರೋಪಿ. ಈ ಹಿಂದೆ ಜೈಲು ಸೇರಿ ಬಂದರು ಬುದ್ಧಿ ಕಲಿಯದ ಕಿಲಾಡಿ. ಸಿಗರೇಟಿನ ಶೋಕಿಗಾಗಿ ಅಂಗಡಿಗೆ ಕನ್ನ ಹಾಕಲು ಹೋಗಿ ಪೊಲೀಸರ ಕೈಗಿ ಸಿಕ್ಕಿಬಿದ್ದಿದ್ದಾನೆ. ಈತನ ಜೊತೆ ಸಾಥ್ ನೀಡಿದ್ದ ಉಳಿದ ಆರೋಪಿಗಳಿಗಾಗಿ ಶೋಧಕಾರ್ಯ ನಡೆಯುತ್ತಿದೆ.

ಇದನ್ನೂ ಓದಿ: ದೇಹದಲ್ಲಿರುವ ನಂಜಿನಾಂಶವನ್ನು ಹೊರಹಾಕಲು ಈ ಆಹಾರವನ್ನು ಸೇವಿಸಿ

ಚಕಾ ಚಕ್ ಹಾಡಿಗೆ ಪುಟ್ಟ ಪೋರಿಯ ಮುದ್ದಾದ ಡ್ಯಾನ್ಸ್​; ಕ್ಯೂಟಿ, ಹಾಟಿ, ಸ್ವೀಟಿ ಎಂದ ನೆಟ್ಟಿಗರು