ಕರ್ನಾಟಕದ ಪ್ರಮುಖ ಜಲಾಶಯಗಳ ಇಂದಿನ ನೀರಿನ ಮಟ್ಟ: ಆಲಮಟ್ಟಿ, ಕೆಆರ್‌ಎಸ್, ಹೇಮಾವತಿ ಡ್ಯಾಂ ವಿವರ

ಕರ್ನಾಟಕದ ಜಲಾಶಯಗಳ (ಸೆಪ್ಟೆಂಬರ್ 09) ನೀರಿನ ಮಟ್ಟ: ಬಯಲುಸೀಮೆಯ ಕನಸು ನನಸಾಗಿದ್ದು, ಭದ್ರಾ ಮೇಲ್ದಂಡೆ ಯೋಜನೆಯ ನೀರು ಚಿತ್ರದುರ್ಗ ಜಿಲ್ಲೆಯನ್ನು ಪ್ರವೇಶಿಸಿದೆ. ಹೊಸದುರ್ಗ ತಾಲೂಕಿನ ಸಾಣೇಹಳ್ಳಿಯಲ್ಲಿ ತರಳಬಾಲು ಮಠದ ಶ್ರೀ ಪಂಡಿತಾರಾಧ್ಯ ಸ್ವಾಮೀಜಿ ವಚನ ಗಾಯನದೊಂದಿಗೆ ನೀರಿಗೆ ಬಾಗಿನ ಅರ್ಪಿಸಿದರು. ಇದರೊಂದಿಗೆ ರಾಜ್ಯದ ಕೆಆರ್‌ಎಸ್, ಆಲಮಟ್ಟಿ, ಹೇಮಾವತಿ ಹಾಗೂ ಕಬಿನಿ ಜಲಾಶಯಗಳ ಇಂದಿನ ನೀರಿನ ಮಟ್ಟದ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಆಲಮಟ್ಟಿ ಜಲಾಶಯ

ಭಾವನಾ ಹೆಗಡೆ |
Updated on: Sep 09, 2026 | 10:35 AM

ಮುಖ್ಯಾಂಶಗಳು

ಚಿತ್ರದುರ್ಗ ಜಿಲ್ಲೆಗೆ ಭದ್ರಾ ನೀರು ಪ್ರವೇಶ, ಜನರ ಜಲಸಂಭ್ರಮ.
ಸಾಣೇಹಳ್ಳಿಯಲ್ಲಿ ಶ್ರೀ ಪಂಡಿತಾರಾಧ್ಯ ಸ್ವಾಮೀಜಿಯಿಂದ ಭದ್ರಾ ನೀರಿಗೆ ಬಾಗಿನ.
ರಾಜ್ಯದ ಪ್ರಮುಖ ಕೆಆರ್‌ಎಸ್, ಆಲಮಟ್ಟಿ ಡ್ಯಾಂಗಳ ಇಂದಿನ ನೀರಿನ ಮಟ್ಟ.

ಬೆಂಗಳೂರು, ಸೆಪ್ಟೆಂಬರ್ 09: ಬಯಲುಸೀಮೆ ಜನರ ಬಹುಕಾಲದ ಕನಸಾಗಿದ್ದ ಭದ್ರಾ ಮೇಲ್ದಂಡೆ ಯೋಜನೆಯ ನೀರು ಚಿತ್ರದುರ್ಗ ಜಿಲ್ಲೆಯನ್ನು ಪ್ರವೇಶಿಸಿದ್ದು, ಕೋಟೆನಾಡಿನ ಜನರಲ್ಲಿ ಹರ್ಷ ಮನೆಮಾಡಿದೆ. ಹೊಸದುರ್ಗ ತಾಲೂಕಿನ ಸಾಣೇಹಳ್ಳಿ ಗ್ರಾಮದಲ್ಲಿ ಸಾಣೇಹಳ್ಳಿ ತರಳಬಾಳು ಮಠದ ಶ್ರೀ ಪಂಡಿತಾರಾಧ್ಯ ಶಿವಾಚಾರ್ಯ ಸ್ವಾಮೀಜಿ ಅವರು ವಚನ ಗೀತೆಗಳ ಗಾಯನದೊಂದಿಗೆ ಭದ್ರಾ ನೀರಿಗೆ ಬಾಗಿನ ಅರ್ಪಿಸಿ ಬರಮಾಡಿಕೊಂಡರು. ಪ್ರಾಯೋಗಿಕವಾಗಿ ಕಾಲುವೆಗೆ 3 ಟಿಎಂಸಿ ನೀರು ಬಿಡುಗಡೆ ಮಾಡಲಾಗಿದ್ದು, ಈ ನೀರು ಇಂದು ಸಂಜೆ ವೇಳೆಗೆ ಚಿತ್ರದುರ್ಗ ತಾಲೂಕಿನ ಗೋನೂರು ಕೆರೆಯನ್ನು ತಲುಪಲಿದೆ.ರಾಜ್ಯದ ವಿವಿಧ ಪ್ರಮುಖ ಜಲಾಶಯಗಳ ಇಂದಿನ ನೀರಿನ ಮಟ್ಟದ ವಿವರ ಇಲ್ಲಿದೆ.

1. ಆಲಮಟ್ಟಿ ಜಲಾಶಯ

ಗರಿಷ್ಠ ಮಟ್ಟ: 519.60 ಮೀಟರ್
ಇಂದಿನ ಮಟ್ಟ: 519.54 ಮೀಟರ್
ಒಳಹರಿವು: 13,364 ಕ್ಯೂಸೆಕ್
ಹೊರಹರಿವು: 17,426 ಕ್ಯೂಸೆಕ್

2. ಹೇಮಾವತಿ ಜಲಾಶಯ

ಗರಿಷ್ಠ ಸಾಮರ್ಥ್ಯ: 2922.00 ಅಡಿ (37 TMC)
ಇಂದಿನ ಮಟ್ಟ: 2906.77 ಅಡಿ (24.317 TMC)
ಒಳಹರಿವು: 2,911 ಕ್ಯೂಸೆಕ್
ಹೊರಹರಿವು: ನದಿಗೆ 4,000 ಕ್ಯೂಸೆಕ್
ಕಾಲುವೆಗೆ 5,650 ಕ್ಯೂಸೆಕ್
ಕಳೆದ ವರ್ಷ ಇದೇ ದಿನ 2921.82 ಅಡಿ (36.929 TMC) ನೀರಿತ್ತು. ಒಳಹರಿವು 6,954 ಕ್ಯೂಸೆಕ್ ಹಾಗೂ
ಹೊರಹರಿವು 7,400 ಕ್ಯೂಸೆಕ್ ಇತ್ತು