DK ಶಿವಕುಮಾರ್​ ಸಾಕಷ್ಟು ಬಾರಿ ನನ್ನ ಬಳಿ ಬಂದು ಕಾಲು ಹಿಡಿದಿದ್ರು -CPY ತಿರುಗೇಟು

[lazy-load-videos-and-sticky-control id=”fAMeUVMfxPg”]

ಬೆಂಗಳೂರು: ಯೋಗೇಶ್ವರ್​​ ನನ್ನ ಬಳಿ ಬಂದಿದ್ದರೆಂದು KPCC ಅಧ್ಯಕ್ಷ ಡಿಕೆ ಶಿವಕುಮಾರ್​ ಆರೋಪಕ್ಕೆ ಪ್ರಕಟಣೆ ನೀಡಿ ಸಿ.ಪಿ.ಯೋಗೇಶ್ವರ್​ ತಿರುಗೇಟು ನೀಡಿದ್ದಾರೆ.

ಪರಿಷತ್​ಗೆ ನನ್ನ ನೇಮಕಾತಿಯ ಬಗ್ಗೆ 6 ತಿಂಗಳ ಹಿಂದೆಯೇ ನಿರ್ಧಾರ ಕೈಗೊಳ್ಳಲಾಗಿತ್ತು. ಈ ಬಗ್ಗೆ ನನಗೆ ಖುದ್ದು ಮುಖ್ಯಮಂತ್ರಿಗಳೇ ಮನೆಗೆ ಕರೆದು ಹೇಳಿದ್ರು. ನಾನು ಡಿಕೆ ಶಿವಕುಮಾರ್​ ಮನೆಗೆ ಹೋಗಿದ್ದಕ್ಕೆ ಸಾಕ್ಷಿ ಇದ್ದರೆ ಕೊಡಲಿ. ಬೇಕಿದ್ದರೆ, ಅವರ ಮನೆ ಬಳಿ ಇರುವ ಸಿಸಿಟಿವಿ ದೃಶ್ಯ ನೀಡಲಿ ಎಂದು ಹೇಳಿದ್ದಾರೆ.

ಜೊತೆಗೆ, ಅವರೇ ಸಾಕಷ್ಟು ಬಾರಿ ನನ್ನ ಬಳಿ ಬಂದು ಕಾಲು ಹಿಡಿದಿದ್ರು. ಆ ದೃಶ್ಯಗಳು ನನ್ನ ಬಳಿ ಇವೆ. ಬೇಕೆಂದರೆ ಪ್ರದರ್ಶಿಸುತ್ತೇನೆ ಎಂದು ಮಾಧ್ಯಮ ಪ್ರಕಟಣೆ ಮೂಲಕ ಕೆಪಿಸಿಸಿ ಅಧ್ಯಕ್ಷರಿಗೆ ಸವಾಲ್​ ಎಸೆದಿದ್ದಾರೆ. ನನಗೆ ಸಚಿವ ಸ್ಥಾನ ಸಿಗುತ್ತೆಂದು ಡಿಕೆಶಿ ಸುಳ್ಳು ಹೇಳುತ್ತಿದ್ದಾರೆ. ಅವರ ಬಳಿ ಯಾವುದೇ ಸಾಕ್ಷಿ ಇದ್ದರೆ ಜನರ ಮುಂದಿಡಲಿ. ನಾನೂ ಸಾಕ್ಷ್ಯಗಳನ್ನ ರಾಜ್ಯದ ಜನರ ಮುಂದೆ ಇಡಲು ಸಿದ್ಧ ಎಂದು ಹೇಳಿದ್ದಾರೆ.