ಟ್ರಾಫಿಕ್​ ರೂಲ್ಸ್​​ ತುಂಬಾ ಸ್ಟ್ರಿಕ್ಟು..! ಆದ್ರೆ ಸ್ವತಃ RTO ಮಾಡಿದ್ದೇನು?

ಬೆಳ್ಳಂಬೆಳಿಗ್ಗೆ ಆರ್ ಟಿಒ ಇನ್ಸ್​ಪೆಕ್ಟರ್ ನಿಂದ ಅವಘಡವೊಂದು ಸಂಭವಿಸಿದೆ.  ಚಂದಾಪುರ ಆರ್ ಟಿಒ ಇನ್ಸ್​ಪೆಕ್ಟರ್ ಆಗಿರುವ  ಮಂಜುನಾಥ್ ಕುಡಿದ ಮತ್ತಿನಲ್ಲಿ ಕಾರು ಚಲಾಯಿಸುತ್ತಿದ್ದು, ನಿಂತಿದ್ದ ಆಟೋಗೆ ಡಿಕ್ಕಿ ಹೊಡೆದಿದ್ದಾನೆ.

ಬೆಳ್ಳಿಗೆ 11 ಗಂಟೆಯ ಸುಮಾರಿಗೆ ಎಲೆಕ್ಟ್ರಾನಿಕ್ ಸಿಟಿ 2ನೇ ಹಂತದ ಟಿಸಿಎಸ್ ಕಂಪನಿ ಬಳಿ ಈ ಘಟನೆ ಸಂಭವಿಸಿದ, ಅಲ್ಲೆ ನಿಂತಿದ್ದ ಆಟೋಗೆ ಕಾರು ಡಿಕ್ಕಿಯಾಗಿದೆ. ಈ ಪರಿಣಾಮ ಆಟೋದಲ್ಲಿದ್ದ ಚಾಲಕ ಇಮ್ರಾನ್​ಗೆ ಗಂಭೀರ ಗಾಯಗಳಾಗಿದ್ದು,  ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

ಈ ಘಟನೆ ಖಂಡಿಸಿ ಆಟೋ ಚಾಲಕರಿಂದ ಸ್ಥಳದಲ್ಲಿಯೇ ಪ್ರತಿಭಟನೆ ನಡೆಸಲಾಗುತ್ತಿದೆ.  ಸದ್ಯ ಎಲೆಕ್ಟ್ರಾನಿಕ್ ಸಿಟಿ ಪೊಲೀಸರು ಘಟನೆಯನ್ನು ಪರಿಶೀಲಿಸಿ ಮೈಮೇಲೆ ಪ್ರಜ್ಞೆ ಇಲ್ಲದಂತೆ ವರ್ತಿಸಿದ ಆರ್ ಟಿಒ ಇನ್ಸ್​ಪೆಕ್ಟರ್ ಮಂಜುನಾಥ್ ನನ್ನು ವಶಕ್ಕೆ ಪಡೆದುಕೊಂಡು ವಿಚಾರಣೆ ನಡೆಸುತ್ತಿದ್ದಾರೆ.