Kannada Sahitya Sammelana 2023: ಸಾಹಿತ್ಯ ಸಮ್ಮೇಳನಕ್ಕೆ ಸಿದ್ಧವಾಗುತ್ತಿದೆ ಬಾಯಲ್ಲಿ ನೀರೂರಿಸುವ ಉತ್ತರ ಕರ್ನಾಟಕದ ವಿಶೇಷ ಖಾದ್ಯಗಳು

ಹಾವೇರಿ: 86 ನೇ ಕನ್ನಡ ಸಾಹಿತ್ಯ ಸಮ್ಮೇಳನಕ್ಕೆ ಹಾವೇರಿ(Haveri Kannada Sahitya Sammelana) ನಗರ ಮಧುವನಗಿತ್ತಿಯಂತೆ ಶೃಂಗಾರಗೊಂಡಿದೆ. ರಾಜ್ಯದ ಮೂಲೆ ಮೂಲೆಗಳಿಂದ ಲಕ್ಷಾಂತರ ಜನ ಬರುವ ನಿರೀಕ್ಷೆ ಇದ್ದು, ಪ್ರತಿಯೊಬ್ಬರಿಗೂ ಊಟ ಹಾಗೂ ಉಪಹಾರದ ವ್ಯವಸ್ಥೆ ಭರ್ಜರಿಯಾಗಿ ನಡೆಯುತ್ತಿದೆ.

ಕರ್ನಾಟಕದ ಮಧ್ಯ ಜಿಲ್ಲೆ ಆಗಿರುವ ಹಾವೇರಿಯಲ್ಲಿ ನಡೆಯಲಿರುವ, 86 ನೇ ಕನ್ನಡ ಸಾಹಿತ್ಯ ಸಮ್ಮೆಳನಕ್ಕೆ ಲಕ್ಷಾಂತರ ಜನ ಭಾಗವಹಿಸುವ ನಿರೀಕ್ಷೆ ಇದೆ. ಜನವರಿ 6 , 7 ಮತ್ತು 8 ರಂದು ನಡೆಯುವ ಈ ಅದ್ದೂರಿ ಕನ್ನಡ ಹಬ್ಬಕ್ಕೆ ಬರುವವರಿಗೆ ಕನ್ನಡ ಸಾಹಿತ್ಯ ಪರಿಷತ್ತು ಹಾಗೂ ಹಾವೇರಿ ಜಿಲ್ಲಾಡಳಿತ ಎಲ್ಲ ರೀತಿಯ ವ್ಯವಸ್ಥೆಯನ್ನು ಮಾಡಿಕೊಂಡಿದ್ದು ಬರುವ ಪ್ರತಿಯೊಬ್ಬ ಕನ್ನಡ ಅಭಿಮಾನಿಗೆ ಹೊಟ್ಟೆ ತುಂಬ ತರಹ ತರಹದ ಊಟ ನೀಡಲು ಭರದ ಸಿದ್ಧತೆ ನಡೆದಿದೆ.

ಪ್ರತಿ ದಿನ 1.5 ಲಕ್ಷ ಜನರಿಗೆ ಊಟ ಹಾಗೂ 70 ಸಾವಿರ ಜನರಿಗೆ ಉಪಹಾರ ವ್ಯವಸ್ಥೆಯನ್ನು ಮಾಡಲಾಗಿದ್ದು, ಸಮ್ಮೇಳನದ ಮೂರು ದಿನ ಕೂಡ ವಿವಿಧ ಬಗೆಯ ವಿಶೇಷ ಮೆನು ಸಿದ್ಧಪಡಿಸಲಾಗಿದೆ.

ಜನವರಿ 6ರ ಊಟದ ಮೆನು ಹೀಗಿದೆ

60 ಸಾವಿರ ಜನರಿಗೆ ಬೆಳಿಗ್ಗೆ ಉಪಹಾರ: ಉಪ್ಪಿಟ್ಟು, ಸೀರಾ, ಬೆಲ್ಲದ ಟೀ, 1.5ಲಕ್ಷ ಜನರಿಗೆ ಮಧ್ಯಾಹ್ನಊಟ: ಶೇಂಗಾ ಹೋಳಿಗೆ, ಬದನೆಕಾಯಿ ಪಲ್ಯಾ, ಚಪಾತಿ, ವೈಟ್ ರೈಸ್, ಸಾಂಬಾರು, ಉಪ್ಪಿನ ಕಾಯಿ, ಶೆಂಗಾ ಚಟ್ನಿ ಮತ್ತು ಮೊಸರು 60 ಸಾವಿರ ಜನರಿಗೆ ರಾತ್ರಿ ಊಟ: ಹೆಸರಬೆಲೆ ಪಾಯಸಾ, ಪುಳಿಯೊಗರೆ, ವೈಟ್ ರೈಸ್, ಸಾಂಬಾರ್, ಉಪ್ಪಿನಕಾಯಿ

ಇದನ್ನೂ ಓದಿ: Kannada Sahitya Sammelana 2023: ಹಾವೇರಿ ಸಾಹಿತ್ಯ ಸಮ್ಮೇಳನಕ್ಕೆ ವಿಶೇಷ ರೈಲು ಬಿಟ್ಟ ನೈರುತ್ಯ ರೇಲ್ವೆ ಇಲಾಖೆ: ಇಲ್ಲಿದೆ ವೇಳಾಪಟ್ಟಿ

ಜನವರಿ 7ರ ಮೆನು ಹೀಗಿದೆ

60 ಜನರಿಗೆ ಬೆಳಿಗ್ಗೆ ಉಪಹಾರ: ರವಾ ಉಂಡಿ, ವೆಜಿಟೆಬಲ್ ಫಲಾವ್, ಬೆಲ್ಲದ ಟೀ 70 ಜನರಿಗೆ ಮಧ್ಯಾಹ್ನದ ಊಟ: ಲಡಕಿಪಾಕ್, ಮಿಕ್ಸ್ ವೆಜಿಟೆಬಲ್, ಚಪಾತಿ, ವೈಟ್ ರೈಸ್, ಸಾಂಬಾರ್, ಬಿರಾಂಜಿ ರೈಸ್-ಮಂಡ್ಲಿ, ಉಪ್ಪಿನಕಾಯಿ, ಶೆಂಗಾ ಚಟ್ನಿ ಹಾಗೂ ಮೊಸರು 50 ಸಾವಿರ ಜನರಿಗೆ ಊಟದ ವ್ಯವಸ್ಥೆ: ಶಾವಿಗೆ ಪಾಯಸಾ, ಬಿಸಿಬೆಲೆ ಭಾತ್, ವೈಟ್ ರೈಸ್, ಸಾಂಬಾರ್, ಉಪ್ಪಿನಕಾಯಿ

ಜನವರಿ 8ರ ಮೆನು ಹೀಗಿದೆ

60 ಸಾವಿರ ಜನರಿಗೆ ಬೆಳಿಗ್ಗೆ ಉಪಹಾರ: ಮೈಸೂರ್ ಪಾಕ್, ವಾಂಗಿ ಭಾತ್, ಬೆಲ್ಲದ ಟೀ 1 ಲಕ್ಷದ ಇಪ್ಪತ್ತು ಸಾವಿರ ಜನರಿಗೆ ಮಧ್ಯಾಹ್ನದ ಊಟ: ಮೋತಿ ಚೂರ್ ಲಾಡೂ, ಕಾಳ ಪಲ್ಯಾ, ಚಪಾತಿ, ವೈಟ್ ರೈಸ್, ಸಾಂಬಾರ, ಉಪ್ಪಿನಕಾಯಿ, ಶೆಂಗಾ ಚಟ್ನಿ ಮತ್ತು ಮೊಸರು. 60 ಸಾವಿರ ಜನರಿಗೆ ರಾತ್ರಿ ಊಟ: ಗೋದಿ ಹುಗ್ಗಿ, ಚಿತ್ರಾಣ್ಣಾ, ವೈಟ್ ರೈಸ್, ಸಾಂಬಾರ್ ಮತ್ತು ಉಪ್ಪಿನಕಾಯಿ.

ಹೀಗೆ ಮೂರು ದಿನವೂ ಬಗೆ ಬಗೆಯ ಅಡುಗೆ ಮಾಡಲು ಸುಮಾರು 4 ಸಾವಿರ ಜನರ ತಂಡ ಕೆಲಸ ಮಾಡುತ್ತಿದ್ದು, ಈ ಹಿಂದೆ ನಡೆದ 7 ಸಾಹಿತ್ಯ ಸಮ್ಮೆಳನದಲ್ಲೂ ಇದೆ ತಂಡ ಊಟದ ಗುತ್ತಿಗೆ ಪಡೆದಿತ್ತು.

ನೂರಿತ ಕ್ಯಾಟರಿನ್ ತಂಡ ಹಾವೇರಿ ಜಿಲ್ಲಾ ಪಂಚಾಯತಿ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯ ಮಾರ್ಗದರ್ಶನದಲ್ಲಿ ಊಟ ಬಡಿಸೊಕೆ, ಹಾಗೂ ನೀರು ಕುಡಿಯಲು, ಕೈ ತೊಳೆಯಲು ಕೂಡ ಯಾವುದೆ ಸಮಸ್ಯೆ ಆಗದ ರೀತಿಯಲ್ಲಿ ಸಂಪೂರ್ಣ ವ್ಯವಸ್ಥಿತವಾಗಿ ಮಾಡಲಾಗಿದೆ.

ವರದಿ: ಸೂರಜ್ ಉತ್ತೂರೆ, ಟಿವಿ9 ಹಾವೇರಿ

ಪ್ರಮುಖ ಸುದ್ದಿಗಳನ್ನು ಓದಲು ಇದರ ಮೇಲೆ ಕ್ಲಿಕ್ ಮಾಡಿ

Published On - 8:15 am, Thu, 5 January 23